|
|
|
 Re: شرق السودان في مرمى النيران .. إتجاه للدعم (Re: محمود الدقم)
|
ول أبا الدقم
خروج الرئيس البرهان إلي بورتسودان يعطيه حضور في الميديا .. لكن ليس في صالح موقفه الميدانى .. الدعم السريع سوف يحكم سيطرته علي العاصمة ويجعلها نقطة إنطلاق له نحو الشرق. والبرهان سوف يذهب عطبرة لو أشتعل الشرق ليكي يحافظ علي الحضور في الميديا .. ومن غير لا يدري يكون أشعل كل السودان.
بريمة
| |
  
|
|
|
|
|
|
|
|
Re: شرق السودان في مرمى النيران .. إتجاه للدعم (Re: مهيرة)
|
دكتورة مهيرة
سلام .. يبدو الجيش أستجاب للأستفزاز بتاع أن الدعم السريع لن يسمح للبرهان بالخروج .. فأخرجوا البرهان لكي يثبتوا أن الجيس قادر لأخراجه .. الأن تحول الرئيس من قائد عسكري لقواته إلي رأس دولة يقود العمل السياسي في الميديا .. المشكلة كما ذكرت الدعم السريع سوف يحاول ملاحقته مما يعنى توسع دائرة الحروب.
شرق السودان وشماله هما ما يثبت وجودنا كدولة .. وبدخولهم في الحرب يكون حرقنا أخر مناطقنا الأمنة ..
الله يكضب الشينة .. ويكون هناك أتفاق سلام.
بريمة
| |
|
|
|
|
|
|
|
|
|
Re: شرق السودان في مرمى النيران .. إتجاه للدعم (Re: Biraima M Adam)
|
شيخ هاشم كاروري
سلام
Quote: بريمة ، مافي مقاطع للمتحركات الماشة بورسودان وكده ؟
وياحبذا ، لو في المقاطع اسري او شي من هذا القبيل 😁
خصوصا ( السبحة انقطعت ، او الرتينة بقت ) 😁
ياربي عندهم بنزين ؟ خصوصا العاصمة تعاني من شح كبير في المواد البترولية . |
مصفاة الجيلي في أيدي أشاوس الدعم السريع .. ولا شنو؟
ول أبا، كتيبة البراء والمجاهدين .. الأن يخرجون من العاصمة والأتجاه نحو الشرق لحماية قياداتهم .. عرفوا أنهم ح يفقدوا كل شيئ في الخرطوم ..
الخرطوم ح تسقط .. إلا إذا كان هنا وقف لإطلاق النار.
بريمة
| |
|
|
|
|
|
|
|
|
|
Re: شرق السودان في مرمى النيران .. إتجاه للدعم (Re: Biraima M Adam)
|
| Quote: سوف يحاول ملاحقته مما يعنى توسع دائرة الحروب |
هههههههه
يحاول ملاحقته كيف . وبشنو ؟
ياسيد . بريمة . انت فعلا " راح ليك الدرب في المويه " 😁
الزول ده قائد الجيش ، ورئيس مجلس السيادة ، يعني اعلي سلطة في البلد. يقوموا مجموعة ارزقيه يطاردوا محل مايمشي ؟
طيب كيف يلاحقوا ؟
بالانتربول ؟
يسكوا بسيارات المواطنين المسروقة وملطخه بالطين ؟
يوصي ليه سفيان المتمرد علي قادة الجيش الفاسدين ، باسقاط طائرته ؟
يلبدوا ليه جمب القيادة لما يجي راجع ؟
..
ياخ الله يهديك . لولا معرفتي بك من خلال هذا المنبر ، وكتاباتك . لقلت ان كاتب هذا المقتبس اعلاه هو ( الربيع عبد المنعم ) اللايفاتي المهرج .
تحياتي ،،،
| |
|
|
|
|
|
|
|
|
|
Re: شرق السودان في مرمى النيران .. إتجاه للدعم (Re: Hasheem Karouri)
|
لو كنت في مقام البرهان لا ولم ولن اترك الخرطوم للدعامة وانطلق من بورتسودان، ترك البرهان الخرطوم واتخاذ بورتسودان مع كامل احترام لاهل وقبائل بورتسودان، يعني اعتراف اتعس قائد مر علي الجيش بهزيمته، واعتراف من الجيش انو الخرطوم سقطت في يد الدعامة، و ان السودان سوف يدار براسين، راس عاصمة البلاد الخرطوم ويدار بواسطة الدعم السريع، وراس بورتسودان ويدار بواسطة البرهان علي كرتي، او كمان البرهان عايز يعمل غسيل للخرطوم بالسلاح الكيماوي، بعد ان هرب اهلها من الاقتتال طلبا للامان، ولم يتبقي الا الغرابة الماسكين جمر التراب والوطن.
| |
|
|
|
|
|
|
|
|
|
Re: شرق السودان في مرمى النيران .. إتجاه للدعم (Re: محمود الدقم)
|
اما الذين يسالون عن الفيديوهات الخاصة بالدعم السريع فهي موجودة علي مدار ال ٢٤ ساعة علي تويتر لم تنقطع، راجع حساب الجنا الفقر، ود البحير، الرزيقي الجنيدي، ابتهال...الخ، اما فيديوهات المعارك والجغم لايف والدبابات تبع المدرعات وغيرها التي باتت تحت سيطرة الدعامة ونزلوها الخدمة راجع قروب تلغرام باسم "فضائح الكيزان"، وغيرها من الفيديوهات المؤلمة للضباط الذين يتساقطون في يد الدعامة، لذلك اقول لابد من إجراء مفاوضات لوقف هذا النزيف، متحرك سبحة وانبشكت في حساب الجنا الفقر و غيره.
| |
|
|
|
|
|
|
|
|
|
Re: شرق السودان في مرمى النيران .. إتجاه للدعم (Re: محمود الدقم)
|
| Quote: لو كنت في مقام البرهان لا ولم ولن اترك الخرطوم للدعامة وانطلق من بورتسودان، ترك البرهان الخرطوم واتخاذ بورتسودان مع كامل احترام لاهل وقبائل بورتسودان، يعني اعتراف اتعس قائد مر علي الجيش بهزيمته، واعتراف من الجيش انو الخرطوم سقطت في يد الدعامة، و ان السودان سوف يدار براسين، راس عاصمة البلاد الخرطوم ويدار بواسطة الدعم السريع، وراس بورتسودان ويدار بواسطة البرهان علي كرتي، او كمان البرهان عايز يعمل غسيل للخرطوم بالسلاح الكيماوي، بعد ان هرب اهلها من الاقتتال طلبا للامان، ولم يتبقي الا الغرابة الماسكين جمر التراب والوطن. |
اووو . حبيبنا الانجليزي " طولنا منك " .
كيفك يارجل في بلاد الصقيع ؟ انشاء الله تمام .
.....
يامحمود الحرب شبه انتهت . وجولة البرهان الداخلية والخارجية تؤكد ذلك " مسالة زمن بس " .
ولن يكون هناك حكومتان . فهذه فريه جديدة . لا اريد ان اسبق الاحداث . لكن الذي سوف يحدث كالتالي :
ستكون هناك حكومة انتقالية تدير الفترة القادمة لاجل محدد
لن يكون للدعم السريع او المرتزقة كما احب ان اقول دائما .
لن يكون لهم اي دور في المرحلة القادمة . بل بالعكس سوف يكون مطلوبين للعدالة ( اقصد من تبقي منهم ) . هم وداعميهم والذين كانوا متعاونين معهم .
......
كل الفترة الانتقالية سيكون جزء منها ، تسيير دولاب الدولة ، والباقي جرد حساب وعقاب لك من اخطئ بحق شعب يتعدي ٥٠ مليون شخص.
| |
|
|
|
|
|
|
|
|
|
Re: شرق السودان في مرمى النيران .. إتجاه للدعم (Re: Hasheem Karouri)
|
طالما الحرب شبه انتهت ليه هنالك جنرالات حبيسي البدروم؟ ليه الكباشي لا نراه يتجول حرا طليقا؟ ياسر العطا لم نراه يتجدع في شوارع امدرمان ياكل زلابية؟ لماذا لم يتم فك اسري الجيش ١٤ الف اسير؟ لماذا سلاح المدرعات، الاشارة، القيادة العامة، مصفاة الجيلي، الاستراتيجة، البحرية، الاذاعة والتلفزيون التي استقبلت ابوشوتال قبل اسبوع. وغيرها كلها تحت قبضة الدعامة؟
طالما الحرب انتهت لماذا برهانكو هرب لابس سفنجة؟
ولماذا لا يعقد اجتماعاته من داخل القصر الجمهوري المحتل؟ والمحاكمات دي هل بتشمل عناصر الجيش الذين استباحوا الدروشاب ونبتة وجامعة امدرمان الاسلامية؟ ام فقط للتشاديين والنيجريين كما يقول الفلول الانجاس؟ المهم الايام المقبلة غير مبشرة لاحد كما أري...
| |
|
|
|
|
|
|
|
|
|
Re: شرق السودان في مرمى النيران .. إتجاه للدعم (Re: حيدر حسن ميرغني)
|
الاخ حيدر، البرهان لمن خرج من التنور قال إنهم لا يقاتلون من اجل احد ويسعون للسلام، ثم عندما زار بتاع كتيبة البراء في المستشفى، وجلس معهم ذهب الي قاعدة فلامنغوا ببورتسودان وقال انه سيقاتل الخونة-الجنجويت- لاخر جندي، وانهم ما بشبهونا، يعني كان البرهان طالع ونازل مع الدعم السريع من ٢٠١٣، وما اكتشف انهم بشبهوه الا بعد حشروووه في التنور، المهم أليوم في العلمين بمصر البرهان قال[ مصادر الحدث: البرهان يؤكد للسيسي انفتاح الجيش السوداني على أي هدنة طويلة لوقف النار #الحدث] ).
لا تعليق..
| |
|
|
|
|
|
|
|
|
|
Re: شرق السودان في مرمى النيران .. إتجاه للدعم (Re: محمود الدقم)
|
ول أبا شيخ هاشم كاروري
Quote: ياخ الله يهديك . لولا معرفتي بك من خلال هذا المنبر ، وكتاباتك . لقلت ان كاتب هذا المقتبس اعلاه هو ( الربيع عبد المنعم ) اللايفاتي المهرج .
تحياتي ،،، |
موقفي يختلف كثيراً عن كثير من الناس .. أنا أري يجب حصر المعركة في الخرطوم .. ويقر الجيش والدعم السريع بحق الأخر في البقاء .. والتوصل لوقف إطلاق النار والأعتراف بحق المواطنين في الامن والبقاء والعيش الكريم.
كل هذا لن يحصل نتيجة لخروج الرئيس البرهان .. ومن ثم تعالت أصوات الحرب وهزيمة الطرف الاخر ..
كأنما الحرب بدأت من أول وجديد .. مسألة هزيمة الدعم السريع غير واقعية .. أقليمين: دار فور وكردقان .. خارج سيطرة الحكومة وبيد الدعم السريع.
بريمة
| |
|
|
|
|
|
|
| |
Biraima M Adam
محمود الدقم
مهيرة
Hasheem Karouri
حيدر حسن ميرغني
فيس بوك
تويتر
انستقرام
يوتيوب
بنتيريست