السلام عليكم ورحمة الله وبركاته الإخوه الأفاضل انا افتكر انو الناس الان بتلوم في انو الشقق بقيت عاليه جدا في القاهره والعيب فينا نحن لانو نحن عايزين نسكن في. احياء معينه مثال الفيصل مدينتي الرحاب والمهندسين طيب مافي مدن رخيصه جدا جدا مثال مدينه بدر والعاشر من رمضان واكتوبر وعشرات المدن الجمليه وكل الخدمات موجوده ومتوفره وانت ليه لازم تكون في محل كلوا زحمه بالسودانيين وفي كل وقت العذر انو عايز اكون جنب ناس فلان وعلان والناس ديل ممكن توصل ليهم في اي وقت والموصلات متوفره علي مدار الساعه في اي وقت ونحن اغلب الناس في الاساس ممكن يكون ماعندها شغل ولا شي ترتبط بيهو عشان تحدد مكان اقامتك بمكان معين بالعكس الكثير من المدن التي ذكرتها ليكم دي فيها فرص عمل كبيره جدا جدا وممكن الناس تشتغل في المصانع وحتي ممكن ايجاد فرص عمل ووظيفه لانو مهما يكون عندك قروش وقاعد تصرف وماعندك دخل سوف تكمل القروش وبعد كده تبدا في مشكله الدين والبحث عن عمل والبحث عن قروش عشان تمشي الحال عليه من الاول ابتعد عن ايجار شقه مفروشه وافرش براك حتي في مدينتي مثال الان الشقق المفروشة ثلاث غرف حصلت 50 الف و 30 الف و. 20 الف جنيه مصري انت ممكن اجد غير مفروش بجوالي 7500 جنيه مصري وتفرش براك وطبعا ما معروف متي تنتهي الامور والحرب العبثية ان شاء الله تعالي ولكن خلي بالك انو. تعمل كنترول علي القروش العندك ابتعد من الاكل الجاهز ابتعد عن التاكسي خليك في الموصلات العامه وحاول لو عندك مريض تشوف المستشفيات والعيادات الخيريه وحاول بقدر المستطاع ان تعرف كيف تدبر. امورك اشتري السلع والخضار والفواكه من الاسواق المتخصصه مش من السوبر ماركت لانو الاسعار فيها فرق كبير جدا جدا اهتم بمظهرك وبطريقه كلامك مع الناس بطل انتقاد الناس حاول تستفيد من زمنك في الدخول في برنامج او كورسات تعليميه في مختلف التخصصات حاول تشوف كيف تعمل الاسره برنامج ترفهييه حاول تعكس الاشياء الجملة عنك وعن الوطن حاول تتعرف علي الاسر والناس السودانيه من جاو الي مصر 🇪🇬 ومن يعيشون هنا عشان نقدر نغير المفهوم الخاطي عن انطباع انو كل العايشين في مصر 🇪🇬 من السودانين نصابين وبتاعين لف ودوران لانو الان ممكن تكون انت زول كويس جدا جدا ومحترم جدا جدا وعايز اساعد الناس ولكن الناس تخاف منك لانو اتعودت علي. انو تسمع انو كل الناس السودانين في مصر 🇪🇬 ناس نصابين وحراميه وطبعا العطاله وعدم الشغل وعدم المسئوليه خلي هناك حالات كبيره وكثيره. ان الناس تكون في وضع مش حلو. وبدات وكانت هناك حالات من عدم المصداقية في التعامل الكلام كتير من السلبيات التي نحن فيها الان ولكن هناك بعض الايجابيات برضو. واسال الله ان تنتهي الحرب قريبا ونبدا في مرحله بناء الناس والاخلاق الحميدة وغرس القيم الانسانية والاجتماعية والثقافية والاجتماعية والاقتصادية والثقافية في الناس لان الحرب قد اظهرت لنا الكثير من الحاجات الكعبه فينا ونحن ماعارفين مثال الجشع وتجار الحروب وسوء المعاملة والفهم والاخلاق آلتي وصلت بنا الي هذا الحال المائل والله والي التوفيق
مع تحياتى مصطفى نور
06-04-2023, 05:43 AM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 10746
الحبيب مصطفى نور .. تحياتي يا جميل دائما قلبك على الوطن وابناء الوطن شكرا كثير على النصائح القيمة الحبيب مصطفى النور نحن دائما عندنا اشياء غريبة وأنا لا استثني نفسي .. هنا في مدينة في السعودية نجلس بالعشرات في المقاهي ( جبنة وونسة ) الجنسيات الاخرى وخاصة العمال وغيرهم يسعون الى الكسب طوال الوقت .. أذكر قبل سنوات انتشرت صور للسودانيين في قهوة كسلا المشهورة في الحارة التي تم هدمها الآن .. وربط اسم كسلا الحبيبة بكسل السودانيين وعدم الانتاج نحن نحب الدخل الساهل (سمسرة وعمولات واسطة تجدها عند مكاتب الشحن وتحويل العملة والمدارس السودانية) المصريين ما شاء الله كهرباء وسباكة وبناء ( خاصة السباكة دخلها عالي أقل مهمة 100 الى 200ريال) وفي فترة ساعة أو ساعتين (اعلى من دخل مدير تنفيذي ) أنا جربت عدة مرات عندي في الشقة حتى بعد الصلاة في المسجد نتجمع ربما هي عادة محببة عندنا كنوع من التواصل والود ولكن بالنسبة الآخرين مختلف المشكلة الثانية عدم الاهتمام بالخصوصية ، الزملاء في العمل حتى من الجنسيات الاخرى يعرفوا كل شيء عن السوداني عدد الاولاد وربما الرصيد في البنك ومشاكله .. احياناً نتحدث مع بعضنا دون الانتباه للطرف الثالث المستمع ونتبادل مع بعضنا أدق الاسرار
تحياتي الحبيب مصطفى نور .. اسعدك الله وانت تنير الطريق للاخرين
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
مصطفى نور
Ali Alkanzi
علي عبدالوهاب عثمان
فيس بوك
تويتر
انستقرام
يوتيوب
بنتيريست