|
كتب الكاتب الفاتح جبرا المتوفرة بمعرض الدوحة
|
|
 Re: مصادر موثوقة : اصابة حميدتي بطلق نارى فى ا� (Re: Yasir Elsharif)
|
سلام واحترام النصرى ودكتور ياسر~
الشعب السودانى دا أحسن شعب
-القاتل البرهان يطلع من البيزمنت - ولا بهمهم ، غير انه القفلة من الشمس مرقته فاتح اللون (شاحب)
-القاتل حميدتى يختفى ،يُقتل، يُهرب لدولة أخرى، كل البيهمهم كذب عزت الماهرى القال مرسله القائد
والقائد لا حس لا نظرة 👿
| |
  
|
|
|
|
|
|
|
 Re: مصادر موثوقة : اصابة حميدتي بطلق نارى فى ا� (Re: النصرى أمين)
|
اهلا هدى ميرغنى..
بداية الحرب كنا نتمنى هزيمة المعسكرين( كيزان من جهة و جنجويد من جهة تانية)
دلوقت المقاييس اختلفت. ، الاولية اليوم هزيمة الجنجويد و دحرهم و سحقهم و طردهم من العاصمة و الأسباب معروفة.
اديك خبر تانى مؤكد
الجنجويد ماسكين بنت الكباشي رهينة لكن ( حسب المصادر ) الزول متصبر يردد الحصة وطن .
| |
|
|
|
|
|
|
|
|
|
Re: مصادر موثوقة : اصابة حميدتي بطلق نارى فى ا� (Re: النصرى أمين)
|
Quote: اهلا هدى ميرغنى..
بداية الحرب كنا نتمنى هزيمة المعسكرين( كيزان من جهة و جنجويد من جهة تانية)
دلوقت المقاييس اختلفت. ، الاولية اليوم هزيمة الجنجويد و دحرهم و سحقهم و طردهم من العاصمة و الأسباب معروفة.
اديك خبر تانى مؤكد
الجنجويد ماسكين بنت الكباشي رهينة لكن ( حسب المصادر ) الزول متصبر يردد الحصة وطن . |
أتفق معاك تماما يا النصرى
الشعب السودانى الجوا السودان عايز الجنجويد يعدم الواحد من الشافوه منهم - الحاصل فى السودان احتلال مؤسف وقذر
#أتفق معاك الجنجويد يعدموا الواحد، ومع من يبقى من الكيزان ثورتنا قايمة
#أما الاحتلال الجنجويدى الراهن يعنى مقاومة المُستعمر القذر جدا فى كل سلوكياته
حيث انه شال كل مساؤى الكيزان وأضافوها الى مساوئهم وجرائمهم التى ليس لها حد ومعروفة فى كل الدول الأفريقية التى تعانى منهم
#الجنجويد يفتشوا فى أفراد الجيش حتى المفصولين والمعاشيين لإبادتهم وكذلك كل شباب السودان متهمين وفى نظرهم مشروع فرد جيش سودانى ويعملوا على إبادتهم
| |
|
|
|
|
|
|
|
|
|
Re: مصادر موثوقة : اصابة حميدتي بطلق نارى فى ا� (Re: Mahjob Abdalla)
|
| Quote: حميدتي كان في المعارك بنفسه |
يعني الحجبات ديك كلها مانفعت ولا جابت نتيجة؟
وفي فيديو منتشر واحدة مشهورة بالاكاذيب حلفت قالت حميدتي كتلو برهان
بالبندقية المعلقها في ضهرو ... ضربو في رقبتو وناسو حاولو ينقذوهو لكن حميدتي
حلف ما ينقذوهوا .. المهم شالو وجروا بيهو عند شيخ (البطاحين) ومات اثناء العملية
طبعا عرفتوها....تلبس لكل مناسبة ثوبا من النفاق
| |
|
|
|
|
|
|
|
|
|
Re: مصادر موثوقة : اصابة حميدتي بطلق نارى فى ا� (Re: حيدر حسن ميرغني)
|
جانيت ماك إلقوت
الزولة دي
مسؤولة سابقة في البيت الأبيض في إدارة بوش
وبالتأكيد لها ارتباط بالدوائر الاستخباراتية
قالت منذ أكثر من شهر لقناة الغد
أن المجرم القاتل الجبان حميدتي مصاب
ولكن مع ذلك إن الأمر ليس مؤكد حسب تقديري
فربما يكون صحيح مصاب
وربما يكون في كامل صحته
وربما مات
هذه السيدة اشتغلت لوبي في واشنطن لنظام الكيزان المجرم
حسب صحيفة لوس أنجلس تايمس
وكان سفير النظام الإنقاذي الكيزاني
مهدي إبراهيم محمد القيادي في الجبهة القومية الإسلامية تبع الترابي
يشيل ويخم من أموال الشعب السوداني ويدفع لجانيت هذه وغيرها
لتحسين صورة السودان وتحسين العلاقة مع أمريكا.
| |
|
|
|
|
|
|
|
|
|
Re: مصادر موثوقة : اصابة حميدتي بطلق نارى فى ا� (Re: حيدر حسن ميرغني)
|
| Quote: و لو كلامى ده طلع غلط اطلب من بكرى يحظرنى خمسين سنة زى ما حظر اوسلى٢ |
سلمات يا النصري
ياخ من موقف قوة قول : الزول دا لو عايش يا دعامة طلّعوه فى لايف
لان المهم هو : ظهوره حياً ..
وبالمناسبة قول ليهم حكاية التسجيلات الصوتية واللقاءات بالصوت فقط فى الفضائيات
ما بتنفع معانا .
| |
|
|
|
|
|
|
|
|
|
Re: مصادر موثوقة : اصابة حميدتي بطلق نارى فى ا� (Re: علاء سيداحمد)
|
مضروب فى الضهر دى معناها اطلق ساقيه للريح هاربا من جحيم المعركة وما جعجعته فى الفضائيات ما هى الا مثل جعجعة أنس ومحمد على الجزولى والزول التانى داك متعدد الوظائف والهويات والمناصب ( محامى + محلل سياسى + رجل دين + اقتصادى ... الخ ) كلهم اول ما شافو وجه الموت يكشر عن انيابه فكو البيرق وكشفوا عوراتهم
ما شافو ودالزين ، وهو ماشى على الدروة ، خاف ان يضربوهو على ظهره ، فمشى متقهقرا يواجههم بوجهه حتى لا يتركهم ان يضربوه على ظهره ابدالا
ما شفتي ود الزين الكان وحيد امو
وماليها كان العين
قالولو ناسك كم ورينا ناسك وين؟ ورينا شان تسلم
العودو خاتي الشق
ما قال وحاتك طق تب ما وقف بين بين لي موتو يتقدم
انا ما بجيب الشين
انا ما بجيب الشين
انا لو سقوني الدم..
عبدالخالق محجوب ، اصر وهو ذاهب الى المشنقة ان يتعطر ويلبس بأتاقة
تم تنفيذ حكم الإعدام فجر الأربعاء 28 يوليو بسجن كوبر اي بعد يوم واحد من اعتقاله،. ذهب عبد الخالق إلى المشنقة مرفوع الرأس شامخا يهتف بحياة السودان وحياة الحزب الشيوعي. أهدى ساعة يده إلى أحد العساكر كهدية منه. وطلب من مدير السجن الذي اشرف علي عملية تنفيذ الحكم تسليم دبلته الفضية إلى أسرته ومعها وصية مكتوبة بخط يده . ولكن لم يتم توصل (الدبلة) أو الوصية المكتوبة، فقد صادرها احد ضباط جهاز الأمن -حسب شهادة إدارة سجن كوبر بعد ذلك-. وقد أفاد مأمور السجن وقتها عثمان عوض الله بأن عبد الخالق ذهب إلى المشنقة بخطى ثابتة وكان أنيق الثياب، لامع الحذاء ، متعطرا ، باسما كعريس ؟ هكذا علق الضابط عثمان عوض الله مأمور سجن كوبر حينها-.
***- حيا عبدالخالق محجوب الشناق الخير مرسال وهو يعتلي سلم المشنقة باسما وقال له ممازحا ( يا زول حبلك دة قوى أنا متين )
ولذلك قال عنه أيمن ابو الشعر
كثيرة مخالب الذئاب
في طريقك الاخير
لكن نقشاً واحداً
لموطئ الاسد
كثيرة مشانق الرعاع
لكن حبلاً واحداً
- أظنه مسْد
سيذكر الجسد
فحين لف عنقك
الأبي وإنزرد
تقطعت عروقه الطويلة
وناء عنك
ثم صاح وارتعب
" إن تشنقوه ...
إن تشنقوه .. كيف تشنق البلد "
لكنه إنعقد
| |
|
|
|
|
|
|
|
|
|
Re: مصادر موثوقة : اصابة حميدتي بطلق نارى فى ا� (Re: اْسامة اْباّرو)
|
| Quote: إمكن الطلقة في نوايطها |
النوايط في الغالب هي في الجوانب السفلى من الجعمبلوط او كما قال.
وبالتالي فإن الطلقة في النوايط تعني ضربة سلاخية ساي.
وورد في تاج العروس أن النيط هو العرق المُعلق به القلب، فإذا انقطع مات.
إذن رماه في نوايطه تعني قد قتله.
muntasir بالتنقليزي ياخي حدد قاموسك😜
| |
|
|
|
|
|
|
|
|
|
Re: مصادر موثوقة : اصابة حميدتي بطلق نارى فى ا� (Re: muntasir)
|
كل شي وارد ـ بس الحاجة الغريبة إنو تغريدة حميدتي بخصوص محادثته المفترضة مع وزير الخارجية السعودية لم ترد في الموقع الرسمي للدعم السريع مع إنو الصفحة غطت زيارات عزت الماهري ليوغندا وكينيا!
عموما وفاته المفترضة لم تؤثر علي نشاطهم علي الأرض ويبدو أنو نظرية هجم النمر ـتقرأ هجم الموت خدمت الدعم السريع فإن بدأت ككذبات متتالية إلا إنها ومن كثرة الإستهلاك لم تصدق حينما هجم الموت حقيقة!
" إفتراضا "
| |
|
|
|
|
|
|
|
|
|
Re: مصادر موثوقة : اصابة حميدتي بطلق نارى فى ا� (Re: كمال عباس)
|
والله يا كمال تحليلك ده (اعمق) مداخلة فى البوست ده ...
امبراطورية آل دقلو اهتمت فى السنوات الاخيرة بتوظيف خير العقول السودانية.
وراء عزت الماهرى خبراء استراتيجيين حقيقين يقدمون المشورة و النصيحة و يقودون السياسة العامة للمليشيا.
الحاجة الوحيدو التى فاجاتهم هى هجوم مليشيات الاسلاميين فى الجيش ليهم و بدايه الحرب.
سياسة تسريب خبر (الموت او الاختفاء التدريجي ) لقائد الجنجويد يساعد كثيرا فى امتصاص صدمة خبر موته وسط جنوده.
| |
|
|
|
|
|
|
|
|
|
Re: مصادر موثوقة : اصابة حميدتي بطلق نارى فى ا� (Re: امتثال عبدالله)
|
Quote: امبراطورية آل دقلو اهتمت فى السنوات الاخيرة بتوظيف خير العقول السودانية.
وراء عزت الماهرى خبراء استراتيجيين حقيقين يقدمون المشورة و النصيحة و يقودون السياسة العامة للمليشيا. |
كل الديكتاتورين بحيطو انفسهم بنوعية "Yes man" و في الزمن ده طالما الواحد هرارو دهب, ما فى زول بقول ليهو ريحته عفنة.
المهم العقول النيرة دى في اغلب الاحيان تفتقد الحكمة "wisdom" و لذلك النتيجة جاءت سريع بالشكل الذى نراه.
| |
|
|
|
|
|
|
|
|
|
Re: مصادر موثوقة : اصابة حميدتي بطلق نارى فى ا� (Re: Mahjob Abdalla)
|
اهلا امتثال
طبعا ليس دفاعا عن الجنجويد لكن دى حرب شرسة مافيها رحمة ؛ لمن الجيش دمر معسكرات الجنجويد حول
العاصمة كان متوقعين شنو ؟
انا لو محل الجنجويد لازم القى مكان اعسكر فيه !!! و مافى خيارات كتيرة
الجنجويد ماعنده حل الا يجدو اماكن بديلة لمعسكراتهم ...
عشان كده فى الحرب لازم المهاجم يفكر فى مآآآلات هجومه ، موش يضرب من طرف .....
اليوم الحصل فيه تدمير المعسكرات انا عرفت انو الجنجويد حيسكنو بيوت الناس ...
| |
|
|
|
|
|
|
|
|
|
Re: مصادر موثوقة : اصابة حميدتي بطلق نارى فى ا� (Re: النصرى أمين)
|
كويس يا النصري
عرفنا انهم احتلوا منازل المواطنين الابرياء بقوة السلاح وفي ناس عذبوهم وطردوهم
بقسوة شديدة لانهم فقدوا معسكراتهم الدمرها الجيش
والسؤال هو : لماذا تحطيم المنزل وسرقة المحتويات وسرقة السيارات واغتصاب النساء
من سكان نفس المنزل الاحتلوهو ...
بس ان شاء الله ما تقول لي عندهم كمان حق في ده؟؟!!!!
هؤلاء يا النصري وحوش وغوغاء وليسوا ببشر ...
والله اسعد يوم في حياة الشعب السوداني حيكون عند مقتل اخر جنجويدي في السودان ...
لقد احالوا حياة الناس الى جحيم وشردوهم واصبحوا لاجئين في دول الجوار يذوقون
الذلة والهوان والجوع والمرض كل يوم ...قاتلهم الله ولعنهم الله في الدنيا والاخرة ..
| |
|
|
|
|
|
|
|
|
|
Re: مصادر موثوقة : اصابة حميدتي بطلق نارى فى ا� (Re: النصرى أمين)
|
أبدا يا محجوب ، العقول التى اقصدها ليست تنفيذية ، هم ليسوا Yes men
القرار عند الجنجويد محصور فى عدد قليل جدا من افراد العائلة المالكة و المقربين.
الاستشاريين الاستراتيجيين المعنين هو رجال رجال يقدموا المشوررة و النصيحة مقابل مبالغ ضخمة و امتيازات.
انا متاكد من اعضاء المنبر من approached من الجنجويد لتجنيده لتقديم خدمات استراتيجية.
اضرب ليك تمثال ....اتجاه الجنجويد لامتلاك البيوت و الأراضي الاستراتيجية و كيفية القيام بذلك تفتكر من نافوخ حميدتي او
او اخوه ؟
هناك من يقدم النصائح ..ناس. من نوع ال. tink tank thinkers
| |
|
|
|
|
|
|
|
|
|
Re: مصادر موثوقة : اصابة حميدتي بطلق نارى فى ا� (Re: Mahjob Abdalla)
|
أسئلة وجيهه جدا يا محجوب ، يلا تعال نفكر معا بصوت عالى .
خليل ابراهيم تم اغتياله بواسطة الجيش بارشادات جواسيس داخل تنظيم العدل و المساواة .
العدل و المساواة حركة (مقطعة) مقارنة بالدعم السريع ..مخترقة جدا من الحركة الإسلامية لانها اساسا حركة إسلامية.
يعنى باختصار الجيش عنده عملاء و جواسيس داخل الحركة ...
بالنسبة للدعم السريع ، العكس هو الحاصل ، الجيش هو المقطع و مبهدل و الدعم السريع ليه عملاء و جواسيس داخل
الجيش و ليس العكس ...
اغتيال خليل بمساعدة عملاء الجيش داخل الدعم اما اصابة حميدتي لا اعتقد انها تمت بمساعدة دول خارجية او حتى جواسيس للجيش
داخل الدعم
| |
|
|
|
|
|
|
|
|
|
Re: مصادر موثوقة : اصابة حميدتي بطلق نارى فى ا� (Re: النصرى أمين)
|
بالنسبة لتاريخ تعيين مالك عقار و اصابة حميدتي !!! ما عارف والله ...
خبر اصابة حميدتي وصلنى بعد فترة طويلة من الحدث و ماعارف بالظبط الرابط بين الاثنين...
لكن برضه الجيش غير متاكد من وفاة حميدتي ؛ الجيش متاكد من اصابة حميدتي اصابة بالغة ، نتائج الاصابة دى غير
معروفة ، احتمال عملية جراحيه يقوم يفرفر
| |
|
|
|
|
|
|
|
|
|
Re: مصادر موثوقة : اصابة حميدتي بطلق نارى فى ا� (Re: هدى ميرغنى)
|
لأول مرة أتدخل في عنقاء مقتل حميدتي ومحياه
المشروع الهدام الذي استمر لأكثر من ثلاثة شهور لا يدرك من كنهه حميدتي واتباعه شيئا
هذا مشروع فوق طاقة حميدتي ويدار خارجيا بأرجوزات محلية
حميدتي مجرد أراجوز
هل مات محرك الأراجوز؟؟؟
أما هذا المشروع الغازي الخارجي يجب استئصاله كليا !
| |
|
|
|
|
|
|
| |
Yasir Elsharif
هدى ميرغنى
Biraima M Adam
Mahjob Abdalla
Arif Nashed
Ahmed Yassin
حيدر حسن ميرغني
علاء سيداحمد
wadalzain
Hafiz Bashir
كمال عباس
ترهاقا
آدم صيام
فيس بوك
تويتر
انستقرام
يوتيوب
بنتيريست