|
|
|
 Re: عمدة وخالي أطيان !اللوايفة يأمرون البرهان (Re: كمال عباس)
|
الواحد قاعد متحكر في كرسيه وشابكنا بل بس ـ الحرب لازم تستمر
. قاعد بعيد ـ يزعق ويشرخ حلقومه محرضا متوهما إنه صاحب الأمر والنهي والحل والعقد ـ وإنه الوحيد الممسك بريموت قلوب الشعب والرأي العام
والغريبة أنو رؤوس الأفاعي الكيزانية فرت للخليج وتركيا ومصر ومن تبقي
هجر لهيب الحرب وجحيم الموت في الخرطوم وذهب للولايات التي تنعم بالهدوء والدعة ـ القضارف وكسلا وبورتسودان ـ حيث تحول ناس أحمد هارون
للايفاتية ـوهتافية ـ يحرضون ـويحملون الحطب ـ بل بس ـأمسح أكسح
ماتجيبو حي
أنت محنن ياهارون؟ ماتمشي جبرة والحلفايا وبيت المال أو تحشد قواتك
وتقودها ـ لفك الحصار عن القيادة العامة ؟
لم تفعل هذا وإنما فكيت البيرق وآثرت الزوغة محرضا الغبش للذهاب للقتال
لتأتي للكرسي علي أجسادهم تماما كما يفعل باشبوزق قناة طيبة وإنكشارية
لوايفة المهجر !
| |
 
|
|
|
|
|
|
|
|
Re: عمدة وخالي أطيان !اللوايفة يأمرون البرهان (Re: mohmmed said ahmed)
|
شكر ا عزيزنا محمد سيد أحمد;-
Quote: اللايفاتية
هم الآن جهاز اعلام الكيزان
وهذا مؤشر للانحدار حينما...
تصبح وقاحة الانصرافي
وتهريج ابورهف
في الصدارة تحلل سياسيا وتقترح عسكريا |
.........
نعم يتكلم اللوايفي ب full authority
وكأنه يملك مفاتيح القرار ـ نحن الشعب ـ ويقصد نفسه بإعتباره إنه ليس مفوض من قبل الشعب فحسب وإنما هو الشعب !
ـ ولكن في النهاية هذه ظواهر صوتية وقتية ـ مجرد فقاقيع وبالونات هوائية
تأخذ وقتها ودورتها القصيرة في عالم الأسافير ـ
يقف الكيزان خلف هولاء صناعة ودعم ـ مع أن هولاء يدعون الحياد وينكرون إي صلة بالكيزان ـ ولكن من ناحية أخري فإن كثر يعتبرون اللايف متنفسا ومساحة لتحقيق
إنتصار وهمي يغطي علي بؤس الواقع والهزائم والإحباطات ـ بل وإتخاذ قرار
وصناعة فعل عجزت عنه القيادة في أرض الواقع إنها مساحة هروبية من جحيم
الجنجويد ـملاذا للبعض كما الصحاف وأحمد سعيد ـصوت العرب ـ حرب النكسة وعبثيات ساحات الفداء وهتافيات يونس محمود
ـ يجب أن تأخذ القوي الثورية الحية ولجان المقاومة ـ قرارا وفعلا موجبا وملموسا
في كشف وفضح ممارسات الجنجويد ـوالتصدي الإعلامي لها وكشف عجز قيادة
الجيش عن حماية الأرواح والممتلكات وتآمرها مع الكيزان ـلاإستبدال مليشيا دقلو ـ بمليشيا كرتي
وتوضيح أن شعار وقف الحرب ضرورة ـوموقف أخلاقي وإنساني
وأنه لايعني شرعنة الجنجويد أو الإنحياز لهم ولاعلاقة له بموزاين القوي علي الأرض ـ وإنما موقف دعمه عدم رؤية لإي أفق لحسم في المدي المنظور
وأن مانعيشه هو عجز الدولة عن واجبها ـ في حماية الشعب والممتلكات
وتوفير الحد الأدني من الخدمات في ظل تمدد غول الجنجويد وازدياد
بطشه ـ مع إستمرار والموت والتشرد والدمار والجوع والمرض .....
| |
|
|
|
|
|
|
|
|
|
Re: عمدة وخالي أطيان !اللوايفة يأمرون البرهان (Re: كمال عباس)
|
وكمان. ليهو كم ساعة
قاعد يصدر في قرارات.
تعيين وزير داخلية جديد
وتعيين لجنة لحصر جرائم. الجنجويد
اهي وزوارة. الداخلية
لا اقصد المبني. المحتل فحسب
وانما ضباط. وجنود الشرطة
ومكاتب الخدمات بمواقع الشرطة ؟
وتحصر جرائم الجنجويد وانت ماقادر تتحرك من مكانك. ولا قواتك قادرة. تمشي تشوف المواقع والمساكن المحتلة؟
وبعدين الاهم هل انت ناوي علي دفع تعويضات. للمتضررين ؟
مافي حل جذري الا بذاهبك وجنحويدك - وامكم الغولة - واعني الرحم الكيزانية
التي انجبت. دقلو اخوان والبرهان
| |
|
|
|
|
|
|
|
|
|
Re: عمدة وخالي أطيان !اللوايفة يأمرون البرهان (Re: كمال عباس)
|
قيادة تقتات الأكاذيب وتجترها وتعيد تدويرها
مثل وهمة قوات العمل الخاص ـ والقوة المميتة ودفن الرؤوس في الرمال
وإنكار الواقع ـ ـ والتحالف مع كيان سياسي ملفوظ من قبل الشعب السوداني
ثم إنكار إنتماء إي عسكري للكيزان والقول إنه الجيش مافيهو كيزان !
ينكر العلاقة مع الكيزان وناس أحمد هارون يتحركون تحت سمعه وبصره
ينكر يعلنون مشاركتهم في القتال عبر كتائب البراء .........
| |
|
|
|
|
|
|
|
|
|
Re: عمدة وخالي أطيان !اللوايفة يأمرون البرهان (Re: كمال عباس)
|
واحد لايفنجي إسمو الإنصرافي ـ إسم علي مسمي !ـ قال إنو أمبارح' كشف' هبوط طائرة بشكل يومي في شمال كردفان وزعم إنها تحمل أسلحة ـ
واليوم جاء مهللا وقال إنو يوغندا بعد سماع تهديداته نفت صلتها بالطائرة وزعم إنها نقطة إنطلاق الطائرة هي منطقة يوغندية مؤجرة للأمارات !
يعني موسفيني اللي كان يسمح لقرنق بالإنطلاق من أراضيه علي عينك يا تاجر خاف وإرتعب من الإنصرافي !
"الود" دا مخبول؟
| |
|
|
|
|
|
|
|
|
|
Re: عمدة وخالي أطيان !اللوايفة يأمرون البرهان (Re: كمال عباس)
|
سلام كمال، اللايفاتية اصبحو يعتمدون علي اطلالتهم علي منصات السوشيال ميديا بشكل جوهري وشبه يومي لانها مصدر رزق خصوصا تيكتوك، بعض هؤلاء اللايفاتية يقول ليك امبارح اتصل علي ضابط من داخل مكتبه وقال لي كذا وكذا.
اعرف لايفاتي له من السودان ١٥ سنة وقال في لايف مباشر انه كان في السودان قبل اسبوع وهو ما زال لاجيء ممنوع يغادر، اعرف لايفاتي معرفة شخصية قال انه محامي وهو ما معه شهادة سودانية، يضلل الراي العام بمعلومات مضللة.
| |
|
|
|
|
|
|
|
|
Re: عمدة وخالي أطيان !اللوايفة يأمرون البرهان (Re: محمود الدقم)
|
حالة من الغرور المبالغ فيه تظهر في احاديث اللوايفه
الانصرافي
متضخم لدرجة يقول احمد طه بتاع قناة الجزيرة انا متأكد انك بتسمعني الان
يخاطب برهان مباشرة بقول ليك يا برهان فك اللجام
بيقول انا زوار صفحتي اكتر من زوار مكتبة الكونغرس الأمريكي
راجت اقاويل في الفيس تتهم الانصرافي بتعاطي المخدرات
لا أهتم بالحكم الأخلاقي بادانة سلوك الانصرافي الشخصي..
ولكن حالة الغرور ترجح ان المتحدث واقع تحت تاثيرات غير طبيعية تقودهب لنرجسية وجنون عظمة
اللوايفي الاخر
الربيع عبد المنعم
عملت ليهو اختبار بسيط بمراجعة بدايات كل لايف
وجدت بعد الاستماع لعشرة تسجيلات
أقصى فترة زمنية مرت دون أن يذكر كلمة انا كانت ١٤ ثانية
في ٦ تسجيلات يقول انا من الثانية الاولى
| |
|
|
|
|
|
|
|
|
|
Re: عمدة وخالي أطيان !اللوايفة يأمرون البرهان (Re: mohmmed said ahmed)
|
Quote: متضخم لدرجة يقول احمد طه بتاع قناة الجزيرة انا متأكد انك بتسمعني الان
|
دا مركب نقص ومرض خاص بالأخوان المتأسلمين يا بوحميد
لاحظ ليهم هنا في المنبر دا زي أخوك عمر التاج مرة تشعر انو وزير دفاع
ومرة وزير داخلية ومرة قائد حرب ميداني ومرة خبير استراتيجي ومرة
عالم فلك .. تضخيم ذات بافراط مفرط ودا سببو انو شوال فاضي ساي بحاول يتملي
بالهواء والوهم عشان يقيف وما هو بفاعل خخخخخ
كل الأخوان المتأسلمين كدا لاحساسهم بالدونية كونهم منبوذين ومهمشين ليس في وطنهم
فحسب بل في جميع العالم ملعونين ومكروهين عشان كدا بستميتوا في تضخيم
ذاتهم رغم تواضع المقدرات وضآلة الشخصية .. خخخخ
| |
|
|
|
|
|
|
|
|
|
Re: عمدة وخالي أطيان !اللوايفة يأمرون البرهان (Re: طلحة عبدالله)
|
كبير مواهيم اللوايفة
فاروق كسباوي
قال بعد التويتا بتاعتي
بل
بل
بل
والشهرة الرجعت لي في الاسافير
محمد الفكي قصدني وقال الناس البينادوا بسحق الدعم
طبعا محمد الفكي ما جاب سيرتو
الذ حاجة قال تاني مع بظهر في قناة الجزيرة
ووصف بقال بالصرصور
هو اصلا في قناة الجزيرة جابوهو في لقاء
زي ما يطلبه المستمعون
| |
|
|
|
|
|
|
|
|
|
Re: عمدة وخالي أطيان !اللوايفة يأمرون البرهان (Re: mohmmed said ahmed)
|
سلام ود سيد أحمد
اللوايفنجي
الأيامات دي شابكنا فك اللجام!
فك لجام الجيش يا برهان1
في خيانة كبيرة من قيادة الجيش1
أضربو كبري شمبات!
ودا كلو بعد إنجلاء غبار ودخان معارك أمدرمان والتمشيط المزعوم
مشطوها بقملها يا قول حبوبتي !
إنكشف الغبار وأنقشع الدخان ليصبح المواطن بأمدرمان القديمة ليجد الجنجويد قابع بباب الدار ولا أثر للتمشيط ولا للجيش !
أنقشع الدخان وسط خسائر هائلة وسط المستنفرين الذين دفع بهم بلا تدريب ولاتأهيل ووسط الجيش والمواطنين وقد نال الجنجويد أيضا نصيبهم من
الخسائر ـ وعاد علي ماهو عليه
وغابت السكرة وصحا اللوافنجية وإنقلبو علي برهانهم يتلاومون
وفي الجانب الآخر يصر الكيزان بعد كل هزيمة وضربة علي الإنكار وتكذيب الواقع وتصوير الهزيمة ـنصر تماما كما فعل الصحاف وأحمد سعيد بتاع صوت العرب في حرب النكسة...
ويستمر الجنجويد في إحتلال المساكن والنهب والترويع مع عجز الدولةعن حماية المواطن والحسم الموعود ـحربا أو سلما .......
| |
|
|
|
|
|
|
|
|
|
Re: عمدة وخالي أطيان !اللوايفة يأمرون البرهان (Re: كمال عباس)
|
سلام أخونا طلحة
Quote: دا مركب نقص ومرض خاص بالأخوان المتأسلمين يا بوحميد
لاحظ ليهم هنا في المنبر دا زي أخوك عمر التاج مرة تشعر انو وزير دفاع
ومرة وزير داخلية ومرة قائد حرب ميداني ومرة خبير استراتيجي ومرة
عالم فلك .. تضخيم ذات بافراط مفرط ودا سببو انو شوال فاضي ساي بحاول يتملي |
...
صاحبك ود التاج ـ الكيزان لو لقو فيهو طريقة لي قدام ـ بتخلصو منو زي بعض 'شهداء' الجنوب يقتلوهم ويجو ينقذو في عرس الشهيد بتاعهم1
الزول خميرة عكننة حايمشي يقول ليهم ـ دا غلط والقيادة ماحقو تعمل كدة
وفلان داك فاسد ـوطبعا الجماعة ديل ـناس إتباع وطاعة وتهليل وتكبير
مافي تفكير وإستخدام عقل ونقد ــ ود الباوقة وبس!
| |
|
|
|
|
|
|
|
|
|
Re: عمدة وخالي أطيان !اللوايفة يأمرون البرهان (Re: محمود الدقم)
|
كمان جابت ليها كجور وحجبات !
لايفنجي ـ
وبعد وصلة حلقومية من الردحي ـ ووصف البرهان بالضعف وقلة الحيلة وصولا
لتخوم التخويم ـ إنت الدعامة ماسكين عليك شنو؟
يمكن مكتوب !
ثم خاطب برهان ممكن نعمل رُقية ''محاية'' وتُف تُف تبقي كويس !
يمكن عاوز يعمل ليهو حجاب واللا يمشي منطقة ( )....يفك ليهو الكجور والكتابة!
| |
|
|
|
|
|
|
|
|
|
Re: عمدة وخالي أطيان !اللوايفة يأمرون البرهان (Re: كمال عباس)
|
صراخ. وهستريا من اللايفنجية
وتخوين. وتجريم لولدهم. برهان وحليفهم عقار !!
وتهديد. وابتزاز. للضباط. بكشف. اسماء. بناتهم. ونسائهم اللواتي. تمت. اغتصابهن. بواسطة الدعم السريع وبارشاد من الفحاتة
بحسب مزاعم. اللايفنجي. الذي يتوهم انه هو من يحرك الاحداث ويستنفر المواطنين !!
| |
|
|
|
|
|
|
|
|
|
Re: عمدة وخالي أطيان !اللوايفة يأمرون البرهان (Re: كمال عباس)
|
صراخ. وهستريا من اللايفنجية
وتخوين. وتجريم لولدهم. برهان وحليفهم عقار !!
وتهديد. وابتزاز. للضباط. بكشف. اسماء. بناتهم. ونسائهم اللواتي. تمت. اغتصابهن. بواسطة الدعم السريع وبارشاد من الفحاتة
بحسب مزاعم. اللايفنجي. الذي يتوهم انه هو من يحرك الاحداث ويستنفر المواطنين !!
| |
|
|
|
|
|
|
|
|
|
Re: عمدة وخالي أطيان !اللوايفة يأمرون البرهان (Re: كمال عباس)
|
مايطلبه المتشنجون ـ أو موضة الإسفير اليوم !
قبل أيام قلائل كان شعارهم تفويض كامل للبرهان !
أيدناك يا برهان بايعناك ياسلطان !وياريس براك شفتا ـ أجمل وأروع إستفتاء
سير سير يابرهان وصرفة وراك للتدمير
فجاء إنقلب التأييد لتخوين وتجريم وتهديد
| |
|
|
|
|
|
|
|
|
|
Re: عمدة وخالي أطيان !اللوايفة يأمرون البرهان (Re: mohmmed said ahmed)
|
لا مخرج. سوي ابعاد قيادة الجيش الكسبحة - وانهاء وجود وتاثير الكيزان
هذا هو مدخل المخرج لعودة هيبة الجيش. وعودة ثقة الشعب والثوار به
وحسم مليشيا الدعم السريع - بتفاوض من مركز قوة يقود. لحل جميع المليشيات
تدوير الاكاذيب وبيع الوهم بانتصارات زائفة وخداع. الشعب
نتائجه. دوما عكسية … هذه الاكاذيب ودفن الرؤوس في الرمال. ومغالطة الواقع والتي تصدر مباشرة من مراكز. رؤوس الافاعي الاعلامية في تركيا وابواق اللايفات.
مضرة تماما ومدمرة
وهي اساليب. حروب ودعائية واعلامية عفي عليها الزمن - في عهد ثورة المعلومات والفيديوهات اللحظية. التي يبثها اي مواطن. بهاتفه - المعلومة اصبحت متاحة وعمر الكذبة. والتضليل الاعلامي لم يعد يتعدي. بضعة دقائق وسرعان ما تنكشف الحقيقة
ولو عاش جولبز. وزير الداعية النازي عصر. ثورة المعلومات لنوع في اساليبه. وواكب العصر ولما تحجر كما يفعل. تلاميذه الان بكل بلادة ونضوب ابداع. في اساليب اعلام الحرب العالمية الثانية !
وللاسف المحصلة الان هي مزيدا من الدمار والموت والعجز عن حماية المواطن والممتلكات فالجيش نفسه. ضحية تدمير الكيزان والبرهان
والجنجوبد وان تقدمو حربا هنا وهناك الا انهم خارج رهان ووجدان الشعب - وخصوصا بعد. احتلال المساكن والنهب والترويع
| |
|
|
|
|
|
|
|
|
|
Re: عمدة وخالي أطيان !اللوايفة يأمرون البرهان (Re: كمال عباس)
|
سلام محمد سيد أحمد
Quote: شخص يدعي انه دكتور اسمه محمد زين المحامي
يتحدث عنه نفسه باعتباره خبرة قانونية
وهو بيقول في كلام هبوب |
.....
أحيانا يضع علم السودان من خلفه ـ ـينجعص في كرسي ملوكي
يتحدث بتعالم وتقعر وتنطع مقزز
ـ يدعي إنه خبير ـ يمارس التخفي والتقية والتذاكي ـ قبل الحرب كان يهاجم قحت وكأنو ناشط ثوري ومع لجان المقاومة ـ وحريص علي الثورة ولجان المقاومة ـ دا الدور اللي كان مرسوم ليهو ولكن بعد الحرب سقطت أقنعته وتهاوت
| |
|
|
|
|
|
|
|
|
|
Re: عمدة وخالي أطيان !اللوايفة يأمرون البرهان (Re: كمال عباس)
|
سلام
كمال
محمد زين زول بيبحث عن دور بانتهازية شديدة
قبل سنوات ظهر في ابوظبي وبسرعة كان عاوز يترشح للجنة النادي السوداني
مرة يقول هو مؤتمر طلاب مستقلين ومرة يقول هو مستقل
المهم فشلت محاولاته
ظهر في النرويج وحاول يتسلق تجمعات السودانيين وهو لا يجد اللغة النرويجية ولا اي لغة اخرى
مشكوك في حصوله على الدكتوارة
يلمع نفسه في لا يفات ويرويج للحصول على وظيفة بعد الحرب
| |
|
|
|
|
|
|
|
|
|
Re: عمدة وخالي أطيان !اللوايفة يأمرون البرهان (Re: mohmmed said ahmed)
|
روشتة. اللايفنجبة
١- فك اللجام
٢- اعلان حالة الطواري في الخرطوم
٣- اعلان حكومة حرب
حكومة حرب عشان تسوي شنو ؟
وما اصلا الحكومة عسكرية والمتحكم عسكر - يعني الحكم ما مدني ومنتخب عشان تطالب بعسكرة الحكم وتاني شي اصلا. موارد الدولة. كلها في يد الجيش او حميدتي - حكومة. الحرب مش مفترض. تكرس موارد الدولة للعمل العسكري - باقي شنو الاحتياطي المعاشين استدعيتوهم ومعهم كمان مستنفرين
حالة الطواري!!
وزي ماقلنا. البرهان يعلن حالة الطواري. وين ؟
المواقع العسكرية من قيادة عامة وشجرة ومهندسين ووادي سيدنا تحت ادارة الجيش
المواقع السكنية والخدمية وبقية مواقع وموسسات الحكم بالخرطوم في يد الجنجويد
عاوز تعلن حالة طواري علي منو ؟
والية تنفيذها شنو ؟
حاتتنفذ بالريموت كنترول ؟
ما الجيش رجع ثكناتو. وتحصن بيها
هذا الكلام واضح ومعلوم
ولكن اللايفنجي
لايفكر ولايستخدم عقله
فعقله في لسانه وهتافياته وصراخه !
نحن قلنا كدة نحن قررنا برهان لازم يعمل بي كلامنا
برهان خائن وعميل وماب يسمع الكلام !!
| |
|
|
|
|
|
|
|
|
|
Re: عمدة وخالي أطيان !اللوايفة يأمرون البرهان (Re: mohmmed said ahmed)
|
روشتة. اللايفنجبة
١- فك اللجام
٢- اعلان حالة الطواري في الخرطوم
٣- اعلان حكومة حرب
حكومة حرب عشان تسوي شنو ؟
وما اصلا الحكومة عسكرية والمتحكم عسكر - يعني الحكم ما مدني ومنتخب عشان تطالب بعسكرة الحكم وتاني شي اصلا. موارد الدولة. كلها في يد الجيش او حميدتي - حكومة. الحرب مش مفترض. تكرس موارد الدولة للعمل العسكري - باقي شنو الاحتياطي المعاشين استدعيتوهم ومعهم كمان مستنفرين
حالة الطواري!!
وزي ماقلنا. البرهان يعلن حالة الطواري. وين ؟
المواقع العسكرية من قيادة عامة وشجرة ومهندسين ووادي سيدنا تحت ادارة الجيش
المواقع السكنية والخدمية وبقية مواقع وموسسات الحكم بالخرطوم في يد الجنجويد
عاوز تعلن حالة طواري علي منو ؟
والية تنفيذها شنو ؟
حاتتنفذ بالريموت كنترول ؟
ما الجيش رجع ثكناتو. وتحصن بيها
هذا الكلام واضح ومعلوم
ولكن اللايفنجي
لايفكر ولايستخدم عقله
فعقله في لسانه وهتافياته وصراخه !
نحن قلنا كدة نحن قررنا برهان لازم يعمل بي كلامنا
برهان خائن وعميل وماب يسمع الكلام !!
| |
|
|
|
|
|
|
|
|
|
Re: عمدة وخالي أطيان !اللوايفة يأمرون البرهان (Re: mohmmed said ahmed)
|
حتي. البلبوسة
روشان اوشي تهاجم برهان !!
كتبت
((قائد سلاح المدرعات سعادة اللواء د. نصر الدين عبدالفتاح الذي ارعب الجنجويد واصبح سداً منيعاً امام المليشيا ، نناشد ابناء القوات المسلحة بتنصيبه قائداً عاماً للجيش بدلاً عن الدلدول لتصفية المتأمرين والطابور الخامس بقواتنا المسلحة))
وقد سبقتها في ذلك النازية. حياةً عبد الملك !
برهان مافضل ليهو الا ندي القلعة !
| |
|
|
|
|
|
|
|
|
|
Re: عمدة وخالي أطيان !اللوايفة يأمرون البرهان (Re: كمال عباس)
|
العميد طارق كجاب ـ طارق لايفات :-
الجن والشياطين تحارب في شكل حصين وخيل مع الدعم السريع وتضخم أعدادهم !
....
اللايف مبذول في الإسفير ...
ـ يعني نفهم من كلامو دا ـ إنو الحيوانات زاتها أتمردت وفضت تحالفها مع الكيزان فقد كانت تحارب في شكل قرود معاهم في الجنوب واليوم إنخرطت للقتال مع الدعم السريع ..!
| |
|
|
|
|
|
|
|
|
|
Re: عمدة وخالي أطيان !اللوايفة يأمرون البرهان (Re: كمال عباس)
|
الانصرافي !!
اليوم اتهم الجيش _ مش جماعة عقار بس - بالتعدي علي الممتلكات ونهب المواطنيين
واتهم الشرطة. بعد الحرب بالفساد والرشاوي. علي حساب المتقدمين لاستخراج جوازات
ولكن الاخطر انه دعا افراد. الجيش للتمرد علي قيادتهم وعدم انتظار تعليماتهم اوالتقييد بها
والاندفاع بالقيام بعمليات قتالية دون انتظار راي تعليمات من فوق
| |
|
|
|
|
|
|
| |
كمال عباس
mohmmed said ahmed
محمود الدقم
طلحة عبدالله
فيس بوك
تويتر
انستقرام
يوتيوب
بنتيريست