حميد ومصطفى سيد أحمد ما طال في بحرك في مي

Quote: ما طال فى بحرك فى مى وتمرك مفرع بالجريد شدرك أمد حدّ السمى طينك معتـق بالطمى نبنيك أكيد .. نبنيك هوى نبنيك أيوه سوا .. سوا من أول جديد نبنيك جديـد يا إيد أبوى على إيد أخـوى على إيدى انـا على إيد و إيـد تجدع بعيد فى اللجة فى من راس ميضنة حيكومة الفقر الدمار الكضبن و الصهينة اللى نقاص أيامنا كاس اليالطيف سوس البحر نرجم قفاهو حجر حجر ها الرصيف الما قدر قدام سريحة الموج يقيف الما انستر الارزقية وناس مو يا نسقيها كاس أسقتنا يا نوريها كيف عشق الحياة سنانا فوق حجر القصاص سوانا ناس ارض البحر جوانا احد من الرصاص يا ضو حبـيبـين القسا طول ما انت غرقان فى الأسى تبت يدين ما ترمى ساس ما تبنى مجدك من جديد تفتح شبابيك الخلاص تدخل نسيمات النشيد بيت القصيد يستقبله مستقبله .. و الحاضر الماضى التليد يابلدى يافردة جناحى التانى وكت الناس تطير لى عالمه وآ وجعة الزول البيجيك ما يلقى فيك غير الهجير ناسا تواتى مسالمة كل البشاشات القبيل يلقاها ميته مسممة والجاته جاته من الأرض ما جاته من تالا السما ما أعتى غبنك يا ولد وأعدل قضيتك وأعظمه لاترجع السيف الجفير والدنيا فايره مصادمة من غير تجيب تار البلد .. ريح العوارض تهزمه تطرد مع ابليس الأخير دعاة الضلال من جنتك يا آدمه تاكل من الشجر الحلال يغشاك نعاس فى ضل رمى تختاك هضاريب الصعب كربة ليالى المظلمة يانيل قبل خاطرك يطيب أرضك تفزع باللهيب تكشح تواريب الغضب .. صعب المراس .. نوبة و زنوج و بجة و حلب رطانه عربان مو أشو ومولدين تلقانا أو نلقاك ضوء ظلمة لياليك العجاف رشة نهاراتنا النشاف آمنا بيك وموحدين فى إيدنا فاس وقلم رصاص شتلة و كمنجة و مسطرين و طبنجة فى خط التماس حراسة من كيد البكيد ضد الرصاص والانتكاس نبنيك هوى وأشد باس

Quote: كلمة حق أمام سلطان جائر قالت كمذيعة في إحدى القنوات التلفزيونية الخاصة في السودان ما لم يقله نبيل أديب و غيره من الضعفاء هذه الأمة ستسموا ما دام فيها أمثال هذه الشابة.. و كما تغنى مصطفي سيد أحمد: ﻣﺎ ﻃﺎﻝ ﻓﻲ ﺑﺤﺮﻙ ﻓﻲ ﻣﻲ ﻭﺗﻤﺮﻙ ﻣﻔﺪّﻉ ﺑﺎﻟﺠﺮﻳﺪ ﺷﺪﺭﻙ ﺃﻣﺪ ﺣﺪ ﺍﻟﺴﻤﻲ ﻭﻃﻴﻨﻚ ﻣﻌﺘـﻖ ﺑﺎﻟﻄﻤﻰ ﻧﺒﻨﻴﻚ ﺃﻛﻴﺪ .. ﻧﺒﻨﻴﻚ ﻫﻮﻯ .. ﻧﺒﻨﻴﻚ ﺃﻳﻮﻩ ﺳﻮﺍ .. ﺳﻮﺍ ﻭﻣﻦ ﺃﻭﻝ ﺟﺪﻳﺪ ﻧﺒﻨﻴﻚ ﺟﺪﻳـﺪ