|
|
|
 Re: سودانية تهوى عاشق( ود بلد ) ؟ (Re: Abureesh)
|
عبارة (ولد بلد) ما عندها أي حمولة سالبة إلا إذا اقترنت بسياق يعضّد ذلك، يا قبَّاني.
هي زيَّها وزي عبارات المدح على شاكلة (ولد قبائل) و(ولد ناس) تعني المخاطب تحديدًا ولا تفضّله على غيره.
السياق مهم. يعني إنت ممكن تقول (الزول طلع ود كلب) وهذا مدح بما يشبه الذم، لأنه السياق ممكن يعني أنه الزول ده داهية أو ذكي.
العِبرْة بالسياق دي ذكرتني بي واحد من ناس الجزيرة ديل كان في الخرطوم ومشى يشتري ليهو خروف ضحية في سوق الكلاكلة اللفة. جرَّ ليهو خروف وبعد ما جسَّاهو وفتح خشمه سأل بتاع الخرفان قال ليهو الخروف ده بي كم. بتاع الخرفان قال ليهو 50 جنيه افتراضًا. صاحبنا ردَّ عليهو عشان يورّيهو أنه بيفهم في البهائم قال ليهو: "يا زول إتَّ قايلنا ناس خرتوم ولا شنو؟ والله نحن بهائم وأولاد بهائم".
وبمناسبة أغنية (بنحب من بلدنا)، سمعت وردي مرَّة قال ما بغني الأغنية دي تاني لأنها أغنية جغرافية كانت تعبّر عن زمانها والناس الآن انطلقت إلى عوالم أرحب وممكن تحب وتتزوج من أيّ بقعة في العالم.
| |
 
|
|
|
|
|
|
|
|
Re: سودانية تهوى عاشق( ود بلد ) ؟ (Re: محمد صديق عبد الله)
|
نعم ياقباني، انا الجلابي بشاشا كشاهد ملك اشهد:
الجلابة دي عقيدتم...
نعم عندهم قناعة مطلقة انو الشمالي وحصريا هو ود "البلد" بالالف واللام، و"غيرو" اجنبي وافد!!
وهذا متداول عادي فيما بينا كجلابة في الخفاء، في السر، بعيد عن "الغرابة"!!
نعم "ودعرب" حصريا!!
نعم "سيد بلد" حصريا!!
هو اصلا المولع السودان شنو من 56م، تاريخ رحيل من صممو هكذا عقلية اي مستعمرينا، بالمزيكة لاحظ، بي نشوة، من فرط الثقة المطلقة كيف القنبلة بتاعتم دي، اي كرور عفن الوعي الجلابي سياتي اكله، وهذا حدث، ويحدث الان!!!
هكذا السودان مولع من 54م او ده كان test test قبل الرحيل!!
نعم السودان علي وشك العودة الي عصر سقوط عرش دولة رماة الحدق، لما اتفرطق السودان صامولة صامولة!!
| |
|
|
|
|
|
|
|
|
Re: سودانية تهوى عاشق( ود بلد ) ؟ (Re: Bashasha)
|
عيييييييييييييييك!!!
يادفعة، تذكر ناس حلمنتيش في الجميلة؟
تذكر قصيدة "انا اتعقد"؟
نعم:
انا اتعقد؟
ازح جمبك، وازيد الخلطة تسبيكا!!!
اها الديك او تور، زعيم خبوب كرور الوعي الجلابي المدعو محمد صديق اتعقد كيف كالعهد به!!
وقع ليكم كلامنا؟
شفتو المخلوق ده بخر عرق قدر شنو متي ما جا الكلام عن عفن الوعي الجلابي الولع بلدنا الي الثانية؟
او لما يفشل في انو يسكتك بلجأ للارهاب الفكري من الرعب، حتي لي جلابي زيو، نعم بشاشا، باستخدام ذات خطاب الارهاب المصمم لقمع "الزرقة" شغل افلاس من فرط الرعب!!
بالمناسبة ده فال خير!!
الزي ديل علي وشك الخروج من الكلخانة دي من تجربتنا الطويلة جدا في الاسافير!!
لايقبل تقول بغم عن عفن كرور كارثة الوعي الجلابي الحايمين بيهو زي ديل سبب دمارنا اطلاقا، وكنتيجة اهو ده حالنا الي الثانية من 1956م!!
اتعقد، ولذا قال لا!!!
| |
|
|
|
|
|
|
|
|
|
Re: سودانية تهوى عاشق( ود بلد ) ؟ (Re: Bashasha)
|
الشغل ده ده ياهو نظام دس السم في العسل.
الواحد يجي ينفخ كير القبلية والعنصرية وهو عامل فيها مارتن لوثر كينغ!
سجم خشم السودان إذا كان أمثال بشاشا ديل عاملين فيها حاملين لواء التغيير الاجتماعي في البلد.
قبل كده قلتها: بشاشا وشلّة الأنس بتاعته دي أخطر على السودان من جيوش أجنبية جاية تحتلّه.
| |
|
|
|
|
|
|
|
|
|
Re: سودانية تهوى عاشق( ود بلد ) ؟ (Re: محمد صديق عبد الله)
|
يعني بشاشا البعترف كشاهد ملك، بالسوو امثال بشاشا العمر دكلو، نعم امثالك أو بسوو فيهو الان، الان، ياحامل لواء كتائب البراء، فجريمة في فهمك سبب/اداة دمارنا، أما أن يتستر يبرر/يمرر امثالك كارثة مثل هكذا عقلية، فهذا يخدم السودان، مش؟؟
مرعوب انو الJalaba Privileges علي وزن White Privilege تتبخر، مش؟؟
هو سبب دمارنا اصلا شنو يا العمسيبي، بتاع "دولة النهر"؟
لوكان هناك عدد كافي من الجلابة وعو بالبسوو فيهو الذيك، كان الدمار ده وقف!!
ولكن امثالك ماعندهم مانع يمسحو السودان زاتو من الخرطة فقط عشان يواصلو الاستمتاع بذات امتيازات الحظوة بالميلاد علي حساب ارواح الملايين!!
مرة واحدة، تواضع واعترف بي كارثة/طاعون/ايدز/ايبولا وعيك ده، الصاغو الاحتلال لتدمير السودان بالوكالة!!
| |
|
|
|
|
|
|
|
|
|
Re: سودانية تهوى عاشق( ود بلد ) ؟ (Re: Bashasha)
|
يعني هسي منشور زي ده ناخدوا من ياتو منظور؟
منظور فنّي؟
منظور اجتماعي؟
والنتائج المرجوة منو شنو؟
وهل إثارة موضوع زي ده في "وقت زي ده" من الحكمة في شيء؟
غايتو نشر هذا المنشور في هذا التوقيت الحسّاس في تقديري ما هو إلا تأجيج للفتنة مغلّفة بلمسة فنيّة، ولا يختلف كثيرًا عن نشر فيديو عنصري من أيّ طرف.
| |
|
|
|
|
|
|
|
|
|
Re: سودانية تهوى عاشق( ود بلد ) ؟ (Re: محمد صديق عبد الله)
|
| Quote: غايتو نشر هذا المنشور في هذا التوقيت الحسّاس في تقديري ما هو إلا تأجيج للفتنة مغلّفة بلمسة فنيّة، ولا يختلف كثيرًا عن نشر فيديو عنصري من أيّ طرف. |
جاييك يا بشاشا ..
بس ارد على محمد صديق ..
مغلفة كيفن يعني ؟
كلامي ياهو ده واضح و صريح :
Quote: فماذا حدث للسودانيين ؟
و كيف تحولت كلمة اولاد بلد من كلمة شاملة لكل السودانيين الى كلمة عنصرية بحتة في عصرنا المعكر هذا !!!!!! |
التوقيت يا شيخنا احسن من زمن كل مشاكلنا نابعة من العنصرية الجوانا .. انت الداير يغتغت و تمشي يا حبيب ما انا ..
انا اوضح من شمس الله و اكبر دي يا جميل ..
| |
|
|
|
|
|
|
| |
يحي قباني
Abureesh
محمد صديق عبد الله
Bashasha
فيس بوك
تويتر
انستقرام
يوتيوب
بنتيريست