|
|
|
 Re: ناس كندا يلا نتكلم عن Group of five Sponsorship (Re: النصرى أمين)
|
سلام النصرى,
كيف الاخبار.
افتكر برضو شرط الـ 5 اشخاص يكونو في نفس المدينة او المتروبوليتان.
المعضلة دائما في ايجاد 5 اشخاص عندهم امكانية يصبو 10 الف في الخزينة لمدة 2 سنتين.
عندما يصل الشخص, يمكن مساعدته لايجاد عمل في اقرب فرصة و بالتالى يمكن استخدام نفس المبلغ في الحساب لاحضار شخص اخر و هكذا يمكن تدوير المبلغ الى ما لا نهاية.
| |
 
|
|
|
|
|
|
|
|
Re: ناس كندا يلا نتكلم عن Group of five Sponsorship (Re: Mahjob Abdalla)
|
يا محجوب نحن شعب لا يعرف العمل الجماعي ، حتى لو حدث ، تحصل المشاكل و الغيرة و الحسد .
عشان كده نحن افشل الجاليات فى العالم من حيث نجاح البيزنس لانه كل واحد داير يعمل لوحده بعيدا عن شراكة الآخرين.
الحل الوحيد يتم العمل وسط الاصدقاء و الاهل ، بس كمان المشكله انو الاغلبيه العظمى من السودانيين شغال حق اليوم باليوم و انا منهم .
| |
|
|
|
|
|
|
|
|
Re: ناس كندا يلا نتكلم عن Group of five Sponsorship (Re: tasneem)
|
سلام يا النصري
| Quote: يا محجوب نحن شعب لا يعرف العمل الجماعي ، حتى لو حدث ، تحصل المشاكل و الغيرة و الحسد . |
ما نقسوا على انفسنا
الفكرة تنفيذها ما ساهل وتحمل داخلها مصدر كبير للإختلاف بين الناس.
الفكرة تحتاج تضامن خمسة اسر من حملة الجوازات او المقيمين الدائمين وكل اسرة تجمد مبلغ عشرة الف دولار لمدة تصل لتلاتة سنين من اجل إحضار اسرة واحدة.
لو قلنا أنا وإنت ومحجوب ومعانا اتنين تانين نكون مجموعة نعمل مع بعض لإحضار أقاربنا المختلفين القاعدين في مصر ومسجلين فى معتمدية اللاجئين و عندهم كروت اللجوء.
في كل تلاتة سنين بنقدر ندخل اسرة واحدة فقط. واول اسرة من اسرنا الخمسة حتجي بعد تلتة سنين وآخر اسرة بعد 14 سنة.
أكيد أنا ما حأقبل بترتيب يضع اسرة اقربائي في المؤخرة عشان يجوا بعد 14 سنة.
وأكيد في ظل الشح المالي الحاصل لأغلب السودانيين حيكون التفكير في أن كل اسرة من حملة الجوازات او المقيمين توظف ال10 الف دولار بطريقة تانية لإحضار الأسرة الأقرب لها.
شوف لينا الجبش و الإريتريين و اليمانية قاعدين يحلوا الخلاف دا كيفن ويوفروا المبالغ دي كيف.
| |
|
|
|
|
|
|
|
|
|
Re: ناس كندا يلا نتكلم عن Group of five Sponsorship (Re: Hafiz Bashir)
|
اهلا تسنيم
شروط التقديم للخمس كفلاء هى: يحمل الجنسية الكندية او مقيم دائم ، سجله نضيف من الجرائم و ادانات المحاكم.
يعنى تقريبا اى سودانى فى كندا ممكن يكون كفيل لو استوفى الشروط ، لكن المشكلة عند ايداع مبلغ الضمان فى احد البنوك الكندية، فى تحقيق
شديد حول كيفية جمع المبلغ و مطلوب مستندات كتيرة منها سجل الضرائب السنوية و مستندات مثل T4.
التقديم نفسه بقى اونلاين من تلاته يوم و هو غير معقد ، انا فى ساعة مشيت شوط كبير .
نقطة مهمة اخرى المبلغ يجب ان لا يكون من personal loan or line of credit
| |
|
|
|
|
|
|
|
|
|
Re: ناس كندا يلا نتكلم عن Group of five Sponsorship (Re: Mahjob Abdalla)
|
سلام يا محجوب
اعتقد نسبة بسيطة فى كندا عندهم توفير عشرة دولار ( وحتى السودانيين فى الخليج او امريكا و غيرها من الدول اعتقد
عدد قليل عندهم عشرة الف دولار قاعدة بالجنبة . الحرب دى انتهت من ناس كتار و اكلت مدخراتهم .
بالنسبة للمبالغ المذكورة فى مداخلتك دى الحد الأدنى و ينصح زيادتها.
ايضا معلومة بعد الاطلاع على موقع الوزارة
اذا كان الكفلاء (على الاقل ثلاثة منهم) قادرين ماليا و يقدرو يثبتو دخلهم العالى ليس من الضرورة فتح حساب ضمان
والله اعلم
| |
|
|
|
|
|
|
|
|
|
Re: ناس كندا يلا نتكلم عن Group of five Sponsorship (Re: tasneem)
|
الاخت تسنيم,
سلام.
المبلغ المطلوب وضعه في الحساب حسب عدد افراد الاسرة المسجلين. لو شخص واحد, مطلوب 16 الف دولار كحد ادنى لاعانته لمدة سنة.
في الحالة دى, مجموعة الخمس اشخاص ممكن كل واحد فيهم يساهم بـ 3500 دولار. لو الاسرة مكونة من 5 او سنة, المبلغ المطلوب 50 الف و في هذا الحالة, مساهمة المجموعة 10 الف لكل شخص.
| |
|
|
|
|
|
|
|
|
|
Re: ناس كندا يلا نتكلم عن Group of five Sponsorship (Re: السر عبدالله)
|
سلام السر,
نعم في كنائس و منظمات مدنية كثيرة شغالة بتجيب ناس و اى شخص او مجموعة ممكن يسجلو جسم جديد و يعملو سبونسرشيم و بالنسبة للمنظمات لا يتطلب حتى تسجيل رقم من الامم المتحدة.
في شهر 11 من كل سنة, المنظمات بتقدم و تستلم كوتتها السنوية لعدد الناس الممكن يعملو ليهم كفالة و يجيبوهم.
لو مشيت لاى كنيسة شغالة فى المجال, بقولو ليك هم عندهم المكفيهم و ما بقدرو يضيفو زول جديد.
| |
|
|
|
|
|
|
|
|
|
Re: ناس كندا يلا نتكلم عن Group of five Sponsorship (Re: Mahjob Abdalla)
|
اهلا السر
كيفك و كيف مسقط راسنا سانت كاثرينز الحنينة
طبعا بند السكن هو اكبر بنود مبلغ الضمان، لو قدر الواحد يتفق مع كنيسة تلتزم بس بسكن الاسرة اللاجئة
يكون مكسب كبير لان باقى التكاليف ممكنه لحد ما ...
دلوقت انا بقابض فى اصحابي الكنديين المتديين عشان اعمل اتفاق زى ده مع كنيسته
الله يلعن البرهان و حميدتى انتهو مننا
| |
|
|
|
|
|
|
|
|
|
Re: ناس كندا يلا نتكلم عن Group of five Sponsorship (Re: النصرى أمين)
|
سلام... النصري وشركاه
يعني اكتر من (36.000$) دولار امريكي
هل ممكن المبلغ دا يحول من اي مكان لحساب شخص،موجود في كندا؟
اكيد الكفيل او الضامن حيتسئل "من اين لك هذا؟"
اليمنيين والحبش والصوماليين عندهم الاحساس بمعاناة بعضهم وبساعدوا بعض وناس بتفكر
بايجابية وبعد نظر....عشان كدة بنجحوا.
| |
|
|
|
|
|
|
|
|
|
Re: ناس كندا يلا نتكلم عن Group of five Sponsorship (Re: Ahmed Yassin)
|
اهلا أحمد
خمسين الف دولار كندى لاسرة من خمسة افراد
بالنسبة لسؤالك | Quote: اكيد الكفيل او الضامن حيتسئل "من اين لك هذا؟" |
نعم فى سؤال عن مصدر القروش لكن ما اعتقد أسئلة نكير ، اهم شى ما يكون من
Credit card or line of credit
كدى رسل ل عشرة الف دولار أمريكي امشى بيها طلبى و تشوف نوعية الأسئلة شنو حول مصدر الأموال
| |
|
|
|
|
|
|
|
|
|
Re: ناس كندا يلا نتكلم عن Group of five Sponsorship (Re: النصرى أمين)
|
سلام احمد ياسين,
لتجنب اسئلة منكر و نكير من ناس الحكومة, ممكن تحول مبالغ عن طريق الصوماليين البستلمو المبلغ هناك و بسلمو زول هنا كاش. زول هنا ممكن يدفعو فواتيره كاش و يخلى دخله الرسمى في التوفير و بكدا لا من شاف لا من درى.
____________
طبعا في ناس بحولو قروشهم لزول هنا عشان يعمل الاسبونسرشيب.
| |
|
|
|
|
|
|
| |
Mahjob Abdalla
Hafiz Bashir
السر عبدالله
Ahmed Yassin
فيس بوك
تويتر
انستقرام
يوتيوب
بنتيريست