أقعد في البيت مع أخواتك .. لفظ أو جملة بقت متداولة اليومين ديل .. طالعة طبعا من كيزان السجم لاستفزاز مشاعر الشباب للاستجابة للاستنفار الكيزاني .. طبعا لو عايز تعرف ثقافة مجتمع استمع لكلامهم وبالذات لحظات الكرب .. وكل إناء بما فيه ينضح .. واااااااااااضح تماما من الكلام ده أنه أخواتكم (أخوات نسيبة طبعا) لا جاهدن ولا حاجة .. اقتصرت مهمتن على الطبخ وغسيل سراويلكم والونسة اياها .. وووووب علي المجاهد هناي ده كان عرسني .. و بري بري بري أخونا في الله فلان داك دقينته دي ما بتتقابل عاملة زي قش الخلا .. أما أخواتكم بالدم فهن خاضعات خانعات ما يقدرن يفتحن خشومهن لو حضرتك ايها الكوز قررت تخليها كائن زي الكلب المربوط في البيت .. وما تتكلم بالتلفون ولا تشوف افلام ولا تطلع للجيران خوفا من التغزل في دهونها التي نبتت من السحت الجايبه انت من عرق جبين الشعب بالقلع والزندية .. أما اخوات الثوار ديل كان انت راجل وعامل فيها حركة إسلامية جد جد حاول افتح خشمك المليان نفاق ده .. عشان تعرف الله واحد .. الثوار لو قعدوا مع اخواتهم والله واطاتكم أصبحت .. لأنه الواحدة ممكن تعمل اجتماع صغيروووووني وتلخبط أم تخطيطكم بي مخاطبة خمسة دقايق بس .. أو تجمع نسوان وشباب الحي وناس البيت تعمل شغل مجتمعي لو انت يا كويز جبت صحن بنقو ما تفكر فيه .. والمجال ما حيتسع لذكر بطولات الكنداكات وأعمال الكنداكات .. مش بس في المواكب .. حنقول شنو ولا شنو ؟ المهم #العسكر_للثكنات_والجنجويد_ينحل - من صفحة الاخ هاني أبو قصيصة في الفيس بوك
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
حيدر حسن ميرغني
فيس بوك
تويتر
انستقرام
يوتيوب
بنتيريست