|
|
|
 Re: تحييد مطار نيالا في حال سيطرة الجنجويد (Re: Elhadi)
|
كتب الاخ. الهادي
Quote:
(((عاشت القوات المسلحة السودانية حامية للأرض والعرض والوطن))) |
مع انو. انا.مع انهاء. وجود المليشيات والرهان علي جيش قومي ومهني واحد
الا اني اعي تماما. هذه المعطيات
انو الجيش الذي وصفه الهادي. بما وصفه في اعلاه هو ذات. الجيش الذي
اغلق بواباته امام الثوار صبيحة مجزرة القيادة العامة وطرد من دخل منهم - وجلس يتفرج علي القتل والسحل والحرق والاغراق والاعتصاب
وهو ذات الجيش الذي تشارك الجنجويد في مجازر دارفور
وحارب بالوكالة في اليمن
وهو ذات الجيش الذي ترابه محتل من قبل اثيوبيا ومصر
فاين هي حماية المواطن والعرض والارض والسيادة ؟
وهو الان في غالب الوقت متحصن في قواعده وتارك المواطنين ارواحا وممتلكات فريسة لمليشيا الجنجويد
مثل هتافيتك هذه تضر والانتفع وهي هتافية رغبوية لاتعبر عن ما يحدث في الواقع وهي تجافي المنهج النقدي. الذي يعترف بالقصور
!
انا شخصيا اري ان الجيش نفسه ضحية لتدمير ممنهج قام به الكيزان والبرهان لصالح الجنجويد
ولا امل في حسم عسكري او تفاوض من مركز قوة في ظل هذه القيادة الكسيحة
فالجيش بحكم نظمه وبحكم التراتبية يتبع قيادته وينفذ. تعليماته وللاسف القيادة كسيحة ولايستفيم الظل والعود اعوج !
| |
 
|
|
|
|
|
|
|
|
Re: تحييد مطار نيالا في حال سيطرة الجنجويد (Re: كمال عباس)
|
أخونا كمال عباس
تمام أتفق معاك في سوء قيادة الجيش وفي أنهم ارتكبوا مع شركائهم الآخرين من المليشيات والأحزاب السياسية في قوى الحرية والتغيير من الجرائم في حق الشعب السوداني
ما يندى له الجبين وفي مقدمتها جريمة فض الاعتصام والتآمر على ثورة الشباب والمواطنين السودانيين
ده كلو متفق معاك فيهو- الجرائم البتتكلم عنها دي جرائم مشتركة بين الأطراف التلاتة
يعني جريمة فض الأعتصام نفذها الجيش والجنجويد وتواطأت معهم قحت بتوفير الغطاء السياسي لتمرير الجريمة
لكن كل هذا لا يلغي (أولوية) انتصار الجيش كمؤسسة وطنية مملوكة للدولة السودانية على مليشيا إجرامية زي مليشيا الجنجويد
وبعدين الحرب نفسها على كل مافيها من سوء ومن مآسي لكن من الناحية التانية توفر فرصة لإضعاف الأطراف التلاتة ديل - إذا كان يهمك النظر من هذه الزاوية
وانت قايل الجيش بيتلكأ في حسم المعارك العسكرية مع الجنجويد لي شنو يعني ؟؟
وانت قايل الجيش يتلكأ في حسم المعارك لي شنو ؟؟
| |
|
|
|
|
|
|
|
|
|
Re: تحييد مطار نيالا في حال سيطرة الجنجويد (Re: Biraima M Adam)
|
يقولوا للهادي تيس يقول أحلبوه
Quote: لكن كل هذا لا يلغي (أولوية) انتصار الجيش كمؤسسة وطنية
مملوكة للدولة السودانية على مليشيا إجرامية زي مليشيا الجنجويد
|
يقول ليك دا تفكير رغبوي
لا برضو الجيش لازم ينتصر
ينتصر كيف وبشنو
ما ضروري بس لازم ينتصر
يقولوا ليك كتل اولادنا في ساحة الإعتصام
لا برضو جيش الوطن لازم ينتصر
يقولوا ليك إختطفوه الكيزان من سنة تسعين القرن الماضي
لا دا جيش الوطن لازم ينتصر
طيب تعال حارب معاه
لا ما بحارب معاه لكن لازم ينتصر
وتحول الحوار السوداني إلي حوار طرشان
| |
|
|
|
|
|
|
|
|
|
Re: تحييد مطار نيالا في حال سيطرة الجنجويد (Re: Nasr)
|
Quote: انا شخصيا اري ان الجيش نفسه ضحية لتدمير ممنهج قام به الكيزان والبرهان لصالح الجنجويد
ولا امل في حسم عسكري او تفاوض من مركز قوة في ظل هذه القيادة الكسيحة
فالجيش بحكم نظمه وبحكم التراتبية يتبع قيادته وينفذ. تعليماته وللاسف القيادة كسيحة ولايستفيم الظل والعود اعوج ! |
الاخ . كمال . اتفق معك ١٠٠% . ايضا مع الرجل الوطني الاصيل الهادي ٢٠٠% .
مطار شنو يالهادي البقدروا يشغلوا الاوباش ديل " هم فاضين من التصوير " ؟
يالهادي لو شفت الخرطوم في هذا الوقت ، لاندهشت من كمية العربات المقلوبة ، او العاملة حادث ، جراء عدم معرفتهم بقيادة السيارات السرقوها من المواطنين .
( غايتو الله يعوض اصحابها )..
.....
كان جابوا بريمة ممكن يعمل ليهم ٣ Runway ، بدل واحد ، علي نسق مطار نيويورك ، ويعلمهم الاقلاع بطائرات ورقية .😀
.
تحياتي الهادي،،،،
| |
|
|
|
|
|
|
|
|
|
Re: تحييد مطار نيالا في حال سيطرة الجنجويد (Re: Mohamed Adam)
|
| Quote: تأتى امريكا والسعودية ح تبنى مطار نيالا وتعملان حظر لكل خردك ما تطير بفوق سماء نيالا. |
خرد منو ياسجم الرماد ؟
انت يامحمد خراء ، انا كم مره قلت ليك اتكلم كللم عام وابعد عن الشخصنه ، بس الظاهر عليك انت زول حمار ومابتفهم .
طظ فيك ، وفي امريكا وفي السعودية كمان .
وانشاء صدقت انو المطار بقي حق الخونه الزيك ديل البحتموا بامريكا والسعودية ؟
والله ياموهوم . نيالا دي زاتها ، تاني نوعك ده مابدخلها الا بتاشيرة دخول ، حتي لو انت مولود فيها .
قال خرد قال . الخرد دي اسال منه جماعتك .
" اتشهود يامحمد ادم " ياسجم
| |
|
|
|
|
|
|
|
|
|
Re: تحييد مطار نيالا في حال سيطرة الجنجويد (Re: Hasheem Karouri)
|
طيب يا نصر أجيبا ليك من الآخر
لو ما في جيش كلو كلو ـ خالص ما في جيش نقول
انحنا برضو ضد المليشيا
ولو في جيش وقائده عمر البشير زاتو ـ ( وأنا الحقيقة لحدي اللحظة دي ما عارف الفرق شنو بين عمر البشير والبرهان ـ يمكن القحاتة شايفين ليهم فرق لكن أنا شخصياً ما شايف ) ـ لكن حتى لو رجع عمر البشير لقيادة الجيش وحارب المليشيا
انحنا مع الجيش ضد المليشيا حتى في الحالة دي ـ دون أن يغير هذا شيئاً في خلافنا وصراعنا "السياسي" مع عمر البشير
موقفنا من المليشيا ما متعلق خالص خالص بصراع سياسي ـ لأنو المليشيا ما كيان سياسي وليست لديها قضية سياسية بالأساس ـ بل هي كيان للجريمة المنظمة
| |
|
|
|
|
|
|
|
|
|
Re: تحييد مطار نيالا في حال سيطرة الجنجويد (Re: Elhadi)
|
الكتير من الناس الواقفين مع الجيش في معركته ضد المليشيا ـ وأنا واحد منهم ـ عندنا موقف واضح ضد البرهان وضد مشروعية البرهان ـ وموقف ضد الكيزان
أنا مثلاً لا معترف بالبرهان كرئيس لمجلس السيادة ـ لا الآن ولا سابقاً ـ ولا معترف بمجلس السيادة (لا الآن ولا سابقاً ) ولا حتى بالوثيقة الدستورية وكل الهرار النجم عن الوثيقة الدستورية ( لا الآن ولا حتى سابقاً)
لكن ده ما وقته ولا حتى أولوية الآن
الكلام ده عاوز ليهو درس عصر ؟؟
| |
|
|
|
|
|
|
|
|
|
Re: تحييد مطار نيالا في حال سيطرة الجنجويد (Re: Elhadi)
|
يللا رغم كده :
تجي تلقى ناس شايفين البرهان عندو مشروعية ـ وشايفنو ومعترفين بيهو رئيس لمجلس السيادة ـ أو كانوا معترفين بيهو رئيس لمجلس السيادة
ومستعدين تاااااااااااااني يعترفوا بيهو رئيس لمجلس السيادة ـ ولو عمل السبعة وذمتها من جرائم
وبعد ده تجي تلقى كمان عندهم قوة عين عشان يزايدو عليك
موش غريبة ؟؟
| |
|
|
|
|
|
|
|
|
|
Re: تحييد مطار نيالا في حال سيطرة الجنجويد (Re: Elhadi)
|
ووهمة التسوية السياسية الجابت البرهان رئيس لمجلس السيادة أنا زاتي ما معترف بيها ـ وشايفا أكبر ماسورة ركبها الشعب السوداني.
وشايف البرهان ده عمل انقلاب قصر على البشير ـ دي قناعتي الشخصية ـ انقلاب داخل نظام البشير، وبالتالي النظام السياسي الجاء بعد 11 أبريل 2019 وبعد توقيع الوثيقة الدستورية
أنا شايفو ومقتنع تمام الاقتناع انو امتداد لنظام الإنقاذ ـ وانو حصل انقلابين مزدوجين ـ واحد داخل الحركة الإسلامية والمؤتمر الوطني والآخر ضد البشير ـ (وعندي من الشواهد والدلائل ما يكفي ويخليني مرتاح جداً للقناعة دي)
سيطر بعدها جناح علي كرتي على السلطة واستمر يحكم (من وراء ستار) من خلال البرهان والمجلس العسكري ومن خلال الدلاهات والبلهاء في قوى الحرية والتغيير قحت المركزي
وبالتالي كلام الحرية والمدنية ومحاربة الكيزان والوهمة دي ما بتشتغل ولا بتقسم معاي أنا بالذات ـ ولو قعدتو تأذنو من هنا للسنة البعد البعد الجاية.
| |
|
|
|
|
|
|
|
|
|
Re: تحييد مطار نيالا في حال سيطرة الجنجويد (Re: Elhadi)
|
وأزيدك من الشعر بيت يا نصر عشان ما تجي تنطط لي كلو مرة بكلام لا يودي ولا يجيب
لجنة التمكين ـ آله العجوة المزعوم حقتكم ديك
أنا موش بس شايف ـ لا أنا عارف أنها كانت واحدة من الأدوات التي استخدمها علي كرتي ومجموعته في ضرب وتصفية حساباته مع بعض خصومه داخل الحركة الإسلامية.
وإنها كانت عبارة عن وهمة في شكل وردة.
| |
|
|
|
|
|
|
|
|
|
Re: تحييد مطار نيالا في حال سيطرة الجنجويد (Re: Elhadi)
|
أخونا الهادي كتب
| Quote: لكن كل هذا لا يلغي (أولوية) انتصار الجيش كمؤسسة وطنية مملوكة للدولة السودانية على مليشيا إجرامية زي مليشيا الجنجويد |
مافي مشكلة والجيش المؤسسة يجب أن يبقي ولايحل بل يتم إصلاحه وتقويمه
وإدخاله لجراحة وتطهير جزري ـ
وأضيف إن هناك شرفاء في الجيش علي مستوياته الوسيطة ورتبه الصغيرة والدنيا يجب أن يبني عليها ـ لا علي العدم ـ جيش قومي واحد ومهني ومؤمن بالديموقراطية والحكم المدني وخيار الشعب
أما المليشيات فيجب أن تذهب حلا وتوفيق أوضاع وخلافه
-ولكنه نقطتي المهمة هنا هي أن الجيش يتبع قيادته ورتبه العليا والتراتبية ويطيع
الأوامر والتعليمات ـ تعليمات القيادة الكسيحة والخائنة والغادرة
والتي لاإعتقد ستحقق حسما أو نصرا
أما الجنجويد فهم خارج رهان ووجدان شعبنا !
| |
|
|
|
|
|
|
|
|
|
Re: تحييد مطار نيالا في حال سيطرة الجنجويد (Re: كمال عباس)
|
قلت ليك إنه الحوار الحاصل بيناتنا دا حوار طرشان
كل واحد بقول في كلامه وبسمعه وما بسمع الآخر
عشان نفهم بعض كويس
خلينا نفرق بين الحاجات
أولا خلينا نفرق بين أهمية إنتصار الجيش وبين إمكانية إنتصار الجيش
إنت بتري أن هناك أهمية لأنتصار الجيش
بدون أن تري الأمكانية لإنتصار الجيش
وأنا بقول ليك الجيش ما عنده إمكانية ينتصر
وعشان كدا بقول ليك تفكيرك دا تفكير رغبوي
لأنك ببساطة شايف الأهمية ومتعامي عن الإمكانية
طيب الحاجة التانية التي تختلط فيها الفهوم
لمن أقول ليك الجيش ما بنتصر
هذا لا يعني أنني أتمني إنتصار الجنجويد
طيب بالواضح وبالأماني كدا أنا ما داير الجنجويد ينتصروا
لكن لو أنني وقفت في حتة الاماني بكون بفكر بنفس طريقتك
(طريقة خلونا نتمني أن ينتصر الجيش وبس وفضوها سيرة وما توجعوا دماغنا)
طبعا حنوجع دماغك بالكلام الما داير تسمعه
لأنه دا كلام البكيك وإنت داير كلام البفرحك
لكنه الكلام المفروض يتقال
ماذا حدث للجيش حتي أصبح عاجزا حتي عن حماية مقراته؟؟؟؟
دا السؤال المهم
الكيزان ما دايرين زول يجيب سيرة للحكاية دي
لأنهم هم من أجرم في حق الجيش وأوصلوه لهذه الحالة من الضعف
قصدا وعمدا وبالتخطيط المحكم
طبعا عندك ألف حق ما تتفق معاي
بس وريني رأيك إنت شنو في كلامي القلته ليك دا
وخلينا هسع من قحت والبرهان والأشياء من هذ القبيل
(لمصلحة الحوار وعشان نقدر نركز شوية)
ممكن تقول لي:
آي الكيزان خربو الجبيش لكن برضو جيشنا وبنتمي إن ينتصر
(حتي بدون دعمه وإصلاحه والحرب معه ... ينتصر بس ولو بعون ملائكة من السماء)
المهم
الإختلاف بيننا في هذا النقطة واضح وكبير
بس خلينا نتحاور وفي بالنا مصلحة البلد والأحسن شنو عشان نتفادي هذه المحن
| |
|
|
|
|
|
|
|
|
|
Re: تحييد مطار نيالا في حال سيطرة الجنجويد (Re: Elhadi)
|
نواصل يا الهادي في النقاش
ونقتطف من كلامك هذا المقطع
Quote: القال ليك منو يا نصر أنا ما شايف إمكانية لانتصار الجيش ؟؟
الجيش لديه كل الإمكانيات والقدرات العسكرية للانتصار |
عشان ما يتبقي كلام إنشاء ساكت
وريني ما تعرف عن إمكانيات الجيش التي يمكن أن تقوده للنصر
مثلا
عدد الجنود والضباط
عدد الآليات من دبابات وعربات مجنزرة وعربات نقل جنود
وطائرات مقاتلة وطائرات نقل ومدافع
ما تقول كلام الإنشاء عن الشجاعة والبسالة
في الحروب في مثل بيقول الكثرة غلبت الشجاعة
والمعلومات البسأل عنها ما سرية ولا حاجة
كل حيوش العالم معلوماتهم متوفرة ودا البيقيموا بيهو قوة الجيش
بالمناسبة
سقوط نيالا دا ما أداك أي فكرة عن الجيش السوداني ؟؟؟؟؟
طيب
سؤال الجيش عنده إمكانيات لكن راضي بالهزائم ما قاعد يخليك تفكر ؟؟؟؟؟؟؟؟
| |
|
|
|
|
|
|
| |
Elhadi
كمال عباس
Biraima M Adam
Nasr
Hasheem Karouri
Mohamed Adam
فيس بوك
تويتر
انستقرام
يوتيوب
بنتيريست