النقاش مختلف عن العلاقات الانسانية. وحتى في البيت الواحد أحيانا تتفق الاسرة على عدم الكلام في السياسة او موضوع معين حتى يحتفظوا بعلاقاتهم الانسانية.
لماذا اقول هذه المقدمة؟
في بوست ما أعجبتني المقدمة التالية لبشاشة وهو يتكلم عن طرف من سيرته الذاتية:
Quote: وانا شاب بعد خلصتا الثانوي العالي مشيت أو قريت فندقة، عشان أمشي فرنسا واقرا هناك!!! اها مدرسة الفنادق دي في السبعينات كانت حكومية، في جوا الفندق الكبير علي شاطئ النيل ياالهي!!!
فالمهم الموضوع مثير بالنسبة لي وفاتح لشهية الاستماع الى مزيد من التفاصيل بأسلوب بشاشة.
ولو طنّش ما مشكلة. بس يفكر في صياغة تلك القصة وسردها للآخرين.
09-22-2023, 04:49 PM
Bashasha
Bashasha
تاريخ التسجيل: 10-08-2003
مجموع المشاركات: 25803
ياخواض: خصوماتي، معاركي، معاك فكرية حدها هذا الفضاء فقط، ولحدي نهاية اليوم فقط، لنبدأ يوم عراك فكري جديد . بعيد من هنا نظل اخوان، سودانيين من دون مايكون هناك اي شي ضد خصومي اطلاقا، بعيد عن فضاء الصراع الفكري. حد راحتك.
09-22-2023, 05:02 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18040
سلام ود الخواض مثلك طالعت هذه الجزئية في احدى مداخلاته وفعلا تشوقت لمعرفة المزيد من هذه السيرة حسب إعتقادي بشاشا أفكاره حول حاجات كثيرة بدأت تتبلور في تلك الفترة ، وتركت اثر في قراره بعدم الإغتراب في بلاد العربان ربما كان يسعى لتوسيع فهمه في أمور عديدة خاصة وذلك الزمان الدافع الرئيسي للإغتراب كان غير مادي .. بشاشا في هجرته قد يكون تمثَل قول الشافعي : سافر ففي الأسفار خمس فوائد تفريج هم واكتساب معيـــشة وعلـــم وآداب وصحـــــبة ماجد.
09-22-2023, 08:43 PM
osama elkhawad
osama elkhawad
تاريخ التسجيل: 12-31-2002
مجموع المشاركات: 20545
Quote: سلام ود الخواض مثلك طالعت هذه الجزئية في احدى مداخلاته وفعلا تشوقت لمعرفة المزيد من هذه السيرة حسب إعتقادي بشاشا أفكاره حول حاجات كثيرة بدأت تتبلور في تلك الفترة ، وتركت اثر في قراره بعدم الإغتراب في بلاد العربان
اهلاً حيدر
نعم اتشوّق لعلاقته بالطبخ والعربان.
هنالك تنميط للذين من دنقلا انهم طباخون.
وأريد أن أعرف أثر تلك المدرسة الفندقية على حياته لاحقا. هل مازال طباخا ماهرا؟ وما هي الطبخات التي يجيدها؟
ولماذا اختار فرنسا؟ وكيف ينظر الآن إلى قراره بالتوجه إلى أوروبا؟ وأيضا علاقته بالعربان؟
خاصة أننا نلاحظ في خطابه المركزي الأفريقي عدم استلطاف او كراهية للعربان والمركزية الأوروبية، فهل كراهيته للأوروبيين هي كراهية للمركزية ألأوروبية كاتجاه عنصري؟ أم أنه يعتقد أن كل آلأوروبيين متمركزون حول ذواتهم؟
ما أريد من بشاشة أن يستعجل . خليهو ياخد راحتو في التخطيط واستذكار تلك المرحلة. وان يحاول عبر السرد ان يجيب على تساؤلاتنا.
طريقته في السرد عفوية وصادقة، بعكس استخدامها في الحديث عن الأفكار والمصطلحات والمجرّدات. هذه ملاحظة عابرة أرجو أن تأخذوها بهذا المعنى العابر.
09-22-2023, 10:52 PM
Bashasha
Bashasha
تاريخ التسجيل: 10-08-2003
مجموع المشاركات: 25803
ده بيكون بوست ذكريات، في الجميلة أو مستحيلة. الذكريات في الايام المرة دي العايش فيها شعبنا، بالنسبة لي هي المخرج هي الجنة بحق، لما نرجع لي سودان ماقبل شيطاين الكيزان، بالذات الستينات ايام طفولتي، اجمل ايام عمري.. طولو بالكم لو طولنا من البوست ده. .
09-22-2023, 11:02 PM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
من ذهب الى فرنسا فهو كافر او على الاقل زنديق طه حسين سمع واحد شيوخ من الشيوخ الذين يقومون بالتدريس في الأزهر ولكن كانت فرنسا في نظر طه حسين وطبعا (بشاشا) هي بلد ومهد العلم والفلسفة والفن والحضارة
09-22-2023, 11:09 PM
Bashasha
Bashasha
تاريخ التسجيل: 10-08-2003
مجموع المشاركات: 25803
بالنسبة للطباخة انا ده مابعرف ليهو خالص خالص!!! اولادي الاتولدو هنا بعرفو طبيخ احسن مني..بي كتير .. ولكن اماتي كانن مشهورات في دنقلا والخرطوم باجادة الطبيخ ولهذا المناسبات كلها هن كانن البديرن المناسبات في الحلة، بل خارج الحلة، ويقال انو ال بشاشا هم الجابو الطبيخ نعم الدمعة لي دنقلا، في القرن ال١٩ لاحظو، وحينها جدي بشاشا كان هو حاكم دنقلا ايام ثورتنا، باعتبارنا من ال الامام المهدي أو كده!!!
09-23-2023, 01:57 AM
osama elkhawad
osama elkhawad
تاريخ التسجيل: 12-31-2002
مجموع المشاركات: 20545
وبعد ان تنتهي بعد سرد طويل جدا، ممكن يحكي الاصدقاء والصديقات هنا في المنبر عن مشاهد من ماضيهم\نّ، مما يمكن أن يوحي به سردك وونستك الرائعة. مثل كون جدك أول من أدخل "الدمعة" ههه
سؤال : طيب كيف واصلت في مدرسة الفندقة وانت مجلي في الطباخة؟
09-23-2023, 02:03 AM
osama elkhawad
osama elkhawad
تاريخ التسجيل: 12-31-2002
مجموع المشاركات: 20545
بالنسبة لرواد المركزية السودانية اي الافريقية، فده كان أواخر الثمانينات و أوائل التسعينيات وانا جديد في امريكا، والثمانينات في الحراك ده بمثل لحظة الانفجار علي مستوي الشارع، والاعجب في امريكا والسودان معا!!!
نعم في السودان كنتا رئيس اللجنة الثقافية لجمعية الدراسات النوبية، اللي الان الجمعية دي رئاستا انتقلت لي فرنسا لاحظ!
مع فارق ضخم!!
المدرسة السودانية الي اليوم ماوصلت السودان بالمناسبة!!
في السودان مهرجان اسبوع التراث النوبي كان ضخم للغاية من حيث الحضور من الجمهور، ولكن هذا كان خاص حصريا بمن يسمون "النوبة" حصريا، اي المحس اولا، ثم الحلفاويين، فالدناقلة! بالفهم القبلي!!
ده كان شاطب راسي شديد أو لما أسأل كان منظم الشغل ده كلو، دكتور علي عثمان (محسي) بستغرب أو بضحك فيني، لانو ده ماكان حينها عايز سؤال!!
نعم كونو اعلاه هم النوبيين حصريا في السودان فهذا كان من المسلمات، بالذات بالنسبة للخواجات واضعي المقرر الحالي، وهذا مفصلي وراهو كلام ضخم كبير جدا!
لهذا ماصدفة السويسري اياه ماكان بقبل زاتو كلام غير كده، أو قبل كده حاصروهو هنا في نيويورك في الموضوع ده، ولهذا ماصدفة مابجيب سيرة نوبة الجبال كمثال، خالص...
ده، ملعوب قذر كبير، للاسف اعترف شاركتا في نشرو رغم انف اني كنتا في حيرة، حينها!!
المهم في امريكا، لما استلمتا شغل جديد، في اول يوم زميل من اهلي افارقة امريكا سالني انتا من وين، قتا ليهو من السودان، فالرجل اداني تعظيم سلام أو قال لي انتا نوبي، أو بدأ النقاش معاي، أو عرف انو ده مجالي، فقام جا البيت معاي، أو ساقني لل Study Group بتاعم وهذا نموذج وتقليد متبع بين اهلنا منذ عصر العبودية، كاسلوب اوحد للتعليم، لانهم كانو ممنوعين من التعليم رسميا!!!
...نواصل بعد قليل...
09-23-2023, 04:29 PM
Bashasha
Bashasha
تاريخ التسجيل: 10-08-2003
مجموع المشاركات: 25803
اعترف من الأشياء الغريبة المريت بيها أو عملتها، اني ما كنت منتظم كطالب من الثانوي العالي، ثم الجامعة!!! وقسما اعترف لا ادري خشيت الجامعة كيف واتخرجتا كيف!!!
قضيت وكتي كلو في السنة النهائية في ثانوية الخرطوم القديمة، في مكتبة الاداب والفنون، حاتل في كتب التاريخ تحديدا!!!
ناظر الخرطوم القديمة انتبه لي، لاني كنتا بجي متأخر يومي، أو بعد داك بقوم فللي للمكتبة، أو لما عرف أنا خشيت الجامعة استغرب جدا!!!!
في الجامعة نفس الشئ من اركان النقاش كنتا بمشي واحتل في المكتبة، بعد ما اقلع ملخص المحاضرات في اليوم السابق، من علي الصادق، وزير خارجية الانقلاب الحالي "الروميت" بتاعي في داخلية عطبرة، في البركس!!! محاضرات الفلسفة الإغريقية كنتا حريص احضرا لي سببين: الجمهوريين!!! نعم كنتا مقتنع انو الفكر الجمهوري اصلو فلسفة اغريقية، ياللغرابة، فقط لاكتشف انو مايسمي فلسفة اغريقية، اصلو الفكر الجمهوري، نعم التصوف الواحد ده، أو ده فضلو يعود لمدرسة "Study Group" هنا في "Pomona" كالفورنيا، ولولا جيتي لي امريكا لما عرفتا قدر الطشاش العرفتو عن تاريخنا، لأمريكا التحية، عاصمة حراك الوعي الكوشي!!! السبب التاني لي حرصي لحضور محاضرات الفلسفة مش التاريخ، هو علاقتي بالصديق دكتور كمال شداد الكنتا ساكن في مكتبو بل ماسك مفتاحو، لانو كان بسافر كتير جدا جدا، عشان مواضيع الكورة!! يبدو لي اخترعتا نظام تعليم نجرتو من عندي، حقيقة عبقري جدا، يركز علي منهج البحث المستقل مش تلقين معلومات بعينها حفظها بغرض التسميع!!
...نواصل..
09-23-2023, 06:13 PM
Omer Abdalla Omer
Omer Abdalla Omer
تاريخ التسجيل: 03-02-2004
مجموع المشاركات: 4084
Quote: السبب التاني لي حرصي لحضور محاضرات الفلسفة مش التاريخ، هو علاقتي بالصديق دكتور كمال شداد الكنتا ساكن في مكتبو بل ماسك مفتاحو، لانو كان بسافر كتير جدا جدا، عشان مواضيع الكورة!!
التحية للخواض و لضيوفه الكرام! فعلا ايام جميلة في جامعة الخرطوم! دخلنا الجامعة برالمة في اواخر 82 و كانت الجامعة ذاخرة بكل شئ و لكن النشاط الثقافي و السياسي يكاد يكون الأعلى من الأكاديمي. " النشاط الأكاديمي كان قد تضعضع منذ منتصف السبعينيات". إن أنسى لا أنسى كمال بشاشة في اركان نقاش الجمهورين ببنطلون الجينز والتي شيرت! كان من نقاشه للجمهورين على أساس فلسفي يبدو مطلعا و واثقا مما يقول! و سبحان الله كان شديد الشبه بكمال شداد في السحنة و الشعر و لباس الجينز. كان بشاشة غاية في الوسامة و الأناقة و سجاير البنسون و الجيكس الجميل. كان elegant to say the least
09-23-2023, 06:15 PM
Omer Abdalla Omer
Omer Abdalla Omer
تاريخ التسجيل: 03-02-2004
مجموع المشاركات: 4084
الواحد يكاد لايصدق، انو ذاك السودان كان في ذات هذا الكوكب، دعك من السودان زاتو..
عشنا او شفنو، دولة المشروع دمرت السودان كيف!!!
شخصيا ده شاطب راسي!!!
كيف "رساليين" يكونو بمثل هكذا بشاعة، اجرام، والاهما فساد!!!
دكتور كمال شداد صديقي العزيز واستاذ الفلسفة الاغريقية، كان انسان بسيط، في غاية التواضع!!!
لما يجي من السفر او يلقانا مالين مكتبو او نتغالط، باعلي صوت زملاء وزميلات، كان بيصر اننا نواصل باقي اليوم او بطلع هو، او بخلي لينا مكتبو..
التحية لاستاذي وصديقي العزيز!!!
بالنسبة للجنز والشعر الافرو، فكنت فعلا معروف بي "كمال افرو" في امتداد الدرجة التالتة، مكان اقامتي معا اصدقاء الطفولة من اهلي، رغم انو بيتنا كان في حاج يوسف..
كانت لنا ايام، يا ليتنا عدنا، او عادت تلك الايام...
عجيب الحاصل الان، غريب جدا...
غايتو اجيال الخمسينات والستينات وربما السبعينات، محظوظين جد!!
اما الكبار، فاجيال العشرينات فكانو فعلا كنوز، من حيث موروثنا الثقافي، الكوشي، النوبي، بالذات في اريافنا!!!
من عجائب الدنيا، كتب التاريخ طوالي بترجعني لي جيل جدي او حبوبتي تحديدا، وبالذات الازياء، وتحديدا وكت عمل الزراعة!!!
شئ عجيب جدا جدا، اسلوب حياة اجدادنا في عصر الاهرامات، هو ذات الشفتو بي عيوني في دنقلا في نموذج جيل جدي الله يرحمو، بذات اللبس، الحمير، الساقية، النوريق...الخ!!
09-24-2023, 03:33 AM
Bashasha
Bashasha
تاريخ التسجيل: 10-08-2003
مجموع المشاركات: 25803
ماعارف ليه، انتا بالذات مرتبط في ذهني من دون بقية الزملاء، الزميلات، بالزمن الجميل، نعم الستينات، السبعينات والختام في الثمانينات ولا ادري لماذا معا انو ما اتلاقينا برا المنبر!!
نعم انتا مرتبط في ذهني، بي اولاد حلتنا في شارع سوق الدناقلة في بحري، وانا قاشر بالعراقي، او الجلابية الخدرة، والمركوب، او هم بالاردية والفنايل، الكدارات، والشرابات الواصلة الركبة لما نلعب كورة!!
كانو بشتكو اني بكسرم كسير او هم بالكدارات لاحظ، وانا بالعراقي والمركوب!!
اها المصارعة ماحصل ولا واحد، ولامرة غلبني!!!!
حتي في دنقلا في الابتدائي كنتا بطل المصارعة!!!
اها لو لاقيتك، زي ما جماعاتك ناس "الخرتوم" انا بتحداك نتصارع او ننقل الشريط هنا، في المنبر!!!!!
شن قولك؟
لاحظ في شارع سوق حلة الدناقلة كان هناك عدد كبير من النجوم الكبار، علي راسهم ثنائي العاصمة، واشهر فرقة بتاعة جاز في الستينات، نسيت اسمها، وابرذ مسؤولي "هنا امدرمان" محمد خيري!!
الاغرب كل الاعراس في الحي داك كان بي فرق الجاز حصريا!!
ليه ماعارف!!
من العجائب برضو، بالنسبة لي في بحري الدناقلة، كقروي كان منظر سواقة البنات للعجلات في العصرية!!!
ده كان منتشر بي كثافة، في شارع الدناقلة بالذات، او ده كان منظر غريب بالنسبة لي، كزول معتاد يشوف البنات راكبات الحمير مش العجلات...
معقولة ده، ذات سودان الكيزان الحالي؟
09-24-2023, 05:07 AM
osama elkhawad
osama elkhawad
تاريخ التسجيل: 12-31-2002
مجموع المشاركات: 20545
غايتو ريَّحت الزول ده جنس راحة. جبتها ليهو مدردقة.
الراجل ده كايس الفرصة دي سنين عشان يجي ينداح ويدلق كرور جنون العظمة اللي مسيطر عليهو.
أنا طبعًا فاهم قصدك الذكي وهو إنك تسبر أغوار هذه الشخصية المشوّهة الدواخل، لكن الزول ده مطرطش ساي وحا يقعد يقابض من طرف، والكلام كله حا ينصبّ حول تفخيم شخصيته المريضة والتمسّح في المشاهير على شاكلة فلان الفلاني كان "الروم ميت بتاعي"، والبروف العلاّني كان صاحبي ومفتاح مكتبه عندي، والانقلابي الفلاني من أهلنا، والمهدي جدّي، وكنت رئيس رابطة شنو ما عارف، ولما كنت في الجامعة كنت وجيه وبيسموني "كمال آفرو"، والجكس مكسَّر فيني.
الراجل ده حدّد ليهو نقاط معينة يتكلم فيها عشان ما يقدّ الناس بالفارغة. بالله حوشوا لينا قبل ما يملأ الناس فقر بجغاميس على شاكلة لوني ومشروبي المفضلين وحكمة أؤمن بها وتحية إذا مرَّت بفلسطين حرّرتها.
غايتو لحدّي الآن سيرة أشتر كاليفورنيا ده ما فيها أيّ شيء مثير للاهتمام. ياهو شبهه شبه كتيرين غيره درسوا في جامعة الخرطوم واشتغلوا قبل ما يهاجروا في بلاد الله الواسعة. أما حكاية بطولاته عن أنه رفض عرض يمشي السعودية في الزمن اللي قالوا، فالوقت داك الشغل والحياة في الخرطوم كانت لكتيرين أفضل من الاغتراب.
زمان، يا خواض، حضرت برنامج في تلفزيون السودان كانوا مستضيفين فيهو قائدين من جنوب السودان قبل الانفصال.
المذيع سأل الضيف الأول عن سيرته الذاتية، فبدأ الضيف يسرد سيرته الذاتية الحافلة، ويستعرض إنجازاته المهنية والأكاديمية الكبيرة، فانبهر المذيع وانبهرنا نحن المتابعين معاهو أيَّما انبهار. السرد ده أخد مدَّة طويلة، لكنه كان ممتع، والحق أن الرجل كان فاهم وسيرته مشرّفة جدًا. لما جاء الدور على الضيف التاني، اتكلم عن نفسه في مدَّة أقصاها 10 ثواني، لأنه ما عنده أيّ إنجازات أكاديمية أو مهنية يقولها، بس قال اسمي فلان الفلاني وقريت لغاية سنة كم كده في الايتدائي - إذا لم تخني الذاكرة - وبعدها دخلت الغابة طوالي. الدنقلاوي التايواني ده ياهو من عينة الضيف التاني ده. جاء من دنقلا العجوز وعمل كونيكشن في الخرطوم كم سنة وطوالي شحنوهو خام على كاليفورنيا، وما زال حتى يومه هذا خام وبإعدادات مصنعه في دنقلا العجوز.
09-24-2023, 12:41 PM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
Quote: اني بكسرم كسير او هم بالكدارات لاحظ، وانا بالعراقي والمركوب!! اها المصارعة ماحصل ولا واحد، ولامرة غلبني حتي في دنقلا في الابتدائي كنتا بطل المصارعة اها لو لاقيتك، زي ما جماعاتك ناس "الخرتوم" انا بتحداك نتصارع او ننقل الشريط هنا، في المنبر
يا زول اعمل حسابك شديد انت ما قريت الكلام دا ؟؟ الزول هسي لو لاقاك في الخرطوم
09-24-2023, 01:24 PM
محمد صديق عبد الله
محمد صديق عبد الله
تاريخ التسجيل: 09-05-2017
مجموع المشاركات: 1569
Quote: محمد صديق Quote: اني بكسرم كسير او هم بالكدارات لاحظ، وانا بالعراقي والمركوب!! اها المصارعة ماحصل ولا واحد، ولامرة غلبني حتي في دنقلا في الابتدائي كنتا بطل المصارعة اها لو لاقيتك، زي ما جماعاتك ناس "الخرتوم" انا بتحداك نتصارع او ننقل الشريط هنا، في المنبر
يا زول اعمل حسابك شديد انت ما قريت الكلام دا ؟؟ الزول هسي لو لاقاك في الخرطوم
سلامات يا أحمد ياسين.
زولك ده زمان على سبيل جسّ النبض تبرعت ليهو بتذكرة ذهاب وغياب من كاليفورنيا إلى الخرطوم عشان يجي يعمل فلاحته دي في الخرطوم. جرَّ واطي وعمل فيها غمران، وقال لي يا أخي نحن أخوان وصراعنا ده صراع فكري حدّه المنبر ده، ولو لاقيتك في الخرطوم بعزمك عصيدة بملاح شنو كده ما عارف.
أشتر كالبفورنيا ده هبوب ساي وفصاحته دي حدَّها نواحي سودانيزأونلاين.
09-24-2023, 02:47 PM
Bashasha
Bashasha
تاريخ التسجيل: 10-08-2003
مجموع المشاركات: 25803
اها، عزيزي القارئ اتذكرت اسم فرقة الجاز في بحري الدناقلة "بلو استار" إن لم تخونا الذاكرة، أو بيت مؤسس الفرقة دي كان ملاص لي بيت ثنائي "التومات" أو ده جيل ماعاصرتو..
نعم في شارع واحد كان هناك عدد كبير من النجوم، والاعجب بالنسبة لي كان هيمنة موسيقي الجاز تحديدا علي الحي ده، نعم الشارع ده، اللي من سكانو كانو ثنائي العاصمة، اللي بيتم برضو كان ملاصق لي واحدة من بيوت اهلي في الشارع ده..
من النكات الظريفة جدا السمعتها، أو ده كان في سوق حلة الدناقلة في بحري جنب عمارة "هافانا" الشهيرة فيما اذكر في الزمن داك، كيف واحد دنقلاوي ضحك علي صحبو الجعلي واقنعو انو يجيد اللغة الإنجليزية..
اها، ايام الانجليز الاتنين كانو فارشين في السوق ده، جمب بعض، لما جا ماري "هواجة" بي عندهم..
اها الدنقلاوي كان ماسك جروة صغيرة في يدو أو هم بتونسو فقال ل"الهواجة":
"هواجة" ولتوكي بجانا؟ نخليكم مسطحين حتي نعود لنواصل النكتة.…
09-24-2023, 03:50 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: اها، عزيزي القارئ اتذكرت اسم فرقة الجاز في بحري الدناقلة "بلو استار" إن لم تخونا الذاكرة، أو بيت مؤسس الفرقة دي كان ملاص لي بيت ثنائي "التومات" أو ده جيل ماعاصرتو..
شلوم مربع يا كمال ..
فرقة البلوستارز بدأت في السبعينات و هم اصدقاء حميمين لي و ما زال عاصم زين صديقي حتى تاريخه .. مؤسس الفرقه الصديق الراحل عمر قيلي .. و معاهم عبد الرزاق (ابرزقه) و محمد سيد على الدرمز و السموؤل .. اخوك بفضل الله حاضر اي حفلة للبلوستارز اينما كانوا .. حتى عندما غنى معهم جيمي كليف في الميريديان ..
اما الخرطوم القديمة فما جاوبتني .. هل درسوك اساتذة (مصريين) ام لا ؟ لانه زمنا كان في جرجس محارب استاذ الاحياء و سمير استاذ الفيزيا و استاذنا الشاطر جدا نبيل صمويل بقطر استاذ الميكانيكا ..
انت شكلك خشيت القديمة بعدما انحنا مرقنا منها سنة 78 ..لكن بتكون جيتنا برلوم و انحنا فاينال في المعمار ..
ياخ زمن عجيب ..
09-24-2023, 03:55 PM
Hafiz Bashir
Hafiz Bashir
تاريخ التسجيل: 12-04-2004
مجموع المشاركات: 7216
Quote: ويقال انو ال بشاشا هم الجابو الطبيخ نعم الدمعة لي دنقلا، في القرن ال١٩ لاحظو، وحينها جدي بشاشا كان هو حاكم دنقلا ايام ثورتنا، باعتبارنا من ال الامام المهدي أو كده!!!
اليخنة او اليخني هي الكلمة التي مازلنا نستخدمها كمرادف لكلمة الدمعة. كلمة يخني كلمة تركية وطبيخ الدمعة طبيخ تركي وقد دخل السودان أيام الحكم التركي المصري وفي الغالب في زمن الخديوي محمد سعيد باشا.
يا بشاشا إذا كان اجدادك هم الجابو طبيخ الدمعة لدنقلا، فعليك الإعتراف بأنهم كانوا طباخين للخديوي وبلاش صلبطة معاك في الثورة المهدية. 😝😝😝
09-24-2023, 04:06 PM
Omer Abdalla Omer
Omer Abdalla Omer
تاريخ التسجيل: 03-02-2004
مجموع المشاركات: 4084
ليش يا محمد صديق دخلت بالكدارات ام كدايس مسامير؟ البوست دا في دوري ودي مش الممتاز.. برد شوية و خلينا مع بشاشة في ذكرياته.. صفحة جديدة و خاصة زي حصة الفنون بعد حصة الspelling انا ما وجدت بشاشة إلا رجل دغري مصادم لكن ليس متوهما عظمة إطلاقا.. ربما شديد الفخر باصوله السحيقة و يا له من فخر! على زمن النقاشات السياسية الساخنة في المنبر دا و زمن تراجي كان عندنا تخاشم حار مع بشاشة وغيره لكن إطلاقا لم ار فيه غير المخلص الذي أختلف معه في القراءة. كان مطلعني حمبرا و منزلني حمبرا
خلي اللعب ودي و اقلع الكدراة دي و تعال
09-24-2023, 04:36 PM
Bashasha
Bashasha
تاريخ التسجيل: 10-08-2003
مجموع المشاركات: 25803
شلوم ياقباني، بالنسبة للخرطوم القديمة، دخلتها يبدو لي إن لم تخن الذاكرة في ١٩٧٥ أو حاجة زي كده، جيتا من مدرسة القولد في دنقلا، لاحظ!! اها ماحصل لاقوني مدرسين مصريين في القديمة خالص!!! لو ده كان حاصل، كنتا حافحط طوالي!!! الظريف وين، في الفطور كنا بنمشي دار النشر، أو هناك شرحبيل كان دائما بهظر معانا كتير أو شرحبيل احمد حينها كان في مجلة الصبيان حاجة زي كده، وكان صديق للوالد الله يرحمو، الكان سواق في دار النشر، أو في شبابو كان زي شرحبيل فنان في دنقلا في شبابو!!
09-24-2023, 04:41 PM
osama elkhawad
osama elkhawad
تاريخ التسجيل: 12-31-2002
مجموع المشاركات: 20545
عمر عبدالله لك التحية، ربنا يقدرنا نكون قدر حسن ظنك بنا!!
عارف اخوك مسكون من هو طفل بي حب الاستطلاع بي صورة جنونية ولهذا واحدة من اماتي، وهي ماهرية، اصولا من اهلي في دارفور ادتني لقب: كمال البسالك من يومك الولدوك!! طبعا اعلاه تعبير معبر غريق خالص... كنتا بجنن كباري بالأسئلة ربنا يغفر لي...
09-24-2023, 06:47 PM
Arif Nashed
Arif Nashed
تاريخ التسجيل: 05-12-2014
مجموع المشاركات: 12692
Quote: شلوم ياقباني، بالنسبة للخرطوم القديمة، دخلتها يبدو لي إن لم تخن الذاكرة في ١٩٧٥ أو حاجة زي كده، جيتا من مدرسة القولد في دنقلا، لاحظ!! اها ماحصل لاقوني مدرسين مصريين في القديمة خالص!!! لو ده كان حاصل، كنتا حافحط طوالي!!! الظريف وين، في الفطور كنا بنمشي دار النشر، أو هناك شرحبيل كان دائما بهظر معانا كتير أو شرحبيل احمد حينها كان في مجلة الصبيان حاجة زي كده، وكان صديق للوالد الله يرحمو، الكان سواق في دار النشر، أو في شبابو كان زي شرحبيل فنان في دنقلا في شبابو!!
يا بشاشا عليك الله ما تخمني ساي في حاجات مستحيل الانسان يقول فيها ان لم تخن الذاكره منها دخلت الثانوي سنة كم !! انا دخلت القديمة ١٩٧٥ و كنت في الكديت من ٧٥ لي ٧٨ وصلنا كان صول بابكر و صول المزيكا عمك رابح انا دخلت اولى عمر اول فصل في الطابق الارضي جنب مكتب عمك حسن عبيد الشايقي و بعدها مشيت تانية و تالته ابوبكر لانه مشيت رياضيات درسني جرجس محارب احياء سنة اولى و دفرت فيهو الدرج و فصلوني شهر و درسني استاذ خالد رياضيات و سمير فيزياء و مصطفى بوستي كيميا و استاذ سنهوري رياضيات اضافية و استاذ نبيل بقطر ميكانيكا و استاذ فقيري احياء و استاذ السر العراقي تاريخ
بالله وريني كنت وين و سنة كم ..🙂
09-24-2023, 09:39 PM
Bashasha
Bashasha
تاريخ التسجيل: 10-08-2003
مجموع المشاركات: 25803
Quote: يا بشاشا إذا كان اجدادك هم الجابو طبيخ الدمعة لدنقلا، فعليك الإعتراف بأنهم كانوا طباخين للخديوي وبلاش صلبطة معاك في الثورة المهدية.
شلوم ياحافظ،
والله وارد انو اجدادي كما غيرم كانو طباخين، ولكن مافي روايات زي دي!!
لو لقيت فرصة حاجيب قصيدة منذ قرابة القرن، ولكن بالمدونتر، نعم الهيروغلوفية، نعم لسانا الكوشي ايوا النوبي، قيلت في ال بشاشا!!!
قناعتي ياحافظ اني انحدر من سلالة اخر اسرة مالكة في عاصمة المغرة دنقلا!!
قدرتا اصل لحدي القرن ال14 في بحثي عن ال بشاشا، ولكن ماواصلتا، وال بشاشا اي النوبة اتنين كما اشار الي هذا جدنا عيزانا اوقال كانو هناك نوبة حمر او نوبة زرق:
1) زرق زي صلاح ود عمتي عضو المجلس العسكري الانقلابي، 2) حمر من امثالي!!!
ده موضوع بشربو بيهو القهوة كل جمعة لما يتلمو ال بشاشا، واسرتنا هي الاكبر في دنقلا من حيث العددية، ونملك اكبر مساحة للاراضي، في عاصمة رماة الحدق، "هيع"، والي اليوم ومنذ مئات السنين نحنو شيوخ منطقتنا!!!
بالنسبة للثورة الام، فال بشاشا لعبو دور كبير جدا، ويكفي انو جدي "ود بعشوم" زوج والدة حبوبتي بت شرفي وهي من ال المهدي، الحاربت الترك كجندية في الميدان او مرقتا لي توشكي، اتولدت في الابيض، زوجها ده كان هو مدير مكتب الامام المهدي واحد محرري منشورات ثورتنا!!!
بالنسبة للترك اعلم قبل اكثر من 3,000 سنة في تركيا اليوم السودانيين كانو هم الملوك، وامثال اؤردوغان كانو الرعية، هل تصدق هذا؟
ده مش كلام مساطيل؟
ولكن هذا مثبت!!
لو ده حاصل حاجات الترك دي اشياءنا نحنو، ملوكم!!
خليني اقول ليك كلام: الموضة هنا في امريكا الايام دي بين اهلنا افارقة امريكا بقت البحث عن طريق الجينات عن اي الاسر من ملوك كمت اي "مصر" هم بنتمو ليها، تخيل!!!
شخصيا قناعتي انا انتمي للاسرة 17 تحديدا الحاربت اجداد مصري اليوم اي الهكسوس، ولم اكمل مشروع هذا البحث بعد!!!
دي البداية فقط!!
نعم انا انتمي للاسرة 17، مؤسسي الاسرة 18 العصر الذهبي الثالث!!
غايتو مابعرف غير لهجة دنقلا، او للمغسة التكتل، ده زاتو خلاص علي وشك الزوال لعدم الممارسة، ولهذا كان المني نرجع دنقلا او نقضي باقي العمر، نطقا بي لسانا فقط، ولكن اهو، ربك يكون في العون!!
عايز ابدأ مشروع سلسلة الكتب بتاعتي ولكن من هنا ماخاشي في مزاجي خالص، خالص، فماعارف اسوي شنو!!!
داير امشي احج في الاول، لي جبل البركل.. ثم ازور جدي ترهاقا ثم البقية.. كمدخل للكتابة..
انا من جيل السفر بالبواخر............... يا الهي!!!!!!!!!!
وقسما لا اصدق هذا الي اليوم!!!
كنتا بسافر بالباخرة كتير جدا جدا جدا، ثم القطر من كريمة، لي شندي، لي حلفا، ثم الخرطوم!! السفر بي بواخر الزمن داااك، كان شئ عجيب!!
بالذات منظر النيل الهادئ الفضي، في ضو القميرة!!! يالهي!! بعد داك ظهرت اللواري او علي كده خليت البواخر... ولكن السفر باللواري عذاب..
ام الحسن، لو بتعرف او متذكر قهوة ام الحسن، انا ياللسعادة شربتا شاي من يدها، ربنا يرحما!!!
زيارة سفير امريكا لي قهوة امنا، ام الحسن، رجع لي شريط الذكريات اياما!!
09-25-2023, 04:38 AM
Bashasha
Bashasha
تاريخ التسجيل: 10-08-2003
مجموع المشاركات: 25803
قصيدة منذ قرن مضي، لي واحدة من اماتي، نعم خالة جدي، شاعرة الاسرة، تمجد فيها اسرتا، "ال بشاشا"، الكانت بتنظر ليهم كقبيلة لضخامة عدد افراد هذه الاسرة اللي الان فاقو ال1,000 في تقديري:
09-25-2023, 04:38 AM
Bashasha
Bashasha
تاريخ التسجيل: 10-08-2003
مجموع المشاركات: 25803
فاطمة (روضي) درار علي موسي (بشاشة) شاعرة القبيلة المغنية صاحبة الصوت الشجي وثقت لقبيلة البشاشاب قبل مائة عام في اغنية تمدح فيها احد الابناء وتمجد آباءها وتوثق لهم في اغنيتها التي خلدت وتداولتها جيل بعد جيل والتي صاغت كلماتها باللغة الدنقلاوية وسأتناولها بيتا بيتا مترجما لها الي العربية من باب التوثيق :
هنا بلاغة تحكي عن قصة واقعية هي تقول مسكوا الجزيرة بعد ان كادت تتخطاهم(مصوبة) . لم تكن حزيرة الرحمن قد ظهرت ويقال ان صالح بشاشة كان يسكن حينها كنكلاب وراي طيور وسط النيل وقرعة في تطفوا وارسل حسين جوي ومعه بعض الشباب للامساك بالقرعة وسبحوا ولما وصلوها وجدوا الموقع ضحلا ولما اتوا بالقرعة لصالح وجد بها سمنا. وتوقع ظهور جزيرة وسوف تكون رحمة ونعمة فعلا ظهرت وسكنوها وكانت رحمة عمرت وزرعت وفاض خيرها. وهي تقول انهم زرعوها عيشا وعبوا منها بالارادب ثم واصلت تعدد آباءها وتذكر سجاياهم وافضالهم وتبدا بالجد الاكبر ;
ابن موسي الامير الشجاع الذي يقف في وجه الجيش وهو الكريم الذي ينزل المشرع ومكان ورود الناس وحبسهم ليكرمهم.
حاج علي اب درار تود
وهو علي بشاشة والد صالح ودرار.
صالح عامل الدار تود الخدر كلي كول تود جولر كلقي كول تود
ابن صالح بشاشة العامل (حاكم) علي عهد المهدية وصاحب السواقي التي باركها الخضر وواقعا وفعلا كان البشاشاب وعلي راسهم صالح الوحيدين الذين اطعموا الناس في اوقات المجاعة وعندما جال الناس بحثا عن الطعام .
مكن حاج درار تود
وهذا درار بشاشة والد الشاعرة وكان متدينا حج راجلا - يأتوك رجالا وعلي كل ضامر - تيمنا بالآية وسبعها ثم استرسلت تعدد خصال الآباء :
سلام للجميع وخاص للإخوة الأعدقاء أسامة وبشاشا الأغاني النوبية خاصة التراثية بتلقي الكلمات والألحان متداولة وداخلة في بعض لدرجة كبيرة جدا، زي قصيدة الشاعرة فاطمة بشاشا بتلقي أكتر كلماتها في (المدحة) أعلاه بصوت الفنان دولا عطا وهو أكتر مغني عالج التراث النوبي في الألحان والكلمات. مثال
ارى البوست بدأ بداية معينة ثم نحى نحوا اخر.. ولااخفى استغرابى يا استاذ المشاء انك اختزلت الفندقة فى الطبيخ. ما عارف ليه رغم أن الطبيخ جزء بسيط من علوم الفندقة. بعدين الدناقلة والنوبيين عموما هم من علمونا الطبيخ السودانيون ومنهم انت وانا كنا نفور اللحمة فى الموية بس..
كلمة أخيرة لبشاشا .. ياخى عطفك مطلوب على حرف العطف (الواو الضكر) لو اردت الاضافة استعمل "و" وليس "أو" مثال: احمد و حاج احمد.. (ليس احمد أو حاج احمد) كما اراك تكتب. الاتنين حرف عطف لكن فى الثانية واللا أحمد (أو) حاج أحمد وليس الاتنين معا.
09-25-2023, 10:18 AM
حيدر حسن ميرغني
حيدر حسن ميرغني
تاريخ التسجيل: 04-19-2005
مجموع المشاركات: 25124
قاضن تود، امبس، ماعارف بتجيب الحاجات دي من وين؟؟ قدر ما اقلب يوتوب مابلقا ذات حاجاتك دي.. بعدين رجاءا انتبهوا لي مفردة "تود" اي ابن.. لما اتشبك معا احفاد الغزاة واقول ليهم "تود" ياخلق، أو مش "توت" أو يسألوني ما المعني بقول ليهم لا، طريقة مافي، شوفو واحد من "أصحاب الأرض" نعم "أهل البلد" حصريا، نعم من نوبة اسوان واسالو مامعني "تود" بوريكم!! طبعا بقيفو لر!!!
09-25-2023, 02:57 PM
Bashasha
Bashasha
تاريخ التسجيل: 10-08-2003
مجموع المشاركات: 25803
عبيييييييييييك!! شلوم يادفعة، قباني!!!! يعني قرينا في ثانوية الخرطوم القديمة سوا؟ معقولة؟ تاريخ الدخول للقديمة من باب الأمانة وقسما بامون مامتذكر كان سنة كم بالضبط!!
ولكن جامعة الخرطوم متاكد سنة ١٩٧٩م، من دون مااعمل اي شئ لاني امنتحتا للشهادة للجامعة في السنة القبلها ١٩٧٨م، ولهذا كنتا ماشي اقرا برا السودان لما ما اتوفقتا في السنة الاولي!!
حولتا المشروع من فرنسا لي أمريكا لما لاقيت اخت من اهلي افارقة امريكا كانت بتدرس انجليزي في الاداب اقنعتني بالدراسة في أمريكا.
عدد الطلاب من حول العالم كان كبير جدا في زمنا، ولا ادري لماذا وبالذات الصينيين الجو يقرو عربي!!!
في صف "الصفرة" نعم الاكل كانو بجو شايلين جرايد أو شغالين اعراب تخيلو يتغالطو معا بعض في الصف، واحيانا بفرملو الصف أو نحنا جعانين، كايسين ناكل، يتغالطو في الاعراب، تخيلو!!
Quote: ولكن جامعة الخرطوم متاكد سنة ١٩٧٩م، من دون مااعمل اي شئ لاني امنتحتا للشهادة للجامعة في السنة القبلها ١٩٧٨م، ولهذا كنتا ماشي اقرا برا السودان لما ما اتوفقتا في السنة الاولي!!
؟you enrolled by invitation
09-25-2023, 03:42 PM
Bashasha
Bashasha
تاريخ التسجيل: 10-08-2003
مجموع المشاركات: 25803
شلوم ياخواض، نعم الوالد ربنا يرحمو، معلمي الاول، كان فنان في شبابو، والمجال ده في اريافنا مختلف عن المدن، لانو فن الغناء في الريف محصور في المناسبات فقط، وتحديدا الزواج.
حتي هنا الغنا جماعي، ولكن بكون هناك فنان محدد بتزعم الكورص اي الحضور كلو تقريبا!!!
شئ عجيب!!!
نعم كل الحضور بشارك في الغنا، أو من طرف، كشيالين!!!
والزمن داك، ده كان بكون في ضو القميرة، ثم الرتاين لو القمرة غائبة!!!!
اموت في الرتاين، أو ماعارف القاها وين!!!
في دنقلا الايقاع كان حصريا دلوكة، عكس نواحي مروي مثلا ، حيث ايقاع الدليب هو المهيمن!!
لماذا لا ادري!!!
العجيب ايقاع الدلوكة منتشر في كل اركان السودان، وهو الاقدم في تقديري، أو رقيص الرقبة هناك مايدل انو كان منتشر متداول منذ أكثر من 3,000 سنة وهذا تقدير بشاشا!!
البشير اي فرقعة الاصابع مثبت، واحد رواد المدرسة السودانية من اهلنا افارقة امريكا اثبت هذا في واحدة من الحفريات الشغال فيها في اسوان، في موقع يعود لي عمدة اسوان في عصر الأسرة ٢٥!!!
فالوالد في زمنو كان فنان من البتزعمو اغاني الدلوكة في الاعراس!!!
بالنسبة لي جيلي انا من الاغاني المنحوتة في الذاكرة في زمنا الغنية دي:
ابا جلنا، أن وعادكي، ايوسكنا وهو هبيبا.. امبابن ايكي منوكنا، ايقي اوعدورن، نيركنا...
متذكرة؟ نسيتي مواعيدنا؟ ياهبيبة؟ ابوكي منعك، ولاوعدتيني أو شالتك نومة؟؟
طبعا هذا فن، مأخوذ من تقاليد المدن، لانو ماكان هناك حاجة اسمها مواعيد خالص، في اريافنا عشان تشوف حبيبتك!!
نعم بتشرك ليها في الحتات الهي بتمشيها، عشان تستمع بي شوفا من علي البعد ومن ذلك جلب الموية من نهر النيل للبيت، بالصفايح!!!
ده كان من اكتر المناسبات للذينا أو نحنا صغار، في عمر المراهقة عشان نتأمل المحبوبة من علي البعد!!
محتار الي اليوم ليه عمل زي ده مرهق شاق كان خاص بالبنات حصريا، نعم جلب الموية للبيت من النيل الخالد أو البير؟؟
ووا، هيدر هسن امبس، سرن اقمن؟ معليش مضطرين نستخدم لغة الغزاة العرب هذه أو غصبا عننا، ياللمغسة!!!
وقسما احتار كيف الي اليوم، كتنزيل للذاكرة الجينية، في اقصي السودان بل القارة، حدودنا معا العالم الخارجي كافارقة، ولحدي الستينات يكون مثل هكذا رفض قاطع حد الامتعاض حينها والي نهاية الستينات للعربي، في دنقلا، عاصمة رماة الحدق، مقارنة بأمثال بريمة ادم في اقصي الجنوب، ومثل هكذا وله حد الجنون بالثقافة العربية!!!
من الحاجات العرفتها مؤخرا، كيف نظام الحمامات الأوربية كما نتوهم، بمافيها مواسير الموية السخنة، والموية الباردة، ذهبت الي أوربا من دنقلا الواحدة دي، لو بتصدقو عاصمة المغرة!! والأطراف في الموضوع ده، انو ناس بريمة ادم، "المورز" هم النقلو حاجتنا دي لي اوربا!!!!
حقائق تاريخنا ده، اضحي اقرب للخيال، منه للواقع، كنتيجة لي طريقة تفكيرنا الكارثي الحالي!!!
09-28-2023, 05:32 AM
Bashasha
Bashasha
تاريخ التسجيل: 10-08-2003
مجموع المشاركات: 25803
قبل المواصلة، اعلمو اصل "شلوم" لغة، كمفردة سودانية!!
اها، "النوبيين" حصريا ديل منم في السودان؟
انتا كمثال مانوبي مثلا؟
يا اخوانا ده كلام شنو ده؟
او للمرة الالف بعد المليون، اذا "المحسي" بي رندوق الوعي القبلي نوباوي، او نوبي الجبال نوباوي، اها علي كده، ده منو الما نوباوي او نوبي في السودان، بل في افريقيا، بل حول العالم، ياتو انسان اسود بي رندوق مفردات ادبيات عالم اليوم، الما نوبي؟
بالنسبة لينا المعيار هو الثقافة مش لون الاضان!!
والثقافة في عرفنا تعني اسلوب حياة المجموعة البشرية المحددة.
بناءا عليه، هناك في تاريخ البشرية ثقافتان لاثالث لهما:
ثقافة افريقية، عاصمتا تاريخيا السودان الحالي، اصل الحضارة ثم كمت اي "مصر"، واخري اي غير الافريقية، نعم ثقافة بني قوقاذ، اي الثقافة الارية، لو اوربية، اسيوية، او سامية، لافرق!!
القاسم المشترك بين هؤلاء هو اسلوب حياة البداوة كقاعدة عبر معظم تاريخم.
في المقابل اسلوب حياتنا تاريخيا كقاعدة كان حضري، بي معني حياة مستقرة، اساسا الزراعة، لوجودنا علي ضفاف النيل.
اذن بالفهم ده كلنا نوبيين، ومفردة نوبة تشير الي وتعبر عن رقعة جغرافية او مش عرق بعينه او اثنية!!
لهذا ملوك دنقلا كانو هم نوبة الجبال، نعم "الدناقلة" بالفهم القبلي، بالالف واللام، اي سكان دنقلا بي فهمنا بالمعني الجغرافي..
رجاءا ثم رجاء، اجدعو خبوب الوعي القبلي، العروبي، في التراش، سبب دمارنا!!
09-30-2023, 09:12 AM
محمد صديق عبد الله
محمد صديق عبد الله
تاريخ التسجيل: 09-05-2017
مجموع المشاركات: 1569
Quote: عارف اخوك مسكون من هو طفل بي حب الاستطلاع بي صورة جنونية ولهذا واحدة من اماتي، وهي ماهرية، اصولا من اهلي في دارفور
قلت لي "ماهرية"؟
طيب مالك يتجقلب الزمن ده كله لما نقول ليك إنك دنقلاوي تايواني!
بعدين ما تقعد تتمسَّح في الماهرية يا انتهازي. قلت لي ضارب العلالي و aiming high قرقرقرقرقررقرقر
أنا غايتو عارف الدناقلة اليابانيين كانوا بيقولوا ليك أصولك شنو، وعارف أنه إنت كنت بتتعقّد لما كانوا بيقولوا ليك كده. وعشان كده بقيت كاره نفسك ومجتمعك الصغير.
اعترف، يا أشتر كاليفورنيا، وجيب من الآخر ما دام بديت تسجّل اعترافات بأنك دنقلاوي تشليح ساي ما دنقلاوي مؤسسة.
09-30-2023, 10:54 AM
محمد صديق عبد الله
محمد صديق عبد الله
تاريخ التسجيل: 09-05-2017
مجموع المشاركات: 1569
Quote: قدرتا اصل لحدي القرن ال14 في بحثي عن ال بشاشا، ولكن ماواصلتا، وال بشاشا اي النوبة اتنين كما اشار الي هذا جدنا عيزانا اوقال كانو هناك نوبة حمر او نوبة زرق:
1) زرق زي صلاح ود عمتي عضو المجلس العسكري الانقلابي، 2) حمر من امثالي!!! ده موضوع بشربو بيهو القهوة كل جمعة لما يتلمو ال بشاشا، واسرتنا هي الاكبر في دنقلا من حيث العددية، ونملك اكبر مساحة للاراضي، في عاصمة رماة الحدق، "هيع"، والي اليوم ومنذ مئات السنين نحنو شيوخ منطقتنا!!!
قلت لي ود عمتك نوبي أزرق، وإنت نوبي أحمر؟
دي مش ياها الحُمرة اللي أباها "جدّك المهدي" ولا شيتن تاني، يا بوَّاب البروف؟ قرقرقرقرقرقرقر
وقلت لي آل بشاشا حاير بيهم الدليل وعاملين أصولهم موضوع يشربوا بيهو القهوة كل جمعة؟
ليهم حق. ياها دي آخرة التلصّق في الدناقلة. قلت لي اندغموا في الدناقلة لغاية ما راح ليهم الدرب وبقوا يشدّوا في القهوة ويشمُّوا في القدحة عشان يقصُّوا درب أصولهم الحقيقية؟ ههههههه
وقلت لي أهلك عندهم أكبر مساحة من الأراضي في دنقلا العجوز عشان كده إنت من أحفاد رماة الحدق وسيد بلد؟ يعني نفهم من كلامك ده أنه حميدتي ده بعد ما اشترى نضّ أراضي الخرطوم وآل دقلو استولوا على الحكم مئات السنين لي قدَّام الكلام ده حا يغيَّر من أصولهم الماهرية، يا أشتر كاليفورنيا؟ يا زول مش لو أهلك شيوخ، لو طقطقت إنت ما دنقلاوي أصلي.
بالمناسبة، في ناس انتهازيين زيَّك كتار. على سبيل المثال لا الحصر، في جماعة من أهلي معروفين بالانتهازية مشوا لي حميدتي قالوا ليهو إنت يا زول قريبنا لزم وعرضوا عليهو يعرّس مننا، والحكاية حسب ما عرفت كانت ماشة كويس، لكن في النهاية طرشقت وجلَّت بي بونط واحد بس.
غايتو ننتظر نشوف جنس حبوبتك الجاية شنو بعد سقوط مشروع الجنجويد وآل دقلو، يا بتاع الكديسة.
09-30-2023, 04:05 PM
Hafiz Bashir
Hafiz Bashir
تاريخ التسجيل: 12-04-2004
مجموع المشاركات: 7216
يا بشاشا المهدي قال: "وليكن معلوما لديكم أني من نسل رسول الله صلى الله عليه وسلم" وطالما حبوبتك من آل المهدي يبقى إنت ذاتك فيك لحمة من آل البيت. فدحين من يوم الليلة دا تعال وجيب معاك إبرك الصيكوشية وخلينا النتبرك بيك وبيهن.
10-01-2023, 05:04 AM
osama elkhawad
osama elkhawad
تاريخ التسجيل: 12-31-2002
مجموع المشاركات: 20545
ههه حتى لو فشلت دعوتي لبشاشة يا قاضي كنت ساكون سعيدا. ليه؟ لانني استطعت بقدرة قادر وبتوفيق خاص أن أتجاوز مراراتي الشخصية وأتعالى عليها، وانحاز الى الصواب. بإمكاننا خلق علائق طيبة مع الاحتفاظ الكامل باختلافاتنا الفكرية وحتى المزمنة منها.
فمن يبن ركام سجالاتنا الفكرية التي تحتد الى مدى مريع ، تخرج موهبة بشاشة في السرد الممتع، وتحياتي بهذه المناسبة الى حيدر.
ولي إشارة ايضا الى ملاحظة ابوالريش حول حصري الفندقة في الطبيخ فقط. ربما ان البروفايل السائد حول مهارة اهلنا من دنقلا في الطبيخ جعلتني انحصر في تلك النقطة "الطبخية" ههه
10-01-2023, 05:29 AM
Bashasha
Bashasha
تاريخ التسجيل: 10-08-2003
مجموع المشاركات: 25803
Quote: يا بشاشا المهدي قال: "وليكن معلوما لديكم أني من نسل رسول الله صلى الله عليه وسلم" وطالما حبوبتك من آل المهدي يبقى إنت ذاتك فيك لحمة من آل البيت.
ياحافظ، نعم ال البيت "ابناء السوداء" هاجر النوباوية، مننا!
ده ماعايز نقاش اصلا!
نسيت كلام جامعة اكسفورد عن الاصل السوداني لكل جينات البشرية؟
لاحظ ده، كان قناعة اجدادنا قبل اكثر من 2,400 سنة نعم كيف هم اول من خلق ربنا كبشر مشي علي قدمين، بل قدمو نظرية متكاملة في نقاش معا اغاريق في الموضوع ده!!
بالنسبة للامام المهدي، عبقريتو تتمثل في قدرتو الكانت خارقة في قراءة مايدور في راس عامة الناس، ومن ثم كان خلاق في توصيل فكرتو من دون تلفزيون، رادي، جرايد، فيسبوك او اي سوشيال ميديا، عكس الخليفة التعايشي الما كان كعسكري بالسليقة بجيد العمل السياسي مقارنة بالمهدي.
فالعبرة بالنتيجة او في الزمن داك خطاب كهذا كان مفتاحي وهو يقود ثورة ضد الخلافة الاسلامية ذات نفسها، وهذا خرافي، وقد نجح ايما نجاح علي مستوي العالم مش السودان او افريقيا فقط!!
10-01-2023, 09:34 AM
osama elkhawad
osama elkhawad
تاريخ التسجيل: 12-31-2002
مجموع المشاركات: 20545
شلوم ياخواض، ذكرياتي في دنقلا هي المحفورة حفر في الذاكرة ولهذا يومي انابرجع للأيام ديك، للفرار من كآبة البمر علي من اخبار مايجري الان في السودان، وانصح الجميع استخدام "حبة" الذكريات هذه في مواجهة مآسينا الحالية!!
أنا جد ده بطلعني برا طوالي من حالة المرارة البعيشا لمايجيني تلفون أو اتصفح الاخبار!!!
نعم في دنقلا والشمال بعامة كانو في الابتدائي برهبونا عديل بالدق بالمسطرة علي الاصابع وهي مفردة، للنطق ب"المدونتر" نعم لسانا الكوشي اي "الهيروغليفية" بالاغريقية تخيل، كابشع، ابلغ ادلة وعي الاسترقاق العروبي عبر القرون!!!
لهذا الان لسانا علي وشك الانقراض، والي اليوم ما اتهبش، وهو كنز لايقل عن كنوز اثارنا اطلاقا، من حيث كمية المخزون جواهو من ارثنا الحضاري! ياللمغسة التقطع انياط القلب، ياخي!!!
شئ مؤلم مؤلم أن يتبخر مخزون كهذا بماحمل من ارث اجدادنا!!!
10-06-2023, 07:40 PM
osama elkhawad
osama elkhawad
تاريخ التسجيل: 12-31-2002
مجموع المشاركات: 20545
بالنسبة للاسرة في موضوع ارهابنا بواسطة مدرسينا في الابتدائي، للنطق بي لسانا، فما حصل فتحتا موضوع زي ده معا كباري، لانو كقاعدة كان هناك احترام عجيب للمدرسين، وهذا اصلو، منبعو، البعد الروحي اساس ارثنا الحضاري، في احترام "الحوار" لي شيخو حد "التقديس"، ولذا ماخطر بي بالي شخصيا في الزمن الشكوي من معاملة المدرسين لنا، بهكذا اسلوب قهر، فقط لاننا كنا بنتكلم بي لسانا، وهذا جد عجيب لما افكر فيهو الان، بي اثر رجعي، وانطلاقا من قدر الطشاش العرفتو عن تاريخنا!!
الاعجب المدرسين ديل تقريبا كلهم كانو من مناطقنا، وهذا يثبت كيف النظام التعليمي عندنا، الوضعو احفاد الغزاة اي المصريين، مستعمرينا، "اتي أٌكله"!!
يكفي نموذج الكارثة، العار، السبة، محي الدين صابر "دلقو المحس" وزير تربية العنقالي نميري، "نواحي دنقلا" نعم سفرجية، بوابين الخديوية!!
10-09-2023, 01:04 PM
Awad Omer
Awad Omer
تاريخ التسجيل: 12-26-2005
مجموع المشاركات: 760
Quote: حينها جدي بشاشا كان هو حاكم دنقلا ايام ثورتنا، باعتبارنا من ال الامام المهدي أو كده!!!
سلام وتحية
مصادر شفهية قديمة ذكرت : " ان اجداد المهدي اصلا كانو سبي كبابيش .. جلبوا من غرب افريقيا " نيجر - مالي " كصبية للخدمة في قافلة عرب الكبابيش في رحلتهم الموسيمية شتاء -صيفا عبر الصحراء بين منحني النيل وغرب افريقيا.. وتم انزالهم في منحني النيل ليستقروا في جزر النيل حيث الغابات..و ليمتهنو الصناعة التي يعرفونها كصناعة العناقريب و الشادوف والسواقي والمراكب وليختبوا قليلا من المجتمعات المحلية وذلك لعدم اثارة السمت العام للمجنمعات المحلية المتجانسة انذاك .. بعدها زحفو شمالا جيل بعد جيل من جزيرة الي جزيرة حتي وصلوا جزر حاضرة البلاد دنقلا حيث العمل اكثر والطلب اعظم "
(عدل بواسطة Awad Omer on 10-09-2023, 01:08 PM) (عدل بواسطة Awad Omer on 10-09-2023, 01:09 PM)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة