|
|
|
 Re: والدنيا نعيم عرضا زايل (Re: Ahmed Yassin)
|
شلتوا اي شىء... ما خليتوا شىء برضو هو متاع قليل
لكن بس سؤال ... في الغرفة الصغيرة ..معمولة مكتبة
رميتوا اي شىء في الارض... ما مشكلة لانه مافيها دهب
ولا قروش... لكن الفيها اغلى من جبل عامر بتاعكم.
سؤالي ليه كسرتوا الكمنجة والعود؟
اما باقي الاسطوانات والاشرطة والتسجيلات ما حاتكلم عنها
لان محتواها .. حتى ما بقدر اتكلم عنه
| |
 
|
|
|
|
|
|
|
|
Re: والدنيا نعيم عرضا زايل (Re: Ahmed Yassin)
|
انهبوا ما شئتم
حتقعد تاكل فيهو كم يعني سنة اتنين عشرة خمسين. او يوم يومين اسبوع؟
وبعدين؟
حتاكل وتاكل اولادك من حق غيرك؟ اها وبعدين!!!
ما تفتكر انك حتنجو من العقاب اجلا او عاجل
وين مهربك من سرقتك من حرقة الزول البرىء من عقابك ..
حتنجو وين؟
| |
|
|
|
|
|
|
|
|
|
Re: والدنيا نعيم عرضا زايل (Re: Ahmed Yassin)
|
بتذكرني قصة العبادي وسرور ورحلتهم بالدرب التحت
نواحي سنار وسنجة وسرور مان سايق لوري الفيات لانه مان بشتغل سواق للشركة
اما شيخنا الجيلي ود الشيخ العباس ودبدر كانت رحلته مع سواقه خالد ودباقير
الكان بقول انه خابر الحتة.... حتة حتة .. ورحلتهم كان نواحي ابودليق
اها
| |
|
|
|
|
|
|
|
|
|
Re: والدنيا نعيم عرضا زايل (Re: Ahmed Yassin)
|
الرحلة كانت وقت الخريف
وقلنا جهة ابو دليق نواحي سلمة ود نايل
اثناء طششان السايق/خالد الملقب بى ودباقير فجأة الشيخ الجيلي شاف صبية جميلة
من العرب الرحل وكانت بتجهز الركوبة للرحيل كعادتهم في الترحال بحثا عن الماء والكلأ ليهم ولبهايمون
| |
|
|
|
|
|
|
|
|
|
Re: والدنيا نعيم عرضا زايل (Re: Ahmed Yassin)
|
ليالي الأنس لذاذ بالحيل
نعود للساحة الخاتية رحيل
يا ودباقير ما قلتا خبير
وين السلمة ، وين درب ام جير
يا شيخنا كمان الشفقة تطير
هداك الوادى ودرب أم جير
يا أم ضمير ظعنك شد
وختم أب زليق بلد العمدة
بكوا الصابراب جفوا الغمدة
والنار في قرين خمدت خمدة
يا أم ضمير ظعنك شايل
وين الديفات وين بت نايل
والدنيا نعيم عرضا زايل
تتعرجن فى البيشان
زى القايد حامل النيشان
بكوا الصابراب وقرين
علشان ظعنوا النفلين قام ودعطشان
يحن قلبي ال كان بولاد
حنين الوالدة علي الأولاد
حنين النوق بكر تيلاد
لي النفسو مسك
وعرقو جلاد
العفرت شال
تبعو الأمطار
ديل اخلو سميح سكنوا أم محار
دعاشهم هب مع الأسحار
أنا نومي بصيص ودموعي نهار
| |
|
|
|
|
|
|
|
|
|
Re: والدنيا نعيم عرضا زايل (Re: Ahmed Yassin)
|
قبل ١٥٠٠ سنة في شاعر من شعراء المعلقات السبع شاعر مخضرم
يعني حضر الجاهلية والاسلام...قال .. بالله شوفوا الحكمة
أَلا كُلُّ شَيءٍ ما خَلا اللَهَ باطِلُ.... وَكُلُّ نَعيمٍ لا مَحالَةَ زائِلُ
وَكُلُّ أُناسٍ سَوفَ تَدخُلُ بَينَهُم...دُوَيهِيَةٌ تَصفَرُّ مِنها الأَنامِلُ
| |
|
|
|
|
|
|
|
|
|
Re: والدنيا نعيم عرضا زايل (Re: Ahmed Yassin)
|
تحياتي اخونا العزيز أحمد
لا أدري هل اواسيك ام اواسي اخي و الذي سكن نواحي شمبات
شقيقي هذا له من الأبناء ٤
بالقرب منه تسكن شقيقتي و لها من الأبناء ٥
عندما اشتدت قعقعة السلاح في المنطقة كان اخي يذهب إلى منزل شقيقتي ( بحكم غياب زوجها)
ليرتب أمورها و ينظم عملية نوم الأطفال تحت الأسرة و وضع كمية من الحقائب ممتلئة ملابس فوق الأسرة
إلى أن سهل لهم الله سبل الخروج إلى كوستي
المصيبة هي أن الأبناء الان كلما يروا شقيقي هذا (خالهم ) يبدأون في الصراخ و العويل
رافضين النوم تحت السرير و معتقدين أن الكهرباء ستقطع لا محالة و يعم الظلام و يشتد صوت الرصاص
اما عن منازلهم التي تركوها في بحري... فحدث و لا حرج
| |
|
|
|
|
|
|
|
|
|
Re: والدنيا نعيم عرضا زايل (Re: Ahmed Yassin)
|
ول أبا أحمد
ربنا يعوضكم ويجعل ما خسرتكم في ميزان حسناتكم. اللهم أنتقم من كل قتل وسرق ونهب وعذب.
اللهم نسألك فرجاً عاجلاً غير آجل.
أتخيل لي المشكلة في تحويل الحرب إلي حرب جهاد مما يستوجب الغنائم .. وهنا يقع الخلط: من يجب غنم أشياءهم؟ أشياء المتحاربين. لو الجيش أو الدعم أحدهما أنتصر علي الاخر يغنم سلاحه وذخيرته ومؤنه .. لكن ما دخل المواطن غير المحارب؟
بريمة
| |
|
|
|
|
|
|
|
|
Re: والدنيا نعيم عرضا زايل (Re: محمد نور عودو)
|
اخوتي
زكريا.. بريمة..محمدعبدالله... محمدنور
رغم الالم ( ما عشان الحاجات التانية المنهوبة والمكسرة حتت) بس عشان المكتبة الصوتية
والكمنجة والعود ..دي هدايا من ناس قمم في الفن والوطنية والاحساس...
تخيل يا زكريا وبريمة ومحمدعبدالله ومحمد نور عودو... استاذك يهدي ليك هدية اي كانت
و يقول ليك دي عشان تتذكرني بيها..
مع دا حضوركم وتضامنكم فيه بعض من السلوى
| |
|
|
|
|
|
|
|
|
|
Re: والدنيا نعيم عرضا زايل (Re: Ahmed Yassin)
|
الله .....و لا حول الله
يا زكريا
Quote: المصيبة هي أن الأبناء الان كلما يروا شقيقي هذا (خالهم ) يبدأون في الصراخ و العويل
رافضين النوم تحت السرير و معتقدين أن الكهرباء ستقطع لا محالة و يعم الظلام و يشتد صوت الرصاص |
الاطفال الابرياء ديل لو في بلد بتعرف قيمة الانسان مان عالجوهم نفسيا
| |
|
|
|
|
|
|
|
|
|
Re: والدنيا نعيم عرضا زايل (Re: Arif Nashed)
|
شوفت يا ودعبدالعزيز
لو كان مال بس كان الامر اخف.. لكن مجهود عمرك
للتوضيح بس.. انا لفيت شمال السودان دا كله وجنوب مصر ما خليت
قرية نوبية الا ومشيتها.. عشان اسجل تراث غناء وايقاعات ورقصات حضارة النوبة
| |
|
|
|
|
|
|
|
|
|
Re: والدنيا نعيم عرضا زايل (Re: Ahmed Yassin)
|
| Quote: كل اسبوع انا حامشي مكة .. وعند باب الملتزم حادعوا عليهمسلام |
رجاءاً أدعي أيضاً على المخلوع البشير الإرهابي ال صنع المرحوم الإرهابي حميدتي
وهولاء الإرهابيين.
ربنا يعوضنا جميعاً و ينتقم من عصابات الجنجويد الجهلاء المتخلفين الحاقدين .
| |
|
|
|
|
|
|
|
|
|
Re: والدنيا نعيم عرضا زايل (Re: نعمات عماد)
|
سلام استاذنا الفنان احمد,
ربنا يعوضك و يعوض الجميع.
اتذكر فيديو المتحف الذى وجدو فيه مومياء و قالو ده كتلوهو الكيزان. توقعت الخطوة التالية انهم قامو بدفنه بحجة حرمة الميت الذى قتله الكيزان قبل نيف من الزمان.
| |
|
|
|
|
|
|
|
|
|
Re: والدنيا نعيم عرضا زايل (Re: Yasir Elsharif)
|
الاخت نعمات
البشير دا انا دعيت عليهو في الحج
بالمناسبة لاي زول بمشي الحرم ...
طبعا بيت الله كله فيه الدعاء مستجاب لكن طبعا
ربنا فضل كل شىء على اشياء.. في منطقة في الحرم المكي
وعن تجربة والله يشهد ..اذا دعاء فيها الانسان فيستبشر خيرا
هي منطقة"الملتزم" الحتة ما بين باب الكعبة والحجر الاسود
يقيف قريب او بعيد ما مشكلة المهم قصاد الحتة دي.
| |
|
|
|
|
|
|
|
|
|
Re: والدنيا نعيم عرضا زايل (Re: Ahmed Yassin)
|
اخونا محجوب بن عبدالله
والله مع الهم دا لكنك خليتني ابتسم
طبعا الهمج الحرامية المجرمين ما عندهم اي ارث حضاري او تاريخي.. هم اناس بلا تاريخ
وهم صفر في الانسانية... حيعرفوا المومياء ولا بعانخي من وين
| |
|
|
|
|
|
|
|
|
|
Re: والدنيا نعيم عرضا زايل (Re: Ahmed Yassin)
|
ياسر الشريف
قمر الاربعة وعشرة
ربك كريم وقادر يعوض خلقه البسطاء من اضرار شرور بعض خلقه
خسارة المال تتعوض لكن خسارة الارواح... والتاريخ كيف يتم تعويضها
اللهم كف شر الجنجويد عن اهل السودان
| |
|
|
|
|
|
|
|
|
|
Re: والدنيا نعيم عرضا زايل (Re: Ahmed Yassin)
|
تحياتي حبيبنا احمد
اواسيك في الفقد الجلل
وبإذن الخالق الحساب جاي أكيد
ولسه عندنا كلام كتير في الحصل وبحصل مؤجل لحينه وموعده
انا والله اعتزلت المشاركة والكتابة هنا
لكن عشان خاطر حروف حلوين
مع الاعتذار لروح مبدعنا زيدان
عشان حروفك المموسقة والمدوزنة دائما
عايز اعلق بس علي قصيدة شيخنا الجيلي
ليالي الأنس
وبرضو حيكون لينا نضمي كتير فيها لاحقا
عايز اعقب تحديدا علي "الصابراب"
الصابراب ديل نحن يا ابو حميد
اهل الوالد الله يرحمه
وهم فرع من قبيلة المسلمية وبسكنو في بادية شرق البطانة
اقرب للنيل الازرق شرق منطقة ودراوة وجنوب ام ضبان
مشكور الفنان نجم الدين الفاضل هو تقريبا ال أحيا القصيدة وغناها في وسائل الإعلام
لكن انا عندي نص القصيدة كامل بصوت واحد من أميز المطربين وال غالبا معظم الناس ما سمعوه باستثناء
ناس كردفان وكل مدنها واريافها في فترة السبعينات
عبد الفتاح عباس
اسأل منه ناس الأبيض
وهو بالمناسبة صاحب وملحن اغنية
حبيبي خايف تنساني انا في يوم بالمرة
مع التحية والمحبة
| |
|
|
|
|
|
|
|
|
|
Re: والدنيا نعيم عرضا زايل (Re: أبوذر بابكر)
|
نسيت يا احمد اقول ليك
عبد الفتاح عباس من ودراوة
وكان في الأبيض ايام عز ومجد فرقة فنون كرفان
مع ناس جمعة جابر وحافظ عبد الرحمن وإبراهيم موسى وعبد القادر سالم وغيرهم
| |
|
|
|
|
|
|
|
|
|
Re: والدنيا نعيم عرضا زايل (Re: أبوذر بابكر)
|
ابوذر... الهتون
التجاني عامر عنده مؤلف"السلالات العربية" طبعا ذهب مع ثروتي في كل ما يخص السودان
تاريخ ولغة وفنون ..سلالات فلكلور ة.. عادات سودانية اصولها عربية ... تقاليد .. ايقاعات...
اي شىء عن عثمان حسين. تسجيلا قديمة.. تفاصيل اي اغنية ولحن..
واي شىء عن الحقيبة ورميات ودالفكي ....بادي .. خلف الله حمد الكحلاوي ..وردي واحمد المصطفى
وكابلي ومحمد الامين... عباس تلودي ... وشاويش... تسجيلاتي خاصة مع اسرار بابكر
ولسع....
التجاني قال الصابراب .. المسلمية هم (جهنية) وليس (جهينة) الصابراب من (البكرية) نسل ابوبكر الصديق
اهل بادية وكرم... منطقتهم مشهورة بى وادي الحسيب الخصيب
| |
|
|
|
|
|
|
|
|
|
Re: والدنيا نعيم عرضا زايل (Re: Ahmed Yassin)
|
أخى العزيز الفنان أحمد~
لك الشكر على مشاركتنا بهذه الكتابة والتعبير الصادق
أفهم تماما إحساسك …
لقد فقدنا الكتب ،المذكرات والكتابات القيمة التى آلمتنا كثيرا لانها لا يمكن تعويضها
#تبقى أرض الوطن للأجيال القادمة
| |
|
|
|
|
|
|
|
|
|
Re: والدنيا نعيم عرضا زايل (Re: هدى ميرغنى)
|
اختنا العزيزة هدى
المأساة احتلوا البيت من اول ايام الغدر فترة طويلة واخيرا
بطبعهم الغادر لو حكيت ليك عملوا شنو في البيت ما حتصدقي
اي شىء مادي ممكن يتعوض لكن ...الاشياء الما بتتعوض دي يا هدى
شىء يقهر.
| |
|
|
|
|
|
|
| |
Ahmed Yassin
Zakaria Fadel
Biraima M Adam
محمد عبد الله الحسين
محمد نور عودو
Arif Nashed
نعمات عماد
Mahjob Abdalla
Yasir Elsharif
أبوذر بابكر
هدى ميرغنى
فيس بوك
تويتر
انستقرام
يوتيوب
بنتيريست