عبد العزيز المبارك غناها على اصلها.. لكن عاصم البنا عمل فيها حركات بوظتها. يا عاصم لو ما عندك اغانى اصلية براك غنى أغانى الناس زى ما غنوها. ما تتفلسف فيها
09-14-2023, 06:42 PM
Amira Hussien Amira Hussien
تاريخ التسجيل: 11-26-2016
مجموع المشاركات: 1722
يا سلام عليك فعلا عبدالعزيز ابدا فيها كما كان دوما رحمة الله عليه اما البنا فدائما حركاتو تشتر الغنا ،مرة صلاح ابن البادية نبهوا وقال هذا ليس تجديد او تغيير ده نشاز ….ودى حقيقة
09-14-2023, 06:53 PM
Abureesh Abureesh
تاريخ التسجيل: 09-22-2003
مجموع المشاركات: 30182
يا محمد كيفنك .. يُقال .. ان عمك محمود عبد الكريم فردة عوض كوكو(اولاد الموردة) .. كان مغرم بي بنية في حلتهم في الموردة .. و داير يعبر عن عشقه ليها فنادى عمنا عبد الرحمن الريح من فريق العرب و قال ليهو بس نلبد ورا الباب عشان تشوفها ماره و تكتب عن حالتي دي .. فبعد ان رآها عمنا عبد الرحمن الريح كتب: انا بيك سعادتي مؤكده و بلاك حياتي منكدة .. حرام عليك يا جميل ما بصح ليك تعمل كده
انا طرفي شايفك يا جميل فت اللجين و العسجدا
البدر ان شافك يذوب من الانوار الجيدة اما الشمس لو شافتك ترجع اسيرة مقيدة ..
و ضيعني ساكن المورده ..
احب سماعها من صديقي الجميل د. ياسر مبيوع .. و اهديها ليك و للصديقة الجميلة اميره حسين :)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abureesh
Amira Hussien
يحي قباني
فيس بوك
تويتر
انستقرام
يوتيوب
بنتيريست