كتب الكاتب الفاتح جبرا المتوفرة بمعرض الدوحة
|
Re: نصائح مفيدة لمن اختاروا الذهاب إلى مصر هر� (Re: Yasir Elsharif)
|
تحياتي ياسر وضيوفك الكرام
Quote: نصائح ✍ عمروبن العاص خير عندي نصيحة عاوز أقدمها بحكم شغلي في مركز الحماية القانونية وإدارة الأزمات بالقاهرة .... لأن المركز أشتغل قضايا اللجوء ....
والكلام عن الموضوع ده لا عنده أول ولا آخر .... عشان كده بكتفي بالمختصر (الشديد) ..... بوصي أي سوداني دخل مصر بقول ليه: ( ماتحاول ترمي نفسك في #محرقة المفوضية السامية للاجئين )
مافي مجال أكتب ليك كل الأسباب فإذا عندك ثقة في مركز الحماية القانونية... أعمل بي نصيحتنا دي وإلا.... داك حي سته أكتوبر... وديك المفوضية.... أمشي اتحرق بي نارها عشان تتأكد إنها حارة.
الموظفين الموجودين في المفوضية معظمهم مصريين ... وأكتر الموظفين عنصريين بشكل (فاضح)
إذا لونك أسود (أسمر) فانت زولهم وحتشوف إهانات ماممكن تتخيلها. من الأسباب المهمة (غير العنصرية) ... إن المفوضية مابتسفرك لندن ولا استراليا ولا أمريكا ....
المفوضية بتقعدك في (مصر) زاتها .... وبتديك تصريح تعيش بيه (جوه) مصر ... القصه دي تكون ممكن تفيد بعض الجنسيات التانية لانهم محتاجين يقعدوا في مصر .... لكن ... إنت كسوداني بتاخد إقامة عادية من العباسية أو أي مكتب جوازات ... ومامحتاج للتصريح المعولق بتاع المفوضية. والفرق كبير .. بين الإقامة العادية وإقامة لاجئ الاقامة العادية: بتخليك تعمل إجراءاتك بشكل طبيعي ... تطلع شريحة تلفون بإسمك تدخل أولادك المدارس .. تستأجر شقة ....تستلم حوالات مالية أو تبدل عملة ودي أكتر حاجة مهمة.
أما إقامة اللاجئين: البتديك ليها المفوضية فهي عبارة عن كرت (في البداية بكون لونه أصفر) حتى لو كنت هلالبي برضو أصفر! الكرت ده مامنو أي فايدة تذكر وعلى سبيل المثال لو مشيت تستلم بيه قروش من البنك موظف البنك حيهز صلعته ويقول ليك: (هو إيه اللي معاك ده يفندم.... لا مينفعش والله ) نقطة مهمة شديد... لو رأسك خفيف وفي ناس حكوا ليك إن المفوضية دي (بنت ناس) وحققت ليهم حلمهم وسفرتهم أمريكا نصيحة ... جوازك لمو عليك ... أمشي للمفوضية (طرزان)... أيوه قول ليهم دخلت بدون جواز .... طيب ليه؟ أولاً... لأن من حقك تدخل أي بلد عندها مكتب لجوء بدون جواز .... وبدون جواز بتاخد نفس الكرت البدوك ليه بي جواز.
أما إذا قدمت جوازك للمفوضية .... فحظك أكعب من بتاع الدقيق الدفقوه في يوم ريح
أولاً ... تمشي الجوازات المصرية عشان تكمل إجراءات إقامتك الأخدتها من المفوضية الشرطة المصرية حتختم ليك (على قفا ) جوازك!!! ختم الله لايوريه لي زول الختم ده مكتوب عليه (لاغي)!
وإذا ده حصل وبعدها شفت غنماية بتاكل في جوازك ماتتعب تنهرها لأنه خلاص (حبة العافية) الكانت فيه (اتلغت).... وتاني وماعنده أي وش يقدموه لأي جهة ....
أقول ليك حتى سفارة بلدك في الجيزة لو قدمت ليها جوازك المختوم ده حتنكره حطب وتقول ولا بعرفه أقول ليك سبب تالث ولا كم مامتأكد ..المهم ماتعد .... تعرف ياسوداني لو الحرب وقفت وقررت ترجع بلدك عارف حترجع كيف....؟ أوعك تتخيل جوازك أبو ختم ده بقدمك خطوة واحده .... (ماقلنا ليك بقى ملغي) أها تحلها كيف ؟ ترجع للوطن كيف؟
السفارة السودانية ماعندها ليك حاجة بسبب جوازك الملغي... والمصريين لما دخلت بلدهم قالوا ليك: ( ادخلوا مصر آمنين) هم بيقروا الآيه كده!
إما إذا جيت تطلع من بلدهم بي ختمك أقصد بي جوازك ده حيرفعوا ليك شعار : (هو دخول الحمام زي خروجه)
يعني دخلت مصر بي مزاجك لكن (الطلعان) إلا باجراءات .... تمشي تآمن في الصفوف من الفجرية .. أسبوع شهر حسب التساهيل بعدها حتلقى عسكري مصري كرشته تسد الطريق حيقول ليك انت مابتفهمش ... ؟ ماحيقوله ليك براحه لا... أهلك في السودان حيسمعوها وبالجملة دي إنت كده المفروض تفهم قصد العسكري اللي هو معناه إنك (يازوداني) تروح المفوضية زااتها تااااني عشان تقفل ملفك ...
أوعه خيالك المتفائل يصور ليك إن قفلة الملف دي زي السطرين الأنا كاتبهم لااا ... عادي ممكن يدوك مواعيد بعد سته شهور ولما تجيهم يقول ليك: أها عاوز شنو...؟ (شنو بقولوها شينة ومعولقه) وحتضطر تبتسم المهم اذا الله قدرك أخدت ورقه بأنهم قفلوا ليك الملف تمشي السفارة تقابل ضابط شرطة (النصيحة زول محترم شديد) يحقق معاك ويكتب توصية بأنك مؤهل تاخد وثيقة سفر اضطرارية ...!!
وبعدها تواصل مشوار الذلة وتقيف في الجوازات وتقابل نفس العسكري وبكون مفترس ليه فحل بصل بس المره دي حيقول ليك (أهو كده ابتديت تفهم) وبعدها تاخد ( الكأس) إذن خروج من مصر مبروك بس لو ما اتخارجت سريع وثيقتك العاجباك دي بتنتهي ونسيت أقول ليك الوثيقة بي قروش كتيرة
والله يقدرك ياعمروبن العاص خير على عمل الخير |
| |
|
|
|
|
|
|
Re: نصائح مفيدة لمن اختاروا الذهاب إلى مصر هر� (Re: محمد محمد قاضي)
|
شكرا ياسر على هذا الفيديو المفيد.... والله يديك الصحة والعافية يا ملك.. والشكر والتقدير والاحترام إلى مروة ومنى لهذه النصائح المفيدة حد جد... وانا اتصلت ببنات خالتي واولاد خالتي ووصلوا القاهرة بعد معاناة شديدة وين هو في شقة.غالية في المهندسين...وقلت ليهم افتحوا موقع سودانيز اونلاين ووصفتهم ليهم بوست ياسر الشريف وعنوان البوست ويسمعوا نصائح مروة ومنى ويطبقوها بالحرف....وهم الآن بيسمعوا... ..وشكرا مروة ومنى والله يديكم الصحة والعافية ...
| |
|
|
|
|
|
|
|