|
|
|
 Re: الأخ الوافد من الخرطوم.. رجاءاً .. (Re: HAIDER ALZAIN)
|
وافد من الخرطوم ولا نازح!!
ايضا نرجوا ان لانستغل ظرفه ونقوم نرفع له إيجار السكن والسلع الضرورية!!
الدويم، كوستى، ربك، سنار، سنجا، مدنى، بورتسودان، القضارف، حلفا الجديدة، حلفا القديمة، دنقلا، كريمة، ابوحمد، الدبة، شندى، المتمة...قيمة السكن والمعيشة فى هذه المدن تضاعفت خمسة مرات مقارنة بما قبل 15 ابريل!!
| |
  
|
|
|
|
|
|
|
|
Re: الأخ الوافد من الخرطوم.. رجاءاً .. (Re: Mohamed Adam)
|
عفوا ... تضاعفت 20 مرو مقارنة بما قبل 15 ابرول
عليك ك (نازح) ان تدفع وانت صامت وان تتحمل الاف كلمات الاساءة للخرطوم ومن فيها وكافة انواع الاستخفاف والإهامة.
وان تعرف ان المطلوب منك هو فقط (قروش قروش قروش) وليس مهما من أين وكيف؟
| |
|
|
|
|
|
|
|
|
|
Re: الأخ الوافد من الخرطوم.. رجاءاً .. (Re: Hani Arabi Mohamed)
|
كويس والله يا اخ محمد آدم وهاني عربي يبدو انكم متابعين ومحتكين بالفيسبوك والواتس اكتر مني
فمتعودين على كلامات زي وافد والاخ هاني اضاف نازح عادي ما زيي
يمكن انا بظروفي ضرست لي كلمة وافد دي شديد وشايف استخدامها في السودان بين الاهل أشتر خاصة بعد ما اضاننا اتقدت بي يا ارض الخير كل الوطن اوطاني وحتى الطيـور شبعاني.. الخ
والمعجزة كمان البيجي ابوهو ويقول ليك انا نازح او وافد...غايتو!
| |
|
|
|
|
|
|
|
|
|
Re: الأخ الوافد من الخرطوم.. رجاءاً .. (Re: HAIDER ALZAIN)
|
تكون قاعد حاضن إكتئابك وزهجك وقرفك وملل عجزك امام العبث الحاصل في السودان بدماء وعروض واموال الناسوانتهاك كل حرمات عصمة الانسان لأخيه الإنسان..
وتكون متسامي بكبت شيطان معصية الذات ومسدد نخريك من عفن ريحة هراء الكيزان وفلولهم وقلة حياء دينهم وسقوطهم في جميع امتحانات الشرف والأخلاق الوطنية وغباء قلوبهم ..
وفي ترخيمة انك متمحن تردد { وَكَذٰلِكَ نُوَلِّي بَعْضَ ٱلظَّالِمِينَ بَعْضاً بِمَا كَانُواْ يَكْسِبُونَ } في حال كون الجنجويد عباد ام عباد تنط تلقى ليك اشعار من الفيسبوك يقول فيه أحدهم :
| |
|
|
|
|
|
|
|
|
|
Re: الأخ الوافد من الخرطوم.. رجاءاً .. (Re: HAIDER ALZAIN)
|
إعلان مثلاً يقول :/
Quote: خوكم .....س وافد من الخرطوم طلعت منها قبل ..... يوم بالضبط بعد ما خليت وراي شقا عمر ابوي و عمري الحمد لله كل الطلعت بيهو ...... لكن م بخلي باقي حاجاتي وراي جيت ...... بعد ما غبت منها ٧ سنين جيت نفضت بيتنا الهنا و فتحتو تاني .
ياداب الليله عايز اطلع بسأل من محلات في كوستي.... رايقه و هاديه لي ابعد درجه لانو صوت الضرب و شكل الدم في الارض و ريحة الم.وت في كل مكان م عايزة تطلع من البال الافكار دي |
| |
|
|
|
|
|
|
|
|
|
Re: الأخ الوافد من الخرطوم.. رجاءاً .. (Re: HAIDER ALZAIN)
|
عادي في قروبات الحي او الحلة بتلقى :
Quote: انا لله وانا اليه راجعون
توفي قبل قليلفلان الفلاني وافد من الخرطوم يسكن بيت محمد ادم جوار البقالة الدفن بعد قليل بمقابر ...
علي الشباب التوجه الي المقابر
نسال الله له الرحمه والمغفره |
| |
|
|
|
|
|
|
|
|
|
Re: الأخ الوافد من الخرطوم.. رجاءاً .. (Re: HAIDER ALZAIN)
|
وفي الجانب الآخر ممكن تلقى ليك " وافد" جادي وعملي ومطوع الظروف ليبني فوق عماره بيت تاني فينشر:
| Quote: وافد من الخرطوم موظف في شركة متزوج داير لي مطلقة او ارملة او فتاة تقبل تعدد والعرس في ظرف شهر عمري 45 من ....الجادة خاص وانا جادي والله علي مااقول شهيد |
| |
|
|
|
|
|
|
|
|
|
Re: الأخ الوافد من الخرطوم.. رجاءاً .. (Re: HAIDER ALZAIN)
|
عموماً الكلمة مهما اتعودت عليها ألسن واسماع الناس سواء أهل البيت من ضيوف او اصحاب الدار تبقى كلمة شينة وغير مستصاغة مع المعلن من المروة السودانية البتخلي الناس تقطع طريق المسافر السالم الآمن عشان يحلل صيامه
فما بالك بالواجب البتفرضه شهامة ونخوة إغاثة الأخ الخائف الجائع حين تصفه بالوافد والنازح اللاجئ...
شينة وبيتضرس وقبيحة حتى ولو كانت اصطلاحاً مقبولة لكنها تبقى في ذهني مثلها ومثل صحة غرّد الحمار فوق الشجرة نحويا..
| |
|
|
|
|
|
|
|
|
|
Re: الأخ الوافد من الخرطوم.. رجاءاً .. (Re: Hani Arabi Mohamed)
|
هلا يا حيدروف الصلد
الجائين من الخرطوم ديل اصناف وانواع
منهم الذي لا يحترم العادات والتقاليد وهذا لا ينبغي أن يحترم
و يتم جلده حتى يأكل اصابعه ويتوب ويقول الروب
ومنهم الموهوم العامل نفسو ما زي الناس لمجرد انه
جاء من الخرطوم الأصلا هو نزح ليها من الريف البتقنزح
عليهو دا وهذا يجب أن يحلق رأسه صلعة بعد صلاة الجمعة
وبعد دا يركبوه الحمار بالقلبة ويخلوه يحوم الحلة والحلال
المجاورة إلى أن يعود إلى أصله النساهو أو تجاهلو دا
وفيهم المترفع لدرجة عامل فيها ما سوداني عديل وهذا
يجب ان يستتاب وإلا فاليذهب إلى مناطق الانتاج ليلقط القطن
أو يطق الصمغ أو ان شاء الله يخم زبالة ..
هي ناقصة حنكشة وفنتشة؟؟ خخخخخخ
| |
|
|
|
|
|
|
|
|
|
Re: الأخ الوافد من الخرطوم.. رجاءاً .. (Re: طلحة عبدالله)
|
سلام حيدر,
او كما كان يقول الامير توفيق, اغلب الناس ديل كانو ناس ضهارى, و الحمد لله رجعو الى الضهارى من جديد.
___________
اهلنا زمان بحكو قصة واحد مشى الخرطوم كم سنة كدا و جاء راجع البلد, اصبح شاف الغنم في الزريبة, قاليهم (شغلنات ديل خلوهم ورانا و لا شنو؟)
| |
|
|
|
|
|
|
|
|
 Re: الأخ الوافد من الخرطوم.. رجاءاً .. (Re: Mahjob Abdalla)
|
سلام عليكم
وافد غير دقيقة
نازح أقرب للمعنى
صراحة النازح مشغول بهمومو فى ارض النزوح وماعندو فراغ لأى شمل من الممارسات كرفاهيات اجتماعية تصادم مع مجتمعات ارض النزوح.
بعدين اغلبهم نزلوا لمناطقهم رغم انو مايكون عندهم مكان للزمان فى مناطقهم فأصبحت نازحين فى قراهم ومدنهم الاصلية.
قد يكون فراغ ممارسه عادات المدينة متاح للنازحين فى مدن كبيرة قريبة من ثقافتهم وطباعهم
| |
|
|
|
|
|
|
|
|
|
Re: الأخ الوافد من الخرطوم.. رجاءاً .. (Re: Mahjob Abdalla)
|
| Quote: تجمعنا كشعب واحد ممتد من حلفا الي تلودي |
من حلفا لي نمولي يا ربع الدماغ
لمن قلنا ترجع الاقاليم ويتم اعمار 10 مدن سودانية من 2019 لي سمبلات قحت وحمدوك والارشيف قاعد انت وشلتك الغبية في البورد تتمسخرو
قلنا ليكم انتو ما بتسمعو لحدي تشوفو
ولحدي هسة لافين صينية في الدول الغبية مع جيس السجم واالشركة القابضة المصرية وجنجويد الامارات الرخيس والقحاتة الانتهازيين والاموال االمجنبة 200 مليار دولاار في 500 شركة وحارح بنك السودان وولاية وزارة المالية
ياح عندي خمسة جبال دهب في الخمسة ااقاليم وطاقة شمسية 8000 ميقا واط ومنازل تركيب سالهة جدا اجيب الصين بس ودول بريكس تنجز لي االمشروع ده وتاهل الاقاليم الخمسة لاستقبال حتى نازحين خارج السودان
وجماعتك لحدي هسة ما عارفين الصين بي وين
انتو لو ما عندكم مخ الصينيين عندهم مخ يدعم ويطعم مليار صيني
ياقرد بن سلمان مخلوس الشعر يا بتاع قحت وحمدوك وخالد سلك
مخك لحدي هسة ما اشتغل
مرحب بي ناس الخرطوم في الاقليم الشمالي
بس خلونا لنلغي الولايات وننزل الكيزان والعفن من راسنا
ويرجع الحكم الاقليمي ويدار الاقليم ذاتيا لحدي نشوف ليينا مركز جديد بشبيهنا
السودان والاقليم ليس فقير بل مفقر من ااحثالة بعد الاستقلال من اول انقلاب لي اخر انقلاب
وكراكسة
اذا ما مشا الشراميط في الساحة السياسية والجنرالات ديل جهة دول بريكس والصين ارمي طوبتم طوالي
اعمار السودان لا بتقوم بيه مصر ولا دول الخليج ولا تركيا ولا جامعة الدول العربية ولا فرنسا ولا امريكا ولا البنك الدولي
الحل الجذري لجقود
يا هو ده بس\
ترجع الاقاليم واعمار عشرة مدن سودانية باسس حديدة
https://www.0zz0.com
| |
|
|
|
|
|
|
| |
HAIDER ALZAIN
Mohamed Adam
Hani Arabi Mohamed
طلحة عبدالله
Mahjob Abdalla
Asim Ali
adil amin
فيس بوك
تويتر
انستقرام
يوتيوب
بنتيريست