حنبنيهو..!!

Quote: حرق المباني العامه وذات الأهميه مثل برج وزارة العدل والتي تحوي كل فساد وإفساد الكيزان لخمسه وتلاتين عاماً هو دفن لكل جرائم الكيزان .. برج شركة النيل الكبري وده واحده من معاقل الأمن الشعبي فيها من الفساد والتلاعب بموارد البلد ما يشيب له الرُضع .. وكذا الأبراج الأخري .. التدمير ده تم عبر مسيرات وده بأكد خوف الجماعه التافهة من كشف كل الفساد ده .. وتأكد الجماعه التافهة من عدم العوده مره أخري للسلطه فقالوا يخرقوها بكل الفيها .. أصلا كانوا مخططين انها سته ساعات ومشت لسته شهور .. والخوف دخلهم من نية البرهان حول اتفاق جده وده بمثل خطر كبير عليهم .. فمافي حل غير التدمير الكامل لهذه المواقع وهي خارج سيطرتهم .. وده منو هدفين .. اول شي المناطق دي تحت يد الدعامه معناها هم الحرقوها .. تاني شي إخفاء أدلة جرائمهم ودفنها للأبد .. المواقع دي تحت سيطرة الدعامه لسته شهور ليه ما حرقوها من زمان ويحرقوها اليوم ؟ هدف الدعامه من حرق برج شركة النيل الكبري للبترول شنو ...؟ النيل الكبري دي مواقعها في هجليج يعني مناطق البقاره يعني دعامه يبقي سلامة الشركة بتهمهم أكتر من الكيزان التافهين .. المواقع المحروقه دي كلها مراكز أمن شعبي .. فيها مستندات بتقطع الرقاب .. فيها ما استعصي علي لجنة التمكين الوصول إليه لأنها بدون أنياب .. أي موقع بتحرق فتشوا وراه سنين وشوفوا منو المستفيد من الحرق والدمار .. الكيزان شعراهم واضح واي زول عارفو .. التسليم الكامل أو الدمار الشامل .. التسليم الكامل ما قدروا عليه غلبهم عديييل مع الجغم ده هم شغالين بسلموا تسليم كامل .. الدمار الشامل ياهو شغال وعبر الميج والسوخوي والإنتنوف والمسيرات ..