|
|
|
 Re: الهامش والمركز (Re: أبوبكر عباس)
|
قرأت لهاشم الحسن بالفيسبوك:
يقال إنو عبد الرحمن الداخل في رحلة هروبه من العباسيين قاصداً الأندلس،
سأله رفيقه في الهروب وهم بعد بشمال أفريقية؛
الخطة شنو يا أمير؟
قال ليهو الخطة في هذه اللحظة أن نبقى أحياء
| |
 
|
|
|
|
|
|
|
|
Re: الهامش والمركز (Re: أبوبكر عباس)
|
الصراع أصلاً سببه الفقر وهو صراع موارد،
صعب تقوم دولة في هذه الجغرافيا الفقيرة جداً والمحاطة بجيوش من الفقراء،
زمان كتبت بسودانيات؛
هب قامت تنمية في وادي النيل بالسودان،
سوف تكون هناك عليها هجمة قوية من جيوش فقراء أفريقيا
| |
|
|
|
|
|
|
|
|
|
Re: الهامش والمركز (Re: أبوبكر عباس)
|
والله حاتم اليأس ما عنده موضوع بنكلة..
ولقب فيلسوف دا ياهو زاتو عطاء من لايملك لمن لا يستحق .. أو عطاء مستنير الغفلة لفيلسوف الفيسبوك .. ولله في خلقه شئون..
بعدين الصحيح يقول انه غلاة موضوع الهوية والزنوجة والافريقانية أعلنوا وقالوا انهم واقفين على الحيــاد في هذا الامر وصرحوا بأنهم مع لا للحرب..
وهذا موقف اغلب او كل حركات دارفور ..
لكن لانه وعندما كان المركز العروبي يستخدم الهامش العربي لضرب اصحاب المظلمة التاريخية من الهوامش الاخرى كان الفيلسوف يستمتع بحسنات المركز ويتكئ على وسائد هوامشه الثقافية مثله ومثل الملاسي..
فآن لهم الآن الهتاف زي ودالباوقة كععععع كرررع الكع..
الخرتوم دي ما جاب ليها الهواء الا ناس ماعارف مركز شنو للثقافة وليالي ايه للأغاني الأمدرمانية
بلد كلها مراكز وندوات وقونات وبالنهار ستات شاي
| |
|
|
|
|
|
|
|
|
|
Re: الهامش والمركز (Re: أبوبكر عباس)
|
Quote: لانه وعندما كان المركز العروبي يستخدم الهامش العربي لضرب اصحاب المظلمة التاريخية من الهوامش الاخرى كان الفيلسوف يستمتع بحسنات المركز ويتكئ على وسائد هوامشه الثقافية مثله ومثل الملاسي..
فآن لهم الآن الهتاف زي ودالباوقة كععععع كرررع الكع..
...
الخرتوم دي ما جاب ليها الهواء الا ناس ماعارف مركز شنو للثقافة وليالي ايه للأغاني الأمدرمانية
بلد كلها مراكز وندوات وقونات وبالنهار ستات شاي |
بس ياهو ..
علشان كدا الخرتوم جابت لينا القحاطة الغطسوا حجر البلد زيادة ماهو غاطس.
....
لاحظت يا حيضر نفس الفياقة والرواقة دي كانت حاصلة على المنصة الرئيسية لميدان الاعتصام...حفلاتهم كانت قااااجة والناس بتموت؟!!
وعلى مرمى حجر من المنصة يتكئ أيضا الجنجاويد على تاتشراتهم.بمزاااج يشربوا شاييهم على أنغام مكبرات الصوت وهي تصدح بأغاني مثل ( ديل جنجويد..جنجويد رباطة )...ههههه
...
لدرجة الأيام ديك أتذكر واحد كتب على فيسبوك مستغربا أنه شاهد سربا من الدعامة على تاتشراتهم جو مارين بشارع المطار وهم يهتفون بنفس هتافات الثوار ..
.
وقال يقولوا ليك الجنجاويد جهلة وهمج ومغفلين ..وشنو داك
والله أهلي ديل مافي زول يقدر يقرأ مودهم زيي ...لو زعلانين ما بتعرفهم زعلانين..ولو فرحانين برضه ما بتعرف..
| |
|
|
|
|
|
|
|
|
Re: الهامش والمركز (Re: AMNA MUKHTAR)
|
الملاحظ أن النخب من الهامش التقت وتصافت مع نخب المركز وأبرموا عقود الأعمال ودخلوا في شراكات
وعلاقات تجارية ..وصاروا بعيدين عن مرابع الهامش وضواحيه وحتى حواضره....
وذلك يتوافق مع رؤية بيتر غرانت ذي الخلفية الماركسية القديمة الذي قال ما معناه أن الأغنياء يتحالفون، وهم
الذين يتسببون في التغيير (الاقتصادي والاجتماعي)..
لذلك كنت نشرت بوست قبل عدة أيام بما معناه هل تحل مقاربة "صعود الأغنياء /أصحاب النفوذ" مقاربة المركز والهامش؟.
وقلت أن رؤية المركز والهامش تبدو وصفية أكثر منها ديناميكية تتضمن الديناميات...عكس رؤية صعود الأغنياء..
| |
|
|
|
|
|
|
|
|
|
Re: الهامش والمركز (Re: محمد عبد الله الحسين)
|
| Quote: وضح يا بريمة، إنو قصّة مركز وهامش عند المثقفين كانت فزاعة ساكت، |
بالضبط كده .. فزاعة لا تقف على قدمين.
اي افكار ما بتساهم في تغيير نمط الثقافة السائدة ، ابدا ما بتغير مسار التاريخ ولا بتجيب نتيجة ، اللهم إلا مجرد كلام نظري فارغ المحتوى
قضايانا الاقتصادية او السياسية او الاجتماعية محصلة منطقية لطبيعة الثقافة السائدة دي
| |
|
|
|
|
|
|
|
|
|
Re: الهامش والمركز (Re: أبوبكر عباس)
|
| Quote: لاحظت أنو أكثر غلاة موضوع الهوية والزنوجة والافريقانية واقفين الف أحمر مع الجيش |
لم ألاحظ ذلك ولكن !!!!
فاعلية اي تحليل مادي, تاريخي او ثقافي دايما بتكون محفوظة INTACTED طالما التزمت التوصيفات الحقيقية وامتلك القدرة على استبعاد مدخلات التفكير الرغبوي ..
ليه نحنا مصرين انو منهج التحليل يكون واحد؟
هل ده عندو علاقة بالدين ؟
| |
|
|
|
|
|
|
| |
أبوبكر عباس
Biraima M Adam
HAIDER ALZAIN
محمد عبد الله الحسين
حيدر حسن ميرغني
محمد حيدر المشرف
Deng
فيس بوك
تويتر
انستقرام
يوتيوب
بنتيريست