|
|
|
 Re: رسالة من ناشط لابناء جبال النوبة حول إعدا� (Re: اسماعيل عبد الله محمد)
|
مساء الخير
اقترح على اللخو دا واللخو سيد البوست
وكل من لف لفهم بدل الورجغة والازعاج
أن يكرسوا جهودهم وأفكارهم الخلاقة من أحل الانفصال
الانفصال فيهو راحة للجميع
لا دا اتعنصر علي لا دا أكل رغيفتي
أي مجموعة عايزا تفرز عيشتا ربنا
يسهل ليها كان في الغرب كان في الشرق
كان في الشمال كان في الجنوب
أطالب أهل الدكتور المرحوم على فضل الذي تم اعدامه بمسمار
في نص رأسو وأهل الاستاذ المرحوم احمد الخير الذي تم اعدامه
باقحام السيخ في دبره وأهل ضباط رمضان الذين تم اعدامهم
ودفن بعضهم احياء بالانفصال لأنو دي عنصرية ما عارف من
منو لكن المهم دي عنصرية ولو نزل هاتف من السماء وطارت العنزة
لابد من الانفصال
الانفصال فيهو راحة للجميع
كمحسي رفاعي أطالب بالانفصال فقد سبق وتم
اعدام تلاتة من اقربائنا .. ديل العارفهم أنا بس
..............
لعن الله العنصرية ومسوقها والبفكر فيها والعاملا فزاعة
والمرضان بيها والمتوجس منها وباقية ليهو زي الوسواس القهري
لعنهم جميعا وأبادهم من وش البسيطة حتى ترتاح منهم البشرية
| |
 
|
|
|
|
|
|
|
|
Re: رسالة من ناشط لابناء جبال النوبة حول إعدا� (Re: اسماعيل عبد الله محمد)
|
Quote: حق تقرير المصير حق شرعي لاجدال حول ذلك
|
نعم نعم لا جدال فيهو عشان كدا
أقترح على أي مخلوق متوجس ومرضان بالعنصرية
وشايف التانين بتعنصروا عليهو ينفصل ويفرز عيشتو
عشان يريح ويرتاح بدل مبرمج بالناس وعامل ليهم
خوتة وفلقة
كطلحة عبدالله وحدوي برضو لكن بس ازعجونا
البعتبروا أية لفتة وأية همسة وأي عطسة وأي كحة
عنصرية .. ديل الواحد لو طعنتو شوكة يقول دي عنصرية
لو حرامي سرق وقبضوه يقول دي عنصرية.. لو مرا اتأخرت
في الولادة يقول عنصرية .. لو لستك عريتو طرشق يقول دي
عنصرية .
أي مخلوق شاعر بالدونية وانو أقل من التانين ينفصل عشان
ما يمرض ويمرض الباقين معاهو .. ما في حاجة بتجبر زول
يعيش ويتعايش مع قوم بتعنصروا عليهو .
أفتكر دا اقتراح ممتاز ومريح جدا لمثل هذه المخلوقات
الموهومة خخخخخخخ
| |
|
|
|
|
|
|
|
|
|
Re: رسالة من ناشط لابناء جبال النوبة حول إعدا� (Re: طلحة عبدالله)
|
Quote: أقترح على أي مخلوق متوجس ومرضان بالعنصرية
وشايف التانين بتعنصروا عليهو ينفصل ويفرز عيشتو
عشان يريح ويرتاح بدل مبرمج بالناس وعامل ليهم
خوتة وفلقة |
مافي توجس ولا مرض، كل ما في الأمر أن العنصرية في السودان بائنة وواضحة وضوح الشمس ولا يمكن أن ينكرها أحد.
ما تستعجل موضوع الانفصالات قادم وكل زول عزيز في بلدو.
لا يجب أن يظن بعض الناس أن الآخرين متلصقين فيهم. وجودنا جميعاً في هذه الزريبة هو قرار استعماري وليس اختياري.
كما انفصل الجنوبيون وارتاحوا وتوقفت الحرب عندهم ومازال السودان الكبير يعاني ويلات الحروب.
كذلك ستنفصل جبال النوبة وستعيش في راحة وسوف تتبعها دارفور وسوف تعقد مفاوضات للسلام بين اقاليم الشرق والخرطوم في كادقلي والفاشر-كواسطة خير.
مثلما حاصل الآن في جوبا التي حرقناها بحربنا الدينية والعنصرية وأصبحت الآن هي ملجأ الشمال السوداني الكبير لحلحلة مشاكله.
ما تستعجل.
اذا لم ينصلح الحال في ناس لا أستطيع أنا الوحدوي ولا أنت الوحدوي ايقافهم من تقرير مصيرهم.
| Quote: كطلحة عبدالله وحدوي برضو لكن بس ازعجونا |
العكس تماماً المزعجين الكبار هم المركزيين، أزعجوا الجنوبيين فانفصلوا، والآن يزعجون جبال النوبة وستنفصل اذا لم يتوقف ازعاجهم والحبل على الجرار.
المزعجين الكبار هم المركزيين.
| Quote: لمثل هذه المخلوقات |
العبارة دي ذكرتني تصريح العنصري المغرور مخاطباً الحركة الشعبية بالحشرة الشعبية.
اللغة الاستعلائية تنم عن نفس مريضة بالكبر.
| |
|
|
|
|
|
|
|
|
|
Re: رسالة من ناشط لابناء جبال النوبة حول إعدا� (Re: اسماعيل عبد الله محمد)
|
صباح الخير يا مخلوق انت Quote:
لعبارة دي ذكرتني تصريح العنصري المغرور مخاطباً الحركة الشعبية بالحشرة الشعبية.
|
يا مخلوق انت لا اعتقد أنها ذكرتك فحسب ماشايفو منك هنا
أنت لم تنس أبدا ولا تحتاج لتصريح أو تلميح ليذكرك بالعنصرية.. فلا
تعيب ذاكرتك المتقدة .
Quote: لا يجب أن يظن بعض الناس أن الآخرين متلصقين فيهم
|
نعم نعم صاح كبيرة جدا وأحييك يا مخلوق
على هذا المقتبس العميق جدا والذي يعنيني بصفة خاصة كطلحة عبدالله
شايف نفسي متلصق في الآخرين عشان كدا بطالب الليلة قبل بكرة
بالإنفصال منهم عشان ما اتلصق فيهم ويتعنصروا علي
ووصيتي للباقين اذا شايفين زي شوفي أن يحذوا حذوي
و يطالبوا بالانفصال طوالي شنو البجبرهم يعيشوا
مع ناس بعتبروهم متلصقين فيهم؟؟
بالمناسبة
أنت يا مخلوق بتخش من الباب وتطلع من الشباك مالك ؟؟
مداخلتى الأولى والتانية والتالتة والمليون أساسها اقتراح
الانفصال الذي لابد منه عشان بالضبط زي ما قلت أنت فوق كل زول
يرتاح في مكانو والبيئة البتناسبو وبرضو الناس ترتاح
من الغاغا والخوتة العاملها اي مخلوق في قلبو حرقص..
أيوة الانفصال حل جذري ولابد من التعجيل به تجنبا لمآلات شعور
بعض المخلوقات بالعنصرية زيي كدا خخخخخ
ما استعجل ليي ؟؟ والله لو اي مخلوق شايف انو متعنصرين
عليهو فرز عيشتو الليلة دي قبل بكرة يكون عمل خير كتير
وربنا يبارك ليهو ويكرمو وأولهم العبدلله كمخلوق لا أنكر
أن الله خالقني كبقية المخلوقات لكن بس شاعر انو الآخرين معتبرني
متلصق فيهم ولا حل امامي سوى هجرهم والإبتعاد عنهم خخخخخخخخخ
لكن زي المخلوقات الموهومة القاعد تولول وتنوح صيح وليل بحجة
أنهم شاعرين بالعنصرية ومع ذلك قاعدين وسط المتعنصرين
عليهم ديل من وجهة نظر عميقة جدا لا تفوت عليها شاردة ولا واردة
ديل كضابين ساي وعاملين الحكاية دي فزاعة وارتزاق وابتزاز رخيص عشان
يحققوا مصالحهم الخاصة وإلا كانوا زماااااااان انفصلوا
واراحوا واستراحوا ..
.........
العنصري مخلوق مؤذي مقيت يشعر بالدونية ومركب النقص فيزعج
الناس بالولولة الصراخ والزن والطن والنقنقة كضفادع المستنقعات خخخخخخخ
| |
|
|
|
|
|
|
|
|
|
Re: رسالة من ناشط لابناء جبال النوبة حول إعدا� (Re: طلحة عبدالله)
|
السلام علي من اتبع الهدي
انفصال مااافي . الداير ينفصل يشوف ليهو بلد تاني . والعاوز يقعد بأدبو يقعد ، والماعاجبو يمش. .
البلد دي بلدنا، وبلد جدودنا ، وجدود جدودنا ، مش عشان شويه صعاليك مغرر بهم ، تتمزق البلد .
ارض الله واسعة ، الماعاجبو الوضع ده ، يمشي يشوف ليه حته تانية ، وقشه ماتعتر ليه . كل زول ينوم
علي الجنبه البتريحوا . انشاء يمشي " غزة ".
اما الحرامية النهابين ديل مقدور عليهم ، ولو طال السفر .
انفصال ماااافي .
# بل بسسسس للغزاه المرتزقة واشباههم .
| |
|
|
|
|
|
|
|
|
|
Re: رسالة من ناشط لابناء جبال النوبة حول إعدا� (Re: Hasheem Karouri)
|
والله شوف يا عزيزنا الكاروري
طول ما في جماجم تحمل في جوفها عقول خربة باني
عليها العنكبوت تعلو صدور تحمل في جوفها قلوب
تنبض بكراهية الآخر والحقد عليه والتوجس منه
بلدنا دي ما ح تقوم ليها قائمة
الحل يا اما تفصلونا نحن الشاعرين بعنصرية ومركب
نقص ديل يا اما كمان تحجمونا وتجردوا لينا سيف الحسم
لتقطعوا به كل لسان يلغلغ بسيرة العنصرية دي ..
شوفوا انتوا ح تعملوا لينا شنو واعملوه عاجلا لا آجلا
مللنا وضاقت علينا أرضنا بما رحبت
خخخخخخخ
| |
|
|
|
|
|
|
|
|
|
Re: رسالة من ناشط لابناء جبال النوبة حول إعدا� (Re: Hasheem Karouri)
|
| Quote: السلام علي من اتبع الهدي |
عنجهية هوس ديني أوردت الفلول المهالك.
| Quote: البلد دي بلدنا، وبلد جدودنا ، وجدود جدودنا ، مش عشان شويه صعاليك مغرر بهم ، تتمزق البلد |
البلد دي بلد كل السودانيين والسودانيات وليست حكر على جهة وقبيلة وعرق.
الصعاليك هم فلول الحركة المسيلمية التي أشعلت الحرب ولم تكن على قدرها وحدث ما حدث.
| Quote: ارض الله واسعة ، الماعاجبو الوضع ده ، يمشي يشوف ليه حته تانية ، وقشه ماتعتر ليه |
اطمئن قوات الدعم السريع هي صمام أمامن الوحدة والما عاجبو يهرب لبورتسودان أو يقع البحر الأحمر.
| Quote: اما الحرامية النهابين ديل مقدور عليهم ، ولو طال السفر . |
أهم ما أنجزته هذه الحرب المفروضة على قوات الدعم السريع أنها طردت الحرامية إلى تركيا والقادم استرداد موارد ثروات السودان التي تم نهبها من قبل رموز حرامية الحركة المسيلمية.
أكيد انفصال مافي هذه قناعتي لكن لو كان الكيزان حريصين على الوحدة ما كان انفصل جنوب السودان وفي الآخر الانفصال وتقرير المصير ليس في يد أحد.
| Quote: # بل بسسسس للغزاه المرتزقة واشباههم . |
ونحن نقول بول بس لمرتزقة الحركة المسيلمية أمس تم جغم مئات المزتقة المسيمليين في شمال أم درمان.
جغم بس
| |
|
|
|
|
|
|
|
|
|
Re: رسالة من ناشط لابناء جبال النوبة حول إعدا� (Re: اسماعيل عبد الله محمد)
|
اسماعيل . ( بما انك تري التحيه في مدخل البوست رجز من عمل الشيطان . فحديثي معك الان بدون تحيه ولا سلام ) .
و لن افعل ذلك الان ، او مستقبلا
.....
( اراك اجتهدت كثيرا في تفنيد مداخلتي سطر سطر . ) . سوف اعطيك الزبدة في موجز ، حتي لا تتعب كثيرا .
بعد ان تاكدتوا انكم خسرتوا الحرب ، بدأت في التحريض وتأليب مكونات المجتمع ، عسي ولعل يكون مخرج لكم ولمحنتكم المزمنة .
شائفك وضعت بعض البهارات في تعليقك مثل : صمام الامان ، وطردت الحرامية الي تركيا ، واسترداد ثروات السودان وو الخ .
سؤالي : هل انت تعي ماتكتب يابني ادم ؟ او بتكتب ساي كده ؟، ام تظن ان الشعب السوداني تناول بعض المسكنات وكان نائم لمدة ٧ اشهر ؟
.......
قول واكتب كلام منطقي حتي تقنع من يقرأ ماتخطه . ولا تصبح اضحوكة في المنبر ، فالجميع يعرف حقيقة مايجري.
او كما يقولون : خخخخخ
ثم
بل بسسسس ،،،
| |
|
|
|
|
|
|
|
|
|
Re: رسالة من ناشط لابناء جبال النوبة حول إعدا� (Re: Hasheem Karouri)
|
Quote:
اسماعيل . ( بما انك تري التحيه في مدخل البوست رجز من عمل الشيطان . فحديثي معك الان بدون تحيه ولا سلام ) .
و لن افعل ذلك الان ، او مستقبلا |
"لا يجوز أن يسلم الإنسان على المسلم بقوله : "السلام على من اتبع الهدى" ، لأن هذه الصيغة إنما قالها الرسول صلى الله عليه وسلم حين كتب إلى غير المسلمين ، وأخوك المسلم قل له : "السلام عليكم" . أما أن تقول : "السلام على من اتبع الهدى" فمقتضى هذا أن أخاك هذا ليس ممن اتبع الهدى ، وإذا كانوا مسلمين ونصارى فإنه يسلم عليهم بالسلام المعتاد يقول : السلام عليكم، يقصد بذلك المسلمين" انتهى .
فضيلة الشيخ محمد بن عثيمين رحمه الله .
| Quote: بعد ان تاكدتوا انكم خسرتوا الحرب ، بدأت في التحريض وتأليب مكونات المجتمع ، عسي ولعل يكون مخرج لكم ولمحنتكم المزمنة |
من خسر الحرب هو من هرب إلى بورتسودان.
الناشط صاحب التسجيل لا أحد حرّضه.
هذا الشاب ومثله كثيرون وعوا وادركوا أبعاد قضيتهم ولا يستطيع كائن من كان أن يحرّضهم.
هم ليسوا مثل المستنفرين السذج الذين زججتم بهم في أتون معركة هرب منها الفلول الكبار.
| Quote: ام تظن ان الشعب السوداني تناول بعض المسكنات وكان نائم لمدة ٧ اشهر ؟ |
من هذا الشعب السوداني الذي تتحدث عنه؟. لا تقل لي إنّهم أنصار الفلول المصلحجية.
| Quote: وطردت الحرامية الي تركيا ، واسترداد ثروات السودان |
وهل يشك أحد في وجود القطط السمان الفلولية الهاربة في تركيا ومراكز مال أخرى عالمية وشرق أوسطية.
الجاهزية والحسم ليست على أرض الميدان وحسب.
الجاهزية يدها سوف تطول من هربوا وهرّبوا أموال الدولة للخارج.
| |
|
|
|
|
|
|
| |
اسماعيل عبد الله محمد
طلحة عبدالله
Hasheem Karouri
فيس بوك
تويتر
انستقرام
يوتيوب
بنتيريست