|
|
|
 Re: الي صلاح كرار و الصوارمي و كل من ينادي بفص� (Re: Biraima M Adam)
|
سلام بريمه تحياتنا للجميع
أخونا المستنير ما عندو مشكلة مع الفكره
بصفه عامه مع انو الكيزان ما عندهم فكره اصلا
لكن أخونا المستنير عاجبهه فكره البلابسه
بشرط يقتنع بالحدود
حاول يا بريمه جيب ليه خريطة بحدود
معقوله ومقبول من زمن نميري
اما خريطة أخونا الباشمهندس محمد
دا ما عاجبه سوأ كان بخريطه او بدون خريطة
الحاجة الأنا بعرفه الكيزان في زمن
الزبير عملوا تعديل في الخريطة
وادخلوا منطقة كرب التوم للولايه الشمالية
واتبعوا نقطه الجمارك فيها لدنقلا
طبعا الفلانقايات الكيزان من ابناء دارفور
قالوا الله أكبر هي لله هي لله
الصوارمي كان في يوم من الايام
الناطق الرسمي بأسم الجنجويد
ومليشيا الجيش ناس دارفور صبروا عشرين
سنه من القتل والاغتصاب والتهجير وما قالوا
انفصال الكيزان فقط ثلاث شهور
وقاعدين يبكوا
| |
 
|
|
|
|
|
|
|
|
Re: الي صلاح كرار و الصوارمي و كل من ينادي بفص� (Re: أبوبكر عباس)
|
لا أبداً أخونا نصر الدين أنا ضد الإنفصال،
بس أنا بحلم أكون والي للشمالية ونهر النيل وعندي مشروع بحفر قناة تربط النيل الأبيض بوادي الملك ووادي المقدم،
وخفت لا قدر الله لو حصل انفصال، يقوم وداي الملك يكون خارج حدود المديرية الشمالية وكردفان،
لكن الحمد لله خريطة بريمة قالت وادي الملك خارج حدود دارفور.
أُكرر أنا رجل مستنير ضد الانفصال،
أي انفصال يضيع حق أهلنا في دارفور في مياه النيل العظيم
كل الأراضي التي يتحدث عنها ن سليمان بدون النيل أراضي لا قيمة لها
| |
|
|
|
|
|
|
|
|
|
Re: الي صلاح كرار و الصوارمي و كل من ينادي بفص� (Re: طلحة عبدالله)
|
| Quote: دايرين أراضينا بحدود دارفور منذ 1821 ... التركية السابقة .... حدودها قرب دنقلا . |
يا راجل !!!! دنقلا عديييل كدة؟ أديك النجيضة ، حدود دارفور من ساحل العاج غربا
حتى العراق شرقا ومن جوهانسبيرج جنوبا حتى البحر الابيض شمالا، كدة كيف؟
خريطة شنو اللي بتتكلم عنها سنة 1800؟ وقبل التركية السابقة ، الخريطة كانت شكلها كيف؟
| |
|
|
|
|
|
|
|
|
Re: الي صلاح كرار و الصوارمي و كل من ينادي بفص� (Re: Al Sunda)
|
سلام اخونا
بلاي لو عندك خريطه دوله الزغاوه الكبري ممكن
تنزلوا
البلابسه البيحملوا خزعبلات ذي دا
هم نفس البلابسه الان بيقولوا
دولة جنيد او دوله العطاوه الكبري
نفس مدرسه شعبه القبائل في جهاز الأمن
الأفراد او الشخص البيحمل الخزعبلات ديل
اليوم زعيم البحر والترعه بيحاول بيرسم
خريطه من نافخوا مره غرب كردفان ومره جنوب دارفور
في النهايه لو عندك خريطه نزله بيكون دخلتا التاريخ
لانو بيكون اول خريطه
| |
|
|
|
|
|
|
|
|
|
Re: الي صلاح كرار و الصوارمي و كل من ينادي بفص� (Re: نصرالدين ادم فضل)
|
سلام عليكم
محمد سليمان و ضيوفك و معركة من غير معترك!
قبل كل شئ:
بأي صفة يتحدث صلاح دولار؟ هل خلاص الحرب
أنتهت و الكيزان استولوا على السلطة؟
كلما سياسات الكيزان العشوائية ترتد عليهم يروحوا
قاطعين من السودان جزء ؟المرة دي لا شعب ح يسكت
ولا إستفتاء ح ينجح .أتحداهم يعملوا إستفتاء
بالإنفصال عشان يشوفوا الحجم الحقيقي للكيزان!
فكرة فصل دارفور تخلينا نتساءل هل الكيزان عملاء
لأحد القوتين المتصارعتين على موارد أفريقيا و
شغالين تفكيك في غرب و وسط و شرق أفريقيا؟
| |
|
|
|
|
|
|
|
|
|
Re: الي صلاح كرار و الصوارمي و كل من ينادي بفص� (Re: نعمات عماد)
|
محمد سليمان
أها قول الصوارمي وكرار وبرهان أدوك شريط علي الحدود المصرية وأصبح درب
الأربعين ـ كله داخل حدود دارفور ـ من الفاشر حتي أمبابة ـ مش شريط وانما
مساحة صحراوية هائلة تمتد من دارفور وحتي مصر
أها مشكلتك إنتهت؟ يعني خلاص حاتبقي إنفصاله وترتضي الدولة المستقلة
وتتمتع بكافة مواردك وثروتك وسيادتك؟
نجي للكيزان ـ
ساهل عندهم حينما تتهدد السلطة والنفوذ ووتوالي عليهم الضغوط
أن يطرحو الإنفصال ـ الجنوب مشكلة خلاص ياالطيب مصطفي نفصلو
حميدتي عمل صداع ـ خلاص أدوه دارفور
جبال النوبة تمشي ـ والدمازين وجنوب النيل الأزرق يمشي
الشرق يمشي!
علما بإنو ناس دارفور أكتر من تتضرر من حميدتي وعاني منه
وقبليا أغلب ـالزغاوة والمساليت والفور ضده حتي الان
ـ حاشية
خوفي
بكرة لو الكيزان أدو محمد سليمان حدود مع مصر
حا
يجي يقول ـ هيي كردفان زاتها حقتي زمان كانت ولاية تابعة لدار فور ويقود حكومتها ـ مقدوم ـ معين من قبل سلطان دارفور والمسبعات حقتنا وكوستي زاتها تبعنا وطريق وشريط الحج التاريخي ـ من غرب أفريقيا مرورا بدارفور وحتي سواكن تبع دارفور محمد سليمان
وطبعا أمدرمان وشريانها الإقتصادي سوق ليبيا تبع محمد سليمان بمنطقو التاريخي ـ( التعايشي ) ـدا حا يخلي الخرطوم وبحري لي ناس المستنير وبشاشا وعمر التاج !
وأظنو بعد كلو حايحرد ويصرخ زي أوليفر تويست:-
please sir i want some more
| |
|
|
|
|
|
|
|
|
|
Re: الي صلاح كرار و الصوارمي و كل من ينادي بفص� (Re: حيدر حسن ميرغني)
|
| Quote: لأن الخريطة الحالية ظلت كذلك حتي سبعينيات القرن الماضي ... زمن النميري ...حين تم تغيير خريطة دارفور و الشمالية ... ببتر القطعة اللتي تمتد من دارفور الأم لتلتصق بمصر ... تم بترها و ضمها للشمالية .... لتمتد الشمالية الي ليبيا ... كدة ... لا تصويت و لا قرار برلمان و لا قرار دولي من لاهاي. |
سلام محمد سليمان,
بالمناسبة التغيير ده عملو الزبير صالح في زمن الانقاذ لتحويل جمارك مليط الي دنقلا.
| |
|
|
|
|
|
|
|
|
|
Re: الي صلاح كرار و الصوارمي و كل من ينادي بفص� (Re: حيدر حسن ميرغني)
|
إذا إنفصلت دارفور
حينها ستكون الحدود والجغرافيا هن اهون الشرور
المسألة أكثر تعقيدا مما يظن الكيزان وكل من يدعو للإنفضال
ولذلك الحوار يجب أن يكون أكثر عمقا وشمولا
ومن الآخر كدا
دارفور بلدنا وما بنفصلها
والجنوب بنرجعه وكذلك أسوان وكل ارض النوبة التي تحتلها وتستعمرها مصر الجارة الشقية
| |
|
|
|
|
|
|
|
|
|
Re: الي صلاح كرار و الصوارمي و كل من ينادي بفص� (Re: حيدر حسن ميرغني)
|
سلام حيدر
Quote: يا كيمو محمد طرحه عقلاني بصراحة ، ما عاوز اصوات زي دي تعلوا في وقت نحن احوج ما نكون للوحدة والسلام
حاول يذكر العواليق الاتنين ديل ، كعساكر مخهم فاضي، بما لا يعرفونه من مسألة حدود وخلافه .. يعني لا يشجع الانفصال |
بس حجته ومنطقه في مواجهة الصوارمي وكرار ضعيفة ـ جدا
منطق إنلو دارفور إنفصلت ستمتدها حدودها حتي مصر ولن يتحكم الشمال في الحدود مع مصر دا منطق يمكن يرد عليه كرار والصوارمي بالقول ـ خد هذا وأذهب ـ فماذا سيكون رد م سليمان وقتها ؟ حاينكسر الدش في يده!
حجج رفض الإنفصال أقوي وأكثر تماسكا من هذا !
| |
|
|
|
|
|
|
|
|
|
Re: الي صلاح كرار و الصوارمي و كل من ينادي بفص� (Re: أبوبكر عباس)
|
سلام د. ابوبكر عباس,
الفترة ديك تلفزيون السودان فيهو مسلسل مصرى الساعة 8 و اخبار عمر الجزلى و يسرية محمد الحسن الساعة 9.
ما فى اى انترتينمنت غيرهم, فالجزء الاول من الخبر صحيح 100% انو التغيير تم في عهد الانقاذ بواسطة الزبير. سبب التغيير, موضوع تحليلى يمكن يخضع للخطأ و الصاح. المهم في الفترة تحليل العنقالة بقولو عندو علاقة بأفتتاج جمارك دنقلا و فتح حدود مع ليبيا لانو كان حدود ليبيا مقفولة تماما لدارفور و مشاركين حدود مصر مع الشمالية.
| |
|
|
|
|
|
|
|
|
|
Re: الي صلاح كرار و الصوارمي و كل من ينادي بفص� (Re: Mahjob Abdalla)
|
شكرا محجوب
كلامك صحيح فيما يتعلق بتحويل جمارك مليط
الي دنقلا بطريقه ذكيه من الزبير محمد صالح
الزبير دا كان اكثر زول بيلعب وبيفكر في المنافع الاقتصادية
لمنطقتوا قبال البترول يطلع
أنا مريت بمنطقه كرب التوم عندما كان تابع لدارفور
بعضوا بسنه أو سنتين تم تبعيته لدنقلا
الهدف كان فتح جمارك جديد واستبدال مليط بدنقلا
ؤذالك بطريقه ذكيه
ان يتم تعين أفراد الأمن والجيش من أفراد معينين
وعند وصول العربات كان يتم أو تقديم خيارين
دفع مبلغ خيالي إذا أراد صاحب الشاحنة الذهاب الي
مليط أو الاعفاء والوعد بتخفيض الجمارك اذا ذهبتا الي
دنقلا
وبعض فتره فتحوا جمارك في حمره الوز في شمال كردفان
الخرب الفكرة أنو التشاديين فتحوا جمارك علي الحدود السودانيه في
الطينه
أعتقد أنو أخذوا الفكرة من الكيزان
وبفتح جمارك دنقلا والطينه التشاديه
أصبح مليط مجرد خرابه وما فضل لناس مليط إلا قصيدتهم
حياك مليط
الكيزان أفكارهم شيطانيه وآخر واحد حمرتي
طفه النور للكل جوا البيت وخارج البيت
| |
|
|
|
|
|
|
|
|
|
Re: الي صلاح كرار و الصوارمي و كل من ينادي بفص� (Re: نصرالدين ادم فضل)
|
يا بريمة، عملت بحث واتصالات،
الخرطة التي أرفقتها تاريخها عام 1969 وليس فيها حدود لدارفور مع مصر،
لم استطع التأكد في أي شهر من عام 69 نشرت هذه الخرطة، هل قبل مايو أو بعده؟
لا أدري.
بالعودة لأخونا محجوب،
برضو يا محجوب كلامك غير صحيح
الزبير محمد صالح لم يغيّر حدود دارفور والشمالية،
هذه الحدود موجودة قبل الإنقاذ
لكن لا ندري في أي زمن تغيرت؟
بل لا ندري صحة كلام محمد سليمان بأن لدارفور حدود مع مصر أيام التركية؟
بعدين كيف لمحمد سليمان أن يدعي بأن لدارفور حدود أيام التركية مع مصر الحالية؟
في حين أن حدود مصر الحالية جديدة وقد رسمها الانجليز بخط ٢٢ عرض ش؟
بعد بحث مضني بديت أشك في إدعاءات محمد سليمان وأنها للاستهلاك السياسي
| |
|
|
|
|
|
|
|
|
|
Re: الي صلاح كرار و الصوارمي و كل من ينادي بفص� (Re: نصرالدين ادم فضل)
|
الفاضلة دكتورة نعمات
الفضلاء:
Muntasir
حيدر حسن ميرغني
المستنير أبوبكر عباس
بريمة
نصرالدين آدم فضل
بدرالدين الأمير
Mahjoub Abdaajja
NASR
شكراً لتناولكم الموضوعي مسألة البوست.
و يا دكتزرة نعمات و أخونا بدرالدين الأمير ... أصوات صلاح كرار و الصوارمي و ناس دولة البحر و النهر و غيرهم ممن جرفهم تيار التفكير الإنفصالي هذا و بل بعض الكتاب و الساسة اللذين يروجون الآن لمثل هذا المنحي من حلول عاجزة لأزمة السودان علي طريقة: إذا وجعتك إيدك .. أقطعها للتخلص من الوجع ... و إن وجعتك قدمك .. أبترها ... لتجد نفسك في النهاية كسيحاً مُقعداً محصوراً.
مشكلة السودان ليست إقتصادية أو ضيق الموارد...
مشكلة السودان هي أزمة سياسية في المقام الأول تسبب فيها هؤلاء الأقزام اللذين من قولة تيت إستلموا زمام قيادة السودان فإنحدروا به نحو القاع و فرّطوا في أكبر ثروة للسودان: إنسان السودان ....
فلقد عجزوا عن الإستثمار فيه ... بإصلاح النظام السياسي و طريقة الحكم في السودان .... و عمداً تجاهلوا في لؤم و أنانية حقيقة أنهم لو عملوا علي إنصاف إنسان السودان في سنكات أوالجنينة أو كريمة أو أبوزبد .... سيتفرغ للإنتاج في ظل إستقرار و حرية و عدالة و سلام و حقوق مواطنة متساوية ... و سوف لن يهمه من يحكم الخرطوم ... حتي و لو ترمب سوداني ... لأن دولة المؤسسات كفيلة بمحاسبة و تهذيب و تشذيب أي سلوك ناشذ يمس حقوق الإنسان السوداني .. أينما كان موقعه.
هذه الأصوات مع أنها أقلية, إن لم تجد من يتصدي لها من الأغلبية ... سوف يظنها البعض من الباقين أنها الطريقة الوحيدة المتاحة للخروج من دوامة هذه الحروب اللتي عصفت بالسودان منذ 1956.
فالتنوع القبلي و الثقافي و الإثني الإنساني ... عرفت كل من أمريكا و كندا و أستراليا و نيوزيلندة مزاياها و أنها ثروة ... و توسعت أمريكا في بنامج اللوتري و سمّت ذلك البرنامج ب (فيزا التنوع)... و نحن في السودان نضيق من الآخر المختلف لحد الإنفصال.
Quote: تتعالي الآن بعض الأصوات مطالبة بفصل دارفور ... و معظم هذه الأصوات ليست دارفورية .. بل من بعض نخب الشمال و الوسط ...
كل هذا لأنهم رسبوا بصورة فاضحة في إمتحان الوطنية تحت وطأة الجنجويد لثلاثة شهور فقط ....
أوكي ... لنفرض جدلاً يا الصوارمي و صلاح كرار ... قد وافق أهل دارفور علي طلبكم بفصل دارفور .... ليبتلوا وحدهم ببعضهم البعض ....
ناس دارفور حيقولوا ليكم: عندنا طلب سغنتوتي: دايرين أراضينا بحدود دارفور منذ 1821 ... التركية السابقة .... حدودها قرب دنقلا .... و تتصل مباشرة بمصر .... تلك هي الحدود حتي في سجلات المستعمرات البريطانية .. |
| |
|
|
|
|
|
|
|
|
|
Re: الي صلاح كرار و الصوارمي و كل من ينادي بفص� (Re: Mohamed Suleiman)
|
الأخوة :
ترهاقا
Al Sunda
كمال عباس
لكم التحية و الإحترام
في هذا المنبر لم أنادي بإنفصال دارفور أبداً
و إن كنت مؤمناً بذلك ... لسجلته هنا حرفيّاً.
لكن بعيداً عن الهتر .... هنا خلاصة البوست إن أراد السودان الخروج من أزمته الحاليّة ....
لأن السودان لم يكن جنّة عدن قبل أن يخرج حميتي بجنجويده من رحم المسخ المشوّه اللذي يقال له الجيش السوداني:
Quote: فاا شنو ... يا صلاح كرار و الصوارمي .... من الأفضل للجميع في هذه المرحلة أن تصبر و يتحلي الجميع بالوطنية الحقيقية ... الحرص علي الوطن الأكبر ....
لأنكم بفصل دارفور .... ستبدأ مرحلة أخري من متاعبكم لا قبل لكم بها ... لأن دارفور عند فصلها ... لن تسافر الي بلاد الإسكيمو ... ستظل جارتكم و ستتمدد أكثر ... فيكم.
So, Think before you Talk
|
| |
|
|
|
|
|
|
|
|
|
Re: الي صلاح كرار و الصوارمي و كل من ينادي بفص� (Re: أبوبكر عباس)
|
سلام يا د.ابوبكر | Quote: لم يكن لدارفور يوماً خريطة تعتمد كوثيقة تظهر لها حدوداً مع حدود مصر الجنوبية الحالية، |
يا إستنارة كل من درس الأولية او الإبتدائية، قبل 1990 مؤكد يعرف حقيقة هذة الخريطة لأنها كانت مقررة لتلك المراحل اللهم إلا يكون هذا الشخص نسى، نسبة لطول المدة، وده أظنه وارد من خلال كلامك...
مؤكد هذة الخريطة ما بتكون ضمن المنهج فى تلك الفترة مالم تكون موثقة ومعترفا بها من قبل الجهات المعنية.
هل تعلم يامستنير، كنا نحفظ رسم خريطة دارفور دون خرائط المديريات الاخرى لأنها تشبة رسم خريطة السودان...!
أخونا باشمهندس محمد سليمان حمدالله على سلامتك ... العود احمد.
| |
|
|
|
|
|
|
|
|
|
Re: الي صلاح كرار و الصوارمي و كل من ينادي بفص� (Re: Mohamed Adam)
|
يا محمد آدم يا أخوي، خلي الكلام العاطفي
الخرطة التي أتى بها بريمة موجودة أونلاين وفيها حدود دارفور الشمالية تنتهى في الصحراء السودانية، ولا تتصل مع الحدود المصرية،
تاريخ هذه الخريطة ١٩٦٩.
محمد سليمان قال كلام مطلوق ساكت في الهواء وما جاب ما يدعم كلامه،
ما عندنا مانع أثبتوا لينا إنو دارفور عندها حدود مع مصر في أي خريطة وطوالي نحن بنقتنع.
كلام الونسة الساي دا ما بنفع معانا.
| |
|
|
|
|
|
|
|
|
|
Re: الي صلاح كرار و الصوارمي و كل من ينادي بفص� (Re: أبوبكر عباس)
|
| Quote: ما عندنا مانع أثبتوا لينا إنو دارفور عندها حدود مع مصر في أي خريطة وطوالي نحن بنقتنع. |
معليش ماقدرتا انزل لك الخريطة ولكن أكتب على قوقل: خريطة توضح دارفور التأريخ.
انا ماعايز اقنع زول بحقيقة نحنا عشناها .. ياخوى أسأل أى واحد بهذا المنبر(الجلاكين الزينا كدة) درس حدود دارفور كانت عند مصر..
| |
|
|
|
|
|
|
|
|
|
Re: الي صلاح كرار و الصوارمي و كل من ينادي بفص� (Re: أبوبكر عباس)
|
Quote: كتب محمد سليمان
فاا شنو ... يا صلاح كرار و الصوارمي .... من الأفضل للجميع في هذه المرحلة أن تصبر و يتحلي الجميع بالوطنية الحقيقية ... الحرص علي الوطن الأكبر
|
كتب محمد سليمان
فاا شنو ... يا صلاح كرار و الصوارمي .... من الأفضل للجميع في هذه المرحلة أن تصبر و يتحلي الجميع بالوطنية الحقيقية ... الحرص علي الوطن الأكبر
لو ركز محمد سليمان علي هذه النقطة وعلي ضرورة وحدة الوطن ترابا وشعبا ومواردا وكمان أضاف وحدة علي أسس جديدة ـ
ما كان في مشكلة
ولو كأنه لم يفعل وإنما أضاف وي وي لو عاوزين تفصلونا حتمتد حدودنا حتي مصر
وهنا
وقع بين إشكاليين ـ الإشكال الأول أن الخرط وتراسيم حدود المديريات
قبل 56 قد لاتدعم هذا الإدعاء وربما تفنده ـ وشايف ناس المستنير مافضل ليهم
إلا يمشو ينكتو في سحارة الملكة فكتوريا ـ ليثبتو خطل إدعاءات م سليمان
لأنو أدلتهم وتوثيقاتهم كل قبل عام 1956
والإشكال التاني إنو ممكن جدا ناس الصوارمي يدوك الشريط الصحراوي
الغربي حتي مصر
ويبقي حميدتي في مواجهة المساليت والزغاوة والفور ـ في دارفور المرة أظنو
حايقاتل بالأصالة لا بالوكالة عن المركز والجلابة !
والشاهد
يا م سليمان حقو تركز علي الدوافع الوطنية والمبدئية في رفض الإنفصال وفي مواجهة تفتت الوطن وفي دي يمكن تكسب الأغلبية معاك وإن خسرت الصوارمي ورهطه غير مأسوف عليهم .....
...
| |
|
|
|
|
|
|
|
|
|
Re: الي صلاح كرار و الصوارمي و كل من ينادي بفص� (Re: حيدر حسن ميرغني)
|
شكرا يا حيدر ماقصرت والله
الخريطة البقصدها بالون الاخضر،فى الغرب مكتوب فيها بالإنجليزى Darfur and Khartoum
وتحت بالعربى مكتوب دارفور والخرطوم. في الشرق مكتوب بالانجليزي Kush وتحته بالعربي مكتوب كوش باللون الاصفر وفى الجنوب مكتوب بالانجليزي Nyal وتحته بالعربي مكتوب نيال باللون الرمادى
| |
|
|
|
|
|
|
|
|
|
Re: الي صلاح كرار و الصوارمي و كل من ينادي بفص� (Re: Mohamed Adam)
|
حمَل اي صورة عاوز ترفعها في البوست من هنا
https://www.0zz0.com/index.php؟id=4745822https://www.0zz0.com/index.php؟id=4745822
بعد اختيار الصورة وتحميلها ح يجيك الرابط وكود المنتديات
انسح بتاع كود المنتديات والصقه في البوست طوالي من غير من تستخدم خاصية (اضف صورة) الموجودة فوق دي
https://www.0zz0.com/index.php؟id=3011065https://www.0zz0.com/index.php؟id=3011065
| |
|
|
|
|
|
|
|
|
|
Re: الي صلاح كرار و الصوارمي و كل من ينادي بفص� (Re: حيدر حسن ميرغني)
|
أشكرك أخي حيدر على جهدك الرائع.
تجدر الإشارة إلى أن الكوز الهالك، الزبير محمد صالح تدخل في تغييرات إدارية على جزء كبير، من منطقة دارفور، حيث تم تضمينها قسرا، ضمن ولاية الشمالية.
تواجه هذه الخطوة انتقادات وشجب واسع بسبب التحايل على الجغرافيا السياسية لإقليم دارفور، بهدف تحسين الوضع الاقتصادي لإقليم الزبير.
هنالك إتهامات واضحة حول وجود تلاعب في الخرائط والمعلومات الجغرافية بهدف إظهار الأمور بشكل مختلف.
الجدير بالذكر أن هذا الأمر يشبه ما قام به بعض الكتاب المصريين في الماضي القريب بالسايبر، حيث قاموا بطمس وتغيير التواريخ والحقائق لتناسب رؤيتهم الخاصة بماهية حضارة النيل.
ومع ذلك، يجب التنويه إلى أن هذه الجهود الضارة قد تكون مكشوفة من خلال الوثائق والمصادر التي تمسك بها المكتبات والأراشيف الشخصية للسودانيين، والتي تثبت حدود منطقة دارفور ماقبل عام 1989 المشئووم .
من المهم أن يتحد كافة السودانيين للكشف عن هذه المحاولات الخبيثة لتحريف الحقائق وتزوير التاريخ.
| |
|
|
|
|
|
|
| |
Mohamed Suleiman
حيدر حسن ميرغني
أبوبكر عباس
Biraima M Adam
نصرالدين ادم فضل
بدر الدين الأمير
طلحة عبدالله
ترهاقا
نعمات عماد
كمال عباس
Mahjob Abdalla
Nasr
Mohamed Adam
bakri abdalla
فيس بوك
تويتر
انستقرام
يوتيوب
بنتيريست