كل ما ارفع بوست بتقنية الvar القاه حايم يرفس يا حليلو البطة الزول ده راااح وين مسخ علينا الحلة اكيد مربوط في برنبد عند الشيخ البرير في شبشة بعد صدمت القردة نلهو في السوق وقحت لحقت امات طه وما عايز يبقى حركة شعبية
المهم لانه كان من طلايع مايو 1969 نهديه البلابل بس
07-10-2023, 04:15 AM
adil amin
adil amin
تاريخ التسجيل: 08-01-2002
مجموع المشاركات: 37012
الدويم في اوائل السبعينات الذهبية..انا ذلك الولد الذى كانت دنياه ها هنا..كنت اضع بعض مصروفي المدرسي جانبا حتى نهاية الاسبوع ..حيث كان الكونتاك سيارة الكومر العتيدة تاخذنا نحن اطفال الموظفين في مبروكة وبخت الرضا الى السوق. .ناكل الآيسكريم.. واشترى مجلات لبنان المصورة سوبرمان والوطواط والبرق.. وروايات طرزان.. كان ياتي بجسده الفارع كانه شجرة تبلدي واسماله البالية ويجلس امامي في القهوة..ويحدق في بعينيه الذكيتين المذهولتين. ويدور بيننا الديالوكتيك المعتاد وقد طلبت له كوب الشاي لزوم الطقوس..لم يكن يخفيني اطلاقا ..انه جونقا ...احد كائنات مدينة الدويم الاسطورة ومحطات الإنذار المبكر كما عرفت لاحقا... - انت اسمك منو يا ولد.. - عادل.. - ولد منو - ولد ناظر مبروكة - طيب يا ود الناظر يا الكلك مناظر بتشجع منو؟ - فريق الاشبال !! - الاشبال ولى الوطن - الاشبال - الوطن ولى الاشبال - الاشبال - الاشبال ولى الوطن - الاشبال - انت ذكي والله !! ويضحك ضحكته المجلجلة..كنت اشجع الاشبال لان استاذنا المبجل الذى احبه كثيرا محمد الطيب استاذ الرياضات كان من مشجعين الاشبال المتعصبين وجل اصدقائي في الفصل في نهر ابو عنجة ايضا ..احمد العاقب..سيف كركبة ..سيف اليزل ..ابراهيم ...عمر زروق ..هشام حران.. مالك وحسين ومحي الدين الخ. .يرتشف الشاي في مرارة ويحدق حوله في الناس الطالعة ونازلة وكانه لا يراهم..ثم يضع كوب الشاي وينهض بغتة - اعمل حسابك ..الناس ديل جاييين !! جايين!!.. - الناس منو ؟! - بتعرفهم... لمن يجو!! - ديل منو...؟! يطلق ضحكته المجلجلة ثم ينحني ويهمس في اذني بصوته الجهوري - اولاد ام ذب !! - .... - اوعك تخليهم يجو ؟ ويمضي مرددا أهزوجته الفاحشة " جب...جب ..جب بكره الهبوب بتهب وبجو اولاد ام ذب والما عنده هلب يرقد علي بطنو ويستعد للقلب..!! *** اليوم وبعد اربعة عقود من تلك المكاشفة. .اجلس في هذا الركن الرشيد القصي في العالم. .اليمن السعيد. .بعد ان ادركني الاستبصار. .أتأمل صدام الحضارات في اقبح صوره. .اتذكر الفيلسوف جونقا والسودان المعاق الان بعد انفصال الجنوب وبتره وظل يعاني من الغرغرينا- في سنوات التيه والطشاشات والجنرال في متاهته والمعارضة في غيبوبتها السعيدة مع ناس "هبي هبي يا اكتوبر1964 او النخبة السودانية وادمان الفشل " والتتار الجدد على الأبواب..."عرفت من هم اولاد ام ذب"...انهم الامريكيين ..والرئيس ترامب الذى احيا سنة الامريكي القبيح في اكبر ردة حضارية عرفها التاريخ والخطر الماحق اضحى قاب قوسين او ادنى من السودان ..وانا اقوم بوصية جونقا.."اوعك تخليهم يجو!!".. ***** هيروشيما هيروشيما
وحدنا نُصغي إل رعد الحجارة ’ هيروشيما
وحدنا نُصغي لما في الروحِ من عبثٍ ومن جدوى
وأمريكا على الأسوارِ تهدي كل طفل لعبةً للموتِ عنقوديَّةً
يا هيروشيما العاشقِ العربي أَمريكا هي الطاعون , والطاعونُ أمريكا
بمناسبة غيب تعال دي واحد اهدى اهدى مرتو ببغاء ومرتو اتبسطت قالت ليه بس لو اعرفو انتاية ولي ضكر بالله قلب الببغاء فوق تحت ما عرفو مشا لمسطول جنوب اابحر قال ليه ياخ داير اعرف الببفاء ده شنو لي يومين ما عرفت قال ليه جيبو ختو جنب المسجل ده ودور ليه شريط غيب وتعال ده الببغاء يسمع ساكت غيب وتعال وغيب وتعال زهج قال ليه اقلب الشريط المسطول قلبو قال لقاه برضو غيب وتعال غيب وتعال الببغاء زهج قال ليه دخل شريط تاني المسطول غير الشريط لفاه الببغان برضو غيب وتعال وغيب وتعال الببغاء كبس لي دين مربع وقال ليه ورمت بيضنا يااااخ المسطول سلم الببغاء الراجل قال ليه ده ضكر يا مواطن \ وذهب مثلا والله يرحم الفنان هاشم ميرغني عضو البورد القديم رحل من دنيانا الفانية قبل ما يشوف القردة التلهو في السوق 2023
12-18-2023, 04:47 AM
adil amin
adil amin
تاريخ التسجيل: 08-01-2002
مجموع المشاركات: 37012
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة