|
|
|
 Re: بشاشا: هل كليوباترى من اصول ماسدونية؟ الم� (Re: Mahjob Abdalla)
|
شلوم سعادة ملك الريف...
خليك عارف، أنا ولي العهد ناوي اقوم بي انقلاب واستولي علي العرش، لانك بتتساهل معا ناس قباني ديل، زعيم مملكة المدن.. ولذا لزم التحذير!!!
بالنسبة لموضوع البوست حاجييك بي مهلة..
ده هو ذات شغل الكديس معا الفار، في المركب لما احتجا الكديس أو قال للفار ماكتحني أو هو كايس يجغمو جعان كان المسكين اليوم كلو في مركب طرورو مصوب!!
هذا ذلزل كيان احفاد الغزاة بي صورة لايمكن تتخيلا، ولهذا مصرين علي وهم عروبة السودان، كمخدر ناجع، خدم اغراضم بما لم يحلمو به!!!
| |
  
|
|
|
|
|
|
|
|
Re: بشاشا: هل كليوباترى من اصول ماسدونية؟ الم� (Re: Bashasha)
|
| Quote: خليك عارف، أنا ولي العهد ناوي اقوم بي انقلاب واستولي علي العرش، لانك بتتساهل معا ناس قباني ديل، زعيم مملكة المدن.. ولذا لزم التحذير!!! |
سلام بشاشا,
بالمناسية, يحيى قبانى و شخصى اولاد حلة واحدة.
عموما حسب كلام باسم يوسف, تقريبا بؤكدا انو اغلب المصريين منحدرين من اصول اوربية و حتى ملكتهم كليوباترا. اذا الاهرامات ذاتها بنوها الاوربيين.
| |
|
|
|
|
|
|
|
|
|
Re: بشاشا: هل كليوباترى من اصول ماسدونية؟ الم� (Re: Mahjob Abdalla)
|
موضوع كيلوباترا ده، عشان نفهمو صاح، هو تجسيد تنزيل لي قضية الحرب الكونية المدورة بطول وعرض ال200 سنة الماضية حول ارثنا نحنو الحضاري، ونحن كسودانيين فاخر من يعلم بهذا، ولهذا ماصدفة كيف احنا هم ابرذ جنود المعسكر الاخر ضدنا وهذا مذهل.
ده موضوع ضخم جدا جدا، نزل الشارع منذ الثمانينات، واكاديميا تم حسمو نهائي بواسطة مقاتلي المدرسة السودانية اي الافريقية، بداية بالسبعينات في مؤتمر مفصلي كان في القاهرة نظمتو الامم المتحدة "اليونسكو" بزعامة شيخنا ديوب ورفيقو اوبانقا او في المؤتمر ده كان هناك سوداني من شعبة الاثار فيما اظن، كلية غردون، بحارب معا احفاد الغزاة او ضد المدرسة السودانية بزعامة شيخنا ديوب، تخيلو!!!
اها لما الموضوع ده ابتدا ينزل الشارع في امريكا تحديدا في الثمانينات، المخابرات الخديوية اصابا الرعب، باعتبارو الاخطر علي الاطلاق علي مصالحا، ولهذا عادي بتلجأ المخابرات دي للاغتيال عديل كده متي امكن للبتبنو طرح المركزية السودانية اي الافريقية.
ده ماكلام ونسة او جرائد ولكن هذا ماعايشته شخصيا وبي صورة مباشرة في منتصف التسعينات، لما تما اعتقالي في مطار القاهرة، وانا ماشي الجامعة الامريكية اقدم ورقة بحث حول الموضوع ده!!
بناءا عليه بتكلم عن معرفة حقيقية، كشئ عايشتو بي صورة شخصية.
العجيب في الموضوع ده، هو دور اقباط مصر في هذه الحرب الكونية ضدنا، الما جايبين ليهو احنا خبر!!
كمثال البسوي "سرقو ثقافتنا" في الفيديو اعلاه للمدعو باسم يوسف، يقال انو قبطي، ويشاع انو عميل مخابرات امريكية نعم الFBI.
اقباط مصر راس الرمح مقدمين في المعسكر الاخر في الحرب الكونية دي باعتبارم بمثلو "قدماء المصريين" بالرندوق بتاعم اي "الفراعنة" او هم بي جدهم في النجر، الخمش، القلع ده، المستخدم كابرذ ادوات صراعم معا باقي اهلهم مسلمي مصر، دون ادني اعتبار لنا، نحنو نوبة كمت الاضحت مصر، الدافعنا بالمهج والارواح عن اقباط مصر الغزاة، عبر القرون، ولولا دفاعنا نحنو عنهم لربما انقرض الاقباط كاثنية علي ايدي اخوانم احفاد الغزاة، مسلمي مصر الخديوية!!
اعلاه هو خلفية العصار، والنار الولعت بخصوص موضوع فلم كيلوباترا السوداء كما قدموها، والدافع هنا فكة والسلام من منتجي العمل ده "نتفليكس" وانا مابضيع وكت في اشياء كهذه ولهذا ماشفتو بل مابعرف زاتو الفلم ده نزل ولا لسة!!
...يتبع....
| |
|
|
|
|
|
|
|
|
|
Re: بشاشا: هل كليوباترى من اصول ماسدونية؟ الم� (Re: Bashasha)
|
كيلوباتر ما كان اسم لي زولة بعينها وانما كان زي لقب او اسم للاسرة، او هنا بنتكلم عن عصر عن زمن، كمت ارض اجدادنا، شمس حضارتنا فيها غابت، لتصبح "مصر" مرتع غزاة، اجداد مصري اليوم.
كيلوباترا المعنية في الفلم ده العمل زوبعة هي:
Cleopatra VII or Cleopatra philipator وهذا من 51 لي 30 BC.
اما اصلها فهي كما احفاد الغزاة الحاليين كانت خليط او مش سودانية اي نوبية في تقديري، معا انو الموضوع ما واضح، ولكن حينها ارض اجدادنا كمت كان خلاص ارض محتلة والي اليوم، وكل هذا حصل بنهاية الاسرة 25 المشت هناك لانقاذ اهلنا، نعم ارض اجدادنا وهذا تكرر كتير.
نعم في كل عصور الانحطاط وسقوط السلطة المركزية العاصمتا كانت نواحي اسوان الحالية، البعث كان علي الدوام بجي من الجنوب، اي القبلة الواحدة دي اي "قبلي" في مقابل "بحري".
| |
|
|
|
|
|
|
|
|
|
Re: بشاشا: هل كليوباترا من اصول ماسدونية؟ الم� (Re: Mahjob Abdalla)
|
عوافي يا محجوب
اتذكر قبل فترة طويلة
كنا بنتكلم أنا ومعاي مجموعة من الصدقاء النوبيين
وجات سيرة بعض الأسماء التاريخية وعلاقتها باللغة النوبية
من ضمن الأسماء إسم كليوباترا
زميلنا وصديقنا النوبي الدكتور محمد خليل قال انه الاسم مركب من مقطعين باللغة النوبية
كلوبا + باترتا
قال لو جمعنا الكلمتين بتدي معنى المرأة الجميلة
ما عارف هل ده كان اجتهاد منه ولا فعلا في معنى زي دا في اللغة النوبية
يا ريت الزملاء النوبيين يفتونا في كلام أبو خليل ده
المزعلني إنه أنا 35% تقريبا نوبي
وما بعرف ولا جملة واحدة بالنوبية
مع اني حافظ اغنية اسمر اللونا النوبية التراثية البديعة
هههههههه
مع التحية
| |
|
|
|
|
|
|
|
|
|
Re: بشاشا: هل كليوباترا من اصول ماسدونية؟ الم� (Re: Hafiz Bashir)
|
سلام الهبيب مهجوب
مقارنة ارنست اوينس بين Cleopatra 1963 و Cleopatra 2023 مقارنة غير صالحة.
Cleopatra 1963 فيلم سيرة ذاتية درامي تاريخي ورومانسي، ومن المعروف أن هذا النوع من الأفلام يستند إلى أحداث تاريخية. ومع ذلك، لا يقتصر دور الفيلم على مجرد سرد الأحداث التاريخية بدقة، بل يمزج بين الوقائع التاريخية والعناصر الخيالية والحبكة الدرامية.
مثل هذه الأفلام غالبًا ما لا تُحاسب بدقة على دقتها في نقل الوقائع التاريخية. فالهدف الأساسي لهذه الأفلام هو تقديم تجربة ترفيهية ومشوقة للجماهير. في هذه الأفلام، تكون الأولوية لسرد القصص بطريقة إبداعية وجذابة قبل الالتزام الصارم بالدقة التاريخية
Cleopatra 2023 صنفه المنتج على اساس أنه مادة وثائقية.
الفيلم او المسلسل الوثائقي يهدف إلى توثيق الأحداث والوقائع بشكل واقعي، حيث يتم استناده غالبًا إلى التصوير الحي والأحداث الحقيقية، أو على الأقل تقديم مقاربة واقعية للأحداث التاريخية من حيث الشكل والمضمون.
في مثل هذه الأفلام او المسلسلات، تكون الأولوية القصوى هي تقديم المعلومات والمشاهد بأقصى درجة من الواقعية دون إدخال أي عناصر خيالية.
لذا تُحاسب المادة الوثائقية محاسبة دقيقة على نقلها للتاريخ ومدى مفارقتها لواقائع التاريخ من ناحية الشكل والمضمون.
بما أن هنالك حقائق كثيرة غائبة عن تاريخ تلك الفترة ولا يمكن الحصول على تفاصبل دقيقة كالتي وردت في المادة،
أرى أنه ليس من الممكن إنتاج فيلم او مسلسل وثائقي عن تلك الفترة بينما يمكن إنتاج فيلم سيرة ذاتية او تاريخي.
أرى أن نيتفليكس أخطأت في تصنيف Cleopatra 2023 كمادة وثائقية.
| |
|
|
|
|
|
|
|
|
|
Re: بشاشا: هل كليوباترا من اصول ماسدونية؟ الم� (Re: Hafiz Bashir)
|
ابوبكر عباس كتب:
| Quote: في مجلة علمية يا محجوب نشرت تحليل حمض نووي لبعض المومياوات المصرية وتتبعت وجود اشباههم حاليا، وقالت إنهم لا ينتمون لأي بشر يعيشون حالياً في افريقية بما في ذلك مصر، وهم أقرب لسكان شرق أوربا والشام |
منو في الكون ده، في الزمن دااااك ماكان حلمو الهجرة للعيش في امريكا ذاك الزمان اي كمت الاضحت "مصر" بحثا عن حياة افضل؟
مجرد وجود جينات لي اجانب، جو قاطعين البحر كمهاجرين، لاجئيين، بحثا عن حياة افضل كما نفعل نحنو اليوم، وكنتيجة بنموت غرقا بالمئات في المتوسط بغرض الوصول الي اوربا ارض "التامهو"، فهذا دليل انو كمت الاضحت مصر، مصرية مثلا و سكانا الاصليين كانو اوربيين او اسيويين مثلا؟
لاحظ عزيزي القارئ، اوربا ذاتا، اسيا، امريكا، استراليا، مؤسسنها كانو سودانيين نعم اباء وامهات البشرية، واذا ده حاصل مثبت، فهذا طبيعي!
نعم اسم قارة "اوربا" كمثال لغة، كمفردة ســـــــودانية!
او ده كان اسم واحدة من اماتنا، وهذا يثبت دور السودانية في تاريخنا!!
نعم مؤسس اثينا عاصمة اليونان، اصل، مهد الحضارة الاوربية، كان سوداني او ده كلامم هم مش احنا اثبتو مؤرخ يهودي في الثمانينات!!
واثينا كاسم برضو سوداني ماخوذ من اسم سودانية، تقول لي مومياءات من شرق اوربا، والهة اوربا كانو من حيث الاصل سودانيين؟
او ده كلامم هم لاحظو مش كلام اجدادنا!
وبذات الطريقة بعضا من ملوك مملكة الرومان كانو سودانيين، والاسرة الاختارا ترهاقا لما مرقا لي اوربا هي الوضعت اساس مملكة الرومان!!
هل صدفة اننا لانفقه ايا من هذا علي الاطلاق؟
عالم!!
| |
|
|
|
|
|
|
|
|
|
Re: بشاشا: هل كليوباترا من اصول ماسدونية؟ الم� (Re: Bashasha)
|
| Quote: المزعلني إنه أنا 35% تقريبا نوبي |
سلام ياابوذر،
ياعيب الشوم!!
ده كلام وين، شنو؟
النوبيين حصريا ديل منم في جمهورية النوبة؟
المانوبي ده، منو في السودان؟
باقي ال65% من جيناتك من وين يعني اذا كل جينات البشرية ذهبت حيث وجدت من السودان الحالي؟
ياخي كلنا نوبيين، بل اي افريقي اين ماكان نوبي!!
المعيار هو الثقافة مش لون الاضان او الموقع الجغرافي!!
يكفي انو نوبي الجبال نوباوي، ونوبي الشمال بالفهم القبلي، نوباوي!!
صاح، في الشمال بحوورو المفردة او بقولو "نوبي" مش "نوباوي" لاحظ، حتي هنا!!!
| |
|
|
|
|
|
|
|
|
|
Re: بشاشا: هل كليوباترا من اصول ماسدونية؟ الم� (Re: Bashasha)
|
بشاشا ياخي داير أسألك سؤال
أنا كتبت لي مداخلتين هنا في البوست دا وحسيت بإحساس ما حلو جراء ممارستي للتفكير الترفي،
وذلك على الرغم من قناعتي التامة بأنني أملك القدرات العقلية والفكرية التي تمنحني الحق في الاستمتاع بالرفاهية الفكرية،
إلا أنني أتساءل: كيف يمكنك أنت، على الرغم من ضيق أفقك في التفكير وإمكانياتك المتواضعة، تقمصك جلباب الترف الفكري دون أن تلوم نفسك؟
😝😝😝
| |
|
|
|
|
|
|
|
|
|
Re: بشاشا: هل كليوباترا من اصول ماسدونية؟ الم� (Re: Bashasha)
|
عوافي يا بشاشا
وكيف الحال
والله بالجد الزعل جاي من كون اني ما طلعت نوبي ١٠٠ ال ١٠٠
يعني نوبي كامل مما جميعه
خصوصا في جانب اللغة
لانه انا قناعتي انه اللغة، لغة لي انسان هي المحرك الفاعل الرئيسي لكل حياته بكل جزئياتها
ومنها بتخلق وعيه ورؤيته للاشياء وتعامله في الحياة كلها
انا كمان علي قناعة تامة اننا في المكان الجغرافي دا الاسمه حاليا السودان، كلنا أبناء عنصر اثني واحد وأصيل وبنرجع ل جذر وبذرة واحدة هي الأصل والمنبع مهما تداخلت معاها اي مكونات واي عناصر دخيلة، ودا شي حتمي وسهل الحدوث طبعا زي ما بقول ناس الانثروبولجي
انا جدي من ناحية آباء امي الله يرحمها
هو الشيخ أحمد أرباب العقائد النوبي المحسي ومؤسس الخرطوم
وجد ابو الوالدة مباشرة هو الشيخ محمد الامين المدفون في مقابر البشاقرة غرب في شارع مدني الخرطوم
وليه مقام وهبة
وهو بن الشيخ أرباب العقائد
عشان كدا قلت اني تقريبا ٣٥% نوبي محسي
وقطعا باقي النسبة المئوية مهما كانت تفاصيلها بكون داخل فيها العرق والدم النوبي بصورة او بأخرى
| |
|
|
|
|
|
|
|
|
|
Re: بشاشا: هل كليوباترا من اصول ماسدونية؟ الم� (Re: أبوذر بابكر)
|
Quote: من ضمن الأسماء إسم كليوباترا
زميلنا وصديقنا النوبي الدكتور محمد خليل قال انه الاسم مركب من مقطعين باللغة النوبية
كلوبا + باترتا |
سلام اباذر,
تصدق انا برضو كنت بتكلم مع اخ دنقلاوى, قال لى كلام شبية بخصوص الاسمين "نفراين" و "نفرتيتى).
عن نفراين, قال الناس بفتكروها كلمة عربية (نفرين) و (شخصين) و لكن بالنوبية كلمتين. الجزء الاول تقريبا "المرأة" و الجزء التانى "صفة جمالية".
الاخوة بشاشا و على عبدالوهاب, نورونا.
| |
|
|
|
|
|
|
|
|
|
Re: بشاشا: هل كليوباترا من اصول ماسدونية؟ الم� (Re: Mahjob Abdalla)
|
Quote: في مجلة علمية يا محجوب نشرت تحليل حمض نووي لبعض المومياوات المصرية وتتبعت وجود اشباههم حاليا،
وقالت إنهم لا ينتمون لأي بشر يعيشون حالياً في افريقية بما في ذلك مصر،
وهم أقرب لسكان شرق أوربا والشام |
سلام ابابكر,
طبعا نحن ناس النظرية الافريقية, نعتبر اى شئ من مجلات الخواجات عن افريقيا, بالذات لما يقولو ليك مجلة عملية, هى فقط محاولة لاضفاء نوع من المصداقية ل كلام اى واحد عنقالى زى داروين.
| |
|
|
|
|
|
|
|
|
|
Re: بشاشا: هل كليوباترا من اصول ماسدونية؟ الم� (Re: Mahjob Abdalla)
|
Quote: في مثل هذه الأفلام او المسلسلات، تكون الأولوية القصوى هي تقديم المعلومات والمشاهد بأقصى درجة من الواقعية دون إدخال أي عناصر خيالية.
لذا تُحاسب المادة الوثائقية محاسبة دقيقة على نقلها للتاريخ ومدى مفارقتها لواقائع التاريخ من ناحية الشكل والمضمون. |
سلام مولانا حافظ,
طبعا الواحد اتشوق يشوف المسلسل ده و ليه عامل ضجة.
في تقديرى احتمال جزء من الدعاية الاعلامية و ده شئ ما بطال.
نعم هولوود و مشتقاته من نتفليكس و غيرهم, اهم شئ عندهم اضفاء العامل الدرامى و لا كيفن يمسكونا قدام الشاشة ساعتين * 10 binge watch
| |
|
|
|
|
|
|
|
|
|
Re: بشاشا: هل كليوباترا من اصول ماسدونية؟ الم� (Re: Bashasha)
|
ابوذر تحياتي،
نعم كلنا مقصرين بل اضيف ارتكبنا جريمة بشعة في حق لسانا الكوشي النوبي، اول لسان نطق به بشر، اللي ماشي يتقرض ياللعار!!!
شئ جد يبكي لو عرفنا قيمة الكنز المدفون في المنجم ده، يالهي!!!
مرا علي من كم يوم كلام كيف اللغة اللاتينية اصلها نوبي!!!
ايضا قريت كتير تأثير لسانا في غرب آسيا بي صورة كبيرة!!
ايضا انتبهت كيف الاسماء العبرية اي اليهودية معظما سودانية، كابراهيم "عبد رع"، اسماعيل، اسحاق، يوسف ..الخ!!!
معقولة كنز كهذا يتبخر في الهوا؟
كان المني لو الوضع استقرا ارجع واقضي باقي العمر وسط كباري الفضلو واجيب معاي متخصصين هنا في المدونتر "الهيروغليفية" لترجمة الورد في برديات اجدادنا بي لسانا احنا، سيد الشئ بدل القبطية والاغريقية البوظت كل شي، يسو"توت" لي "تود" كمثال!!
وانا يافع بتذكر كيف كباري كان بضايقو من لساني النوبي المكسر، لاني كنت بسافر كتير خالص وانا يافع لي خرطوم الجن دي!!
لهذا كانو بقلبو عربي معا الزينا من فرط الضيق من لسانا المكسر!!
لاحظ الي هذا التاريخ مافي زول هبب لي لسان اجدادنا الكوشي، نعم لغتنا المروية تخيل، هذا!!
اسرار بداية عالم اليوم كلو، مدفونة في اللغة المروية!!!
مفروض هذا يكون اولوية قصوي لاول حكومة تجي، وهناك مشروع محدد من واحد من اكبر الاسماء في المجال دا، من روادنا، ولكن هذا يتطلب مشاركة الاتحاد الافريقي، أو ده عمل جماهيري يتطلب مشاركة كل سكان افريفيا طبقا لهذا الطرح، واهلنا الأفارقة جاهزين لمشروع كهذا باكثر مننا، بل العالم كلو حيساهم في هكذا عمل ضخم يهم البشرية كلها!!
| |
|
|
|
|
|
|
|
|
|
Re: بشاشا: هل كليوباترا من اصول ماسدونية؟ الم� (Re: Hafiz Bashir)
|
ياحافظ قصدي كلامك ده:
Quote: بشاشا ياخي داير أسألك سؤال
أنا كتبت لي مداخلتين هنا في البوست دا وحسيت بإحساس ما حلو جراء ممارستي للتفكير الترفي،
وذلك على الرغم من قناعتي التامة بأنني أملك القدرات العقلية والفكرية التي تمنحني الحق في الاستمتاع بالرفاهية الفكرية،
إلا أنني أتساءل: كيف يمكنك أنت، على الرغم من ضيق أفقك في التفكير وإمكانياتك المتواضعة، تقمصك جلباب الترف الفكري دون أن تلوم نفسك؟ |
| |
|
|
|
|
|
|
|
|
|
Re: بشاشا: هل كليوباترا من اصول ماسدونية؟ الم� (Re: Bashasha)
|
يعني يا بشاشا نحن مالنا ومال كليوباترا كانت خديرا ول زرقا؟!!!
دا ترف فكري وشغلانة حقت أمريكان ما حقتنا نحن.
ورغم إنو أنا الترف الفكري دا شعراً عندي ليهو رقبة
لكن لومت نفسي على لبس جلابية ما حقتي.
فسؤالي ليك: كيفن إنت صابر على لبسك عرَّاقي ما حقك ورغم إنو شعراً ما عندك ليهو رقبة؟
| |
|
|
|
|
|
|
| |
Mahjob Abdalla
Bashasha
أبوذر بابكر
أبوبكر عباس
Hafiz Bashir
فيس بوك
تويتر
انستقرام
يوتيوب
بنتيريست