|
|
|
 Re: فرز الاعضاء الملحلحين بالمنبر العام..وراب (Re: HAIDER ALZAIN)
|
يا حيدروف ده شنو بالله البل ده؟
وشنو الكيل بتلاتة مكايل ده؟:
في الأول عملت رابطة البل بس:
( في حين بالإضافة لدكتورة نعمات على قائمة البل بس نجد الأخت هدى ميرغني وصلاح الزبير ونمبر 4 حيدر حنين) ..
تاني ليه فرزت قائمة براها أمثلها أنا؟
ليه تاني عامل قائمة تاني ما فيها غيري؟
(د. محمد عبدالله الحسين .. رجل قائمة بذاته في صفحة البل بس
فهو بلال لدرجة فاقت ضياء الدين البلال)..
وكمان جابت ليها مقارنة بضياء الدين بلال...
**حرام عليك!
* خليتك لي...
| |
 
|
|
|
|
|
|
|
|
Re: فرز الاعضاء الملحلحين بالمنبر العام..وراب (Re: محمد عبد الله الحسين)
|
سلام واحترام أخى حيدر والتحايا للجميع~
سبقناك برابطة عدم المثقفين
اضافة لمن فى اللستة خاصتك عندنا كمان؛
-مولانا حافظ بشير (كاتبى المفضل معاه ناس كثار)
-جنى (زعيم عديل )
-العزيزة أميرة (شوية)
-العزيزة إمتثال (شديد)
-وأشدهم (لا يقف بين -بين) آدم صيام
-حيدر الزين😀 (عضو ما ظاهر يعمل بذكاء)
…
| |
|
|
|
|
|
|
|
|
Re: فرز الاعضاء الملحلحين بالمنبر العام..وراب (Re: حيدر حسن ميرغني)
|
Quote: يا هدى ..
العزيزة امتثال هي و صويحباتها كانوا ساكّين ود الباوقة في المنبر ده يتوسط ليهم عند الكيزان يمنحوهم قطعة ارض ..
ذاكرة المنبر قاااااعدة .. و نحن افيال بس .. اصلوا ما بننسى .. |
يا باشمهندس يحيى -براءة منهن تكون
*لكن الحق يقال هؤلاء الشابات - وعيهن الفكرى متطور وما عندهن تردد فى قول الحق والوقفة فى صف الشعب السودانى رغما عن البعد المكانى
-ماشات الحجل بالرجل مع الوعى المنفجر بين الشباب والشابات فى السودان
*للعزيزة امتثال وصويحباتها التقدير ولك يا باشمهندس
| |
|
|
|
|
|
|
|
|
 Re: فرز الاعضاء الملحلحين بالمنبر العام..وراب (Re: محمد عبد الله الحسين)
|
دكتورنا محمد عبدالله الحسين
صباح الخير
رغم اني أهبة فزة لكن أي شئ ولا زعلك ياحبيب
أول حاجة الصحيح اني قاصد اكتب { د. محمد عبدالله الحسين .. رجل امة قائمة بذاته في صفحة البل بس }
وحصل تصحيف و ما نزلت ..
بعدين القائمة اساسا واحدة لكن انت مميز بالنسبة لي فيها وتعلم هيـك..
ضياء الدين البلال جاية مع وزن البلال اضافة لانه هو وبابكر المدني بعتبرهم من الصحفيين المميزين والعندهم قدرة وتفرق كتير من غيرهم من امثال الضرس المورجغ عثمان ميرغني
فيآخي كله ولا عدم رضاك ولو ما عجبك بمسح المداخلة الاثارت امتعاضك..
لي عودة مع البريك داون
تحياتي
| |
|
|
|
|
|
|
|
|
|
Re: فرز الاعضاء الملحلحين بالمنبر العام..وراب (Re: هدى ميرغنى)
|
انتوا العنوان (المحلحلين) ولا (المحللين) و لا (الملحلحين)
يعني شنو الاخيرة دي ... جاية من .. قوم اتلحلح؟
الايامات دي النضارة خليتها وين ما عارف.
عندي كلام بسيط كدة عايز اقوله.. والله من باب الحقيقة ولبس المجاملة وكلكم عارفين
تغيير كبير جدا من بداية الحرب طرأ على الجنجويدي بريمة ..
شوفوا الفرق بينه وبين اختنا (هدى ميرغني)... اصلو ما ممكن
هو اصلا اي زول كيف يكون قلبك على المواطنين والوطن... وتتاثر بالاحداث المأساوية الحصلت
| |
|
|
|
|
|
|
|
|
|
Re: فرز الاعضاء الملحلحين بالمنبر العام..وراب (Re: Ahmed Yassin)
|
Quote:
شكراً يا كاوبوي
Quote: تصالحي
حسيت اني الطيب صالح عدييييل |
مش تصالحي ولكنك "حنين" حسب ما فهمت من "تصنيف" حيدر الزين لك.
وعجبتني لغة الكاوبوي الفصحى:
لم أوكّرك هههه
يا حيدر الزين انت قرّبت "تناقش" هظار د.محمد عبدالله الحسين ههههه
البلابسة "نجر " لغوي رائع على وزن "البلاشفة" و"المناشفة" هههه
معليش عندي قائمة اسمها "دعّامة البوستات"....
قبل ذلك كان "المصطلح" السائد هو "احتلال" البوست.
وبما ان الدعامة يحتلون بيوت المواطنين أو ما يمسى بلغة الدياشة:
الأعيان المدنية
فقد قررنا استبدال "مصطلح" احتلال ب" دعّامي بوست".
مثلا انا وبشاشة كنا "دعّامة" في بوست "من الآخر كدا"، لعمر التاج.
بشاشة هرب من الاعيان المدنية.
لكنني ما زلت محتلا للبوست:
دعّامي عديـــــــــــــــــــل...
| |
|
|
|
|
|
|
|
|
|
Re: فرز الاعضاء الملحلحين بالمنبر العام..وراب (Re: osama elkhawad)
|
Quote: يا باشمهندس يحيى -براءة منهن تكون
*لكن الحق يقال هؤلاء الشابات - وعيهن الفكرى متطور وما عندهن تردد فى قول الحق والوقفة فى صف الشعب السودانى رغما عن البعد المكانى
-ماشات الحجل بالرجل مع الوعى المنفجر بين الشباب والشابات فى السودان
*للعزيزة امتثال وصويحباتها التقدير ولك يا باشمهندس |
براءه كيف يعني ؟ هم في الكتاب ؟
مافي براءه يا هدى .. في انه كل سوداني بقى جواهو كوز سغيروني .. بيريود ..
و هو منو الما ماشي الحجل بالرجل مع الاحداث ..!! الكل راكب الموجة ..
.. غايتو ..
| |
|
|
|
|
|
|
|
|
|
Re: فرز الاعضاء الملحلحين بالمنبر العام..وراب (Re: يحي قباني)
|
| Quote: تغيير كبير جدا من بداية الحرب طرأ على الجنجويدي بريمة .. |
ول أبا أحمد يسن .. تصدق كما أنا من قبل الحرب .. كل ما تراه من ظروف الحرب لم يغير في قناعاتي تجاه وحدة ومصير الشعب السوداني ..
ما يحصل الأن زي أي حرب حصلت منذ الثمانينات .. سوف تقف الحرب ويعود شعبنا لمنازلهم ومراتع صباهم ..
وإن شاء الله سوف تكون أخر الحروب في السودان
تفاءلوا خيراً تجدوه.
بريمة
| |
|
|
|
|
|
|
|
|
|
Re: فرز الاعضاء الملحلحين بالمنبر العام..وراب (Re: Biraima M Adam)
|
| Quote: والمتجهمون هم أيضاً إحد فروع روابط الخواض. |
اهلا مستشارنا المحترم
الروابط حتى الآن هي:
١-رابطة ماسكي ضنب الككو
٢-رابطة دراويش الخواض
٣-رابطة "دعّامة" البوستات "تحت التأسيس"
انت طبعا مسؤول من "سجن الخواصتنامو" الذي بناه "الجاك" اقصد الفنان وناحت الاسم:
عارف ناشد
| |
|
|
|
|
|
|
| |
HAIDER ALZAIN
محمد عبد الله الحسين
هدى ميرغنى
Biraima M Adam
طلحة عبدالله
نعمات عماد
يحي قباني
حيدر حسن ميرغني
Hafiz Bashir
Abureesh
Ahmed Yassin
osama elkhawad
توفيق عيسى مكي
فيس بوك
تويتر
انستقرام
يوتيوب
بنتيريست