|
كتب الكاتب الفاتح جبرا المتوفرة بمعرض الدوحة
|
|
 Re: سخط واسع على تماطل في الجيش في إنهاء المعا (Re: Elhadi)
|
أنا شخصياً أعتقد يعني في رأي المتواضع وكده :
أن هناك جهات نافذة في النظام الموجود في السودان ـ إذا كان في المؤسسة العسكرية أو خلافه من تنظيم إسلاميين ولا غيره
الجهات النافذة وصاحبة القرار دي ـ أياً كانت ـ ربما هي ترى إنو القضاء على مليشيا الجنجويد قد لا يكون في صالحها مستقبلاً ـ وده ممكن يكون صحيح
ولذلك أما أنها تريد وتسعى للحصول على "ضمانات" من نوع ما ـ كأن أن يتم ابتزاز المليشيا وقيادتها ـ وليس القضاء عليها ـ وإعادة التحالف معها من جديد
أو ربما هي تسعى لترتيب المشهد على طريقتها غض النظر عن حجم الخسائر وسط المواطنين أو الدمار في البنية التحتية ومؤسسات الدولة ولذلك تتباطأ في حسم الحرب وتتعمد إطالة المعركة
وتستخدم من القوة العسكرية ما يكفي فقط لإبعاد مليشيا الجنجويد عن تشكيل أي تهديد حقيقي وجدي للسلطة نفسها ـ لكنها لا تسعى للقضاء عليهم
يعني كونه الجنجويد ينتشروا بصورة واسعة في الأحياء السكنية ويهددوا حياة وأمن المواطن فده في النهاية ما بشكل خطر على السلطة نفسها طالما هم بعيدين عن السيطرة على المراكز الحيوية والاستراتيجية والمواقع والوحدات العسكرية المؤثرة.
قصة استنزاف وما استنزاف دي ما جايبة همها ولا تمنها في ظل إنو طرق الإمداد للجنجويد لا تزال مفتوحة ـ والجنجويد ياهو ماشين جايين من غرب السودان يمشوا يودوا المنهوبات والمسروقات لي اهلهم ويجوا راجعين يهمبتوا تاني
وهم زاتهم الجنجويد شكلهم استحلوا القصة دي ـ وبقى عشان الواحد فيهم يمشي يهاجم المدرعات إلا يمشوا يسكوهو بالسوط :)
| |
 
|
|
|
|
|
|
|
|
Re: سخط واسع على تماطل في الجيش في إنهاء المعا (Re: Elhadi)
|
كوبري شمبات الذي كثر الحديث عنه كشريان حياة بالنسبة لمليشيا الجنجويد في الخرطوم
ياخي ما هي قيمة كوبري شمبات بالنسبة لحياة المواطنين وأرواحهم التي تزهق بصورة يومية ؟؟
هل الجيش العندو سلاح طيران عاجز عن عزل وتحييد هذا الكوبري ومنع استخدامه بواسطة المليشيا ؟؟
شراذم أفواج اللصوص والنهابين البتجي من غرب السودان قاطعة آلاف الكيلومترات قبل دخولها العمران والمناطق الآهلة بالسكان ـ هل الجيش عاجز عن الإغارة عليها ؟؟ أكيد لا
ونان فائدة قاعدة وادي سيدنا شنو طيب ؟؟ قاعدة وسلاح طيران ورتب ومرتبات ـ ما قاعدة قريب ما تبلو الهمج الرعاع ديل يبلكم بلة جابر شاحد ربي
المناطق البتزود المليشيا بالإمداد البشري دي فيها دفاعات جوية ولا شنو ؟؟ ما قاعدة أم فكو ساكت
| |
|
|
|
|
|
|
|
|
|
Re: سخط واسع على تماطل في الجيش في إنهاء المعا (Re: Elhadi)
|
علي كرتي : انت طبعاً عقلية إجرامية من الطراز الأول وفي الدموية والوحشية والخباثة فت الكبار والقدرك
لكنك أقل ذكاء بكثير من علي عثمان محمد طه وبما لا يقارن.. وأقل خبرة ودربة وأقل كياسة
ودور الامين العام للحركة الإسلامية والله ما خايل فيك ولا حتى راكب عليك.. انت بي كبيرك عضو مكتب قيادي
فياخي سيبك من الدور الانت خاشي فيهو ده، انت ما حا تبقى الترابي ولا حتى علي عثمان مهما اجتهدت في التآمر..
ولا كمان حا تبقى رجب طيب أردوغان ـ وأهو الأمريكان أدوك نخسة عشان يوروك انهم عارفين انت قاعد تعمل في شنو
| |
|
|
|
|
|
|
|
|
|
Re: سخط واسع على تماطل في الجيش في إنهاء المعا (Re: Hassan Farah)
|
ومع انشغال المجتمع الدولي بالحرب في غزة
كانت فرصة سانحة لقيادة الجيش لتوجيه ضربات عسكرية مزلزلة للمليشيا المأجورة
لكن مرمي الله ما بترفع
وكل المكاسب السياسية التي حصدها البرهان من جولته الخارجية راحت شمار في مرقة تردده وتخاذله وضعفه وأياديه المرتشعة جداً
| |
|
|
|
|
|
|
| |
Elhadi
Hassan Farah
Hani Arabi Mohamed
فيس بوك
تويتر
انستقرام
يوتيوب
بنتيريست