|
Re: شهادة زوجة واحد من المغدور بهم فى مقتل محم (Re: Mahjob Abdalla)
|
سلام محجوب الفيديو دا قديم على كل ابناء دارفور خريجين الجامعات كيزان بعدين سبب قتل الصحفي محمد طه محمد احمد هو كتابة مقال فى صحيفته سلبا عن دارفور لذا اغضب الطبقة المتعلمة من ابناء وعلى راسهم المرحوم زوج هذه المرأة بعدين يا محجوب الصحفي محمد طه محمد احمد قال بطريقة بشعة وللاسف قطع ذكره ووضع على فمه وهو ميت الله يرحمه اذن كلمة مغدور لاتنطبق على المرحوم زوج هذه المرأة لانه ميتين المية هو مشترك فى هذه الجريمة تحياتي يا غالي
| |
|
|
|
|
|
|
Re: شهادة زوجة واحد من المغدور بهم فى مقتل محم (Re: Abureesh)
|
و عليكم السلام صديق مهدى و حيدر و كمال عباس و ابوالريش, فعلا الموضوع كلو كان متماسك و لكن في دولة عصابات بحصل اللامعقول. حسب كلامها انو الناس ديل عذبوهم و هددوهم بكل بشئ عشان يمضوهم علي اقوال مجهزة و شالو الاقوال ودوها للقاضى.
يا صديق, انت تكون لا قريت المقال و لا سمعت الفيديو. المقال لا يستحق حتى "عجوز سدت بابها" او "ام دلدوم" خليك من انو يقتلو فيهو بنى ادم. عشان كدا نقول ليك امشى "اقعد زى الناس و تعال"
| |
|
|
|
|
|
|
Re: شهادة زوجة واحد من المغدور بهم فى مقتل محم (Re: Mahjob Abdalla)
|
سلام اخ محجوب
برضو مقتل الشهيد أحمد الخير مثال على غدرهم
حتى لمن كانوا من عضوية الحركة الإسلامية و
اختلفوا معهم.و ثارت شكوك حول موت الترابي
و الزبير محمد صالح و شمس الدين.
ليه ٩ متهمين؟ عادةً القاتل واحد او أثنين ثلاثة
ما محتاج ٩ يخططوا و ينفذوا جريمة خطف و
قتل كأنهم عصابة أو جهاز أمن و كتائب ظل.
| |
|
|
|
|
|
|
Re: شهادة زوجة واحد من المغدور بهم فى مقتل محم (Re: Mahjob Abdalla)
|
معروف فساد القضاء والشرطة والنيابة في ذلك الزمان. إعترافات المتهمين أُخذت تحت التعذيب والتهديد وبالتالي لا يمكن الإعتماد عليها.
لا أظن أن هذه السيدة تكذب في إفادة السفارة الأمريكية التي شهدت أن المتهم قضى الليل في مكان عمله بالسفارة. ولا أظن أن السفارة الامريكية قد تكذب لتتستر على مجرم.
| |
|
|
|
|
|
|
Re: شهادة زوجة واحد من المغدور بهم فى مقتل محم (Re: Abureesh)
|
سلام دكتورة نعمات و مولانا حافظ و ابوالريش, طبعا قتل الـ 9 ربما فى حمية الجاهلية و الطغنية الكانو عايشنها (واحد من ديل ب 10 من ديلاك). ربما. الزول كان في شغل و برضو لم تشفع له اى شهادة مخدمبه و لو في بيته و بين اطفاله برضو ما كانت نفعت شهادة اى واحد و زى اخونا محمد جمعة زميل المنبر محمد حامد جمعة كان عنوان بوسته (قتله الهوس الجهوى) فعلا جرائم القتل عندهم له تصانيف. قتل من الدرجة الاولى و الدرجة الثانية و Man Slaughter فما ممكن قتل 9 بجرة قلم عمر البشير الذى صادق علي تنفيذ القتل
| |
|
|
|
|
|
|
Re: شهادة زوجة واحد من المغدور بهم فى مقتل محم (Re: Yasir Elsharif)
|
نعم يا الهبيب هذه القضية كانت من أحد جرائم إغتيال العدالة في السودان لا زلت أذكر رواية الرجل الذي هددوه بتعرية أمه أمامه وصورة المغدورين في السجن وهم مقيدين الأيدي والأرجل قبل إعدامهم ، أعتقد أن أحد أسباب قتله هو مقاله الذي كتب فيه يا خرطوم جوطي جوطي لأنه قصة قتله وقطع رأسه وتوجيهها عكس القبلة كما ذكر حينها طريقة دواعش وقصة ركوبه العربة دون مقاومة مع ناس ما بعرفهم ما واقعة لي والله أعلم
| |
|
|
|
|
|
|
Re: شهادة زوجة واحد من المغدور بهم فى مقتل محم (Re: muntasir)
|
مداخلة الباشمهندس أبو الريش .. بتاعت المخابرات غررت بناس من دارفور .. تبدو هى الحقيقة .. حتي يلبسوهم قميص يوسف .. ويطلعوا هم من الموضوع.
المغدور محمد طه محمد أحمد .. رجل شجاع في قول كلمة الحق .. في حكاية الخرطوم جوطي جوطي .. حينما سئل قال: نحن راكبين في ظهر الشعب السوداني 30 سنة حتى حق الجوطه نحرموهم منه!
------------ أنتم عارفين .. لو كان المخابرات السودانية شاطرة .. كان يركبوها في الجمهوريين .. يجيبوا لهم جمهوري متعصب ويقولوا له دا عدو الأستاذ محمود أقضي عليه .. ويلفوا يقولوا الجمهوريين قتلوا محمد طه .. هناك تبقي رمد ووجع عيون ..!
بريمة
| |
|
|
|
|
|
|
Re: شهادة زوجة واحد من المغدور بهم فى مقتل محم (Re: muntasir)
|
صباح Quote: لمغدور محمد طه محمد أحمد .. رجل شجاع في قول كلمة الحق .. في حكاية الخرطوم جوطي جوطي .. حينما سئل قال: نحن راكبين في ظهر الشعب السوداني 30 سنة حتى حق الجوطه نحرموهم منه!
|
وين قال نحن راكبين في ضهر الشعب السوداني 30 سنة ؟؟ هل كان المرحوم يكذب ؟؟ واللا تلفيقة منك ساي يا أخوهم بريمة ؟؟ ........... عموما الأخوان المتاسلمين الهالك منهم ومن ينتظر كذبوا ولا يزالوا مستمرين في الكذب وهذه أخف موبقاتهم
| |
|
|
|
|
|
|
Re: شهادة زوجة واحد من المغدور بهم فى مقتل محم (Re: حيدر حسن ميرغني)
|
Quote: أنتم عارفين .. لو كان المخابرات السودانية شاطرة .. كان يركبوها في الجمهوريين .. يجيبوا لهم جمهوري متعصب ويقولوا له دا عدو الأستاذ محمود أقضي عليه .. ويلفوا يقولوا الجمهوريين قتلوا محمد طه .. هناك تبقي رمد ووجع عيون ..!
بريمة |
يا هندسة ما صاح منك تجهل الجمهوريين بالشكل دا.. قلت لى جمهورى متعصب؟ ههههه ههههه
انت عارف فى اعدام سيد قطب رحمه الله الأستاذ محمود والجمهوريين مشوا دار جبهة الميثاق الاسلامى وقاموا بواجب العزاء .. حتى أن المرحوم الترابى ارتبك وما كان متخيل محمود محمد طه يجى الدار معزيا.. الجمهوريون لا يعرفون الصغار (بتشديد وفتح الصاد)..
| |
|
|
|
|
|
|
Re: شهادة زوجة واحد من المغدور بهم فى مقتل محم (Re: Abureesh)
|
Quote: يا هندسة ما صاح منك تجهل الجمهوريين بالشكل دا.. قلت لى جمهورى متعصب؟ ههههه ههههه
|
الباشمهندس أبو الريش .. أبداً لا أجهل الجمهوريين .. هم كانوا الخصوم الحقيقين للأخوان .. نازلوهم بحجج قوية هزت عرشهم. لو ملاحظ الأخوان هزموا الشيوعيين في كل الميادين .. أفقروا الأنصار والختمية فقر شل حركة تنظيماتهم.
إعدام الأستاذ محمود جعل الجمهوريين ضحايا لعنف الأخوان .. ودوروا فيهم تحت ذريعة أنهم ضحايا .. قادوا كل بقية التنظيمات وأداروا صراع عالمي لم يستطع الأخوان أقناع المنظمات والمؤسسات والدول بحججهم في إعدام الأستاذ محمود.
أنا أفتكر، ما دام مقتل محمد طه أصلاً مؤامرة لتغييبه .. كان يركبوها في أكبر خصومهم .. الجمهوريين .. حتي يجدوا نفاج لأدعاء أن الجمهوريين يمارسون الأرهاب .. لكن، الله غالب، رموها في رعاع .. فأنعكس السحر علي الساحر .. كل أصابع الأتهام وجهت إليهم.
بريمة
| |
|
|
|
|
|
|
Re: شهادة زوجة واحد من المغدور بهم فى مقتل محم (Re: Biraima M Adam)
|
نأتي لقولي
Quote: نحن راكبين في ظهر الشعب السوداني 30 سنة حتى حق الجوطه نحرموهم منه! |
الخطأ وقع في 30 سنة .. أعترف لكن مصر أن محمد طه .. قال راكبين في ظهر الشعب السوداني .. ونمنعوهم حتى حق التظاهر .. (مادام الكلام بقي جد، مستعد أبحث ليكم مقولة المغدور محمد طه .. وإن لم أجدها أخبركم .. أنا كل ما أملك مصداقيتي .. لا أملك أي شيئ .. ).
----------------- ههههاي، ما تصححونى!! .. كان وقتها حكم الأخوان كان حوالي 18 عام.
بريمة
| |
|
|
|
|
|
|
Re: شهادة زوجة واحد من المغدور بهم فى مقتل محم (Re: muntasir)
|
Quote: أعتقد أن أحد أسباب قتله هو مقاله الذي كتب فيه يا خرطوم جوطي جوطي لأنه قصة قتله وقطع رأسه وتوجيهها عكس القبلة كما ذكر حينها طريقة دواعش وقصة ركوبه العربة دون مقاومة مع ناس ما بعرفهم ما واقعة لي والله أعلم |
سلام هبيبنا منتصر, طبعا كتاباته بقت تراكمية و لفترة طويلة. على ما اذكر في عام 93 تعرض ل ام دلدوم من احدهم بسبب كتاباته و تلك الفترة الانقاذ في بداياتها , يعنى اغلب الناس ما انتبهو لبداية الفساد الحاصل. في الفترة الاخير, كان فعلا عندو ملفات كثيرة في يدو عن الفساد و لذلك الناس لقو في فرصة مقاله عن الفور ليتخلصو منه و يركبو للحريمة في المساكين. حسب ذاكرتى عن ذاك المقال, لا يستاهل حتى ام دلدوم او علي اسوأ الفروض ممكن يلاقوهو مجموعة شباب في الشارع بينهم زول احمق و لما يعرفوهو يقوم يديهو بونية.
| |
|
|
|
|
|
|
Re: شهادة زوجة واحد من المغدور بهم فى مقتل محم (Re: Mahjob Abdalla)
|
باشمهندس بريمة.. شايفك مغرم بالاغنام الطائرة.. لذلك ساضيف ختم جديد اسميه العنزة الطائرة.. ايه رأيك.. لو المخابرات اتهمت جمهورى الا تصدقها انت براك قلت ليك حتى خصوم الجمهوريين لا يصدقونها وما ممكن المخابرات تقدم على توجيه تهمة فاشلة من البداية.. كونك تعرف صراع أيام أركان النقاش لا يعنى انك تعرف سلوك ومبادئ الجمهوريين التى يعرفها حتى الوهابيون..
| |
|
|
|
|
|
|
|