|
Re: رسائل في حائط الوطن ... إعلامك بيض ... المدون (Re: توفيق عيسى مكي)
|
الرسالة الثانية
الضحك والفرفشه والرقيص في نص ببيت البكاء الحار هو حالنا كسودانيين خصوصا ونحن مهجرين ولاجئين ومشردين وهي ظاهرة تستحق الدراسة لباقي الشعوب حتى لا يحدث لهم مثلنا ان دارت بهم الدوائر نحن نتابع لكل فعاليات السودانيين خارج السودان ربما في كل العالم شئ مؤسف ما أتابعه شئ مقرف بما تحمل الكلمة كل الشعوب عندما تحدث في بلادها حرب ودمار وقتل تكون كل الفعاليات اتجاهها واحد السلام وإيقاف القتل وتحفيذ للقتال وفعاليات لصالح المتضررين في الحرب واعلام ينصب لما يدور في الحرب فقط لهذا لن يقف مع السودانيين أحد عاقل كيف يقفون مع من لا يعنيهم كل هذا الموت الشنيع في اهلهم السفارات الحالية يجب أن يرفد كل من فيها بل يحاكموا كيف يسمحون لجالياتهم ان يسيئوا للسودان بهذا الشكل حفلات وقونات واحتفالات ومظاهر مسيئة كرهت فينا شعوب العالم
| |
|
|
|
|
|
|
Re: رسائل في حائط الوطن ... إعلامك بيض ... المدون (Re: توفيق عيسى مكي)
|
الرسالة الثالثة
الحرب مصيرها تنتهي ولابد نرجع لبلدنا نبنيها من اول طبعا كل مفردات حياتنا القديمة مؤكد حا تتغير وكل مجتمعنا القديم وتعاطيه لواقعه حا يكون مختلف كل اسواقنا وتجارنا ومتاجرنا ورجال أعمالنا حا يكونوا بشكل جديد وجوه جديدة حا تتصدر المشهد والواقع الجديد بالنسبة للإعلام ما حا يكون في نفس الفضائيات القديمة ولا الاذاعات القديمة ولا الصحف ولا كل ما يتعلق بثقافتنا قبل الحرب نعم تراثنا حا يتغير لان الموروث الكنا مرتكزين عليه حصل ليه فيه تغير غير ما وصلنا وكنا بنفتخر بيه نعم في ثوابت ما حا تتغير فينا هويتنا السودانية وحب بلدنا واهلنا كمان ثقافة النفير ونشيل بعض ونساعد بعض الحاجات الجميلة فينا امكن حا تزداد فينا عشان العصرة الضقناها حا تطلع أجمل ما فينا زي ايام الحرب وقبلها طلعت أسوأ ما فينا فيما يخصنا كقناة الاقتصادية السودانية مؤكد نحن ومعانا بعض القنوات الحا نتصدر المشهد الاعلامي في الايام الانتاج لينا فيها السودان ظللنا نحمل راية الاعلام المسؤول البدافع عن ثوابتنا ويحث الناس للوطنية وبناء بلدها بالعلم والوعي مافي حاجة تاني اسمها قنوات وفضائيات منوعات تشغل الناس من البناء ومافي حاجة اسمها قونات وغنى ركيك ولا الدافوري البنشاهده من فرقنا ولا الميادين الخرابات الما بتصلح للدافوري حتى هذا البناء سيشبه بناء السودان من بعد الاستقلال وأيام الانجليز زي ما حصل لاثيوبيا وزي ما حصل لرواندا وزي ما حصل للبرازيل اختفت الفضائيات الكانت كتيرة وشاغلة الناس بالفارغة لانها ما عندها محتوى ولا مستوى ولا قضية وطن وثبتت فقط القنوات البتعمل رسالة وطنية لهذا ادعموا الأعمال المرجو منها خير لبلدنا وهي فقط الحا تكون في المشهد والواقع السوداني الجديد رسالة لقبيلة الاعلاميين هو قطار التغيير جاري اليوم ان فاتتكم محطاتكم انجرفتم في الاعلام السياسي والفترة التي تلي الحرب الحديث في السياسة سيكون من المحرمات المهلكات ولن تستطيعوا مجاراة من سبقوكم في الاعلام الوطني البيبني وطن دمرته حرب طاحنة وستنكشفون للمشاهد والقارئ والمستمع السوداني كم انتم فارغون من اي محتوى مفيد في الواقع الجديد قناة الاقتصادية السودانية رائدة الاعلام السوداني الحديث
| |
|
|
|
|
|
|
Re: رسائل في حائط الوطن ... إعلامك بيض ... المدون (Re: توفيق عيسى مكي)
|
الرسالة الرابعة
قدمت قناة الإقتصادية السودانية للمجهود الحربي السوداني في فترة الحرب 13 برنامج بحلقاتها الكاملة في مجملها قرابة الثلاثون حلقة كل حلقة فيها تعادل قتال لواء كامل بكل معداته والطيران المساند له وهي برامج : 1- الروح السابعة 2- تورشين 2000 3- جرعة دواء 4- ريمونتادا 5- أجراس العودة 6- الحقيقة المرة 7- حنة وفراشة وكركدي 8- قطار الشوق 9- سنابل الحياة 10- لن ننسى 11- كله في محله 12- سنن العبور 13- فترة نقاهة وحصلت هذه البرامج مشاهدات غير مسبوقة لبرامج الاعلام السوداني اذ بلغت جملة المشاهدات أكثر من مليون مشاهدة اعلاها في تيك توك 488 الف مشاهدة وفي يوتيوب 98.6 الف مشاهدة وفيسبوك 621 الف مشاهدة وفي بقية منصاتنا على السوشال ميديا 223 الف مشاهدة واليوم وفي هذه الأيام قاعدين نصور 11 برنامج أفضل مما كل قدمنا لن نفصح عنها إلا بعد البث وهي خير ما اشتغلناه في عمر قناتكم خصوصا برنامجي قصاص الأثر والصفقة اليابسة
| |
|
|
|
|
|
|
|