الخشوم الأكلت حرام ما بتقدر تتكلم بالحقيقة ومقالات أخرى لراشد عبد القادر

Quote: كتب راشد عبد القادر جد عاوز افهم جيش ما قادر يسترد حته على بعد اقل من عشرة امتار من قيادته خلال سته شهور.. تانى فى شنو يدل على عجزه وهوانه و جربنديته؟ بين المطار والقيادة حيطة الجيش ما قضيته يسترد المطار الجيش تفكيره كله ان القيادة ما تسقط اييييييه الحمد لله لا فى استورم شادو لا دبابات تشالينجر وليوبارد و S400 و باتريوت وهيمارس وباقى الصواريخ والحاجات العجيبة والجنجويد لا عندهم سوخوى لا ميج كان شربنا ما روينا اكتر من كده الله كريم علينا ادانا حرب حسب قدرتنا. واضح انه عقيدة جيشنا القتالية كانت كيف تعمل انقلابات وتتفاصح و تتلادح على المدنيين.. اما قصة حروب ودفاع وحماية اوطان وقتال الغزاة الحاجات دي ما كانت فى المنهج.. جيش بياعين الطلح والشاف وتجار الخشب #حرب_عبثية

Quote: راشد عبد القادر: الامارات بتنزل سلاح للجنجويد فى تشاد وعامله ليهم مستشفى عديييل الامارات داعمة الجنجويد علنا و ماداساه الامارات الممول الاول للحرب الامارات الاشترت الجيش والجنجويد وعملتم مرتزقة فى حرب اليمن الامارات الدخلت عرباتا وسلاحا بالميناء عديييل للجنجويد والجيش كان موافق وباصم ومصفق الامارات السرقت دهب البلد وكان بيطلع بالمطار والميناء تحت بصر الجيش والشرطة وما قدروا يقولوا بغم. الامارات ما اسمها الدولة ديك اسمها الامارات العربية المتحدة العاصمتا ابو ظبي وبيحكما محمد بن زايد الامارات المفترض تتكلموا عنها علنا وتقاطعوها وتدوا سفيرا بالشلوت لكنكم ما قادرين ولا ح تقدروا عشان فواتير حرب اليمن وشيكات حرب اليمن وقروش حرب اليمن ح تقعدوا تتلولووا وتتحكحكوا وتدغمسوا ويغلبكم الكلام لا برهان لا ياسر العطاء لا كباشى لا راجل فيهم يقدر يفتح خشمو الخشوم الاكلت حرام ما بتقدر تتكلم بالحقيقة

Quote: بالمناسبة راشد كان كوز وربما لا يزال يمجد الدكتور الترابي كما فعل في مقال عام 2014 حيث قال عنه أنه (اضخم مفكر شهده السودان منذ تأسيسه)