/ممنوع الدخول ⛔👶🏻للكبار فقط 👴🏽 /

[ ممنوع الدخول ⛔👶🏻للكبار فقط 👴🏽
* ممنوع اصطحا ب الشُّفع ما دون سن ال90
* يمنع منعن باتاً شلاقة عيال ميكي ماوس
* نتحفظ على دخول حناكيش الشهادة العربية
و الغربية , من ذوي الأكباد المرطبة و ذوات
القلوب الرهيفي وتنقد الرغيفة
* أي جوكين/جولكينة بلا سونون اتفضل من غير
مطرود، وجيب إيدك تكلك على المقصورة.

طبعن قبال ما نخوض في ما ليس لنا فيه ،
لأنو عمرنا زاتو ما واصل المواصيل دي ، فالحكاية
و ما فيها واصلاني إصفييرياً من فردتنا القديم الحنتوبابي
علاء الدين دفع الله صديق - عمارة الطايف- شرق مدني .
و ح نرش عليها شوبة توابل و منكهات و بس. حقوق
الكوبي رايت محفوظة و لينا فغت حق السلبطة .

+ بحاجة ماسة لنُبعثر أوراقنا الصفراء بين الفينة
و الفينة ونخربش أقراص ذاكرتنا الخربة المفقودة كما كَلَّمتنُنا
و تلف رأيُنا وجف نطفُ مدادِنا ، لعلنا نعيد بيها تشيل و جداننا
بعدما أصابها من شظايا خراب سوبا وربنا ينتقم من عجوبة،
يلا عيلنا جاي معالم الخرتوم عموم يوم كانت حليوة" قالو كطعة
سكر وعشمنا في الله ترجع أحلى وأنضر:وتاني وداعن إلى
غير رجعة عاسمة اللولوات والعفونيات التلاتة:

دا وش ملاح بس و لسة الغريق جاي :.
+ بحري دكان اليمانى و بوتيك العدني ، إجزخانة الضواحي ،
المؤسسة ، سعد قشرة ، موقف حلفاية ، دناقلة
جنوب ، بيوت ناس عمي أحرار ف حي (كمبوديا) ، كبري النقل
الميكانيي كازينو النيل الأزرق، أنوا المدينة ، عمارة أبراهيم طلب،
الجامع الكبير، مدارس كمبوني الوابورات ، شاريع المعونة ، حي
الأملاك ، سعادتو / مزمل سليمان غندور ن نوادي ، التحرير ،
العامل و الصبابي البحراوية، ميدان عقرب و روابط دافروي حلة
حمد و خولي و عمك علي مرسي ، تكية الختمية و زاوية محمود
بكري ،طه بحشر ،إلخ إلخ . و المذكر حاجة يلحقنا بيها.
بصراحة الحتة دي بالزات ناقصة شيخي ود سيدأحمد
خير من يُفتي و مالك حايم في قيعان المدينة ، فأين
أنتي يا تربال اصلي بي مكنة بحراوية؟!

بالله عمك أبة آمنة أتاريه كان مكسر
في و ششوات عبير الدنالقة شمال ، بس أةعك تكون
دي ع منتم الللي مرة قال للمذيع لو خلوني ‘يد كتابة
الاغنية ح أقول وشوشني "العوير" و ما انتشيتو.
علا لاكن اصير لي يابو حميد تحين إت ماك يا دوبك
مناهزدون التسعينات؟! طبعن شهادة عربية ما ظينيت
علا تحون بعد مشت السعويدة رقعت هناك زينا جاي .
عمومن أت سيد البلد ومفتوح ليك قلبي المكتول
كمد ووليك فيض تشبع ودي الذي تعلم..

+ نحول أم درمان , وياربت يظهر لينا و
يبان ليه الامان ، زولن متيم بيها للنخاع و يحترق شوقاً
من علايل أبروف لى المدالق قدله يا مولاى حافى حالق
بالطريق الشاقى التٌرام ن هو مأمون عبد\ الرلاحن ، أين أنت؟!
لطالما نقرنامعاً بمنقار طائر سمندل , وحفرنا بإزميل فدياس
وكم نكأنا جراحاً و نبشنا أشياء مدهشة من ذاكرة ماضينا الذي
مهما تطاول عليه العمر يظل طفلنا المعجزة المدلل و يبحو أمم
عيننا، ذلك الفردوس الذي فقد ظله؛ ثم صادف قلباً خالياً فتمكن
حتى تأبطناه خيراً خارطة على خرقة دبلان و شلناه
شمعة و و مرقنا نداقش به أحضان المنافي.
+وبرضو ضاحبن أبو الزوز لو يفضي لينا شوية
من ارتباطات ضنب الككو يجي بجاي لأنو برضو
مصاب بي عطش النبع لحاملات الجرار.

+ يلا نقول بسيم اللله و نخش بالكراع الليمن،
من بوابة عبد القيوم ، الطابية المقابلة النيل والعافية التشد الحيل،
و ميدان الخليفة ، و بالعرضة ميدان الربيع و صينية الضو حجوج ,
تجاني الماحي، و المحطة الوسطى ، دكاكين فاطورة المهداوي و هيريدي،
و ترزي البلاط الرئاسي على أيامن / مهدي شرف بعمارة محمد حسين،
+ نرجع تاني جنوباً ميممين شارع الأأربعين،سوق بانت وكوراع(سبعة بيوت)،
الإعلام الإنمائين قشلاق ا لقسم الجنوبي و و بيت أب كدوك ، و بجاي عباسية موردة،
جامع مرفعين الفقرا، طبعن (وحش مفوررض كاسر ، لاكين بالعكس معدل وراثيا ،
ومسالم ما بعضي) و حني عليَّ أني يا تِتي و الحاصل بي سببو إتي، و حي نا من
حي المكي ..لى فى المسالمة غزال لي في المسالمه غزال نافر بغنى عليه ..جاهل
قلبه قاسى وقلبي طائع ليه مصــــــباح و دومةود نوباوي , خيران أبو عنجة ،
الكبجاب و شبمات و مدبغة القماير و ما أدرلك ما روائحها النفاذة ،زقلونا
و الثورات بالنص شقلبان والسلالم و النو ,و بالشنقيطي حميدان
و الرومي، و بالوادي جماع الرحمن وهلم جرا.

+ صالة (مرقص)غردون باشا ميوزك هول
التذكارية (GMH )، شارع الجمهورية حيث منتجع أتينيه،
مليون صنف ، الغراند أوتيل ، فندق صحاري ، السفير و إكسليسيور
وليم اندريا جبنه وطحنية بى قرش فى رغيفه بى قرش . الاميرية..
داخلية حسيب .... القابلات .. نافورة كبري الحرية فاتح مباشرتن في
السجانة و المسلمية. حي باريس .. ميدان عبد المنعم (نادي الأسرة )
عبدالوهاب الصافي (مين الراجل دا؟!) .عمك ابوالجاز ، مشروبات
لويزوو بيزيانوز وباقة عصير روزا ومرطبات السكه حديد .. حلة
العروبة دا كلو قبال ما يكلكلو الكلاكلات و يفتحو شارع هوى.
+ ملاَظ ثالثة الاثافي خالية الوفاض من معالم قديمة.

نرجع تاني لبحري ، تقول بلاي كاطين فوق
حبلي السري ، و فعلن كانت النشأة و نعومة الأظفر، مراتع
براطع الصبْيَنة و بواكير عنفوان الشباب في حلة حمد ، شارع
البلدية ، قريباًمن حوش عمنا متولي عيد (أول مدير لهنا أمدرمان)
وليس بعيداً من محمد ورداني حمادة، نبيل مراد عثمان (صهبر لطه
الروبي و خال الرامبو يوسف عبد الفتاح)، وفركة قدم من من بيت ناس
عبد المنعم قرن شطة (لاعب الأهلي المصري ثم خبيب الاتحاد الافريقي)
محلات أنوار المدينة بحري ، عمارة التازي ، عمارة الجزلي مقهى و
مرطبات هافانا ، باسطة (بقلاوة) بُقاشة ، كنافة، مخببازا و سرندبل ، لبن
حلة كوكو و ديري لاند(تشرب و تتكرع لامن تترع و الشبع يعمل بعبعة
والجوع يعمل طرومة لامن تقول با بس , سينما حلفاية مطعم الأندس.
+ و البيرة أم "جمل و"هنا لازم تقوم بي و أخد سندة: وكانت ت قطر فـي
مصـنع بالخـرطوم بـحـري وصـاحـب الـمصـنع كـان أغريـقي إسـمة " خـريسـتو "
و مركب مكنة سودانية وكـانت لة اســرة واولاد عاشـوا فـي الـخرطـوم وطـوال مـدة
ليسـت بالقصـيـرة حـتي جـاء نـميـري وبقـوانيـن التـاميمـات صـادر الـمصـنع . و كـان
الـمصـنع يسـتوعـب نـحـو 3 الـف عـامل وينتـج يـوميـآ نـحـو 14 الـف زجـاجـة بـيـرة.
وكانت تباع فـي خـمارات يـملكهـا اغـاريـق او أقبـاط. اشـهـر الامكان الـتـي كـان
يـقصــدهـا الشـباب كـل يـوم خـميـس لتنـاولـها كـانت : الـريفيــرا، كـوبا كـوبانا،
رويـال، حـديقـة البلـديـة، فنـدق صــحــاري. كـانت هـناك اغـاني معـروفـة
وقتـهـا يرددهـا الشـباب وقبـل بـدء فـتـح الـقواريـــر!!،إحـدي هـذ
ة الاغنيـــات تقـول:
البـيـرة ابـو جـمل والشــراب ســكوب،
كـب يـاعــلـي بالـكـبابـي الشــــوب".
واغنيـــة أخـري تـقـول كـلماتهــا:
" الـجُمال " بـركبوها، ونحـنا بنشـربوها
شـوف حـكـمة اللـة فـي قـزازة عـبوة"

سبت دودو ، أمين زكي و جقدول و صديق منزول ونصر
الدين عباس جكسا فى خط سته و أحيييينا أنا من جكسا تحت خت ستة.
و معاهو الدحيش . مباراه كلاى و فريزر. سهرتنا الليله و ادمون منير . الفرجة
على مدرعات نميرى أيام الانقلابات. بى تعريفة مقدودة تشرب مويه برد ساقطة
من سريحة أهل العوض، بي قرش ساغ تمزمز كب و ترمس من جردل بي فوطة
حايم بيه ود فور. وسفة دقار من حقة عبد الحق للعماري الجيد ، أولاد الزبير..الجامع
الكبير .. بي فريني (أب قرشين) تكطع كرتلة توتو كورة شباب و رياضه جماهيرية
(بعدما قلبا أبعاج أخوي دراج المِحن لأنو مريخابي متعصب يوم شياطينو الحُمر اتلطشو
زي السلام عليكم من ناس الدحيش وقاقارين و اللسطوبر عبد الله موسى ملص لكمال
عبد الوهاب نكسو ودا اسدا فوقو بطالوش، والحكماية منيرة عبد التام ، عملت
حنان سكليب قالتلو مالك عليه يضربك يا يابا الضريبي)..

مباراه كلاى و فريزر. سهرتنا الليله و ادمون منير . الفرجهة على
"مدرعات" أبعاج أخوي يا درتاج المحن ايام الانقلابات البي الصح.
بى تعريفة مقدودة موية باريد بي "كوز غليد رقبتو السيف ما يدليها" ،
بي تعريفة كويسن ترمس و كبكب من جدلين متعادلين متل عينين الخُرُج
في منتهى النضافة من يد وليد بقارة حلاتو بالنظارة، أولاد الزبير .. الجامع الكبير
توتو كورة شباب و رياضه .سلوى بوتيك.. لاركو .واسندكو .. شبط باتا المحطة الوسطى
المواصلات برينسات و شماعة على متن أبورجيلة . اووو تشكا، اتشكا تشكا تشكا ، بنوتنا
ما سعاليق هووو تشكا ، بيتاوقو بالشبابيك هو تشكا .. و يا حاجة قصريهو الجبون دا ..
و يا حاجة دُقِّي لينا كاروشة .. أدونا فندقكم .. ندق ونديكمو كان أبيتوا تدونا ..الكاروشة التمسكم!! .
. صابون بونا و أومو يغسل اكثر بياضاً . معجون سيجنال تو بالفلوايد يورد تعسسمة
الضهر و يكافح الفلايت ، معجون نيفيا للحلاقه . أندروس اندروس منعش فوار،
يريح المعده ليل و نهار ، يريح المعده بعد حموضه دايما منعش ،
منعش فوااااار اندروس# بطاريات طه الروبى فخر
الصناعات السودانية (مش ناس جياد و صافولا)

# لولى بوباااا لولى لولى بوباااا ،د لذيذاااا ،
لولى بوبا ، من انتاج حلويات سعد ، .. بطاريات افر ريدى .
زكى الفكهانى . الجداد معلق مقلوب خارج باصات البدفورد.
السمن البلدى بالصفيحه. فطاير على الطاير. سيمنما كلوزيم
جردلين ترمس ترمسو كيب كيب متل عدلتين الخرج وليد بقارة
حلاتو بالنقارة . اللحم باللت ، البانورة و البصل اللخدر بالحمار و النبق
بالتش، اللبن بالحمار وسيد اللن جا يا نفيسة و أداني قرشين و تعريفة، .
تركتر الجرادل لافى بالليل يفسح الألطا. مدفع رمضان . تاكسى طرحة.
هنتر هيلمان همبر بارلينا موسكوفيتش فولقا كورتينا فوكسهول تاونس
كورسير زيفير مارسيدس بيد فورد ، هوستن داوودي عين جرادة .
# طلع العالى و عاين لى ، نزل الواطى و غمز لى ، و شاف
الدبله الفى يدى، و قال مخطوبه احى احى.

# شل ، حيوان أجب موبيل توتال ، رزعدس فاصوليا كباب.
. بستي كوليا و دبل كولا والحرية مكبوتة في فلين لزوم منع الفوران
الذي يسبق وقفان حمار الشيخ في العقبةو العصيان المدني بالنظر
(TOOL DOWN STRIKE ) الجد شعبان،سقط لقط .
+ صفاره السكه حديد عااااااااااعوووووو. برنامج من مواقع التنميه
. صحاف و ايام صحافه وأيام صحافه و ايام . قدم الخير عليك يا بلادنا
صباح الثوره تعيش اعيادنا.. و الكشافة البحرية.. وسيلفر مون .. وبقالة
الجمهورية.. البستان تو . ومركز شباب السجانة.. دكان الزين ..المعارف
..دكان عكود.... سولارا... اولاد مسيك.. دكان الفاضل فريق دبايو... فريق
الزهرة ... فريق الأمل.. الترسانة..فريق السهم.. فريق العلمين.. عمك استاذ
حسن محمود ( استيف) دكان عبد الكريم.. قهوة النوبي .+ . أتينيه و مليون صنف
.. عمك طه العجلاتي.. ناس بريس.. عمك كع.. مقابر بلاع.. جامع العجيمية..
الكمبوني.. مدرسة الجهاد.. حسن خليفة الخياط .. عوض الاسكندراني.. الشايقية
ام صلاح .. مدرسة الام .. عثمان ود الجنة.. خالتي عزيزة بت الشاويش.. آمنا علوية
الداية .. حبوبة بخيتة.. محمد سراج الدين.. زقاق ناس نميري.. مولانا العبيد.. سيد
خليفة و ايدناك بايعناك يا نميرى ايدناك للجمهوريه ايدناك ميه الميه بايعناك.
بالملايين قلناها نعم قلناها نغم . الله فوق ظوظو يا حلات ظوظو .
بحكمك و وعيك يا ريس ياداب سوداننا بقى كويس .

ﺑاﺺ ﺍﺑﻮ ﺭﺟﻴﻠﺔ بالشنقيطي و شقلبان ، السلالم و الصليحابي ..
شقينا ﺗﻤﻮﺕ ﺗﺨﻠﻰ .. ﺩﻛﺘﻮﺭ ﺷﻮﻝ .. وباتا ..ﺻﺎﺑﻮﻥ ﻛﻠﻴﻦ.. ﺍﻟﻜﻤﻮﺵ .. ﺍﻟﻘﻤﻴﺺ
ﺍﻟﻜﺎﺭﻭﻫﺎﺕ .. ﻗﻠﻢ ﺍﻝ 3H .. . ﻓﻀﻴﺔ ﺍﻟﻌﺪﺓ ﻭ ﺻﻴﻨﻴﺔ ﺍﻟﻨﻴﻜﻞ ﻭ ﺻﺤﻦ ﺍﻟﺼﻴﻨﻲ ..
ﺃﺳﺘﺪﻳﻮ بابا . وفارتي. ﺍﻟﺪﻭﺭ الاول. ﺳﻴﻨﻤﺎ ﻛﻠﻮﺯﻳﻮﻡ .. السكرية.. سستر اسكول
... فلم من اجل ابنائى التاني وطنيه غرب ديجانقو .. و سينما ال BN ، الﻔﺎﺿل
ﺳﻌﻴﺪ وﺍﻟﻨﺼﻒ ﺍﻟﺤﻠﻮ .. عيسي تيراب و نقابة المتنحرين والعودة اخر الليل
كداري . ﻳﺎ ﺍﻻﺳﻤﺮﺍﻧﻰ ﻋﻠﻴﻚ ﺍﻟﻠﻪ ﻗﻮﻡ ﻧﺮﻗﺺ ﺗﺎﻧﻰ .. ﺍﻟﺘﺮﺍﻡ .
. ﺟﻨﻴﻨﺔ ﺍﻟﺤﻴﻮﺍﻧﺎﺕ .. الكلية القبطية.. دكان الغول ..

ﻭﺍﻟﺮﺍﺩﻯ ﻭﻣﺎ ﺍﺩﺭﺍﻙ ﻣﺎ ﺍﻟﺮﺍﺩﻯ ﻧﺸﺮﺓ ﺍﻟﺴﺎﻋﺔ ﺛﻼﺛﺔ ﻭ ﺇﺫﺍﻋﺔ ﺍﻟﻤﺮﺍﺣﻴﻢ .. ﺑﺮﻧﺎﻣﺞ ﻋﺎﺍﺍﺍﺍﺍﻟﻢ ﺍﻟﺮﻳﺎﺿﺔ
.. ﻋﻠﻰ الحسن مالك ﻭﻋﺒﺪﺍﻟﺮﺣﻤﻦ عبد ﺍﻟﺮﺳﻮﻝ .. ﻋﻢ ﺷﻨﺒﻮ ﻭﺃﻏﻨﻴﺔ ( ﺷﻨﺒﻮ ﻳﺎ ﺷﻨﺒﻮ ﻛﺎﻥ ﺑﺪﺭﻯ ﻋﻠﻴﻚ ﻳﺎ ﺷﻨﺒﻮ )
.. ﻭﺍﻟﺪﻫﺒﺎﻳﺔ ﺷﻨﻘﻠﻰ ﻃﻮﺑﺎﻳﺔ ﻭﻳﺎ ﻭﺩ ﺍﻟﺒﻨّﺎ ( ﺩﻛﺎﻥ ﻭﺩ ﺍﻟﺒﺼﻴﺮ .. ﺍﻭﻻﺩ ﺣﺎﺝ ﺍﻟﻤﺎﺣﻰ .. ﻭﺗﻮﺭ ﺍﻟﺠﺮ ﻓﻰ ﺍﻟﻤﺎﻧﻴﺎ .. مكي
سنادة وتحية زروف والمنضرة و شنقلي طوباية تلي لي دهباية .. ﺭﻛﻦ ﺍﻷﻃﻔﺎﻝ ﻳﻘﺪﻣﻪ ﻋﻤﻜﻢ ﻣﺨﺘﺎﺭ ﻭ ﺍﻟﻮﺩ ﺍﻟﻘﺼﻴﺮﻭﻥ
ﺩﺍﻙ ﺍﻟﺒﻘﻮﻝ ( نكككككتة ) .. .. ﺍﺳﻤﺎﻋﻴﻞ ﺣﺴﺐ ﺍﻟﺪﺍﺋﻢ ﻭ ﺍﺩﻳﻨﻰ ﺭﺿﺎﻙ ﻗﺪﺍﻣﻰ ﺳﻔﺮ .. ﻣﺤﻤﺪ ﺳﻼﻡ ﻭﻗﺎﻡ ﺍﺗﻌﺰﺯ ﺍﻟﻠﻴﻤﻮﻥ ﻋﺸﺎﻥ
ﺑﺎﻟﻐﻨﺎ ﻓﻰ ﺭﻳﺪﻭ .. ﻧﺠﻢ ﺍﻟﺪﻳﻦ ﺍﻟﻔﺎﺿﻞ ﻭﻗﺎﻟﻮﺍ ﻗﻄﻌﺔ ﺳﻜﺮ .. ﻓﺮﺍﺝ ﺍﻟﻄﻴﺐ ﻭﻟﺴﺎﻥ ﺍﻟﻌﺮﺏ ..ﺍﻟﺘﻠﻔﺰﻳﻮﻥ ﻟﻤﻦ ﻛﺎﻥ ﺍﺑﻴﺾ ﻭﺍﺳﻮﺩ .. ﺳﻴﻨﻤﺎ ﺳﻴﻨﻤﺎ
.. ﻓﺮﺳﺎﻥ ﻓﻰ ﺍﻟﻤﻴﺪﺍﻥ ﻭﺣﻤﺪﻯ ﺑﺪﺭﺍﻟﺪﻳﻦ ﻭﺍﻟﻤﻄﺎﺭﺣﺔ ﺍﻟﺸﻌﺮﻳﺔ .ﺧﺪ ﻭﻫﺎﺕ ﺍﺩﻣﻮﻥ ﻣﻨﻴﺮ .. ﺩﻧﻴﺎ ﺩﺑﻨﻘﺎ .. ﺷﺨﺘﻚ ﺑﺨﺘﻚ .. ﻣﺴﻠﺴﻞ ﻟﻘﻴﻄﺔ .. ﺯﻳﻨﺐ
ﻭﺍﻟﻌﺮﺵ .. والبرادعي .. أبو عركي و قطار اهم .. حاكم سلمان ساري الليل.. جعفر عبد ا لمطلب و مرافئ الغربة .. ﺻﻮﺭ ﺷﻌﺒﻴﺔ
.. ﺟﺮﻳﺪﺓ ﺍﻟﻤﺴﺎﺀ .. ﻣﺤﻄﺔ ﺍﻟﺘﻠﻔﺰﻳﻮﻥ ﺍﻷﻫﻠﻴﺔ الطيب شعراوي متاعب ﻣﺴﻠﺴﻞ ﺍﺳﺘﻴﻒ ﺃﻭﺳﺘﻦ .. .. ﻛﻮﺟﺎﻙ .. ﻟﻴﻠﻰ ﺍﻟﻤﻐﺮﺑﻰ .. ﻳﺴﺮﻳﺔ
ﻣﺤﻤﺪ ﺍﻟﺤﺴﻦ ﻭﺍﻟﻔﺎﺗﺢ ﺍﻟﺼّﺒﺎﻍ ﻭﺣﻤﺪﻯ ﺑﻮﻻﺩ ﻭ ﻗﺒﺎﻧﻰ ﻭﻋﻤﺮ ﻋﺜﻤﺎﻥ .. ﺻﺪﻳﻖ ﺍﺣﻤﺪ ﺣﻤﺪﻭﻥ .. ﺗﻠﻰ ﻣﺎﺗﺶ .. . ﻣﺤﺠﻮﺏ ﻋﺒﺪﺍﻟﺤﻔﻴﻆ
ﻭ ﺍﻟﺼﻼﺕ ﺍﻟﻄﻴﺒﺔ .. ﺑﺮﻧﺎﻣﺞ ﺣﻴﺎﺗﻚ ﻳﻘﺪﻣﻪ ﺍﺑﻮﻋﺒﻴﺪﺓ ﺍﻟﻤﺠذوب .. ﺑﺮﻧﺎﻣﺞ ﻣﺸﻜﻼﺕ ﻗﺎﻧﻮﻧﻴﺔ ﺗﻘﺪﻳﻢ كمال ﺷﺎﻧﺘﻴﺮ ( ﺍﺑﻮ ﺍﻟﺰﻓﺖ
.. ذاكرة ﺣﺪﻳﺪ .. ﺻﺤﻰ ﻧﺤﻦ ﺑﻘﻴﻨﺎ ﺍﻗﺪﻡ ﻣﻦ ﺍﻟﻜﺴﺮﺓ ﻟﻜﻦ ﻟﺴﻪ ﻓﻰ ﺭﻗﺸﺔ ﻭﻣﺎ ﻋﺠﺰﻧﺎ ﻟﺴﻪ ﺍﻧﻤﺎ ﻫﺮﻣﻨﺎ ﻓﻘﻂ

ﺍﻟﺸﺎﺭﻟﺴﺘﻮﻥ ﻭﻗﻤﻴﺺ ﺗﺤﺮﻣﻨﻰ ﻣﻨﻚ بالبنس .. قماش الترفيرا و الترقال و الكرمبلين
.. ﻭﺍﻟﺨﻼﻝ ﻓﻰ ﺭﺍﺱ ﺧﻨﻔﺲ .. ﺍﻻﻧﺘﻔﺎﺿﺔ ﻭﻫﺘﺎﻑ ﺭﺍﺱ ﻧﻤﻴﺮﻯ ﻣﻄﻠﺐ شعبى .. ﺭﻏﻴﻒ ﺍﻟﻤﺆﺳﺴﺔ
.. ﺍﻟﺸﺎﺭﻉ.. الليق الدافوري وقون المغربيه احلى من ميه .. ﺍﻟﺒﻠﻰ .. ﺳﻜﺞ ﺑﻜﺞ .. ﺣﺮﻳﻨﻪ
.. ﻛﻤﺒﻠﺖ .. ﺳﻜﻮﻛﻴﺔ .. ﺳﻔﺮﺟﺖ .. ﻭﻧﻂ ﺍﻟﻜﻠﺐ ... ﺩﺭﺱ ﺍﻟﻌﺼﺮ .. ﻭﺍﻟﺸﻄﺔ ﺑﺎﻟﻌﺮﺩﻳﺐ
.. وحلاوة كرملة ..وحلاوة كسلا ولبان 104 .. ﻭﺍﻟﺪﺍﺭﺩﻭﻣا
( ﺍﻭﻭﻭﻭﻭﺑﺢ ) .. ﻟﺒﺎﻥ ﺷﻜﻠﺖ ..

ﻳﻮﻡ ﺍﻟﻌﻠﻢ ﻭﺍﻟﻤﻌﻠﻢ .. ﻣﺴﺎﺑﻘﺔ ﺍﻟﻤﺪﺍﺭﺱ .. معض الزهور..
ﺍﻟﺰﻭﻝ ﺍﻟﻜﺎﻥ ﺑﺠﻰ ﺷﺎﻳﻞ ﺟﺮﺩﻟﻴﻦ ﺗﺮﻣﺲ وكبكبيه .. ﺻﻔﺎﺭﺓ ﺣﻼﻭﺓ ﻗﻄﻦ
.. ﺑﺘﺎﻉ ﺻﻠﺢ.. ﺍﻟﺴﺮﺍﻳﺮ ﻭﺍﻟﻌﻨﺎﻗﺮﻳﺐ .. ﺑﺘﺎﻉ ﺍﻟﻨﺒﻖ .. والمعا قزاز .. ﻭﺍﻟﺒﺎﺳﻄﺔ
ﺍﻟﻤﻔﺴﺤﺔ ... ﻭﺍﻟﻌﺘﺒﺔ ﻗﺰﺍﺯ ﻭﺍﻟﺴﻠﻢ . ﻣﺠﻠﺔ ﻣﻴﻜﻰ .. والمغامرين الخمسة.. و
الشياطين 13.. واجاثا كريستي.. وارسين لوبين.. و الفريد هاتشكوك .. ﻣﻴﻜﻰ
ﺟﻴﺐ .. ﻣﺠﻠﺔ ﺳﻤﻴﺮ .. ﻣﺠﻠﺔ ﻣﺎﺟﺪ ﻭﺍﻟﻨﻘﻴﺐ خلفان ﻭﺍﺑﺤﺚ ﻋﻦ ﻓﻀﻮﻟﻰ .. ﺭﺟﻞ
ﺍﻟﻤﺴﺘﺤﻴﻞ .. ﻣﺠﻠﺔ ﺳﻤﺮ .. ﻣﺠﻠﺔ ﺍﻟﻤﻮﻋﺪ .. مجلة الشبكة .. ﻃﺒﻴﺒﻚ ﺍﻟﺨﺎﺹ .. ﺗﻮﺯﻳﻊ
ﺍﻟﻜﺘﺐ ﻭﺍﻟﻜﺮﺍﺳﺎﺕ ﻓﻰ ﺍﻭﻝ ﻳﻮﻡ ﻓﻰ ﺍﻟﻤﺪﺭﺳﺔ .. ﺍﻟﺠﻼﺩ .. ﺍﻟﻤﺤﺒﺮﺓ ﻭﻗﻠﻢ ﺍﻟﺤﺒﺮ . وكتبة
مكتبة سمارا والنهضة والخرطوم. ﻭ ﺍﻟﻄﻴﺶ ﺍﻟﻄﻴﺶ ﻳﺪﻗﻮﺍ ﺑﺎﻟﺒﺮﺍﻃﻴﺶ .. ﻭﺍﻻﻭﻝ
ﻳﺄﻛﻞ ﺍﻟﻜﺴﺘﺮ ( ﺯﻣﻦ ﺍﻟﻜﺴﺘﺮ ﻛﺴﺘﺮ ) ..ﺭﺃﻓﺖ ﺍﻟﻬﺠﺎﻥ .. ﻣﻮﺳﻴﻘﻰ ﻋﺎﻟﻢ ﺍﻟﺴﻴﻨﻤﺎ
... ﺍﻟﻜﺪﻳﺖ .... ﺑﺎﺳﻄﻪ عم بين والطيب سيد مكى وسلا... وبمبو .. مرطبات
السلام.. جامبرت وسندريلا وحلويات حمدتو و زفة المولد
عمارة المجانين وجامع فاروق

ﺍﻭﻭﻭﻭ تنقا .. ﺗﻨﻘﺎ ﺗﻨﻘﺎ ﺗﻨﻘﺎ
واووو ديشكا .. ديشكا ديشكا ديشكا بلحنهم السمح داك

شعير عمك الواثق وليمون الشفيع
قدرة الفول ام غطايه كفتيرة مليانه سمنه بلديه.. موية الجبنة
.. موية الغسيل من برميل ابوماسورة والتاني بكوز مربوط
للشراب وخيرات سلوى وال كى جي اس ود ملاح وعبده تادرس
وميرزا بص الشجرة والحمادب والسجانه والقوز و الصحافة ظلط
بري بحري امدرمان وتجديد الأبونيه (أبونيه آ بو ضراح) . ميدان
الأمم المتحده ( يا حليلك ) المديح والطار سوق الخضار وكيس
عيش سيحة وتوستا مونديال ومكتب تنظيم البلديه .. شدرة
الحراميه ومخازن بورسودان ...المحطه الوسطى ..
شارع البلديه وقباب الاتراك
داخليات الجامعة ومصنع التلج ..
الما عاصر الحاجات دي محروم والله حياتو ضايعة ساي) ..
ناس لن تحكمنا حكومة سكينه ... والى الثكنات ياحشرات
.. ناس لسان طلعت .. والترماج . وقهوة الزيبق .
ديل مامعانا بكونوا. خرفولو حيين...
حليل الراحو. خلو الريح تنوح فوق النخل💕

ميدان عبّاس والطرحة لي المحطة الوسطى أم درمان ٠
قهوة العامل ٠ أحذية توموشيك للمرأة الراقية والرجل الشيك
وصابونة رشا وسالي وخطوة خطوة أبو سلامة زغرودة وضحكة
أبو سلامة رشاقة وخفة أبو سلامة ٠ الله بيتكم بقي جميل جدًا ياسميرة
نعم استعملنا بهية روبيلاك ٠ سميرة ولدك مالو ٠٠٠٠٠ حبة واحدة من
الجون وكفى ٠ الحيطة المايلة ٠الكون ذلك المجهول د / مصطفى محمود
٠ جراب الحاوي ٠ أغنيات من الشرق والغرب ٠ سجارة القندول و أبو
نخلة العلبة بي 5 قروش حلاوة ماجد ٠ وحلاوة جكسا و حلاوة ملبن ٠
أشراقة كريكاب والبولمن بي قرشين و سايق العظمة سافر خلاني وين
104 دبل كولا والحريّة صحافة أيام الرأي العام الشبكة مجلة ماجد
وعم تنقو ٠ سادو للعربية أجمل لون حاتشوفو عينيا٠
صابون بودرة سافو والرسول ياعريس تجيب لي
صابون فونا وجددوا الريدة ويزيدها صابون فونا

فعن يا عمو صورة معبرة بكل صدقٍ و مرارةٍ
عن انحدارنا من خُرطرم كانت عاصمة اللاءات التلاتة إلى
حضيضٍ و دركٍ أسفلَ سافلين من "هُر/ توم " عاسمة اللوالوات
التلاتة :(لا معرفة ، لا سلم و لا تنيمة، هناك ،بل بس)
وانحطاطنا ثقافياً كذلك برتمٍ ناعمٍ من" أنا أفريق أنا سوداني"
إلى غنا شريحة القونات الهابط ناس:"هووي دي مالا؟!"

دي مهداه لعمو جقود، و يا ريت ينزل لينا الصورة المصاحبة
في عهد الانقاذ وبعد ما باعو السكة حديد فكروا بعملوا سكة حديد جديدة تم اختيار
وفد سافر زيارة إلى الهند للتعرف علي تجربتهم في مجال ادارة السكك الحديدية،
قابلوا مدير عام سكك حديد الهند وشرحوا له طلبهم، بعد انتهاء حديثهم قام واحضر
لهم كتاب ضخم ووضعه امامهم وسألوا ان يتعرفوا عليه، قال ليهم عندما فكرت الهند
في ادارة سكك حديدية علي مستوي عالمي كان امامهم أحد خيارين، إما الذهاب إلى
لندن والانجليز معروفين في هذا المجال، او الذهاب الى عطبرة لانها نسخة حديثة
من السكك الحديديه الانجليزية، وقد كان قال ليهم قررنا الذهاب الى عطبرة وإنَّ
ما ترونه أمامكم هو كتاب كيفية ادارة السكك الحديدية مهداة من عطبرة .

طيب الله خاطرك يا دكتور بأضعاف ما تفعل بنا
و بي موناصبة مراوغات ساحر زمانه كمال عبد الوهاب ،ذكرتني
أنه في سبعينات القرن الماضي كان ظهرت لينا حكماية كورة, واحدة
بنية كدا . اسما منيرة عبد التام و لا عبد الساوي (لا أذكر) تمامان ، ففي
ذات يوم أسندوا إليها إدارة تحكيم مباراة هلال/ مريخ. و أثناء ما اللعب مولع
نار و جناحات و وسط المريخ شغال ين يخيت اللعيبة و مجهجه باكاتم قام
ثيرد باك الهلال/ عبدالله موسى سعلوق شديد دخل بعنف قانوني على رأس حربة
المريخ/ كمال عبد الوهاب و عمل معاه فاول بايخ شديد (كأنه جراه من الشورط
ولا أداه قرصة في المسكينة) ويلا راح كما ل متلفت عليه و قاشطوليك بُنبية جابو
والواطة ، فزولتك أختنا بهنا بدل ما تصفر وتتخذ إجراءً قانونياً كحكم للقاء قلبتها
ليك مناحة:قعدت في الواطة. تبكي وتنوِّح: مالك عليهو ضاربو يايابا يضربك
الضريبي، وهلم جرا أها ترا دي الشغلة العوجة لمن كنجارة عشان
قبيل شن قلنا ، عاد ما قلنا الطير بياكلنا!؟