∆ نحنا گبشنا ما بهاب الضبح حاشاهو!

قالك : شيخين اداوسو شيخ سلخ ساق شيخ
وقع ليــــــــــــــــك يا المشتح عضينك؟! ولا نفتو أكتر!
∆ نحنا ونحنا الشرف الباذخ .. دابي الكر شباب النيل
نحن گبشنا ما بهاب الضبح حاشاهو..
و نحنا كبشنا من قومة الجهل النطح بهواهو
.. يوم يجري السِّخَيل و الناس بتجري وراهو.
.نحنا گبشنا بكشن في بصلتو براهو
هيييععععع أناخوك ٱالراسية!!

∆ ونحنو متحمدن قبايل تاني
عيد يعود علينا بدون زهور ين قمرنا وين البدور
وتاني مرة لا شربوت لا عصير تمور غابو عني
بدون لحم لا مرارة لا طَلَقان بخرو ، نفترع هذا
الخيت مفعماً ب"مرارة" أمرٍ صار واقعاً و حقيقةٍ
لا بد منها في المية ، فلا يتنازع حولهااتنان و لا
يتناطح گبشان ، ألا وهي أنو: "مافي عيد"

∆ في مثل هذا لايوم من السنة الماضية
و كأنها أمبارح، جلسنا هنا لنضرب سرادقنا لتلقي
فروض واجب العزاء على وقع فاجعة جنوح سفينة تايتانك
في رمال ميناء عصنان دقنة بسواكن و غرقها في مياهها
الضحلة و گان محملاً على متنها حوالى 16000 نسمة من
الخراف الحمرية الأصيلة ، و كانت مبحرة إلىالساحل
الشرقي لبحرالمالح ، لذبائح الهدي والأضاحي.
∆ أهلنا بقولو : العيد بدعي عليك إنو لامن يعوقب
تاني يلقاك القابلة زي ما خلاك و يمكن ألعن و أظرط.
وكل عامٍ تُرذلون. داي ياهو الحصل علينا الليلة .
فلكم من أرواح إبرياءٍ ذهقت و أعراضٍ هُتِكت
و أموالٍ سُلِبت , والله المستعان و علين التُّكلان.
وربنا يجازي اللي كان السبب حياً و ميتاً