المكان بالضبط زي ما قال زميلنا صلاح بقى زي الخرطوم بعد 15 أبريل
وعلى افضل تقدير وتقييم بقى زي الجرايد الحائطية في المدارس الثانوية
عموما يا عبد الله نحن ومجموعة من المؤسسين للمنبر جهزنا مذكرة ل بكري وهو صاحب القرار الأخير طبعا
المطلوب كالآتي:
الغاء وايقاف كل عضوية المنبر، بلا استثناء، لفترة مؤقتة بعد عمل التجهيزات والترتيبات الفنية طبعا
وفتح العضوية والاشتراك تاني لكل من يرغب
شروط القبول هي اجتياز اختبار تحريري يتم اعداده من لجنة مختارة من المختصين ودرجة النجاح 100 من 100 يعني لو 99 من 100 يعتبر رسوب لأنه يفترض انك تكون كاتب حقيقي مش كاتب في جريدة حائطية في المدرسة الثانوية
الامتحان يكون اونلاين ومباشر لكل ممتحن منعا للغش
هذا أو الطوفان
خلينا نشوف رأي بكري
07-28-2023, 10:10 AM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
اولا نحمد الله على رجوعك سالما من ناحية ان المنبر بعد ١٥ ابريل مفروض يتحرر ونؤيد مقترح سيادتكم حل جميع الاعصاء وعمل امتحانات نزيهة. الواقع يقول ان المنبر احتلوه الجنجويد.. دي ما عايزة نقاش او شطارة
07-28-2023, 11:08 AM
أبوذر بابكر
أبوذر بابكر
تاريخ التسجيل: 07-15-2005
مجموع المشاركات: 8610
سلام أبوذر الإشكال في اللغة المتداولة هنا ، ليس لغة الحوار فقط ، اللغة في عضمها أصبحت تعبانة جداً المواضيع يكاد تكون متشابهة (لا اعفي نفسي منها طبعا) عدم احترام من يخالفك الرأي
07-31-2023, 12:29 PM
أبوذر بابكر
أبوذر بابكر
تاريخ التسجيل: 07-15-2005
مجموع المشاركات: 8610
بصراحة يا جماعة ..وما تزعلوا مني .. لكن دا أغرب بوست مر علي في السايبر العالمي كله ..!!
لجنة وامتحانات واختبارات وبوليس مرور ..وقصص دا كله علشان شنو ؟ مش قلتو أسستوه علشان يكون منبر من لا منبر له ..؟ إنتو فاكرين عالم السايبر دا إخترعوه ليه أصلا ؟!
Quote: نحن الصحفيين العندهم قيد صحفي وبكتبو في الصحف ما معترفين بيهم فما بالك بأرباع وانصاف الكتاب الواحد ما صدق لقى ليه كلمة مرور وبقى يتونس الله يسامحك يا بكري
والله كتر خير بكري ..الأدى غمار الناس..من غير المحظوظين الذين لم ينالوا حظا من التعليم .. أو العقدوهم المدرسين المعقدين في المدرسة وقالوا عليهم بلداء ..مع إنه المدرسين هم البلداء المفترض يعرفوا (بالفطرة السليمة ) إنه هنالك (فروق فردية ) بين البشر ..حتى لو لم يكتشفها علماء النفس ويجعلونها منهجا يدرس.. فهل يعني إلا الناس يكونوا كلهم.. أدباء وشعراء وصفوة ونخب ..في شنو ما عارفة كي يجدوا مساحة حرة ( نسبيا) للتعبير ..وغيرهم يمشوا الخلا ؟ . أجي يا أخواني !! دا حالته المنبر دا الناس ما بيدخلوه إلا بتوصية وتحانيس.. لماذا تريدون غلق مزيد من نوافذ الحرية ؟!! يكفي عبثا يا بوليس النظام العام .. . والله طبقوا قانونكم دا.. وإلا تقعدوا تونسوا روحكم براكم هههههه فأصلا وسائل التواصل الاجتماعي متاحة بكل شكل ولون .. وقريبا جدا سيصبح النت مجاني 🆓
ياااادوب فهمت دولة ٥٦ مقصود بيها شنو ..🤣 . أبو ذر ..نوم نومك كلنا زهجانين ما براك والبلد مولعة..فما تفكها فينا بالله . كنت حا أكتب كلام تاني لكن إتذكرت إنه نويت أبقى مسالمة وكيوت..فحذفت بعض العبارات المستفزة التي تناسب هذا البوست المستفز جدا . GO TO SUDANFORALL OR GO TO HELL
07-31-2023, 02:26 PM
كمال عباس
كمال عباس
تاريخ التسجيل: 03-06-2009
مجموع المشاركات: 17157
أنا بعتبر نفسي من المؤسسين لهذا المنبر - أكثر من 20 عاما وشخصيا بعتقد إنو الناس قاعدة تكتب بغرض توصيل فكرة إي المهم وصول الفكرة في إي قالب ـ وأغلب مايكتب يكتب بلغة المشافهة العامية ـ من غير إي إلتزام بنحو وصرف وضوابط لغوية وتنميق وتجويد كتابي وقد تجد نفس الكاتب ـالذي يوصل فكرته بلغة المشافهة هنا يلتزم بلغة القواميس وقواعد اللغة إن كتب مقالا -عموما ـ توصيف أديب ـ مثقف ـ مفكر زاتو ـ نسبي فهناك من يصنف نفسه أو يصنف في بعض الدوائر كا أديب لايعد ربع أديب أو مفكر في بعضها أو قد يعد مغمورا لايسمح بالجلوس في موائد صفوة الأدباء ـ وكثير ممن ينحو من الأدب في الأسافير والقنوات تجده متقعر وكتابته فيها تكلف وصناعة منفرة ـوهكذا
07-31-2023, 04:06 PM
أبوذر بابكر
أبوذر بابكر
تاريخ التسجيل: 07-15-2005
مجموع المشاركات: 8610
هلا باخونا ابوذر، وغيابك طال: بصفتي من جيل المؤسسين "٢٠ سنة" في هذا الفضاء، سودانيزاونلاين، بحب اقول التالي: اولا- الموقع بلغ الافاق عطفا علي التنوع والتباين في الجغرافية، والايدلولجيا، والعرق...الخ، فبالتالي وايمانا مني بحرية الاخرين في التعبير والكتابة، اري اي شخص له الحق في الكتابة هنا بمستواه الثقافي والاخلاقي، والفكري، واللغوي، والديني علي ان يتحمل قانونيا تبعات كل حرف يخطه يراعه، حيث العفش في البص علي مسؤولية صاحبه. ثانيا- ركاكة الكتابة والاسلوب، والاخطاء النحوية والصياغة اللغوية والتدقيق اللغوي الي اخر هذه الأمور الارستقراطية "فكريا"، ستكون موجودة لكن علينا العمل مع بعض للحد منها قدر المستطاع واقترح علي مؤسس "رابطة ضنب الككو" اخونا اسامه الخواض وفريقه الميمون عارف ناشد وبريمة واخرين البدء في في نجر تصور موازي يطارد المجلوطين لغويا، نحن هنا جايبين من مشارب ثقافية وفكرية، فكونو يتم اغلاق المنبر ومن ثم الركون الي الصفوية واختيار الانقياء لغويا ومعرفيا وثقافيا كشرط جوهري، انا اعتبره مع كامل احترامي لوجهة نظرك اعتبره ترف، وشبع مثقفاتية ساااااكت، تماما مثل رواد مدرسة الهاشماب قبيل ٧٠ سنة، تقريبا، حيث كانوا يتقافزون علي واقعهم ساي. اخيرا- وجهة نظركم تجد مني كأحد المؤسسين، ومؤلف لثلاث كتب، ومترجم لدي العديد من منظمات حقوقية عين الاعتبار، لكن اطلب من الاخ الباشمهندس بكري يعتبر تلك المذكرة شكل من الترف الفكري الذي نحن في غني عنه، وان يضعها في اقرب صندوق أرشيف، نلجأ اليه من اجل الونسة وشرب القهوة.
07-31-2023, 07:07 PM
نعمات عماد
نعمات عماد
تاريخ التسجيل: 03-08-2014
مجموع المشاركات: 11404
التحايا والسلام أخ أبو ذر والجميع~ ليت اقتراحك كان نحن الأدباء والمؤسسين نريد منبرا منفصلا عن المنبر العام أو أفصل لهؤلاء الورجاغين الذين يهددوا الثقافة السودانية منبرا غير منبر المؤسسين وطبعا دا ممكن جدا، وأعملوا امتحاناتكم براكم مع بعض *خلونا نحن الجديدين "غير المثقفين" نخرمج برانا مع شرط أساسى مولانا حافظ بشير يكون معانا *نحن اللذين ننقل ونلصق الفيديوهات يا ريت لو كان أضفنا لهذا النقل كل كتب السودان ووثائقه التى أحرقها التتار
07-31-2023, 08:03 PM
يحي قباني
يحي قباني
تاريخ التسجيل: 08-20-2012
مجموع المشاركات: 18708
أبوذر دا أوعي يكون المطر ـ المطر دا ـ كان زميل منبري كان مطر ورزاز ودعاش ما شفنا منه عجاج وكتاحة وسموم نهائي إن كان هو ـ إنها الحرب لاشك ـ عموما المنبر دا وأنا فيه منذ 2002 ماكان منبر نخبة أبدا ـ النخبة الأدبية والثقافية كانت في منبر حسن موسي المنبر دا فيه في قمة توهجه قبل الوسائط الإجتماعية كان فيه لفيف ثقافي وأدبي ـوكوكبة فكرية ـ وحزمة إجتماعية ورياضية باالإضافة لناس الهم السياسي والوطني ـ كان فيه ناس الونسة برضو .. يمكن في كثر هجرو المنبر بسب بعضا من الإسفاف والتعدي والهتر ولكن لم يهجره أحد بسب النحو والإملاء وعامية التناول وعدم الإلتزام بلغة القواميس والمعلقات ـ الوسائط الإجتماعية سحبت من رصيده وبالمناسبة أكثرها أقل مصداقية وتناول جدي من هذا ـ وإن كان ومع غثها فيها السمين والمثمر
07-31-2023, 09:19 PM
هدى ميرغنى
هدى ميرغنى
تاريخ التسجيل: 10-27-2021
مجموع المشاركات: 4498
التحايا والسلام أخ أبو ذر والجميع~ ليت اقتراحك كان نحن الأدباء والمؤسسين نريد منبرا منفصلا عن المنبر العام أو أفصل لهؤلاء الورجاغين الذين يهددوا الثقافة السودانية منبرا غير منبر المؤسسين وطبعا دا ممكن جدا، وأعملوا امتحاناتكم براكم مع بعض *خلونا نحن الجديدين "غير المثقفين" نخرمج برانا مع شرط أساسى مولانا حافظ بشير يكون معانا *نحن اللذين ننقل ونلصق الفيديوهات يا ريت لو كان أضفنا لهذا النقل كل كتب السودان ووثائقه التى أحرقها التتار
08-01-2023, 01:51 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
Quote: *خلونا نحن الجديدين "غير المثقفين" نخرمج برانا مع شرط أساسى مولانا حافظ بشير يكون معانا
و كمان معانا عادل امين لو سمحتي يا هدى .. طالما الورجاغين معانا ..مش ياها ونستو الاقاليم الخمسة و قرود مايو.. تاني ما عنده الحبه فعليك الله خليو معانا نحن الدهماء .. هههههه
08-01-2023, 03:44 AM
هدى ميرغنى
هدى ميرغنى
تاريخ التسجيل: 10-27-2021
مجموع المشاركات: 4498
عديل كده اللاخو الصفوي ده او كمان علنا بدعو لي منبر خاص حصريا بالمثقفاتية، او هو ببصق باستعلاء في وجه الغبش!!!
طيب، الولع، الشلع، بلدنا منو اصلا، غير المثقفاتية؟
مالاتفقهه انو الغبش تحديدا وبالذات الما فكو حرف عربي تحديدا مع انو مافضل منهم مايذكر، هم حملة اعلام ارثنا الحضاري في اللاوعي، مش كارثة المثقفاتية اداة دمارنا، لانهم خريجي مؤسسات مستعمرينا، ولهذا مقارنة بالغبش هم ابعد خلق امون عن انموذج شخصية السوداني التاريخية الاقرب لي سطح الوعي لدي الغبش، مقارنة بي كارثة نموذج شخصية المثقفاتية!!
كمان اعجب كلامك عن الاملاء والاخطاء اللغوية!!!
هذا عجيب بحق!!!
المافاهمو اللاخو ده، انو سر نجاح هذا الفضاء، جزء كبير منو يعود لي حقيقة انو ماصفوي، وان كان نسبيا، وبالتالي اقرب لي قلب الشارع مقارنة بي نموذج "فوراول" داك، الشبع موت!!!
08-01-2023, 04:52 AM
Bashasha
Bashasha
تاريخ التسجيل: 10-08-2003
مجموع المشاركات: 25803
العكس تماما، ده لوكان ده منبري، لسعيت بشتي السبل عشان اجيب من يسمون "اميين" ذورا، عن طريق التسجيل الصوتي، مش بالكتابة، لانو ديل هم فعلا كنوز دهب ارثنا الحضاري، البمثلو شخصية السوداني التاريخية، مقارنة بي نمط شخصية من يسمون "متعلمين" زورا وبهتان، سبب دمارنا، لايهم لو يسار او يمين، او بالذات المثقفاتية منهم، العياذو بامون!!!
08-01-2023, 05:30 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
الفكرة الأساسية يا حبان ما مطلوب نخبة صفوية أو مثقفاتية أو ناس متخصصين وإن كان كل دا مطلوب وما فيه مشكلة بالتأكيد زي ما كان فعلا موجود في المنبر لسنوات طويلة
كل الغرض المنشود هو الارتقاء، ولو في الحد الأدنى، بمستوى الحوار والحضور واللغة كمان وكل دا حرص علي مكانة وتميز المنبر ال كلنا بنعرفها
بعيدا عن رأيي الشخصي
أنا حأنقل كل الملاحظات والتعقيبات دي للمجموعة الطرحت الفكرة في الأساس
عشان ما يكون في ردود فردية ونلقى روحنا دخلنا في حوارات شخصية غير مجدية وغير محبذة كمان وبصورة غير مباشرة ننغمس في نفس الشي ال نحن كلنا بننتقد فيه
لأنه الموضوع اطلاقا ما شخصي ولا فيه أي قصد أو نية تقليل أو تحقير أو تبخيس ربما العكس تماما
مع جزيل التقدير
08-01-2023, 09:51 AM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
شكلكم ما فهمتوا ابوذر بابكر ماذا يقصد بالضبط باختصار... الارتقاء بلغة حوارية مقبولة ومحترمة البعد عن لغة الاسفاف في الحوار والمنبر شاهد على النيل والتقليل بل وتوجيه السباب البذىء للاخر واحيانا ترتفع البذاءة لاقصى درجات الاحتقار لا لشىء الا احداث اكبر قدر من الاذى النفسي. ابوذر يا سادة شاعر وهو صوت الشارع وصوت الارض والضمير وجمال الكلمة والنيل والحب في اطهر صوره. اي مثقفاتية واي صفوية واي عروبيين انصار الخليل بن احمد الفراهيدي
08-01-2023, 11:13 AM
حامد عبدالله
حامد عبدالله
تاريخ التسجيل: 04-12-2014
مجموع المشاركات: 1326
شكلكم ما فهمتوا ابوذر بابكر ماذا يقصد بالضبط باختصار... الارتقاء بلغة حوارية مقبولة ومحترمة البعد عن لغة الاسفاف في الحوار
يقوم يفصل كل الناس 😰 ويعمل امتحان ! بدل التبرير افضل الاعتذار وقفل الخيط.
دولة في طريقها الي الفناء والاختفاء من الخارطة لا لشئ فقط لان هنالك من يحصل علي حق ليس له تحت: ( نخبة/مثقف/شاعر/جنابو عظيم/اسرة فلان/جدو حارب الانجليز الخ.
هذه الدعوات من الخطورة بمكان انها قد تعطي بعض المعتوهين مبرر لمصادرة حق حياة البعض
كلام عجيب ! ودوورد وكل ما هو جميل ووطن يتعافي
08-01-2023, 12:13 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18040
مساء الخير وتحية واحترام أبا ذر وأحمد يسن قما فلفا دا بوست قمة في النرجسية وان لم تقصد صياغة شنو ونحو منو وبطاطس بتاعت الساعة كم خلي الناس تورجغ شيل الكويس وأترك الزبد يذهب جفاء أية حاجة في أية حاجة . ............ لكن بصراحة في أخطاء املائية تجيب الحمى خخخخخ
08-01-2023, 12:27 PM
صديق مهدى على
صديق مهدى على
تاريخ التسجيل: 10-09-2009
مجموع المشاركات: 10258
اول حاجة مفروض تكتب قوما و فلفلا.. وليس قما فلفا .... لا يوجد شىء اسمه فلفا وانت لم تذكر واو القيام وايضا واو المعية وكذلك لام .. الفعل في فلفل هذا ما سمح به الوقت. اها ... عشان الحركات دي ابوذر فاتح البوست دا
08-01-2023, 03:02 PM
كمال عباس
كمال عباس
تاريخ التسجيل: 03-06-2009
مجموع المشاركات: 17157
خلاص نسميه منبر زميلنا أبوجودةـ محمد أبوجودة ـ ودا حتي الأدباء حيفشلو في الإلتحاق بيهو ـ لأنو اللغة فيهو حدها عصر المعلقات وهل غادر الشعراء من متردم ! سلفية أدبية علي أصولها ! شعر حديث مافي وشعر منثور ممنوع بس بيت الشعر أب ضلفتين ! الرويات والشعر العصري بدع تستوجب الحد ـ ـ وين صديقنا عبد المنعم عجب الفيا ! مرة صاحبنا أبوالريش إتورط ورطة زي دي ..الكلام قبل كم طاشر سنة وبخس المنبر وإفتخر بعضويته وتميزه بمنبر سودانفورأول بعدها الحصل يحكيه ليكم الديناصور حيدر حسن ميرغني !
08-01-2023, 03:46 PM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
Quote: بعدها الحصل يحكيه ليكم الديناصور حيدر حسن ميرغني
وليه يحكيه حيدر حسن ميرغني الديناصور ما تحكيه انت دا... ليه صغير ولا نساي؟ انت فوق ماةقلت بعضمة صباعك ان من المؤسسين للمنبر دا ؟ قلت ولا ماقلت؟ يلا احكي بعدين حيدر زاتو شكله..كدة بقى ينسى
08-01-2023, 04:35 PM
Bashasha
Bashasha
تاريخ التسجيل: 10-08-2003
مجموع المشاركات: 25803
من الشروط، الخاتهنا، الصفويين ديل المطالبين بي شطب العضوية في هذا الفضاء، اجتياز امتحان الاملا، تخيلو هذا، كما كان في الابتدايي!!!
أو لما عرينا المنطلق الصفوي، لصاحب هذا الخيط، أو شلتو، نعم اولاد كاس وعيو الصفوي، إنتبه أو حاول يقوم جاكي، عاضي العراقي!!!
بالنسبة لي شخصيا، الزول المابعرف عربي، أو عربيهو مكسر، فهذا بلفت نظري فورا، أو بفوذ بي احترامي لانو في عرفنا ده دليل، الزول ده كقاعدة، ولكل قاعدة شواذ، من جوا مبستف بي قيم ارثنا الحضاري، مقارنة بالمابعرفو غير لغة الغزاة هذه اي العربية، شارة استرقاقنا، المتدلية من اعناقنا، ياللعار!
لاحظو، اصل، مرجع، كلام الطير بتاعي ده، هو البية النشاتا فيها، في دنقلا، عاصمة رماة الحدق، تذكرو، الكانت رافضة وبعنف لكل ما اتصل بالعرب والثقافة العربية، لي درحة حتي شيخنا جدنا، في خلوة جدي صبيان "تود" لاحظ، مش "توت عنخ"، كان بملي آيات القران الكريم بي لسانا الكوشي، أو مش بالعربي، ايعقل هذا؟
نعم عشان يقول أكتب حرف الالف، كان بقول لينا:
الفكي، ااو!
معليش صعب الكتابة بالعربي من التلفون لغياب الكثير من الاحرف!!!
رجاء اركزو هنا، عشان حنضري الكثير من عيشنا في "هبوب" الخيط ده!!!
08-01-2023, 05:48 PM
Bashasha
Bashasha
تاريخ التسجيل: 10-08-2003
مجموع المشاركات: 25803
فيما اتصل بي صيغة/مفهوم "الصفوية"، اعترف ده، ارث كوشي، ولكن في محيط المعرفة الروحية بي فهم عالم اليوم!
من اميز انجازات الحضارة الارية الفازت بي كاس دوري بطولة الحضارات علينا، هو جماهيرية المعرفة، معا فارق بسيط:
صيغة/مفهوم صفوية، منطلقو كما كل جوانب ارثنا الحضاري، كان روحي صرف، ولهذا ثقافتنا كانت معادية للجماهيرية شديد فيما اتصل بالمعرفة الروحية، ولهذا ماصدفة كيف الي اليوم، شيوخ التصوف عندنا، مابتكلمو في محل عام، كما فعل الشهيد محمود، فيما اتصل بالمعرفة الروحية!!
هذا كان من المحرمات، لي درجة حتي واحد من حيران اجدادنا الاوربيبن، نعم فيثاغورث عكس تصور اهلو، امن ايمان مطلق، بي سرية المعرفة الروحية، لي درجة التحذير من اللعنة الالهية كما امن اجدادنا، للبروجغو في مكان عام، في الموضوع ده، أو فيثاغورث كان الوحيد الكان فعلا صوفي، أو مش "علماني" كمابقية حيرانا، من امثال الحرامي ارسطو كمثال!!
فيما اتصل بالمعرفة الروحية، نعم اؤومن أو مفهوم بالنسبة لي هكذا صفوية، لانو التركيز كان علي السلوك حصريا، لدي اجدادنا مش الورجغة بتاعة الوهابية والمتاسلمين بعامة!!
اذن باختصار، اعترف الصفوية أرث سوداني، ولكن فيما اتصل بالمعرفة الروحية فقط، لذا وجب التنبيه من باب الصدق مع الذات..
08-02-2023, 12:05 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18040
] دا انجليزي يا مرسي ؟؟ خخخخ ثم ياخ المنبر دا لو اعتمد على شعر وخواطر الجمعيات الأدبية بتاعت الإبتدائي الزمان ديك هسة كان صاحبو قلبو كشك سجائر خخخخخ المنبر بتاع اي زول بغض النظر عن ملكاتو وابداعاتو وحاجاتو المدهشة بس المهم ما يغلط في الإملاء أما البلاغة والصرف والنحو والمحسنات البديعية فدا ترف كتابي ولغوي ليس الا انت لو ملاحظ حتى الروائيين الكبار زي أخونا المبدع بركة ساكن والمبدع تاج السر الملك قاعدين يكتبو بالعامية البسيطة بتاعت الناس الساكنين هناك ودا الإبداع ذاتو بالضمة والشولة . ......... قوما وفلفلا حسستني بالجوع وريحة صاج الطعمية إبداع برضو يا أخونا أحمد يسن بيه خخخخ
08-01-2023, 05:03 PM
محمد محمد قاضي
محمد محمد قاضي
تاريخ التسجيل: 12-23-2014
مجموع المشاركات: 1605
Quote: وليه يحكيه حيدر حسن ميرغني الديناصور ما تحكيه انت دا... ليه صغير ولا نساي؟ انت فوق ماةقلت بعضمة صباعك ان من المؤسسين للمنبر دا ؟ قلت ولا ماقلت؟ يلا احكي بعدين حيدر زاتو شكله..كدة بقى ينسى
...........
حكاية مؤسس دي مضللة ـ التأسيس الرسمي أوكي بس قبل التأسيس دا المنبر كان مؤسس ـوقائم ـ عضوية كبيرة ومنابر وحوار يعني في مرحلة ـيمكن سنتين الناس دي كانت شغالة ـقبل ما نجي نحن ـ ـ موضوع أبو الريش كان أشبه بالإستعراض والتعالم والتقليل من شأن العضوية هنا ـ والسخرية من المنبر وقد تمت مواجهته برد فعل عنيفة جدا وبدلا من يتعامل ببرود وضبط نفس كما فعل أبوذر مع ردود الأفعال هنا إستجاب للإستفزاز ... بمناسبة التأسيس أخونا دينق كان شاهد علي العصر وحضر مرحلة ماقبل التاريخ بل كان أحد ثلاثة وضعو لبنة المنبر ولكن بعض إنفصال الجنوب شن عليه الكيزان حملة عنيفة وطالبو بإبعاده بإعتباره يتبع لدولة أجنبية وتدخل بكري وحسم الأمر ولم يمسح لجداد الخلا الكيزاني بالتعدي علي ديك البيت ـوأعلن أن المنبر مفتوح لأبناء السودان ـبشقيه !
08-01-2023, 08:03 PM
حيدر حسن ميرغني
حيدر حسن ميرغني
تاريخ التسجيل: 04-19-2005
مجموع المشاركات: 25146
ياحيدر ميرغني انت. جيت. في عز عنفوان المنبر وتوهجه قبل الاسمارت. فون ما يظهر وقبل الفيس بوك والوانساب. والتوتير. يعني. بعدك جاءت ثورة تكنلوجية مكتملة. الاركان تقول لي برلوم!! بس من المؤكد. ان حاضر موقعة ابوالريش. وتمرده علي المنبر واعتزازه. يسودان فور اول
يا اخي انت من زمن هوبليس. Hopeless الكان داعشي وتكفيري وقلب بمسيحي يسبح. بحمد يسوع الرب !! تقول لي شنو وتقول لي منو ؟
08-01-2023, 09:08 PM
حيدر حسن ميرغني
حيدر حسن ميرغني
تاريخ التسجيل: 04-19-2005
مجموع المشاركات: 25146
نعم يا كمال بتذكر كلام اخونا ابو الريش حين قال فيما معناه انه بكتب في سودان فور اول بي اسلوب .. و بجي يكتب هنا باسلوب مبسّط يناسب كتاب سودانيز اون لاين .. وعينه ما شافت إلا النور
08-01-2023, 09:17 PM
كمال عباس
كمال عباس
تاريخ التسجيل: 03-06-2009
مجموع المشاركات: 17157
Quote: نعم يا كمال بتذكر كلام اخونا ابو الريش حين قال فيما معناه انه بكتب في سودان فور اول بي اسلوب .. و بجي يكتب هنا باسلوب مبسّط يناسب كتاب سودانيز اون لاين .. وعينه ما شافت إلا النور
...... دا الكلام القلتو قبيل وإستعنت بيك للشهادة وقام أخونا أحمد ياسين قال في معناه حيدر زاتو تلقا هو 'خرف 'ونسي الحكاية دي! خرف دي من عندي إذكر إنو أبوالريش إستجاب للإستفزاز ولم يتعامل ببرود وضبط نفس أبوذرفي مواجهة ردود الأفعال ...
08-01-2023, 11:05 PM
osama elkhawad
osama elkhawad
تاريخ التسجيل: 12-31-2002
مجموع المشاركات: 20564
العزيزة هدى ميرغني في تسريبات بأنه تم تشكيل لجنة للإمتحانات برئاسة بكري ابو بكر وابوذر بابكر نائب للرئيس وحافظ بشير مقرر لللجنة. إن صحت التسريبات ياني المتجاهل الخوة ومتغابي فيكم العرفة وممتحنكم.
____________
بشاشا بطل ورجغة واكلمك من هسه. وعزة جلالة آمون، لو جبت معاك سبويه ذات نفسو والخليل بن احمد الفراهيدي، بسقطك في الامتحان بسقطك.
08-02-2023, 12:10 PM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
ياحافظ، شوف انا اتحداك تدخل معاي امتحان بتاع قواعد لغة عربية، بشرط دينق يكون هو المصحح، رايك شنو؟ نعم اتحدي جميع اعضاء، شلة صاحب البوست، القام فللي، من الخلعة!!!
08-02-2023, 03:09 PM
Mahjob Abdalla
Mahjob Abdalla
تاريخ التسجيل: 10-05-2006
مجموع المشاركات: 8954
Quote: ياحافظ، شوف انا اتحداك تدخل معاي امتحان بتاع قواعد لغة عربية، بشرط دينق يكون هو المصحح، رايك شنو؟ نعم اتحدي جميع اعضاء، شلة صاحب البوست، القام فللي، من الخلعة!!!
وينك يا دهماء .. مشتاغون .. تحدي شنو يا حبيب !! انت غلطاتك النحوية و التاريخية و الجغرافية مالية (عـرصــــات)* المنبر ده . عليك الله ما تفجعنا فيك .. خليك في (زالك و ذينك) احنا اتعودنا علىك كده و على ورجغتك و عرفناك وصلت سن اليأس تاني بعد ده الا تجيب غبار ..
* (عـرصــــات) دي لقيتني كيف يا اباذر يا صديقي ما بتأهلني لجلوس الامتحان ؟ ههههههههههههههه
08-02-2023, 03:30 PM
osama elkhawad
osama elkhawad
تاريخ التسجيل: 12-31-2002
مجموع المشاركات: 20564
صحي يا ابوذر ياخريف الرتوع**** يا ابوشقا قمر السبوع قومتا فللي؟ ونحن البنقول لمولوا الاورط جابوهم بالبابور هسي يجيك واحد يقول ليك دا كلام عرب وانت مستعرب وبتاع الخديوي وسلاطين باشا قبل الحرب دي لو عايز تكتب او تعلق حتى في صوت ام كلثوم او عن عبد الحليم في اغنية النجاح... وحياة قلبي وافراحو لو دايرين نقول ان شرحبيل احمد"لطش اللحن دا" وغنا بيهو للنميري" قدم الخير عليك يا بلادنا" حتسمع انت اصلا مستمصر ومستعمر وبواب في عابدين الواحد بقى يخاف . وينك با ابوذر يا دابي الهجيمة
08-02-2023, 04:19 PM
Bashasha
Bashasha
تاريخ التسجيل: 10-08-2003
مجموع المشاركات: 25803
انا جابوني من دنقلا.. ل( الهرتوم) طفل ما بعرف ولا كلمة واحدة بالعربي لقينا نفسنا غرباء ومضحكة للجيران العرب المستعربين..حتى الاولاد في الشارع لا بتفهم منهم لا بفهموك... مثلا... نشوف الاولاد شايلين بالونات( هنابيك) وبنفخوها وتطير فوق اها تشيل قروش من امك و تجي لى بتاع الدكان الببيع الهنابيك تمد ليهو القروش ... وتقول ليهو ( اوفيل) داير شنو ؟..تقعد ساعة تكرى اوفيل ( اوفيلقي) حسب لسانك وهو بضحك واخيرا يستنجد بواحد من الزباين تكرر للزبون اوفيل يقول ليهو دا عاوز فلفل . بفوم يديك شوية فلفل اسود في قرطاس. و يرسلوك تجيب بصل.طبعا اسمه (بلي) تنطق بى.. ليه . اها بديك بلي ملون .. ازرق واخضر.. البلي الواحد دا ومع دا يعلم الله الكريم دخلنا المدرسة والترتيب اول الفصل .. وكان استاذ العربي حقنا الفنان محمد ميرغني
08-02-2023, 05:41 PM
أبوذر بابكر
أبوذر بابكر
تاريخ التسجيل: 07-15-2005
مجموع المشاركات: 8610
واعتذار مؤكد للجميع عشان عدم التعقيب او الرد علي المداخلات بشكل موجه فرديا حسب ما هو متبع ومألوف منبريا واخلاقيا دا طبعا تجنبا لشخصنة الطرح والعرض وابتعادا عن تقليدية السجالات ال بالتأكيد ما مرحب بيها
وبإذن الخالق تكون الردود في سوانح جايات
وتفسير عدم التواجد بالشكل التقليدي علي انه هروب او تولي قطعا هو تفسير قاصر وغير صحيح
ويمكن انسب تفسير ليه هو كلام الوعد ابي الأسود في قصيدته البقول فيها:
يا أيها الرجل المعلم غيره هلا لنفسك كان ذا التعليم ابدأ بنفسك فانهها عن غيها فإذا انتهت عنه فأنت حكيم فهناك يقبل ما تقول ويهتدى بالقول منك وينفع التعليم
لغاية ما يقول
لا تنه عن خلق وتأتي مثله عار عليك إذا فعلت عظيم
مع عميم الاحترام للجميع
08-02-2023, 08:29 PM
جلالدونا
جلالدونا
تاريخ التسجيل: 04-26-2014
مجموع المشاركات: 9390
هلا بشاعرنا الجميل البوست يحكي قصة البرهان و الجنجويد دخلوك البدروم عموما كان كده انا من سكات بشيل بقجتي و بغادر و لو لسه حاسي بي عصة في الحلق بسبب العنف الرمزي المارسو معاي المدعو مولاكم حافظ
08-02-2023, 11:14 PM
طلحة عبدالله
طلحة عبدالله
تاريخ التسجيل: 09-14-2007
مجموع المشاركات: 18040
أنت يا أخونا أحمد يسن وبما أنك داقي طورية مع أخوكم أبوذر فيبقي هنابيك دي تبدلا ببالونات أو بلالين خخخخخخخ واللا أنت وهو اسياد الكورة ؟؟؟ خخخخخخ ............. ورجغة بشاشا ولا هرجي وهرتلة كم زول هنا في البوست دا خخخخخخخ
08-13-2023, 08:46 AM
أبوذر بابكر
أبوذر بابكر
تاريخ التسجيل: 07-15-2005
مجموع المشاركات: 8610
موضوع اللغة بشكل جزء صغير من كامل الإشكالية، موضوع الموضوع، أو ال Main subject matter
وبتعلق بشكل أساسي بالمواضيع البتتكتب باللغة العربية الفصحى بس
مافي أي مشكلة في الكتابة بالعامية الدارجة، وما اجملها
لما تسمع الكابلي مثلا وهو بتكلم بالعامية، تتمنى والله لو الناس لغت وبطلت تتكلم وتكتب بالفصحى دا مجرد استدراك
ما علينا
الأجزاء التانية الأكتر اهمية في موضوع الكتابة والمشاركة في المنبر هي نوعية وطبيعة الموضوع نفسه وطريقة الطرح والتناول ال مفروض تبعد، بقدر الإمكان، عن السطحية الممعنة في اللا معنى، ما عايز اقول السذاجة أو الهيافة وتاني شي، نقل المواضيع البتكون منشورة أو اتنشرت سلفا ومسبقا في مواقع تانية، سواء كانت مكتوبة أو في شكل مقاطع فيديو والكمان بتكون وبالتأكيد اتقرت واتشافت واطلع عليها كل أهل الكوكب ما اعتقد، حسب رأيي، في لزوم وداعي لإعادة نشرها هنا، اللهم الا يكون بس القصد منها التوقيع في دفتر الحضور أو التواجد من اجل التواجد لأنه كل دا ما بعمل أي إضافة مغنية ومفيدة ولا بخلق اي جديد يفتح آفاق تانية في ذات الموضوع
اكتب نفسك وروحك وذاتك قول رأيك ورؤيتك وطرحك
بالعامية السمحة أو الفصحى الصحيحة
وسيبك من البقوله غيرك
الشغلانة ما صعبة ولا عصية ولا متعبة
والنقطة التانية برضو هي شخصنة الخلاف والتعامل فيه ومعاه بعقلية اركان النقاش لما طرف السوط يجلي هدفه المطلوب
يعني موضوع إشكالية صحة/خطأ اللغة ما هو الشي الوحيد لأنه لاحظت انه الناس مركزين عليه، واغفلو باقي الحاجات
مع جزيل التقدير
08-13-2023, 09:39 AM
معاوية المدير
معاوية المدير
تاريخ التسجيل: 03-24-2009
مجموع المشاركات: 14411
Quote: ياحافظ، شوف انا اتحداك تدخل معاي امتحان بتاع قواعد لغة عربية، بشرط دينق يكون هو المصحح، رايك شنو؟ نعم اتحدي جميع اعضاء، شلة صاحب البوست، القام فللي، من الخلعة!!!
يا بشاشا حسب إجابتك ليك الحق تتحدانا في القواعد، لأن جواب سؤالي ليس له علآقة بالقواعد، فهذه لغة أهل الحِجاز يقولون عليهُ، وبِهُ، وذهبتُ إليهُ . لُغة أهل الحجاز كلها بالضم ...
08-14-2023, 02:37 PM
Bashasha
Bashasha
تاريخ التسجيل: 10-08-2003
مجموع المشاركات: 25803
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة