مبارك الفاضل يحدد الصين كشريك استراتيجي للسودان اقتصاديا ربما يكون قد (تعدى)على بوستات الاخ عادل امين دعا مبارك الفاضل رئيس حزب الأمة، السلطات إلى التركيز على العلاقة مع الصين، وقال الفاضل: عام ٨٩ زرت الصين علي راس وفد عسكري عقدنا صفقة لتسليح الجيش السوداني بمختلف الاسلحة بكلفة ٢٥٠ مليون دولار دفعناها نقدا.
واضاف “الصين هي الشريك الاستراتيجي المفترض للسودان اقتصاديا في تطوير انتاج البترول وبناء السكة حديد والموانيء والتعدين وهم على استعداد للدخول في اتفاقات استراتيجيه لكن الفوضي التي ضربت قيادة الدولة بعد الثورة وغياب الرؤية الاستراتيجية جعلنا نسلم امرنا للغرب الذي لا يملك لنا غير الاملاءات.
ونوه الفاضل إلى ان الشريك الاستراتيجي الاخر للسودان هو دول الخليج لانها تحتاج للغذاء وتحتاج استثمار اموالها والسودان زاخر بالموارد. المصدر: وكالات منقول من الراكوبة تعليقات
Theman: 4 نوفمبر، 2023 الساعة 9:32 ص اول مرة نشوف واحد فاشل بيتكلم عن الاخرين. مبارك الفاضل الشهير بمبارك الفاشل كان هو وزير الداخلية في العام ١٩٨٩م عندما قام تنظيم الكيزان الارهابي الدموي الفاشل بعمل انقلابه. ففر مبارك الفاضل الشهير بمبارك الفاشل هاربا الى ليبيا بعد ان سلم البلاد والعباد الى تنظيم ارهابي دموي مجرم كتنظيم الكيزان. مبارك الفاضل الشهير بمبارك الفاشل كان مساعد رئيس الجمهورية والرجل الرابع في الدولة لكنه كالعادة فشل فشلا زريعا ولم يسجل له اى انجاز بل كان مسخرة للكيزان الارهابيين خاصة الكوز الارهابي عوض احمد ابكر الشهير بعوض الجاز. مبارك الفاضل الشهير بمبارك الفاشل كان وزيرا للاستثمار لكن في عهده لم نشهد اى استثمار بل كان كله فشل في فشل وخزينة الدولة فضت من ٢٠١٣م والخارطة الاستثمارية فشلت ولم يستطيع ان يحقق نجاح واحد يذكر له لانه انسان فاشل بطبعه. نذكر هنا مقولة الصادق المهدي عنه عندما قال (مبارك الفاضل لا الفرح بيفرحه لا الزعل بيزعلوا) بمعنى انه انسان لايحس ولا يشعر انسان خالي الدسم. مبارك الفاضل بجانب فشله المزمن الزول دا برضو مغبون شديييييييد من الثورة ومن تحالف الحرية والتغيير المجلس المركزى الغبينة عاوزة تشقو. الفاشل مبارك الفاضل لو بلع ريقو ممكن يتسمم ويموت من الغل اللى جواه. اعوذ بالله من الزول المغبون دا
رقراق: 4 نوفمبر، 2023 الساعة 12:24 م مبارك الفاضل أصبح لسان غيره , و استراتيجية الكيزان أضحت واضحة منذ بدء تحركات البرهان الاخيرة بأقالة و تكوين حكومة جديدة أستعدادا للبند السابع و العقوبات الاقتصادية المزمعة . شركاء الماضى الى الواجهة مرة أخرى , وقطعا يشى بأن الحرب ستطول , و ان لا مفاوضات فى الافق.
على نورين: 4 نوفمبر، 2023 الساعة 3:00 م لورد الفساد الاول وصاحب الرخص التجارية الضاربة ذات العمولات المدنكلة, اسوأ عهد فساد وزارى كان فى عهد هذا المتسلق المتطفل على السياسة, لا أدرى لماذا تعطى له مساحة فى الاعلام وهو على أرض الواقع لا يسوى شيئ بتاريخه الملوث.
11-05-2023, 03:30 AM
adil amin
adil amin
تاريخ التسجيل: 08-01-2002
مجموع المشاركات: 37022
سلام حيدر مبارك الفاضل والزيو في السودان كتار ما عندهم رؤية متكاملة وطنية او اقليمية او دولية والسياسة تمارس في السودان بطريقة فطيرة والمقارنة معدومة بين رؤيتي الوطنية والاقليمية والدولية من كلام مبارك ده ثانيا الفشل ماركة مسجلة للجميع قحت1وقحت2 والجنرالات او الدعم والنتايج قدامك ومستمر ايضا لا حامل فكري ثابت ولا رؤية انا لمن راهنت على الصين في البورد ده من 2002 عارف النظريات التي تحرك العالم وتنافضل الراسنالية والبنك الدولي وسفن سسترس والقتلة الاقتصاديين في العالم الثالث ونشرتها هنا
Quote: ونوه الفاضل إلى ان الشريك الاستراتيجي الاخر للسودان هو دول الخليج لانها تحتاج للغذاء وتحتاج استثمار اموالها والسودان زاخر بالموارد.
دول الخليج الوسخة ما عدا الكويت وسلطنة عمان ما تلزمني في السودان بدون ((وزارة التخطيط وتعاون دولي)) لتعاملهم المشين مع نظام الانقاذ الدول الخمسة دي تحديدا مصر السعودية الامارات او تركيا قطر وامشي شوف بوست تسعة طويلة الناهبة للسودان عشان تعرف من بتين نحن فضحنا نهب الموارد في السودان وحددت البدايل الواعية قلت السودان يمشي تاني في اتجاه دول الايقاد والحزام المداري وسمكرة جنوب السودان بالحريات الاربعة والجنسية والمزدوجة والنفط مقابل الغذاء البرنامج واضحة ومشروحة بالرسومات والصور كمان في البورد ده من 2002-2023 لكن الفاشلين من كل صنف وملة ما عارفين لحدي هسة يتجهو على وين كيسهم فضا وما بحترمو حاجات لاخرين وانا جبتنا ليهم كل البرنامج السودانية في اطار الحكم الاقليمي واعادة سمكرة سودان من قبل 30 يونيو 1989 وتجاوز مذبلة الانقاذ كلها وشوفهم هم في شنو في بدعة ما عدا المؤتمر الوطني الصين تجي تتعامل مع منو ومع شنو والقردة تلهو في السوق يا حيدر وينا البنرامج والمشاريع ووينا وزارة التخطيط ولتعاون الدولي ومشو ليها السماسرة ديل جبريل ومالك عقار والكيزان لا مبارك الفاضل ولا قحت ولا الجنرالات والا الدعك شغالين بي النصائح والافكار القدموها الناس المحترمين عبر العصور ولا الشباب المسكين التائه لحدي هسة في االاقاليم بعد باظ المركز والمليونيات المملة اي بوست نزلتو في سودانيز اون لاين تاريخ ومشاريع بجي الزمن شباب واعي يقيموها ويلقحو دول الايقاد والحزام المدراي وعودة كوش العظمى والسودان اقوى قوة اقتصادية في يعطله فلنقليات العرب واسرئيل والاتحاد اللاوروبي وامريكا والبنك الدولي وسفن سسترس ناس اوت اوف ديت سايقين الشباب بي الخلا والعاقبة للمتقين والتوعية مستمرة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة