|
كتب الكاتب الفاتح جبرا المتوفرة بمعرض الدوحة
|
|
 Re: مليشيا الجنجويد وحاضنتها السياسية andquot;قحت (Re: Elhadi)
|
ولا أعتقد أنني أعدو الحقيقة لمن أقول إنو أنحنا وصلنا درجة أصبح مجرد ظهور أي شخصية من قحت (مين ما كانت وأياً) على وسائط الإعلام أو وسائل التواصل الاجتماعي
ده براهو في حد ذاتو أصبح سبب كافي لصب اللعنات وتفريغ شحنات الغضب الكامنة في صدور المواطنين على هذا التحالف والأحزاب السياسية المنضوية تحته.
وسبب للسخرية والتندر على الحال التي وصل لها هذا التحالف السياسي وتماهيه مع سردية مليشيا الجنجويد حول هذه الحرب ومع الانتهاكات التي ترتكبها المليشيا بحق المواطنين
والحقيقة التي أعتقد إنو لا جدال حولها برضو : إنو هم فعلاً مشوا بعيد جداً في مسألة الإرتهان لهذه المليشيا والتماهي مع سردياتها دون حساب المصلحة والعواقب السياسية المترتبة على هذا الأمر.
لدرجة أنني في كثير من الأحيان أشعر أنهم وصلوا نقطة اللا عودة في هذا الأمر ـ وأعتقد إنو ده مفروض يكون باب مبحث كبير حول مسببات هذا الأمر. يعني هل المليشيا ماسكة عليهم شيء ؟؟ هل الدولة الراعية للمليشيا ماسكة عليهم حاجة ؟؟
فمجرد انك تدعي انك معارض للكيزان ما سبب كافي يبرر هذه الخسائر السياسية الفادحة و المتلاحقة وهذا الخسران المبين والتدني المريع في الشعبية ـ وصحي هم شعبيتهم ما كانت على قدر كده ـ لكن قدر الناس الكانوا مغشوشين فيهم وسايقنهم بالخلاء الوقت ده كلو خسروهم :)
| |
 
|
|
|
|
|
|
|
|
Re: مليشيا الجنجويد وحاضنتها السياسية andquot;قح (Re: Abureesh)
|
| Quote: التفاوض والجنح للسلم موش من مبادئ الإسلام يا الهادى؟ |
وهل السلم مربوط فقط بوجود المليشيا التي مارست أبشع وأفظع الانتهاكات والجرائم في حق المواطنين العزل والأبرياء في المشهد السياسي ؟؟
بعدين (الناس) قالوا وبوضوح تام : سلم يبقي على هذه المليشيا في المشهد السياسي ما عاوزنو والتبقي تبقى
تفاوض يقوم على مبدأ حل وتسريح وتصفية المليشيا وتسليم سلاحها ومحاكمة قادتها : مرحب وألف مرحب يانا أهل الفرحة جينا ـ لا المدامع وقفتنا و لا الحكايات الحزينة
غير كده يفتح الله ـ وبل بس
بالمناسبة بل بس زاتو عندها مدلول سياسي ـ ومدلولها السياسي مشابه للمدلول السياسي لشعار الثورة : تسقط بس
لأنو تسقط بس كشعار لثورة ديسمبر أساساً جاءت رداً على خطاب البشير في عطبرة لمن عرض على الثوار التفاوض في واحدة من خطاباته المرتجلة ـ فكان رد الشارع العفوي جداً وقتها : بل بس ـ عفواً أقصد تسقط بس بما يعني ( لا تفاوض ولا مساومة مع نظام البشير) والمطلوب هو إسقاط النظام
وللأسف نفس الأحزاب بتاعت قحت دي جات وخانت شعار الثورة ده ومشت دخلت في مساومة سياسية أبقت على المنظومة الأمنية الفاسدة من نظام البشير فحدث ما حدث
| |
|
|
|
|
|
|
| |
Elhadi
Abureesh
فيس بوك
تويتر
انستقرام
يوتيوب
بنتيريست