مؤمن ود زينب: #قصة الرجل الذي هاجر من أمان اوربا إلي جحيم الحرب في السودان لينقذ من يستطيع ❤️ الليلة في النو جانا دكتور سوداني من أيرلندا كان مقيم هناك اتحرك يوم الاحد من أيرلندا و وصل امبارح ركب طيارات جواً و ركب برا لحدي ما وصلنا في أقاصي أمدرمان جاي يشتغل عمليات جراحية و رجعنا تاني في النو نشتغل عمليات إصابات الطلق الناري جانا #مستر #هشام_هجانة بعد لينا أسابيع وقفنا عمليات بسبب ظروف كتيرة حاصلة في #المستشفي_النو . طلع من عمليات قبل شوية ح يرتاح شوية و يرجع يواصل تاني الصباح نايم بي عراقي 😂 بعد جازفنا ليهو سرير في المستشفي أختار انو يسكن هنا عشان يكون قريب لو حصلت اي طوارئ مستر هشام هجانة أخصائي جاء من حتة آمنة لي منطقة حرب و موت جاء عشان يحاول ينقذ من تبقي من أبناء شعبه ناس بتجي مناطق الحرب عشان تساعد ❤️ لانو دي بلدهم و احتاجتهم الدكتور دا حسا انو دا دورو الممكن يقوم بيهو و يساعد بيهو ف اي زول فينا يقومو بدورو اتجاه الحرب دي عشان تقيف و عشان نقلل خسائرا و نوقف الموت اي زول ممكن يساعد بي يدو بي مالو بي زمنو بي خبرتو كلنا سودانيين و سودانيتنا تجمعنا اتواصلو معانا نوريكم كيف تساعدو و راسلونا و تابعونا نوريكم الحاصل تحياتنا والله لمستر هشام و لمن سبقه شير عشان الناس تعرف بالقصة دي قصة فيها أمل و حب وطن و مجازفات والكثير من التضحيات و الخير ومن أجل الشعب السوداني قدام المدفع تلقاني ولست مهزومًا ما دمت تقاوم شير للبوست خلي الناس تعرف
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة