عاينت للمنتدى لقيتو يئن من البوس، قلت أكتب ليكم نص مدهش، جريت الكي بورد وكتبت:
سهام عايزة تنتحر: الشيء البخلي الروايات مملة، عموم الروايات هي مملة بسبب الترتيب الزمني للأحداث؛ يعني عبود لاقى سهام في الجامعة وعجبتو وعزمها شاي في كلية الزراعة، وهي ذاتها حاولت تقنع نفسها إنو دا مشروع زواج كويس، وعبود أنا بعرفو في الداخلية زول ثقيل ساكت، بس قاعد بجي الجامعة نضيف وما بسف قدام البنات، وهي في وجود الندرة قالت تواصل في الموضوع دا، وأنا موش بجي ماشي براي بهناك؟ الناس قايليني مجنون؟ لكن موضوع عبود وسهام دا شايفو وعارفو بنجح لكن بقيف وبعد سبعة سنوات سهام ح تحاول تنتحر. برضو القصّة دي مملة، لكن لو بديتها بمشهد فيهو سهام رابطة عمة عبود في المروحة ووقفت في كرسي تحتها، وطلعت حاولت تنتحر وقبل ترمي الكرسي من تحتها، شافت بالشباك عدة مجدوعة في الواطة ووسخانة، نزلت من الكرسي دخلت العدة المطبخ وغسلتها، ورجعت طلعت في الكرسي وقبل تربط العمة سمعت جارتم منى في نص الحوش بتلعلع ، قامت نزلت قالت بتنتحر بكرة.
لكن برضو ممكن تحضر لمشهد الانتحار بطريقة جذابة أكتر من كدا، وتخلي سهام قبل يومين تمشي تسدد كل ديونها وتجيبها بتتكلم مع علي بتاع الجزارة وأول مرة تشيل لحمتها بدون مشكلة وتسدد ليهو وبتاع الخضار والدكان كل الديون وملت كل أزيار الشارع موية
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أبوبكر عباس
فيس بوك
تويتر
انستقرام
يوتيوب
بنتيريست