π مبكيات مضحكات من قلب ساحات الوغى£

∆ لقيتو واقف منتظر »جنب مستشفي سوبا
شارع مدني، داير يجي على معرض جياد .. وقفتلو تاتشر
بتاعة دم صريع قالولو : « يا بني اركب معنا» نوصلك، قاللهم
شكرن جزيلن كتر خيركن... قالولو: ياخ اركب ساي ، ما تلاوز
مننا نحنا نوايانا سليمة و حربنا نزيهة من أجل الديمو/ ضراطية،
«حرية سلاح و عطالة» و ترا جنس الكلام االخارم بارنك دا!
قاللهم انا ما ملاوز منكم انتو يا همج ، خسوسن بعدما بقيت
تزاحمو الدايات في عنابر الولادة، علا خايف من تيارة دا
بقوم..و يرقصوكم القيد حرن و گمبلة و مردوم!
مهداة لود اللمير ، بضاعتكم ردت إليكم!

∆ فضحك الدعاعيم حتى بانت نواجذهم ،
و فقعت التاتشراية ضحكتن مجلجلتن لامن ارتعدت لها
فرائصها، ثم ضحك الخايف من التيارة، و ضحكتا انا زاتي🤣
فا شنو، «اضحكو زاتكن انتو يا الحلوين.. نجيكم نحنا بالأعذار
.. فىاسات تسأل النوار.. و خض قولنا عند اللقيا للسمحين
تقيف تحتار» زاتك ياااخ ،فمن البليلة ما يضحكك حتى
يسيل لعابك 🤣🤣 ثم يجهشك البكاء!! 😀😀

∆ مغترب ضرب للوالدة قالاها:
ما مسافرين قالتلو: قوم لف بالله، ليه و
نسافر وين زاتو ؟! ثم زول حضر المباراة
كلها ، فكيف يعني يفوت نفض المهزوم
بي ضربات الجزاء القاضي!!
😂😂😂😂😂

بمناسبة انو البرهان طلع لونو فاتح من البدروم
واحدة عاملة خبيرة قالت مش قلت ليكن الحبسة
بتفتح اللون افضل من الكريمات مليون مرة 👩🏽👩🏼
ردت عليها واحدة قالت ما بنصدق كلامك دا
الا نشوف شمش الدين الكضباشي 👩🏿
😂😂😂😂😂

😂😂😂😂😂💔😂😂😂😂
استاذ تربية إسلامية 🌝💔🙉
نقلوهو لي مدرسة 🏫كلها مساطيل 🥴🙊🐸😂💔
في اول حصة سأل تلميذا وقال ليهو🙄
:-من قتل حمزة.. ـ؟؟ :-*
التلميذ........ 👨. ما انا والله 😨🥴
والبعدو قال👨🏼. والله م شفتوو 😕🤧💔
والبعدو قال 👨🏻. والله امبارح كنت غايب🙂✊💔
.
الاستاذ. جاب مدير المدرسة 🏫🤔
والمدير سأل الطلاب نفسي السؤال 🌝
والطلاب جاوبو.. بي نفسي الجوابات 😂
قام المدير سحب اللستاذ على جنبة كده 😊
وقاللو اسمعني نا يا زول با وهم
انت متاكد انو صحي #الكااتل_في الفصل_ده🥴🐸💔😂

😂😂😂😂
وهسي انت البتقراء في البوست ده السؤال موجه لييك🐸💔
منو الشفت الكتل حميرتي ود أم دغلوب؟الجواب بعدين الهصة« وتن»
😕🥴😂🐸✊💔💃🌝😂😂🤺🤺.
.🤣🤣🤣🤣🤣🤣🤣🤣🤣🤣🤣🤣🤣🤣
🤣🤣🤣🤣🤣🤣🤣🤣🤣🤣🤣🤣🤣
🤣🤣🤣🤣🤣🤣🤣🤣🤣🤣🤣🤣
🤣🤣🤣🤣🤣🤣🤣🤣🤣🤣🤣
🤣🤣🤣🤣🤣🤣🤣🤣🤣🤣
🤣🤣🤣🤣🤣🤣🤣🤣🤣
🤣🤣🤣🤣🤣🤣🤣🤣
🤣🤣🤣🤣🤣🤣🤣
🤣🤣
#و النار ولعت؟ #🔥🔥
🤣🤣🤣🤣🤣🤣🤣🤣🤣😂😂😂😂😂😂😂😂😂😂😂😂😂

تعظيمات سلامات كوتارات يا عمو كنزي،
معليس طلبت مني نكتة حسين خوجلي ، علا لاكين
ما بخجل ..ولَّااااي بخجيل ، ببدلا ليك بواحدة تانية طاعمة.
▪ فقاللوك زو ل مدني داك يا واري اللَّو، يا حمدكة، حمزكة ويا
يا جاغوم أب لِبَد يا أب كوكا، ناس أهل العوض ياب(كوكة)!!
تعالو هناك نسمعو دا و نخلو داك : يوم الكعة حوالي الساعة 10
و شيء صباحن ، إذا بأذان الضهر انطلق ليُشنِّف آذانَنا و صادحا
بالغناء " مرمد رمدان دقلو جاب البلا و زقلو" منعبثاً من فوهة مدفع
"قدوم عفِن" من جامعنا الجديد جنبنا. فهُرِعنا متأبطين مصلاياتنا و ممتشقين
عكاكيزنا بالحتة المضببة بالحديدة،،و زهبنا زرافاتٍ و وحداناً أعمانا شايل
المكسر،لا نلوي على شيءٍ ؛ إلى أن وصلنا لنجد أبواب الجامع مؤصدةً
و مغلفةً تمامن.فتساءلنا:يا ربي الليلة يكون دا أجروه لعزابة و لاكيف!!؟
▪فعمومن ، لم يتركوا لنا خياراً سوى أن نُقفل عائدين أدراجنا ، عرقنا
يتخلت و سايل بسداغاتنا. ثم تبين لينا لاحقنبعد استقصاء الأمور إ
نو مولانا مؤذن مالطا واقع في قبضة قوة "داعمة" استباحت
حرمة الجامع" و أجبروه المسكين يعني ليهم و ضاربين معاه
كوم مرارة بي شربوت عصير بركاوي صاموطي (قام زوت).
فشنو نقول بس العيد الجاي طيبين وتامين ولامين.

السلام مردود عليك صاعن بصاعين
حبيو ود مهدينا حيثما كنت و حللتَ و ارتحلتً.
《نكتة لقبايل االعيد الجايب الناس لينا ما جابك》
● جيرانا جاهم نيقزاوي لابس متنك في فرة دعامي
والكهرباء طبعن قاطعة داير يرفع الخروف رفع الكلب
بالغلت و يلا نسمع ليك: الدعامي يجقلب و الكلب يعوِّص
و الجيران يضربو في الكوراك و حالة كدا منزوبعة
مشاعرَ دافئة و مبعثرةٍ . و كلٌّو يبكي علي ليلاه
● فياخ بصراحة الدعامة في البلد دي شغالين
في ظروف بالغة التعقيد، كان الله في
عونم. لامن يكبروها بالباب الورا
😂😂.

قاللك في آخر تقليعة لأوباش الجنجا
سيد البت المحتلنو لقاهم عاملين فتة بوش مدنكلة
بالدكوة و الشطوط وأية حاجة , جاهم داخل عزموه
بي كرم تشادي موبالخة حلفو اعلي طلاق علا يمد يدو
يضوق أكل العزابة فاول ما ضاق الشيء لقاه خلطة
من كريام ا لمودام عجنو بيها البوش على إنها زبادي
بالنكهات. بالله عليك من أيِّ كوكبٍ أتى هؤلاء؟!
# رجاءً شيِّر الترند #

حلاق سطلنجي بيقول للزبون : معليش ياخ،
كطعت ليك عضانك ،داك مسحلب :أكتر منو قالليو:
ولا يهمك يا زول عادي جد ، عندي غيرا ، سبير .

تجار الأزمات 👇
منقول للعظة والاعتبار
يمهل ولا يهمل

السلام عليكم
(} نحنا اسرة وضعها كويس الحمدلله،
وعندي ولدي ربنا يتم شفاءه يارب ليهو
زمن طالب يشترو ليهو عربيه لمن اهالينا في
الخرطوم بدو يأجرو في الولايات قلنا نأجر الصالون
مفروش بي ٥٠٠ ونشتري للولد العربيه ..جاتنا كم اسرة
بي اطفال بس ماكان عندهم مقدم مارحمنا حوجة
الناس ولاقدرنا إنو الناس طلعت من غير ماترتب
اوضاعا .. كان الطمع هو سيد الموقف ..
(} بعد كم يوم وصل السمسار ومعاه
رجل خمسيني تظهر في ملامحه الأحزان
والأوجاع والقهر ولأنو معاهو اطفال ونساء قرر
يأجر بالسعر ده بس قال ماعندو مقدم رفضنا إلي
بي مقدم قال اصبرو علي يومين زوجي رفض وقال
في زبون مستني المهم الراجل إتصرف وشكلو دفع حق
مصاريف ألأولاد في الإيجار لأننا بنسمع الشفع بقولو
لامهم جيعانين ياماما ..بسمع الجمة دي كل يوم
وقلبي يوجعني مرات برفع ليهم حاجه ياكلوها
بس حاسة كنت بتأنيب ضمير بصوره غريبه ..
(} بعد ٣ اسابيع شكلها الاوضاع إستقرت عندهم
لكن نحنا حالنا إتقلب فوق تحت ..ولدي الدايرين نشتري
ليهو عربيه حصل معاهو حادث وهو بيتعلم السواقه مع صاحبو
وحصل ليهو كسر في السلسله الفقريه محتاج تدخل جراحي بصوره
عاجله وحكمة الله إنو في الولايه ماف زول بعمل العمليه دي غير دكتور
واحد قالو شغال في مدني وصل من الخرطوم ..العمليه المبلغ حقها كبير
جدا ده غير رقاد المستشفي .نحنا لمينا العندنا كلها وإتدينا وبعد ده القروش
مالحقت نص المبلغ ..في لحظة يأس قاعدين ضرب التلفون ديل ناس المستشفي
قالو مطلوب نجي المستشفي لمن وصلنا قالو انتو ليه ماقلتو إنو الدكتور قريبكم؟
الدكتور قريبنا؟ موظف الحسابات قال حتدفعو حق المستشفي بس..نحنا بقينا
دايرين نلاقي الدكتور والله ونعرفو هو منو بس قالو لسه بيوصل بعد
ساعتين ونحنا في منطقة من مدني ساعة .سألنا من إسم الدكتور
وكانت المفاجأه .. كان ده الراجل المستأجر مننا الصالون
والله من الصدمه قعدنا في الأرض وبكينا .
(}رجعنا البيت زوجي لمن سمع صوت الدكتور وصل البيت
مشي للدكتور وشكرو وقال ليهو ليه يادكتور والله كان بتتدبر
الدكتور قال ليهو الرسول صلي الله عليه وسلم وصي بالجار والمر
ض زي الحرب بتجي فجأه مابتديك مهله تلملم اطرافك زوجي بكي
بكي شديد وحلف مايشيل من الدكتور إيجار مع إنو الدكتور مصر
يدفع في الاخر إتوصلو لإتفاق إنو حيأجر الصالون بي٠ ٣ الف
ودي كانت الإيجارات قبال نشوب الحرب

《 زنقة مشروع خطيب في فتيل على منبر الجمعة》
طعن طويلة ومملة كالعادة ، لكن ممكن تفر ليك البسيمة في ايام القرف دي
● أمس لاقاني الأمام بتاع جامعنا حايم سكة عِمَي في نهارن يصر العين
و يخلي ود أبرق يزعمط لعشوشة رويشاتاو يطلقا بالتلاتة.
● عمك، بعد سلم علي قال لي عايزك في خدمة ياعزو، و عارفك مابتخذلني
لأني قبل كدا طلبتها منك و ما قصرت معاي و الله ؛عشان كدا جيتك بقلب قوي
و عشمان فيك كل خير .قلت ليهو خير ابشر تب مافي عوجة اتفضل أطلب تب
يا مولانا. قال لي أنا إن شاء الله باكر الجمعة مسافر البلد لمناسبة ضروري و
عايزك تسد لي طلب و تعمل خطبة عصماء زي الليلت المرة الفاتت. وتصلي
بالناس بدالي؛ غايتو أنا عارف كترها بس والله ماعندي دبارة غيرك كل الناس
الطلبتا منهم اعتذروا وانت زول ماشاء الله عليم و عيني باردة حمامة
مسجد معانا و فاهم و فقيه وقبل كدا جربتك يعني ما منك خوف.
● أها طبعن أخوك قبل كدا الراجل دا زااااااتو موكرني ليك في صلاة جمعة
خلاني مضحكة زي بهلول في أسنطن/ بول للبسوى والما بسوى يلا طوالي اتذكرتا
المأسي الحصلت لي في المرة ديك وعملتا زغبير قت ليو والله ياريت ياشيخنا بس أنا
ذاتي الجمعة الباكر دي مسافر شندي لعرس فبه بكان؛ و كان ما مشيت بقولو خواف
لدربى عيالو فمعليش تسمح لي آسف. المهم الزول قبلعذرى و قال لي خير
مامشكلة أنا بتصرف وربك بدبرا: و فارقني على كدا.
● أها النرجع بيكم للخطبه العملتها ليه المرة
الفاتت أو بالأحري الكموديا الأرضية الكنت غصبا عني:جاني شيخنا دا زاتو وقاللي:
أنا مسافر وما لقيت زول غيرك و أنت شاب ملتزم وبتصلي معانا ومتعلم و حامة مسجد
مثقف نشهد ليك بالورع والموضوع بسيط بس عايز منك حبة شجاعة أدبية و أنا عشان
اسهلا ليك بكتب ليك الخطبة و أديك ليها جااااااهزة ماعليك انت إلأ تقراها مغمد و بس .
المهم الزول دا حنكني بكلامو دا وكبر لي راسي أني زول ملتزم و متفيقه في الدين ومثقف
والحنك دا. المهم أداني الخطبة المكتوبة و سافر الكلام دا كان يوم الخميس صبحانة الجمعة.
● أها جبت الخطبة البيت وجيت قلت اقراها عشان أركزا كويس من ضو؛ قمت فتحت الورقة
عليك أمان الله التقول كاتبها بأصبع كراعو الشمال لقيتا ليك مابتتقري نوهائی؛و الله غير بسم الله
و الحمدلله تاني غلبني ما أفرز ليك الواو الضكر من النتاية و لا حرف واحد. أها الفار لعب في عبي
في الورطة الحشرتا فيها روحي بشلاقتي و هبالتي دي ياخ أنا كان مالي و مال الخُطب والجُمع ؛يصلوا
ولا ما يصلوا ياخ انا لامن أمشي صلاة الجمعة وأجي ماىناقش و لا الدقعة دي من اللمام قال شنو ؛ سمع
ساي مابسمع زي الناس خلي أجي اقولها أنا. أها بقيت افكر في الموضوع البقولو في الخطبة دي ياربي
اتكلم عن شنو دا اذا كان ربنا طلق عقدتن من لساني يفقهوا قولي و غامرت و قدرت أقول لي حاجة.
عليك امان الله الليل داك كلو شلتو ليك حيح أتقلب متل السنسنة الحمرا ؛ و مرة أنكرش و امشي ابحت
لي في كتب دينية قديمة صفراء كدا ألقاها مابتتفهم اقفلها وأجي راجع بخفي حنين ننقوببن وتاني
ارجع افكر المهم ادخل وامرق زي أم العروس تكا ناصلة و حالي أسواء من حال من يدافع
الأخبثين أو تقول بالع لي موس حلاقة سنينة على حدين. و لامن سمعت البياح و الحمار
شق و تيبن الخيت الأبيض من الأسود و الواطة صبحت و النوم يضروا لي
ضروووووووورة؛ ياخ مخي دا حسيت بيهو ورم من كبسة التفكير .
● أها قبل الشمش تشرق صحيت أختي قلت ليها قومي يا وهم غسلي لي جلابية
واكويها لي مكوة سيف قعدت تطنطن :غسيل شنو ياخ وحركات ؛ قمت دخلت يدي
في جيبي طلعت لي عشرين جنيه غمتها ليها عليك أمان الله الزولة دي ويالتشيطان
التفاصيل نقزت لا تلوي على شيءٍ خمشت الطشت والجردل وخمشت الجلابية وقعدت
تغسل غايتو الحمدلله الذي لا يُحمد على مكروهٍ سواه. بس أنا عايش لي مع بشر كدا عبارة
عن يهود بني قريظة و غين قاع؛ الواحد لو ما قرصت ليهو رشوه مابخدمك إطلاقاً و لا بكب
التراب دا في عينك. ابداها ليكم من الجولكين الوالد دا قاعد لي كلب حراسة و لا بوليس حركة
ماسك قبانة في كبري حنتوب لو ماغمتا ليهو عشرة جنية في الداخلة وعشرة في المارقة بحنكلك
و لا بزح ليك كراعو من الدرب؛ ثم نجي للحاجة أمي نفس الوضع من ولدتني ولحدي هسي و أنا
عاطل بسدد ليها في اقساط فواتير لبن الرضاعة ، و شيء ملايات و ستاير و حلل وصرفات
صناديق ماعارف الاقساط والصرفات دي بتنتهي متين؛ دا غير أخواني برضو بس ديلك
ناس بواقي ساي يعني لو عندك باقي بنطلون مشرتم، باقي جزمة مبوزة، باقي ريحة
و لا كريم قدر ظروفك باقي رصيد باقي فكة حديد بتمشي أمورك معاهم عادي.
● اها هسي الشيطانة دي من قبضت العشرين جنيه قامت جارية وشها ماغسلتو المعفنة
والله لمت في الجلابية دي هردتا هرد لامن قلت ليها كفاها بتشرطيها يا غبياتة براها عبد الواحد؛
و خلاص اجدعي ليك سروال من سراويل أبوي ديل غسليهو لي معاك قالت لي يازول هوي سروال
شنو، بدؤا زول هوي، نحنا مااتفاقنا على سروال قلت ليها انتي متخلفة ولا شنو يعني في رايك كدا وفهمك
لو ربنا أداك مخ ح ألبس ليك الجلابية دي بدون سروال و أمرق ميطي مولايا كماخلقتني؟ ولا تكوني عايزاني
تاني أدفع ليك سَي جديد عشرين جنيه حتين تغسلي لي سروال ابوك دا؟ قالت لي و فيها شنو يعتي لو بحتحتها؟
قلت ليها ادفع ليك تاني ليه سروال هو ولا أم فتفت؟ المهم خلاس هاك دي خمسة و خميسة فوق البيعة ؛ يلا
جابت سروال الحاج وجات و قالت لي أنا السروال دا بغسلو ليك؛ لكن بكون في علمك ابوي البعرفو زي جوع
بطني دا لو كشفنا اللتنين ما أظن فينا زول تاني يلبس ليه لباس والله العظيم الله لامن يرث الله أرضه ومن
عليها ح نعيش عرايابلقي عمرنا كلو لأنو ح يشوينا شييييييه دا اذا كان ماملصك ياهو في نص الوقاق
و لا فوق المنبر. اها بيني وبينكم كدا البت دا لمن قالت لي كدا والله لامن قلبت الجِرة ظرطتا
ريقي بلعتو لقيتو يابس درابة؛ بس كمان انا مزنوق ماعندي حل غير كدا.
● قامت تشمشر قالت لي النسألك اللخو،
انت ماشي وين مقومني من الدغش كدا أغسل وأكوكو ليك وجلابية وسروال؟ قلت ليها الليلة
صلاة الجمعة علي العبد لله طبعن انفقعت ضحك لامن بكت قالت لي عليك الله أنت جادي؟ قلت
ليها آي والله جادي و إمام الجامع مسافر وطلب مني أصلي بالجماعة قالت والله امام الجامع ماعندو
عقل بقرش ؛جمعة شنو البتصليها انت وقعدت تضحك قالت لي والله الليلة أكان حسادة إلا أمشي
أصلي الجمعة في الجامع واشوف عبدالرحمن السديس إمام الغفلة دا قلت ليها لو إنتي
مرة بت رجال النشوفك في الجامع دا والله اكسر رقبتك يا دلاهة يا معفنة.
● اها مع الحنك الهدوم اتغسلن واتكون وجابوا الفطور ؛ بتذكر كان بفسيخ ملوحة
والواطة كاتمة مسخنة وانا ضربت التركين دا لامن تجشأت الصعداء و الله غفر لي
و اغتسلت ولبست جلابيتي وسروال ابوي وبقيت ادخل و أتخفس متل سيد الرايحة
الفتح خشم البقرة لامن الوقت جا تب واتوكلت على الجامع اقسم بالله التقول
ماشي مسلخ الكدرو؛ قلبي مامطمن نوهائی
● وصلت الجامع ودخلت بباب اللمام عشان اطلع المنبر ختيت كراعي في طرف
السلم كدا وأنا أرجف زي الهبابة بس جبل الرجاف داااك الما بنشاف و بسروال أبوي
العريضبس حق بتان كرعيني اتشربكن فجيت مندرش على قدومي في السلم لامن لحقني
حاج الطاهر المؤذن خماني خم من أباطاتي هو يرفع فيني لفوق وانا ماشي منخرت منو لتحت
ماخلاص عصبي مات كلو بقي يقول لي ياولدي قوم على حيلك مابقدر ألاويك انا عندي غضروف
سعد. المهم بالجلالة قدر وقفني على حيلي قال لي بتقدر تطلع باقي السلم دا ولا أنادي لي ناس
يجوا يطلعوك أنا والله لابقدر عليك ولا بكضب قلت ليهو لا خلاص فكني بطلع براي.
● أهاجازفت اكربش لمن وصلت فوق مسكت في حديدة المنبر عايز اقول السلام عليكم
واقعد في الكرسي لحدي حاج الطاهر يأذن حتي ابدأ الخطبة فمسكت حديدة المنبر كدا
و قبال أسلم على المصلين عاينت كدا للخلوق لقيتم صغاااااااااااار وي الودع
ولشقاوتي اليوم داك الجامع ملان لخشمو لفضيحتي أنا بالذات .
● أها لمن شفت المنظر دا لمن راسي لف دربكين وبطني طمت قمت كنكشت
ا في المنبر دا بيدي الأتنين خفت أجي متكايت في الناس ديل من فوق اكسر رقبتي
دي ساي بدرب صلاة الجمعة دي المهم فتحت خمشي مرتين وسديتو زي البتشهق حتين
المرة التالتة استجمعت قواي و شديت رباطة جأشي فتحتو وقلت ليهم براحة كدا : السلام
عليكم وجيت واقع في الكرسي أرجف وعرقان ومخي كابس أقسم بالله ماعارف اقول شنو للناس
الراجيني تحت ديل بقيت افكر ياربي أقمز أفرتق مشتت بالشباك الورا دا واخليهم يتصرفوا براهم؟
ياربي ادوخ وأعمل فيها حميل غمران؟ ياربي انا اسوي شنو الليلة اها في عز زنقتي دي بطني
ماصتني لوتني ليك لمن عيوني دمعن طبعن خلاص الفيسخ بالشطة القبانيت الفطرت بيهو
هسي دا اشتغل فيني سف و قرش و قال لي انعدل ساي وحات الله جنس وجعة ولواية قربت
اتلب من المنبر دا واجري الحمام بس مافي درب ظاتو ؛ اها بقيت ماسك بطني ومدنقر
وحاج الطاهر شغال يأذن بتحت و أنا اقول الاذان دا انشاء الله مايقيف الليلة
● أها الأذان تم وحاج الطاهر فج و قعد مع الناس في الصف وبقي يعاين لي منتظرني
أنهض من الصنقيرية فوق نص واعي ونص مغبي والملوحة عايزة دشر لي بنخرتي
وغير كدا متمحن في الشي البقولو فصاحتي دي كلها راحت المهم اتقدرت ياااا الله قمت
على حيلي راسي لافي وشايف خيوت خيوت عاينت في الناس ديل كدا لقيتهم كلهم مجخمين
فيني وحاج الطاهر التقول حاسي بي راسي لافي يأشر لي على العصاية يعني امسك العصاي
الجمبك دي بتسندك وأنا ناسيها نوهائی؛ أها مسكتها وبقيت منشحط كاضم لابودي
لابجيب والمروح قدامي شغاله فوو دايرة تجدع نخرتي .
● بعد مسافه كدا فتحت خشمي وقلت بسم الله والحمدلله والصلاة والسلام
ع رسول الله وكضمت تاني ولا حرف لاني متصنج ماعارف لي حاجة اقولها
أها فكرت كدا قلت اتكلم عن غلاء الأسعار والمعيشة الصعبة دي قلت ليهم
كلنا نعلم ونعي وندرك لما تمر به البلاد هذه الأيام من ندرة في السلع وغلاء
فاحش في الأسعاروهذا كله بسبب هذه الحكومة الظالم أهلها في المقام
الأول؛ وبسبب جشع التجار في المقام التاني .
● يلا فجأه كدا عيني ما اشوف النور ؛ وقعت ليك في واحد لابس سفاري
منقرط ونظارة سودا و طافي غين متل صلاح قوش ؛ وانا داخل قبيلك لمحت
لي موتر واقفبره فقلت خلاص دا اكيد أمنجي من عسس النظام ؛ الليلة عاد وا شيحك
و مراقد ريحك ياعزو ود الجعلية الوداك تهابش الحكومة شنو أها الليلة برفعوك
في التاتشر المظلل و يكبسوك بشطة قبانيط بتحت لمن تقعد تنطط
● طوالي (كتلت ليك ملف) و قلت ليهم بس نرجع ونقول انو حكومتنا الرشيدة
هذه لاذنب لها فهي محاصرة و لأن ما نمر به الأن تمر به كل الدول بسبب الازمه
العالميه ياخ اللابس النضاره دا قطع قلبي الله لا كسبو ولا جاب غقابو . فقلت
لازمتلافى زلة لساني دا بالتكطعو جباد البلا و كراعي جيابت الخرا.
و أعصر على الحيطة القصيرة اللي هم قوى الشعب العاملة؛ فقلت ليهم :
"من الطبيعي ومن مسببات كل ازمة إنما هو ظهور الفساد في البر و البح
بما كسبت أيدي الناس ، و تفشي الجريمة و العنوسة وسط الشابين و الشابات.
● في اللحظة دي شايف ابوي جا داخل الجامع يادوبك متل ترتنتي الجبار؛ قلت
بس دي ثالثة الاثافي أهو دا اللي كان ناقص؛ طبعن عمك غتيت من شافني
معلق فوق و بخطب في الناس اقسم بالله لامن ضحك وهوزز راسو
و قعد و بقي يحدر فيي التقول بالله كاتل أبوهو
و أنا خلاص أصلن ملبوش وجية الجلكين دي لبشتني زيادة
لأنو خايفو يشوفني انا لابس لبالسو من تحت ويطين عيشتي
يطفر ينشبك فبديني تاني علا يفرزونا بلون اللباسات.
●فغايتو بلعت ريقي و البتقع من السما تستلما الواطة ؛ و واصلت قلت ليهم:
لذالك دورنا نحنا كمجتمع وكأباء وأولياء أمور انو نسهل الزواج للشابين والشابات
تجنباً لحدوث ما لا يحمد عقباه . طبعن وهمة العرس دي وقعت لي في جرح وعجبتني
لأنو عدم العرس دا ياهو المجنن بوبي و مارض حامد اللي هو أنا زاتي فشنو اندحت
ليك في الناس ديل لاخليت لابقيت ليهم وقلت بعد دا ياود ياعزو اخد ليك قعده
وقوم على الخطبه التانيه جضما وانفكا من البرنامج دا.
● ثم صنقرت مسافة كدا وقمت على حيلي ومع قومتي كدا اشوف ليك محجوب صاحبي
جا داخل وطبعن دا الكنت خايف منو زااااااتو لأنو محجوب أهبل وماح يقعد ساي وفعلن
كلامي في محلو محجوب من شافني مشنوق فوق في المنبر دا لمن حشر تي شيرتو في خشمو
من الضحك ومشي اترزع هناك في كوع الجامع وبقي يعاين فيني ويقول قرر أها قلت ما اشتغل
بالحيوان دا كتير واحسن اركز في خطبتي. و تاني قلت ليهم لازم ولابد من تسهيل نفقات
الزواج وتقليلها بقدر الإمكان و مافي داعي للتبذير والبوبار والأستعراض؛ ياخي نرضي
بالقليل ونستر اولادنا و بناتنا كما قال الحبيب المصطفي عليه أفصد ضلى الصلاة والتسليم"
ايسرهن مهراً اكثرهن بركةً " وانا بوجه كلامي هذا للأمهات بالذات .
●اها في اللحظه دي محجوب بقي يأشر على بيت ناس رشويتي( جكسويتي)
و يعمل لي حركات بيدو كدا إنو ماااااااااااافي ليك تشمها قدحة ؛ و يا عشنان ليك في
ودكة من دفرنش النملة ترا حرمت عليك الرشوشة و يكاوي. هسي عليكم الله زي محجوب
دا جاي يصلي و لا جاي يلعب؟! فطنشت و قبلت منو كدا وقلت ليهم الامهات هن اللاتي يبالغن
في تكاليف الزواج برضو محجوب ابن الكلب بقي يطلع لي في لسانو ويكاوي فيني والله قربت
اتف ليهو في وشو مش قلت ليكم دا أهبل عميكة ساي؟ اها قلت ياجنا بعد دا احسن تختم ساي
محجوب المعفن دا ما بخليك تواصل اها دعيت دعاء طويل كدا وقلت ليهم قوموا لصلاتكم
يرحمكم الله اها نزلت من فوق ركبيني يطاقشن وخايف اقوم اتكبكب في الصلاة
واجوطا لأني ملبوش لبشة الجن وحالة ماطبيعية .
● لحدما الحمدلله قدرت صليت بيهم ما زي أبوك لامين بربيك والصلاة
انتهت قمت جاري جري وقفت لمحجوب جمب الباب عشان اخنقو افطسو
في الجامع دا قام شافني وقام جاري بالباب التاني سكيتو مساااافة مالحقتو تفيت
ليهو وجيت جاري البيت جري قلت الحق أملص سروال ابوي و أغبي اللتر
قبال يجي يشنقني بيهو المهم غايتو داك كان يوم الله لا عادو.........
تمت الحمدلله صلوا على النبي عليه الصلاة و السلام.
توقيع/ ود الأصيل
• ود ال ح ي ش ان ال ت ل ا ت ة
مؤذنٌ محجورٌ منزلياً بعاسمة اللولوات التلاتة

كرستلاوي صحبانو بحنسوو فوقو من زمن
على الصلاة في المسجد مافي فايدة..أها وكتين يوم ربنا هداه
قام أول ما سمع الآذان أتوضأ ومشى أول زول سبقم على الجامع
قال أعملا للجماعة مفاجأة يلقوني قدامم..أول ما دخل تاوق لقا ليك
جماعة التبليغ ناس جامع بلال و شروني ، خارجين في سبيل الله و
ماخدين ليك راحتم طب آخر طاوة في جنبات المكان صاح.. يلا بهنا
شادين حلل الرشوشة بالبطاطس والكمونية دي تجقجق شبه قضت
نحبها و بجايو بتيختين صيفي حلا وحمار كم عبار غباشة سااااطة
تنتظر بهنا واحدين مغسلين ليك هدومن الواسعات ديل السروال فيه
17 ياردة ونص و شارنها جوة برندة الجامع..يلا أخونا الكرستلاوي
مما شاف ليك المنظر كدا وأصلن برايو محيل لقاها ليك ذريعة
جاهزةقلب قام راجع البيت لا يلوي على شيء.
+ أها جماعتو المصلين لاقوه في الطريق جايين الصلاة:
أها زول الليلة ياجودو خدر عودو ال الله هداك برلك جيت
الجامع، لكن ، خير إن شاء الله مالك راجع لسة الصلاة ما
أقاموها؟ عمك قرفان: من وين يجي الخير و بعدين يقيمو
شنو ياخي؟ هو الجامع ظاطو لقيتو ليكم هداك خلاس
مأجرنو لجماعة عزابة و ريحونا ظاطو.

ابتسم فيها ، الدنيا زايلي أ م قدود:
دا واحد جايب عربية كركعبوة قرمبعة فارهة ، لا،
و كمان شاحنة لساتك جديدة لنج و هي زاتا لساتكا
الأربعة نايمات مبنشرات راقدات طرشي عديل ،
و قاللينا راصد جايزة محتبرة لأعمق و أبرع تعليق،
أها ، العبد الفقير فتح الله علينا بتعليق متواضع قلنا لو:
غايتو " دي عاملة زي إبل الرحول .. شايلة السقى و عطشانة،
لكن التعليق الألعن و أظرط كان من واحد شفاتي مقرم
و واقع من السما بسنونو 7 مرات، قال :" أنت ما
مديني حقي .. بس تشل فوقي و تودي"

(بتاع الترحال )
" و وصف الدهشة بالكلمات محال يتقال"
تاح يا عليم رزاق ياكريم صلى الصبح حاضر وتحرك
نحو السوق الكبير بود مدني لعله يجد راكب او ركاب او مشوار
ومضت الساعات الطوال ولم يوفق وبعد المغرب تحرك نحو عيادة
خاصة وتوقف لعل يرزقه الله بمشوار وجن الليل وعند العاشرة مساء
خرجت طبيبة شلبة العمر من العيادة وطلبته مشوار وبالفعل ركبت معه
الي حي مايو طرف وفي الطريق رن تلفونه وكانت زوجته وسالته عن احواله
وبلغته بان المصاريف خلصت فقال لها والله هذا اول مشوار ولم ياكل من الصباح
وان شاء الله اول مايوصل الطبيبة سوف يرسل لها حق المشوار عبر بنكك في
تلفون جارهم بتاع الدكان واعطته الاطفال ليسلموا عليه وهم ينادون بابا تعال
يابا تعال ويرد عليهم حاضر ياحلوين بجي وبجيب معاي التفاح والبتيخ
والعصير و حلاوة شكلاتة. واستمعت الطبيبة لما دار من حديث وادمعت
عيونها لحاله وعرفت انه من الخرطوم وجأء فرارا من الحرب
وبحثا عن الرزق. وعندما وصلت الي منزلها اعطته حق
المشوار دون نقاش وقام هو بدوره بوضعهافي جيبه
دون ان يعدها وشكرها وغادر الي سكنه.
+ في الصباح الباكر وأثناء نظافة السيارة وجد غويشتين
من الدهب الخالص ولانه لم يقم الا بمشوار واحد تاكد له انها
تخص الطبيبة وفي المساء ذهب الي العيادة الخاصة وسال عن طبيبة
صغيرة العمر ووصفها وحدد مكان سكنها وبلغوه بان عيادتها يومي الاحد
والخميس فقط وطلب رقم تلفونها واخبرهم بان لديها امانة عنده وبالفعل اتصل
بها وعرفها بنفسه وانه وجد غويشتين تخصها بالسيارة في البداية انكرت فقدانها
لغوائش ولكن باصراره وانه سوف يذهب بها الي اقرب قسم شرطة طلبت
منه مهلة لمراجعة غوائشها وانها سوف تتصل به.
+ حكت الطبيبة السابة القصة لوالدها الاستاذ التربوي المعروف
بود مدني وانها فعلت ذلك لتساعده وطلب منها والدها دعوته لاخذها
يوم الخميس للعيادة وبالمرة نتعرف عليه ويتغدى معنا. وبالفعل اتصلت
به وشكرته و قالت له بالفعل إن الغوائش تخصها.
+ في يوم الخميس وحسب الموعد وصل إلي مايو طرف ووقف امام المنزل
فخرج والد الطبيبة وسلم عليه وشكره وحلف عليه ان يتغدى معهم في البداية
رفض ولكن بعد اصرار والد الطبيبة رضخ ودخل المنزل وجلس علي الصالون
وجأءت الطبيبة وسلمت عليه وسلمها الغوائش فشكرته ثم جاءت الوالدة وسلمت
عليه وشكرته ثم جاءت شقيقة الطبيبة لتسلم علي سائق الترحال وحدثت الصدمة
وارتفع صوتها دا بتاع الترحالردت الطبيبة نعم ياهو. ردت شقيقتها مفزوعة لا لا لا
هذا دكتور فلان استاذي في الجامعة وهو افضل استاذ درسنا وكل الطلاب يحبونه.
اندهش الجميع فقال لهم بصوت منخفص نعم انا دكتور فلان و بسبب هذه
الحرب اعمل في الترحال فاجهش الجميع بكاء وزرفت الدموع.

بلادك ارجع ليها دار الغربااااا، ما بترحم
و طوف بي جناحك الواديي تلقى الخدرة تنسى الهم
و خدار روض الضفاف الساقية ضمو عليكا و أتنسم
*اقترح:*
* نقترح حقو الحكومة السودانية ، إن وثجِدتْ (IF ANY) ،
تعمل لينا حِلَلْ منووعات ، خدرة إن شاء الم تكشو ، ويكة تقبلية
شرموط خ الدي ، ويكاب (WAKE-UP) و تركبن عىلى مكنات
توزعا في كل أنحاء البلادن السياحية في العالم ، ويتكتب في غطاء
الحلة: "قد تعبر البحر لكن وطنك هو الوحيد البتلايق فيك"
+ دا طبعن على غرار الحكومة الكنديه وأسوتن بها لامن لاحظت أنو
في شباب كنديون كثر يسافروا الي اوربا للسياحه .. ولكي تشعرهم بالفخر إنهم
كنديين وحفاظا علي الكبرياء الكندي ومتميزون عّن غيرهم من الشباب أرادت
الحكومه الكنديه مشاركتهم إجازتهم فقامت بتركيب ماكينات مشروبات غازية
منعشه في جميع أنحاء أوروبا .. هذا الماكينات لا تعمل بالنقود .. وإنما بجواز
السفر الكندي فقط .. بان تعمل مسح بجواز السفر ، فتفتح التلاجة وتاخذ ما
تحتاج منها علي حساب الحكومة الكندية !! ومكتوب داخل الثلاجة
جملة جميلة 😘" قد تعبر المحيط وهذا من حقك ، وولكن
وطنك فقط هو من يروي عطشك .. بلادك تحبك
حَيثُما كنت و ما حكَّ جلدك مثل ظفرك*
😂😂😂😂

شفتو موية عطبرة الليامات دي للناس القاديننا بي "جدلية
المركز والهامش" ،واحد هناك جاهو ضيف رباطابي و ما لاقي حاجة
يكرم بيها مستواه ، قام كب ليو موية من ماسورة الهيتة كلها طين بحر
دميرة بي حتلوبو ، مدها ليو قاللو اتفضل اشرب ، عدم العروض حفا!!
الرباطابي ضاقا و بزغا و قاللو جفا في عينك ياخ: العرديب دا مسيخ ،
و عليك الله تَصَفِّر لي أنا حمار ياخي قوم لف بالله؟!

😂😂😂😂
صاحب دكان عندو (فيران) في الدكان شغالين معاهو بالنص
كرتونة البسكويت يبيع النص والنص الثاني بياكلو الفأر، و بالطريقة دي..
+ قريبو في الصين اتصل بيه قال ليهو ياخي رسل لي (سم فار) دل كمن
راس مالي عديل ، و قال ليه ها زول ها البلد دي تقنيات إلكترونية عالية
وزكاء اصطنناعي خطير ورسللو ربوتاية في شكل فأرة سغمبوتية كدا
+ يلا بتاع الدكان مسك الفارة و داس الزر ، الفاراية طلعت لها
صوت رومانسي حنين لمت كل فيران الحلة ومرقت بيهن الخلا
وانفجرت بيهم هناك قطعتن ليك إربن إربن و أشلاء 😆
صاحبنا انبسط من الحركة دي قال لقريبو : عليك الله
ما تشوف لينا ربوت (كويز) عمل خااص كدا!
🤣🤣🤣

عشان تعرفوا في دعامة أولاد ناس
الدعامي الكسر بيتنا واستوطن فيه وعرس فيه وجاب فيه خمسة
تلاجات زيادة. ضرب لي قال لي بيت جارك مويته كاسرة هل مربوط
(بصهريجنا) عشان (صهريجنا) ما بيمسك موية. قلت ليه تلب (بحيطتنا)
وأقفلها ليه. قال لي خايف أتلب يقولوا حرامي. ياعيني ع الباطاطا