|
|
|
 Re: مذبحة جديدة لمليشيا الدعم السريع (Re: عمر التاج)
|
| Quote: Quote: ربِ ارنا فيهم آياتك …هم ومن حرصّهم وجهزهم وقادهم |
وجعلهم يرفعون التمام والتحية العسكرية لفريق الخلا، وهم صاغرون
ما بيقدروا يسموا الأشياء بأسمائها، هكذا هم الكيزان اللف والدوران
الفيل أمامه ويطعن في ضله خخخخخخخخ
| |
 
|
|
|
|
|
|
|
 Re: مذبحة جديدة لمليشيا الدعم السريع (Re: Deng)
|
| Quote: عمر التاج يدعو على نفسه و شيعته |
عقلك غير مؤهل عشان يفهم ويستوعب كلامي يا جلالدونا
ورغم كده بكرره لعزيزي القارئ ..
انا ماعندي شيعة ، وماعندي جماعة خايف عليها
عشان كده اي زول مارس سلطة أو منصب أو وظيفة عامة و أخطأ يستحق المحاسبة ، وفقا للقانون .
وأي مرتكب جريمة عليه لعنة الله والملائكة والناس أجمعين ..
وعلى ذلك تعال حاسب وادعو على الناس فردا لا حزبا ..
لان كل يأتيه يوم القيامة فردا
عمر البشير ما هو أول من عمل مليشيا عسكرية في السودان
ورغم كده انا طالبت في المنبر ده ان على حكومة الثورة ان تبدأ بتطبيق العدالة بالرئيس الأسبق ..
وقلت قبل حوالي ٤ سنوات ان في سجل المخلوع جريمتين يستحق عليهما الإعدام..
فصل الجنوب ، وإنشاء مليشيا الجنجويد ..
الكلام ده قلناه لما كان القحاته بيتصارعوا على السلطة ويدوسوا في الكيزان
طيب الحصل شنو ؟
سنتين قحاته١ + سنتين قحاته٢
والبشير ما اتحاكم ولا العدالة أنجزت
طيب في داعي تتكلم عنها الان ؟
نعم عمر التاج يدعو وسيدعو وسيعمل على دعم العدالة حتى ولو كانت على نفسه
وسيدعم الجيش الذي يحمي البلاد والعباد حتى ولو كان فيه الحلو أو على رأسه حميدتي ..
وقع ليكم ولا عايزين شرح زيادة؟
..
..
احمد يس ول منو البستشهد بكلام المتمرد عبد الواحد ؟
لا كمان يا اخي ماللدرجة دي.
| |
|
|
|
|
|
|
|
|
|
Re: مذبحة جديدة لمليشيا الدعم السريع (Re: عمر التاج)
|
| Quote: عقلك غير مؤهل عشان يفهم ويستوعب كلامي يا جلالدونا |
التأهيل البعرفو هو اختيار الموقف الصحيح و الثبات عليه
في سيرة حميدتي اتمنيتو يوم رئيس
و اليوم بتحارب فيهو و بتدعو الناس تقيف معاك
و الما وقف معاك عميل و خاين
حسب ما املك من تأهيل يقول ان الحرب دي احج طرفيها كوز و العياذ بالله
| |
|
|
|
|
|
|
|
|
|
Re: مذبحة جديدة لمليشيا الدعم السريع (Re: جلالدونا)
|
باقي مداخلتك يا عمر
موقفك ده حسب قناعاتك
لكن ماب تديك الحق فى وصف مخالفيك بالعمالة
ف شنو
الحرب اطلق طلقتها كوز و باعتراف منشور في الاسافير
الحرب دعا و جيّش لها كوز و افطارات رمضان
و مخاطبات انس و النادي و الجزولي منشورة في الاسافير
معقولة اير الناس تحارب و تشارك مع الكوز
اجيك للجيش
جيش مارس اسوأ اصناف الحروب ضد الانسانية
في الجنوب و دارفور و دنوب كردفان و النيل الازرق
جيش ادار ظهرو للمعتصمين بقيادته و لم بقدّم لهم حتى الحماية
بل شارك في التخطيط و التنفيذ
فيديو الكباشي الشهير ب ..... حدس ما حدس .... قاعد
تقديري لو مسألة الحكم بقت بين خيارين فقط
يا يحكمنا الكوز يا الجنجويد خياري يحكمنا الجنجويد
فتاريخ الكوز يقول
مارس انتهاك جرمة البيوت
مارس القتل و التعذيب و اغتصاب الرجال في بيوت الاشباح
ياخي حتي الاغتصاب ليهو مسمّى وديفيي عديل كده
راجع وقائع محاكمة قتلة الشهيد الاستاذ احمد الخيرمع انه اسلامي جناح الشعبي
معسكر العيلفون
قناصة المظاهرات و الطرف التالت ,,, هيئة العمليات ...
داير الناس تنسى كل ده و تبقى جنود في حرب الكوز
معقولة دي يا عمر
| |
|
|
|
|
|
|
|
|
|
Re: مذبحة جديدة لمليشيا الدعم السريع (Re: جلالدونا)
|
سبحانه امون رع!!!
زواحفي، ظلامي، نازي، قبلي، ابارثيدي، او بعد ده يسوي "عقللك" او "بغلك" وما اليه!!
هلعك ده، صراخك ده، العمر ده كلو ولقرابة نصف قرن، كان وين؟
اشمعنا الان تسوي كمان "دعم" ياللنكتة، تفضح في روحك، باعتبارك المنتج، مش جنجويد، وهل ده صدفة؟
الجنجويد اذا صنعتو انتا، اوجدتو انتا، او صممتو انتا ياشيطان الجرة، عشان يسوي البسووي فيهو ده، منذ قرابة ربع قرن، فالمشكلة وين، ومن المسؤول؟
الاداة ام مصمم الاداة؟
كيف يالعنز كريت، السويتو في القرض، ظهر في جلدك، جاي كمان تصرخ هنا او تهاجم فينا بلا خجل، او من دون ماترمش؟
لو كانو بردموك بما تستاهل، كما كتار زيك، ما كان عتبتا هنا اطلاقا!!!
يالهوانا، بحق!!!
| |
|
|
|
|
|
|
|
|
Re: مذبحة جديدة لمليشيا الدعم السريع (Re: Bashasha)
|
| Quote: وسيدعم الجيش الذي يحمي البلاد والعباد |
لازال يسوي "جيش" لي مليشيا عملاء مخابرات الخديوية، معلميه!!
جيش وين، منو، شنو، البقصف في المستشفيات، من بعد الابادة والتشريد للملايين، للفوذ بالغلمان، حتي لوكانو "حفظة قران"؟
جيش وين، منو، شنو، المتحكمين فيهو امثالك؟
جيش وين، منو، شنو، المكوش علي اكثر من 80% من اقتصاد البلد، تحت التربيزة او يشحن منتجاتنا لاحفاد الغزاة، بلوشي، نعم بي عملة مزورة؟
جيش وين، منو، شنو، اللي الان واللحظة بتوسل لمخدمو، نعم خديوي الترك، عشان يجو او يقصفو بالطائرات ابناء وبنات شعبه "افتراضا"؟
هي مليشيا خاصة باقلية الجلابة حصريا من 56م، والسلام، دعك من الان، او مش "جيش" يا مهووس!!!
| |
|
|
|
|
|
|
|
|
|
Re: مذبحة جديدة لمليشيا الدعم السريع (Re: Bashasha)
|
Quote: خاص – الراكوبة
علمت (الراكوبة) ان اتصالات تجري في ليبيا لدخول تنظيم (داعش) الارهابي الحرب في السودان.
وقال مصدر سوداني موثوق لدى (الراكوبة) في ليبيا، ان الاتصالات تمت بواسطة عناصر أمنية سودانية تابعة للقنصلية السودانية في طرابلس.
وقال المصدر لـ(الراكوبة) ان الاتصالات تمت عبر وسيط سوداني مقيم في مدينة (سرت)، تربطه علاقات تنظيمية وتجارية بعناصر التنظيم الارهابي هناك.
وأضاف المصدر ان الاتصالات تهدف إلى تسهيل إدخال التنظيم الارهابي في الصراع المسلح بالسودان، للحرب ضد الدعم السريع بعد الهزائم العسكرية المتكررة لقوات الجيش في الخرطوم.
وكشف بأن الاتصالات تم فيها مناقشة استهداف الدعم السريع للتنظيمات الاسلامية في السودان، وخصوصا (داعش) التي اعتقل أميرها في السودان الشهر الماضي.
وتوقع المصدر دخول (داعش) الحرب بجانب الجيش السوداني الذي تسيطر على قيادته الحركة الاسلامية السودانية، مرجحًا ان تشهد المرحلة المقبلة تطورات في الحرب قد تصل إلى حدوث تفجيرات وعمليات انتحارية ضد أهداف وقوات تابعة للدعم السريع في الخرطوم.
وأكد المصدر ان المجموعة السودانية التابعة للقنصلية السودانية التي بدأت الاتصال مع (داعش) تتكون من (3) ضباط ينتمون للحركة الاسلامية السودانية اثنان منهم يتبعون لجهاز الامن السوداني فيما يتبع الثالث للاستخبارات العسكرية.
جدير بالذكر ان قوات الدعم السريع تعتقل ومنذ 18 مايو الماضي، محمد علي الجزولي، وقد ظهر عقب اسبوع من اعتقاله في مقطع فيديو، معرفًا نفسه برئيس التيار الاسلامي العريض، قائلًا في مقطع الفيديو: (كنت منتميًا لتنظيم (داعش) منذ عهد أبوبكر البغدادي وحتى الآن) |
| |
|
|
|
|
|
|
|
|
|
Re: مذبحة جديدة لمليشيا الدعم السريع (Re: جلالدونا)
|
جمعة مباركة ..
الوضع الآن هدوء حذر يسبق العاصفة
نستغل الهدوء في ردود سريعة
Quote: التأهيل البعرفو هو اختيار الموقف الصحيح و الثبات عليه
في سيرة حميدتي اتمنيتو يوم رئيس
و اليوم بتحارب فيهو و بتدعو الناس تقيف معاك
و الما وقف معاك عميل و خاين
حسب ما املك من تأهيل يقول ان الحرب دي احج طرفيها كوز و العياذ بالله |
ياحليلك ياجلال، لوثة اليسار إصابتك وبقيت مابتفرق حتى بين المواقف
الموقف الصحيح وفي ظروف الحرب ياجلال..
انه اي مواطن ينسى كل خلافاته السياسية ويقف مع جيشه
لأنه بدون جيش مافي وطن، مافي امان، مافي سياسة تاني
الاصطفاف والكراهية الاشعلتوها بعد الثورة دي قلنا ليكم بتحول البلد لسوريا والعراق وانتم ماكنتم مصدقين
واسه لو ما اتوحدتم خلف الجيش السوداني فان الوضع حايمشي للأسوأ...
الجيش ده فيه مشاكل وفيه كيزان وفيه البرهان وفيه سجم الرماد ..
لكن بالمقابل فيه ابطال اشاوس يداومون غزو الجنجويد
وهو الجهة الوحيدة الان المعقود عليها الامل انها تعيد الأمن والاستقرار لوطن يفكر فيه جلالدونا ممارسة طقوس السياسة
اليوم السودان في محنة، والخرطوم تجتاحها مليشيا نصفها من خارج السودان، والبلد في حالة حرب لا تستني احد ..
الاسر التي تشردت ونهبت ممتلكاتي واغتصبت بناتها ليست اسر كيزان
والبلد التي دمرت بنيتها كما لم تدمر من قبل ليست ملكا للكيزان
والجيش الذي يصد هجوم الخرطوم ويرتكز في الولايات ويحارب في الشرق والغرب ليس ملكا للكيزان
ولكن من الطبيعي ان يكون فيه كيزان لان الكيزان كتلة سودانية معترف بها وتخاف الكتل الأخرى اغلبيتها
لدرجة ان قحت رفضت الحديث عن الانتخابات عندما كانت في السلطة لأنها على حسب زعمهم بتجيب الكيزان..
ورغم كده كله الان مامهم يا جلال ..
المهم الآن لو انت ماوقفت مع الجيش في محنة البلد دي فأنت واحد من ثلاثة:
أما انك واقف مع الدعم السريع وتتمنى انه يمسك البلد ويجيب ليك الديمقراطية، وفي الحالة دي انت متمرد مثلهم..لاغير.
او عندك جيش بديل ممكن يوقف تمدد الدعم السريع، وفي الحالة دي مرحبا بك وبحيشك، قدمه للخطوط الامامية وستجد منا الدعم..
الخيار الثالث انك عميل ومدفوع ليك عشان تخرب بلدك أو تعيش آمن في بلد غيره .. ودي حالة اغلب العملاء الذين يصفون الجيش بالخيانة والعمالة ..
وديل ماعندهم حل غير يتفرجوا قدام الشعب عشان يعرف قيمتهم الوطنية ..
الجيش بموت في الحرب نيابة عن المواطن وانت تجتر ذكريات خائبة مع الكيزان وتبرر لي كلامك باقوال أسرى انت عارف كلامهم لما اتكلموا بارادتهم.
ولعلمك .. الشعب السوداني واقف مع الجيش ده لانه عارف البديل ..
تاريخ السودان منذ الاستقلال ماحصل فيه انتهاكات وتدمير زي الحصل في الحرب دي
واذا سقط الجيش لاقدر الله ، ستشهد انت وأهلك وقبيلتك وبلدك مالا يخطر على بالك
والشهري ديل مجرد عينة مصغرة شهدها كل مواطن .. قبل أن يتمكن الجنجوبد وتدخل داعش وبوكو ويظهر لك الكيزان الجد جد.
| |
|
|
|
|
|
|
|
|
|
Re: مذبحة جديدة لمليشيا الدعم السريع (Re: عمر التاج)
|
| Quote: لازال يسوي "جيش" لي مليشيا عملاء مخابرات الخديوية، معلميه!! |
شوف المرضان ده كمان غير مخابرات الخديوي ما شايف حاجة في السودان
بلد داخله فيها جيوش سبعة دول ومخابرات عشرين دولة وهو ما شايف غير الخديوي
والله ما في خديوي الا في مخك الصغير ده ..
زعماء معارضة في دول جوار يظهروا صورة وصوت في معارك الخرطوم والباشا المقشاشا ما معترض الا على الجيش ..
غزو تتار من كل بدو أفريقيا والمقشاشا ده ما شايف الا مشاكل جيشه الكان هو سبب في حصاره ٣٤ سنة ..
مؤسسات دولة كاملة بتتدمر وتنهار والمقشاشا ماشايف مشكلة الا في وجود الخديوي في الجيش
يا اخ نفترض الجيش ده كل خديويين وكيزان .. وهو الواقف الآن في ساحة المعركة ضد الجنجويد
نحن برضه حانقيف معاه وندعمه حتى آخر نفس..
| |
|
|
|
|
|
|
|
|
|
Re: مذبحة جديدة لمليشيا الدعم السريع (Re: عمر التاج)
|
اي زول عاش في الحرب دي أو عنده زول كان في الخرطوم حايعرف انه الحرب ما ضد الجيش ولا ضد حزب سياسي أو جهة أو تنظيم ..
الجنجويد دمروا مؤسسات الدولة لا مؤسسات الكيزان، ولو كان العاملين في كل الوزارات والشركات والمصانع والبنوك واقسام الشرطة والمحاكم ودور الاحزاب هم كيزان فعلى البقية السلام ..
الجنجويد نهبوا المنازل واحتلوا مناطق سكنية باكملها مثل توتي، حاصروها ومنعوا اهلها حتى من الخروج او الدخول،
ولو كانت كل بيوت الخرطوم وبحري وامدرمان كيزان فإن الحرب فعلا حربهم ..
الجنجويد احتلوا المستشفيات وطردوا المرضى حتى من عنابر العناية الفائقة .. وفهل كان هؤلاء مرضى كيزان ؟
الجنجويد اغتصبوا البنات والنساء امام اسرهم وطردوهم بدمائهم ودموعهم .. فهل كانت حربهم فعلا ضد الكيزان؟
هؤلاء الأعراب هم اشد كفرا ونفاقا واجدر الا يعرفوا حرمات الناس وقدسية الأوطان ولذلك فإن حربهم على الجميع ودمارهم دمار من لا يخشى الا الموت على نفسه .. غير ذلك فلا يهمهم ان تدك الخرطوم أو تسوى تراب بلد لاتهمهم الا غنائمها.
| |
|
|
|
|
|
|
| |
عمر التاج
Biraima M Adam
حيدر حسن ميرغني
Hafiz Bashir
محمد محمد قاضي
Ahmed Yassin
جلالدونا
محمود الدقم
Deng
Bashasha
فيس بوك
تويتر
انستقرام
يوتيوب
بنتيريست