|
كتب الكاتب الفاتح جبرا المتوفرة بمعرض الدوحة
|
|
 Re: جسم جديد يعلن القتال ضد «الدعم السريع» وي� (Re: زهير ابو الزهراء)
|
يعني الناس تعتدي عليك في بيتك وتخرجك منه وتنهبك وتقتل أولادك ولو دافعت عن نفسك وقاومت تكون بتعمل في حاجة بطالة ؟؟؟؟
نوع المقاومة دي بتوقف الحرب ما بتزيدها
ناس الدعم السريع ديل حيواصلوا في النهب والقتل لحدي ما يلقوا البوقفهم
إذا جيش البلد عجز عن حمايتي بحمي نفسي براي
| |
 
|
|
|
|
|
|
|
|
Re: جسم جديد يعلن القتال ضد «الدعم السريع» وي� (Re: Nasr)
|
ده كلام شنو ياناصر؟
معقولة؟
كيف تكون ضد الحرب ومعا الحرب في انن معن؟
والاهما معقولة فايت عليك ديل منم النزلو الميدان وبحاربو معا مليشيا البراء؟
يفترض انك عارف انتصار ايا من طرفي مليشيات نظام الفسقة في الميدان، مافي صالحنا كشعب، ولهذا افترضنا كما الكل انت بتقول لا للحرب!!
| |
|
|
|
|
|
|
|
|
Re: جسم جديد يعلن القتال ضد «الدعم السريع» وي� (Re: Bashasha)
|
يا كمال
من الأول خالص كنت ضد الحرب ومع الدفاع عن النفس
الحرب الوحيدة المبررة هي الدفاع عن النفس
إذا في واحد داير يدافع عن نفسه وعن عرضه
وقنعان من الجيش والشرطة والقوي النظامية الأخري
(والحيش ذاتو بقي ينهب مع الناهبين (
فقطع شك حأدعمه
وفي كل حال لا للحرب
نعم للسلام
من جيش الكيزان الني دا مش أحسن للشعب إنه يعمل جيشه براه؟؟؟؟؟؟؟؟
| |
|
|
|
|
|
|
|
|
|
Re: جسم جديد يعلن القتال ضد «الدعم السريع» وي� (Re: اسماعيل عبد الله محمد)
|
الفيديو الذي بثه هؤلاء الجدد، تحليلي له هم بلابسة لا اكثر ولا اقل، حيث ظهروا وهم ملثمون وعلي طريقة د.ا.ع. ش..، وفي شقة ويبدو انهم مجرد عيال، علي كل حال ديييك النقعة "ساحات القتال" يطلعوا يكاتلوا الدعامة.
لو كان البلد فيها مؤسسة عسكرية حقيقة، لكان القائد الاعلي للجيش اعلن التجنيد العسكري الإجباري من سن ١٨ الي ٦٥سنة، بلا استنفار واستحمار واستبعار، ولحمل البرهان السلاح بنفسه وقاتل مثل ادريس دبي، وابي احمد، أو حتي مثل زعيم المافيا اسكبارو الذي ظل يقاتل السي اي ايه والجيش الكولومبي داخل احدي احياء العاصمة بوغوتا حتي قتل.
| |
|
|
|
|
|
|
|
|
|
Re: جسم جديد يعلن القتال ضد «الدعم السريع» وي� (Re: محمود الدقم)
|
عبد الرحمن عمسيب في كم لايف، بدأ يتحدث عن خوض الحرب .. وفي إحد بوستاته في الكلوب هاوس .. قطع حديثه ... وكان يقول "لا حول ولا قوة إلا بالله" بصورة هستيرية .. ثم نبهه البعض ماذا حصل؟ قال لا شيئ .. لا شيئ ولكن عليّ أن أنهى البوست لكي أفعل شيئ الأن .. ثم غادر ..
في بداية الأمر، هذا الجسم طرح نفسه بأنه يعمل بالوسائل السلمية .. وكان واضحاً أن هناك ألتباس ما بين الرؤية والعنف في الخطاب الذي قدموه..
أنا أظنهم هم جماعة البحر والنهر وجيد أنهم خاضوا الحرب .. والدعم السريع ح يورهم وش ..
بريمة
| |
|
|
|
|
|
|
|
|
|
Re: جسم جديد يعلن القتال ضد «الدعم السريع» وي� (Re: محمود الدقم)
|
ياناصر،
هل كتائب البراء، للدفاع عن النفس؟
حراك النازي عمسيب كمثال دفاع عن النفس؟
مفروض يكون معروف لديك، كل من يهطرق "ديش" كقاعدة منطلقو جهوي صرف، من باب الدفاع عن امتيازات الحظوة بالميلاد الجلابة، وقبلها مكتسبات نظام الفسقة!!
واذا بتتكلم عن حق الافراد في الدفاع عن أنفسم كافراد، ده ماعايز نقاش!!
أما دعوات الانضمام لي كتائب كرتي، فهذه دعوة للدفاع عن مكتسبات النظام الهالك، وبالتالي هي دعوة لاستمرار هذه الحرب العبسية، الحتنتهي بمسح السودان من الخرطة تماما!!
طرفي الصراع الي الجحيم!
لا للحرب!
| |
|
|
|
|
|
|
|
|
|
Re: جسم جديد يعلن القتال ضد «الدعم السريع» وي� (Re: Abureesh)
|
يا أبو الريش ويا كمال
الظاهر أنه أنا ما قريت الخبر كويس
ما ركزت في حكاية إنه بيقاتلوا لجانب الجيش السوداني
وقبل كدا عبت علي لجان مقاومة يقولوان أنهم يقاتلون لجانب الجيش السوداني
بالنسبة لي الجيش السوداني هو العدو ولا يفرق عندي عن الدعم السريع
تقاتل دفاعا عن نفسك وأرضك يا ألف مرحب
تقاتل لجانب حيش الكيزان لا وألف لا
نكون جيش وطني من شباب المقاومة بديلا عن جيش الكيزان
نعم وألف نعم
| |
|
|
|
|
|
|
|
|
|
Re: جسم جديد يعلن القتال ضد «الدعم السريع» وي� (Re: Bashasha)
|
ازيكم
في حاجتين أنا ما قدرت افهمهم
الحاجة الأولى المخاوف من انزلاق السودان نحو حرب اهلية شاملة دي.
شاملة كيف يعني وفرقها شنو من الحرب الهسه دي؟
والحرب الهسه دي أحسن من البقولوها ديك في شنو؟
الحاجة التانية الناس بتاعين حق الافراد في الدفاع عن أنفسم كافراد.
يعني شنو دفاع الأفراد عن نفسهم كأفراد؟
يعني الفرد ينتظر لما كتيبة من الجنجويد تدخل بيته مدججين بأفتك الاسلحة يقوم يجري المطبخ بجيب سكين ويقع فيهم طعين ول كيف؟
| |
|
|
|
|
|
|
|
|
|
Re: جسم جديد يعلن القتال ضد «الدعم السريع» وي� (Re: ترهاقا)
|
يا شباب الحرب الأهلية أسوأ من دا كتير.. انت الان تخرج من بيتك تأجر عربية تسافر مدنى او القضارف ما فى زول يسألك.. ممكن يسرقوا تلفونك وقروشك
لكن لما تكون لا قدر الله حرب أهلية يسألوك عن قبيلتك ولو ما كتلوك ديل يكتلوك ديلك اللى فى الجهة التانية المسافر ليها. وقع ليكم؟ الان فى جيشين يتقاتلون
فيما بينهم وبالعكس كل واحد عاوز يكسب تأييد الشعب.. الحرب الأهلية حاجة تانية خالص. الله لا جابتها.. فيها الشعب السودانى كله يتقاتل.
| |
|
|
|
|
|
|
|
|
|
Re: جسم جديد يعلن القتال ضد «الدعم السريع» وي� (Re: Abureesh)
|
ما في أي حاجة وقعت لي يا ابو الريش.
أي نزاع عنيف يحدث داخل دولة واحدة بين مجموعتين أو أكثر بيتسمى حرب أهلية.
الحاصل في السودان هسه دا حرب أهلية.
مسألة شاملة دي بتحتاج تكميم ممكن يكون من ناحية كم السكان المتأثرين وممكن يكون كم المساحة الجغرافية المتأثرة.
الحرب الحالية نهدد حوالي 8 مليون مواطن في الخرطوم وحوالي 6 مليون في دارفور وحوالي 3 مليون في مناطق متفرقة من كردفان.
ديل 17 مليون (أكثر من 40% من مجموع السكان) تحت تهديد مباشر لمخاطر القتل والتشريد وإنتهاك الحقوق الإنسانية.
بقية السكان في مناطق قابلة للإشتعال في أي وقت.
من ناحية المساحة ولايات دارفور وكردفان والخرطوم كلها غير آمنة ومساحتها تشكل أكثر من 48% من مساحة السودان.
فما عارف يا ابو الريش بالنسبة ليكم كم من السكان مفروض يكونوا تحت تهديد مباشر عشان نسمي الحرب حرب شاملة؟
او كم من مساحة السودان مفروض تغطيها الحرب عشان نصفها بأنها حرب شاملة؟
وما عارف متين الحرب المدورة هسه دي ممكن تصفوها بأنها حرب أهلية شاملة؟
| Quote: انت الان تخرج من بيتك تأجر عربية تسافر مدنى او القضارف ما فى زول يسألك |
| Quote: الان فى جيشين يتقاتلون فيما بينهم وبالعكس كل واحد عاوز يكسب تأييد الشعب |
طبعاً الجملتين ديل بيحملوا معلومات غير صحيحة او غير دقيقة.
زي ما قلت ليك فوق أكثر من 48% من مساحة السودان هي مناطق غير آمنة والحركة فيها مصحوبة بمخاطر عالية جداً.
والجيشين يقاتلون المواطنين وحتى عنندما يتقاتلون مع بعض فهم يتقاتلون داخل مساكن المواطنين.
| |
|
|
|
|
|
|
|
|
|
Re: جسم جديد يعلن القتال ضد «الدعم السريع» وي� (Re: حيدر حسن ميرغني)
|
بواد الحرب الأهلية الان فى دارفور.. رغم ان هذه فنيا تسمى بوادر حرب إبادة وليست حربا اهلية.. فى الحرب الأهلية فى مجموعتين مسلحتين (ما جيشين) يحاربوا بعض.. ما حدث فى 2003
كان اسمه إبادة ايضا، لأنه مجموعة مسلحة ضد اهالى غير مسلحين من مجموعة اخرى.. كون المدنيين يقعون فى شرك رحى الحرب ويقتلون برصاص او قصف عشوائى لا يجعل منهم محاربين
ولا تسمى حرب أهلية.. الحرب الأهلية حين تتسلح قبائل السودان وتتخندق خلف الجيشين ويتقسم ولاؤها بين الجيشين (أو ربما أكثر).. هنا ستكون حربا اهلية، وما اراه مع الاسف ماشى فى الإتجاه دا.
| |
|
|
|
|
|
|
|
|
|
Re: جسم جديد يعلن القتال ضد «الدعم السريع» وي� (Re: Abureesh)
|
يا ابو الريش ياخي والله مشكور على الردود،
لكن ياخي القصة ما طق حنك
مصطلح حرب أهلية معروف ومتداول وله تعريفات متعارف عليها.
صحيح ما في تعريف متفق عليه لكن كل التعريفات المتداولة ما عندها علاقة بخرمجتك الفوق دي.
| Quote: فى الحرب الأهلية فى مجموعتين مسلحتين (ما جيشين) يحاربوا بعض |
| Quote: الحرب الأهلية حين تتسلح قبائل السودان وتتخندق خلف الجيشين ويتقسم ولاؤها بين الجيشين (أو ربما أكثر).. هنا ستكون حربا اهلية |
هسه كلامك دا نمسكك فيهو من وين؟
مرة تقول حرب بين مجموعتين (ما جيشين) ومرة تقول قبائل ولاءها منقسم بين جيشين.
قبايل شنو وتخندق شنو؟
إنت في قعادك في امريكا دي ما طقشت أضانك عبارة "الحرب الأهلية الامريكية"؟
| |
|
|
|
|
|
|
|
|
|
Re: جسم جديد يعلن القتال ضد «الدعم السريع» وي� (Re: Hafiz Bashir)
|
Quote: الحاجة التانية الناس بتاعين حق الافراد في الدفاع عن أنفسم كافراد.
يعني شنو دفاع الأفراد عن نفسهم كأفراد؟
يعني الفرد ينتظر لما كتيبة من الجنجويد تدخل بيته مدججين بأفتك الاسلحة يقوم يجري المطبخ بجيب سكين ويقع فيهم طعين ول كيف؟
|
لسه منتظر توضيح من الإخوة الأعضاء المتداخلين وغير المتداخلين لكيفية دفاع الأفراد عن نفسهم كأفراد أمام مليشيا الجنجويد.
معرفة الكيفية مهمة عشان نقدر لو في طريقة ندعم الأفراد للدفاع عن نفسهم كأفراد.
فيا شباب عليكم الله ما تهمشوني وما تهمشوا سؤالي.
| |
|
|
|
|
|
|
|
|
|
Re: جسم جديد يعلن القتال ضد «الدعم السريع» وي� (Re: Hafiz Bashir)
|
من أجل إثراء النقاش وتوسيعه نطرح الأسئلة التالية:
هل يشمل حق الأفراد في الدفاع عن انفسم حقهم في امتلاك وحيازة الأسلحة؟
ماهو نوع الأسلحة التي يمكن السماح للأفراد بتملكها وحيازتها؟
هل هي فقط الأسلحة الصغيرة مثل المسدسات والأسلحة الخفيفة مثل الكلاشينكوف والجيم ثري؟
أم يشمل ذلك الأسلحة الثقيلة مثل المدافع والراجمات؟
وما رأيكم، حفظ الله عقلكم وادام نعيمه عليكم، في تملك الأفراد للweapon of mass destruction؟
طبعاً لا ننسى أن حق التملك والحيازة لابد أن يصاحبه حق البيع والشراء والتداول وفتح اسواق لذلك حتى يتمكن المواطن من شراء إحتياجاته من الأسلحة.
لذلك ودعماً لإقراركم بحق الأفراد للدفاع عن انفسهم أمام مليشيا الجنجويد، اقترح عليكم يا مثقفين مناشدة المجتمع الدولي بفتح الباب امام الأفراد في السودان بعقد صفقات مع الدول لإستيراد الأسلحة التي تلبي حاجة السوق السوداني؟
| |
|
|
|
|
|
|
| |
زهير ابو الزهراء
Nasr
Bashasha
اسماعيل عبد الله محمد
محمود الدقم
Biraima M Adam
Abureesh
Hafiz Bashir
ترهاقا
حيدر حسن ميرغني
فيس بوك
تويتر
انستقرام
يوتيوب
بنتيريست