بعد ان فقد المواقع التي سقطت في قبضته في الأيام الاولي وبعد ان فقد الغطاء السياسي الذي كان يسنده قبل هذا الانقلاب وبعد ان استعدي فيئات كثيرة من الشعب وبعد انقطع عنه التمويل لجأ الجنحويد في الأيام التالية لفقدانهم السيطرة الى اطلاق صراح كل المجرمين في سجون العاصمة المسلحة محاولة منهم لتغطية عمليات تمويلهم عبر النهب والسلب هاهم الان يغيرون استراتيجيتهم لأستمالة الثوار عبر اعتقالاتهم لكوادر الجبهة الإسلامية (قال ليك الجنجويد ضد الكيزان) !!!! مشكلة الجنجويد في لسانهم واستفزازهم للشباب ولقطاع كبير من الشعب عبر الممارسات المهينة والمذلة هذه الممارسات جعلت بينكم وبين الشعب ما صنع الحداد، فاذا كان طباخ السم (الكيزان) بيضوقوا، عندنا مثل بيقول ليك (التسوي كريت في القرض تلقاهو في جلدها) شابكننا دواس، وخيط قيطان اهه ابقوا رجال وكلوا ناركم تقبضوا انس، تمسكوا الجزولي، علي كرتي تخلوهم تكتلوهم ده ما بيهم الشباب ديل وما بيتعاطفوا معاكم بينهم وبينكم دم اعتصام القيادة الناس هنا مع جيشها والجيش زي ما شايفين رافض انو يتمسك من ايدوا البتوجعو مسكتوا اسر الضباط والضباط، واسرى القصر الجمهوري قام مسحكم ومسحهم تاني وين تمشوا يا حليل عبدالرجمن عبدالله... قال ليك شقيش قل لي مروح قبال صباحنا يبوح
05-18-2023, 01:34 PM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1272
صاحب استراتيجية اعتقال رموز الكيزان والحركة الاسلامية تأخر فيها كثيرا كان ممكن تكون اكثر فاعلية لو كانت في الايام الأولى.. اما الان فالتبرير الوحيد المقنع هو: لم تستهدف قيادات الحركة الاسلامية في الايام الاولى خشية جرهم الى المعسكر الاخر
05-18-2023, 02:03 PM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1272
عجبت للجنجويد وقحطهم حكاية الجيش جيش كيزان الجيش ما جيش السودان بينما يقدل اخوان نسيبة وكيزانها في الحي الاطاري... يلعنون انس ويحيون جبريل، وكمال عمر وغيرهم عجبت لك يا زمن (من اقوال عبدالفتاح القصري) نورماندي تو
05-18-2023, 02:07 PM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1272
البرهان بعثي وهو الان على رأس الجيش، فهل الجيش جيش الكيزان.. يا ربي ممكن نسمي حزب البعث العربي باسم جديد حزب البعث الاسلامي مثلا خصوصا اذا جبنا ساطع الحاج جنب البرهان ااااا ممكن جايز هو شنو المافي
05-19-2023, 05:56 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1272
ستبدي لك الأيام ما كنت جاهلاً ويأتيك بالأخبار من لم تزود ويأتيك بالأخبار من لم تبع له بتاتاً ولم تضرب له وقت موعد لعمرك ما الأيام إلا معارةٌ فما اسطعت من معروفها فتزود ولا خير في خيرٍ ترى الشر دونه ولا نائلٍ يأتيك بعد التلدد عن المرء لا تسأل وأبصر قرينه فكل قرينٍ بالمقارَن يقتدي
طرفة بن العبد
05-20-2023, 08:55 AM
Mohamed Adam Mohamed Adam
تاريخ التسجيل: 01-21-2004
مجموع المشاركات: 5198
Quote: البرهان بعثي وهو الان على رأس الجيش، فهل الجيش جيش الكيزان
السلام عليك يا اخ جمال. نعم .. برهان كوز وثم كوز.. برهان قائد الجيش "الوطنى" الحالى ده هو نفسه كان رئيسا للمؤتمر الوطنى بواحدة من ولايات دارفور!!. فى الحقيقة معظم قيادات القوات "المصلحة" السودانية هم اكواز بيوور. .. وعليه.. عشان نصدق كلامك ده على الأقل خليك حقانى شوية.. مين صنع الدعم السريع؟ مين جمع القبائل وسلحها لتقاتل نيابة عن الجيش "الوطني"؟ مين قاعد يمد الدعم السريع بالإحداثيات ويعطيه معلومات دقيقة عن تواجد الثوار؟ مين القاعد يمدو بالأسلحة والزخائر وباقى العمليات اللوجستية؟ مين البيعمل ليهو غطاء جوي بالطائرات ويمهد ليهو الطريق حتى يمكنه من إكمال مهامه؟ ومن ثم.. مين قتل الشباب بالقيادة العامة! ومين ضرب الخرطوم بالطائرات؟ ما حصل فى تأريخ المنطقة فى جيش دمر عاصمة بلادو وبيده لابد العدو!! أليس جيشك الوطنى ده زاتو ذات نفسو فعل ذلك على على عينك ياتاجر!!
قلتا لى الدعم السريع هو من قتل الناس بالقيادة!! جدلا، خلينا نقتنع بزعمك هذا.. طيب ليه الجيش ما يقوم بضرب الدعم السريع، بيد من حديد لما شافو بيقتل فى المواطنين العزل بحرم القيادة العامة! لماذا صمت ولم يوقفه فى حده!! أليس من مهام الجيش حفظ سلامة وأمن المواطنين؟
يا نعم.. بالنسبة ليك يا جمال، الجيش جيش وطنى حتى لو بقى كله كيزان،! ببساطة، لأنه لم يضربك بطائراته ولم يحرق لك قرية ولم يسمم لك آبار... اما بالنسبة للسواد الأعظم من الغلابة بهذا الوطن الجيش ليس بجيش وطنى ولاحاجة.
ياخوى، مما السودان نال "إستغلاله" وحتى تاريخنا هذا، جيش الهنا ده ما شفناهو حمى لينا أرض ولا حمى لينا عرض! ضرب الجنوبين، ضرب الدارفورين، ضرب الكردفانين، ضرب البجا، ضرب نوبة الجبال.. الخ بالعكس معظم اراضينا محتلة وبالذات حدودنا الشمالية!! ياجمال ياريت تنزل نظاراتك المظللة ديا وتنظر فيما حولك حتى ترى عدم وطنية القوات "المصلحة" السودانية!! ! من كتاباتك تجاه هذا الامر، يبدو لى لسان حالك بيقول حوالينا ولا علينا!!..
05-20-2023, 09:27 AM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 48851
سلام الأعزاء جمال المنصوري ومحمد آدم أتفق مع كلام الأخ محمد آدم تماما. وبالرغم من هذا نأمل بوجود شرفاء في الجيش من صغار الضباط أو من كبارهم يكون ضميره قد استيقظ، ويتمكنوا من التدخل لإعادة الأمور إلى نصابها.
ملحوظة: أفتكر، وقد أكون مخطئا، أن البرهان لم يكن بعثيا وإنما كان غواصة داخل المجموعة التي نفذت الانقلاب وهو الذي وشى بها، ولذلك لم يتم اتهامه معهم.
05-20-2023, 05:07 PM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1272
Quote: يا نعم.. بالنسبة ليك يا جمال، الجيش جيش وطنى حتى لو بقى كله كيزان،!ببساطة، لأنه لم يضربك بطائراته ولم يحرق لك قرية ولم يسمم لك آبار...اما بالنسبة للسواد الأعظم من الغلابة بهذا الوطن الجيش ليس بجيش وطنى ولاحاجة.
الأخوان محمد ادم وياسر الشريف تحية طيبة يا ابو حميد انا مقدر موقفك وتعاطفك من منطلق اثني مه الجنجويد (اسم الدلع الدعم السريع) ودي واضحة في دفاعك عنهم وحاولة تحميل الجيش وحده وزر محارق دارفور الحقيقة الانت مش عاوز تتطرق ليها و لا عاوز تعترف بيها وبتزوغ منها ان الابادة على الارض قام بيها الدعم السريع، وانو المنفستو القام عليه الدعم السريع كان هو اخماد ثورة دارفور.. ولا رايك شنو انا ما مستغرب لي موقفك ابدا المستغرب ليهو هو موقف ياسر الشريف؟؟ يا ياسر روح الفكرة الجمهورية هو البحث عن قلب الحدث وليس الحدث نفسه، وانا شايفك بتنقل الحدث بضبانتو بدون ما تنتبه لمحتواه جيدا يا ياسر ويا محمد ادم الدعم السريع قوة عميلة تنفذ اجندات لا علاقة لها بمصلحة السودان وعشان ما يكون الكلام مجرد ونسة ح اديكم الدليل على كلامي ومن فيديوهات الدعم السريع .
بص لي الصورة دي كويس ووريني مين ده وبيعمل شنو مع الدعم السريع وبيحتفل معاهم ليه؟ تفتكر ده جاي يشيل الكيزان ويجيب لينا الديمقراطية؟ يا عالم السودان بيضيع وانتو بتشجعوا في الخونة في الفيديو ده الكميرا ح تتحرك ناحية اليمين بعد ما المتحدث يكبر الله اكبر ، لمن تجي الصورة تحت الشجرة مباشرة بص للخواجة المستمتع معاهم بالنصر وقول لي ده من,؟ انا عامل كابشر لصورة الراجل ده بس للأسف حاولت كتير ارفع الصورة للموقع ما قدرت.. اذا في واحد عندو تقنية يرفعها اليساعدنا عشان نساعد الناس دي انها تحاول تفهم ليه انا بشجع الجيش واقولها بالفم المليان اكبر تجمع بتاع مرتزقة في افريقيا هم الجنجويد واسم الدلع بتاعهم (الدعم السريع) الله لا غز فيك بركة يالبشير محل ما تقبل
قبل كده قلت للناس انا ما بدخل موضوع الا اكون مالي ايدي منو كويس دحين دي حاجة بسيطة كده اذا دايرين حاجات تانية بنزلها ليكم هشان تشوفوا عنصرية الجنجويد الكريهة من فيديوهاتهم اذا كنا محجمين عنها عشان الحصة وطن لكن غير كده عندنا كلام بعد نهاية الحرب دي مع الكل وخصوصا الكيزان
05-21-2023, 01:49 AM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 48851
Quote: السلام عليك يا اخ جمال. نعم .. برهان كوز وثم كوز.. برهان قائد الجيش "الوطنى" الحالى ده هو نفسه كان رئيسا للمؤتمر الوطنى بواحدة من ولايات دارفور!!. فى الحقيقة معظم قيادات القوات "المصلحة" السودانية هم اكواز بيوور. .. وعليه.. عشان نصدق كلامك ده على الأقل خليك حقانى شوية.. مين صنع الدعم السريع؟ مين جمع القبائل وسلحها لتقاتل نيابة عن الجيش "الوطني"؟ مين قاعد يمد الدعم السريع بالإحداثيات ويعطيه معلومات دقيقة عن تواجد الثوار؟ مين القاعد يمدو بالأسلحة والزخائر وباقى العمليات اللوجستية؟ مين البيعمل ليهو غطاء جوي بالطائرات ويمهد ليهو الطريق حتى يمكنه من إكمال مهامه؟ ومن ثم.. مين قتل الشباب بالقيادة العامة! ومين ضرب الخرطوم بالطائرات؟ ما حصل فى تأريخ المنطقة فى جيش دمر عاصمة بلادو وبيده لابد العدو!! أليس جيشك الوطنى ده زاتو ذات نفسو فعل ذلك على على عينك ياتاجر!!
قلتا لى الدعم السريع هو من قتل الناس بالقيادة!! جدلا، خلينا نقتنع بزعمك هذا.. طيب ليه الجيش ما يقوم بضرب الدعم السريع، بيد من حديد لما شافو بيقتل فى المواطنين العزل بحرم القيادة العامة! لماذا صمت ولم يوقفه فى حده!! أليس من مهام الجيش حفظ سلامة وأمن المواطنين؟
يا نعم.. بالنسبة ليك يا جمال، الجيش جيش وطنى حتى لو بقى كله كيزان،! ببساطة، لأنه لم يضربك بطائراته ولم يحرق لك قرية ولم يسمم لك آبار... اما بالنسبة للسواد الأعظم من الغلابة بهذا الوطن الجيش ليس بجيش وطنى ولاحاجة.
ياخوى، مما السودان نال "إستغلاله" وحتى تاريخنا هذا، جيش الهنا ده ما شفناهو حمى لينا أرض ولا حمى لينا عرض! ضرب الجنوبين، ضرب الدارفورين، ضرب الكردفانين، ضرب البجا، ضرب نوبة الجبال.. الخ بالعكس معظم اراضينا محتلة وبالذات حدودنا الشمالية!! ياجمال ياريت تنزل نظاراتك المظللة ديا وتنظر فيما حولك حتى ترى عدم وطنية القوات "المصلحة" السودانية!! ! من كتاباتك تجاه هذا الامر، يبدو لى لسان حالك بيقول حوالينا ولا علينا!!..
فكتبت معلقا:
Quote: سلام الأعزاء جمال المنصوري ومحمد آدم أتفق مع كلام الأخ محمد آدم تماما. وبالرغم من هذا نأمل بوجود شرفاء في الجيش من صغار الضباط أو من كبارهم يكون ضميره قد استيقظ، ويتمكنوا من التدخل لإعادة الأمور إلى نصابها.
ملحوظة: أفتكر، وقد أكون مخطئا، أن البرهان لم يكن بعثيا وإنما كان غواصة داخل المجموعة التي نفذت الانقلاب وهو الذي وشى بها، ولذلك لم يتم اتهامه معهم.
فكتب الأخ المنصوري:
Quote: يا ابو حميد انا مقدر موقفك وتعاطفك من منطلق اثني مه الجنجويد (اسم الدلع الدعم السريع) ودي واضحة في دفاعك عنهم وحاولة تحميل الجيش وحده وزر محارق دارفور الحقيقة الانت مش عاوز تتطرق ليها و لا عاوز تعترف بيها وبتزوغ منها ان الابادة على الارض قام بيها الدعم السريع، وانو المنفستو القام عليه الدعم السريع كان هو اخماد ثورة دارفور.. ولا رايك شنو
سأترك ما يخص محمد آدم لكي يعلق عليه بنفسه. وأركز على كلامك عني باعتبارك أياي متعاطفا مع الجنجويد ــ الدعم السريع ــ وأدافع عنهم وأحاول تحميل الجيش وحده وزر محارق دارفور. وتقول عن ذلك:
Quote: انا ما مستغرب لي موقفك ابدا المستغرب ليهو هو موقف ياسر الشريف؟؟
أنا لست متعاطفا مع الجنجويد كما لا أحاول تحميل الجيش وحده وزر محارق دارفور. أنت لم تقرأني بصورة صحيحة. وأظن أن الذي ضللك عن رؤية الحقيقة هو ملاحظتك انني انقل الحدث بضبانتو. وأنت لم تفرق بين الحدث أو الخبر وبين الرأي، فظننت أن رأيي هو الذي جاء في الحدث بضبانتو حسب عبارتك. وتقول مختتما:
Quote: يا ياسر ويا محمد ادم الدعم السريع قوة عميلة تنفذ اجندات لا علاقة لها بمصلحة السودان وعشان ما يكون الكلام مجرد ونسة ح اديكم الدليل على كلامي ومن فيديوهات الدعم السريع
أنا لا أختلف مع هذا الكلام وقد سبق لي أن نقلت ما يؤكد هذا النوع من الكلام. على كل حال هناك مادة جاهزة في بوست منفصل كنت قد وضعتها للأخ العزيز أحمد يسن سأضعها لك هنا، وأنا مستيقن بأنها سوف تصحح لك موقفك من قراءتي. ودمت بخير ياسر ــــــــــــــــــــــــــــــ كتب الأخ أحمد يس مداخلة سأحاول أن أفند ما بها من تهم نحو شخصي، وأنا شديد التقدير والامتنان له. يقول الأخ أحمد:
Quote: عارف يا دكتور ياسر الشريف مع كل الاحترام والتقدير الكبير لك.. حتى انت ما حتقدر تخيل مدى هذا التقدير ورغم محاولاتك المتكررة بانك تظهر بمظهر ( انت عارفه) وباءت جميع محاولاتك بالفشل التام رغم ذكائك ورجاحة عقلك... لكن اكتشفتا نواياك ...
أرجو أن أتمكن من إثبات براءتي مما اتهمتني به بالتفصيل. قولك:
Quote: شوف يا دكتور والله برهان ومعه كل مجلس سيادته...سيئون ومجرمون هم والحرب سواء والاسوأ منهم حميدتي وعصابته....
اسمح لي بأن أختلف معك هنا. فالأخطر ليس حميدتي وعصابته وإنما البرهان وعصابته في مجلس السيادة والكيزان الذين يعملون على إعادتهم إلى دست الحكم، وإلى التمكين من مفاصل الثروة. وأنا دائما أقول أنه ليس هناك أسوأ من حميدتي وجنجويده والدعم السريع إلا الكيزان والأخوان المسلمين. وقد بدأت في نقل أخبار الجنجويد في هذا المنبر منذ بداية جرائم النظام في دارفور، وهي طبعا صناعة الترابي بامتياز، بعد مفاصلته مع البشير. وطبعا ما حدث في دارفور لا يمكن أن يقارن بما يحدث حتى الآن في الخرطوم وسأعطي نماذج من بوستات توضح ذلك: 1. بتاريخ يوليو 2004 Janjaweed Leader Musa Hilal in the GUARDIAN Janjaweed Leader Musa Hilal in the GUARDIANJanjaweed Leader Musa Hilal in the GUARDIAN 2. بتاريخ أغسطس 2006 To halt Sudan's atrocities, follow the money Nick Grono and John Prendergast International Herald Tribune
وقد قام الأستاذ محجوب محمد صالح في عموده أصوات وأصداء بترجمة المقال والتعليق عليه وقد أوردته هنا: (بتاريخ 2 سبتمبر 2006) أصوات وأصداء.. الأيام.. وما خفي أعظمأصوات وأصداء.. الأيام.. وما خفي أعظم أصوات وأصداء.. الأيام.. وما خفي أعظم
ــــــــــــــــــــــــــــــــــ 3. بتاريخ 22 أغسطس 2008 Darfur between defiance of accused and hindrance of Justice.. Elrayah Hassan Khalifa (كاتب المقال الريح حسن خليفة جمهوري وقاضي سابق في السودان) https://sudaneseonline.com/cgi-bin/esdb/2bb.cgi؟seq=msgandboard=12andmsg=1219488670andfunc=flatview ـــــــــــــــــــــــــ 4. بتاريخ 5 أغسطس 2012 نعمة الباقر في معقل الجنجويد.. أين الفيلم؟؟ نعمة الباقر في معقل الجنجويد.. أين الفيلم؟؟ نعمة الباقر في معقل الجنجويد.. أين الفيلم؟؟ ـــــــــــــــــ 5. بتاريخ 17 يناير 2019 Marching Toward a Massacre .... الزحف نحو مذبحة .. مقال في نيويورك تايمز
The people of Sudan need the world’s help to protect them from their genocidal president.
Quote: لكن المسألة مسألة وطن محروق وناس بتموت... وبتموت الاف المرات كل ثانية.. وانت طبعا في المانيا بعيد عن الواقع وغن الدمار والخوف ومتحيز الى فئة ضالة عقيدتها القتل والنهب وانت تظن انهم حماة الديمقراطية والثورة... اولا ما حتقدر تفند كلامي دا ولا حتتكره... واي عضو هنا او حتى غير عضو حيعرف من بداية الحرب .. وانت تشيل وتنشر ما (يدعم) الدعم السريع . عموما هذه وجهتك وقبلتك فاينما كنت فوليها حيثما شئت وارجو ان ترضاها.
زي ما قالت ابنتنا امتثال بعد أن اكتشفت أنها أخطأت في إصدار حكم علي مثل حكمك هذا بأنهم "ظلموني ظلم الحسن والحسين" :D . على كل حال يمكنك أن تأتي بما ترى من بوستاتي أنه يدعم "الدعم السريع" وسأحاول أن أجلب ما يثبت العكس. نبدأ ببوستات منذ إسقاط البشير ومنذ بداية الحرب الجارية الآن: 8. بتاريخ 4 مارس 2023 قوات «الدعم السريع» في السودان… «جيش موازٍ» أم قوات نظامية؟ قوات «الدعم السريع» في السودان… «جيش موازٍ» أم قوات نظامية؟قوات «الدعم السريع» في السودان… «جيش موازٍ» أم قوات نظامية؟ هكذا يريدها الإسلامويون. شوف أنس عمر
الثوار لهم بالمرصاد ولن تكون هناك عودة للفاسدين الحرامية القتلة. ـــــــــــــــــــــــــــ 9. بتاريخ 13 ديسمبر 2019 حميدتي وقوات الدعم السريع تحت مجهر قلوبال ويتنيسس
Quote: السودان .. تجاوزات حميدتي وقوات الدعم السريع│العربي اليوم العربي - أخبار 3,4 Mio. Abonnenten 311.777 Aufrufe 09.12.2019 أعدت منظمة غلوبال وتنس تقريرا مفصلا عن قوات التدخل السريع في السودان وقائدها محمد حمدان دقلو المعروف بـ" حميدتي". وتضمن التقرير معلومات حول نفوذ القوات في البلاد ودورها في قمع المتظاهرين والمعارضين وتدخلها في الاقتصاد.
ــــــــــــــــــــــــ 10. بتاريخ السبت 15 أبريل 2023 (يوم بداية الحرب الانقلابية) ( وهذا البوست ليس دعما للدعم السريع وإنما نقل صحفي عادي) حميدتي في الجزيرة يصف البرهان بالمجرم الكاذب الفاسد تسجيل صوتيحميدتي في الجزيرة يصف البرهان بالمجرم الكاذب الفاسد تسجيل صوتي حميدتي في الجزيرة يصف البرهان بالمجرم الكاذب الفاسد تسجيل صوتي وقد كان تعليقي في البوست كما يلي:
Quote: سلام للجميع ليس أسوأ من حميدتي وجنجويده إلا الكيزان.
حميدتي لا يقاتل من أجل الشعب السوداني وإنما لمصالحه. والشعب لا ينسى.
11. بتاريخ 30 مايو 2019 عن حميدتي والبرهان عن حميدتي والبرهانعن حميدتي والبرهان (قبل 3 أيام من مذبحة فض اعتصام القيادة) والبوست يشتمل على مقالات متميزة أترك لك وللقارئ الكريم متعة قراءتها. وأنا ذاتي حأرجع ليها بعد أن أختم هذا البوست.
ــــــــــــــــــــ 17. بتاريخ 3 مايو 2023 عاجل البعشوم يكشف تاريخ آل دقلو بالتفاصيل بما في ذلك الشركات عاجل البعشوم يكشف تاريخ آل دقلو بالتفاصيل بما في ذلك الشركاتعاجل البعشوم يكشف تاريخ آل دقلو بالتفاصيل بما في ذلك الشركات ـــــــــــ 18. بتاريخ 1 أكتوبر 2021 من هو البعشوم؟من هو البعشوم؟ من هو البعشوم؟ــــــــــــ ــــــــــــ حقيقة البعشوم حقيقة البعشومحقيقة البعشوم ـــــــــــــــــــــــ 19. بتاريخ 26 سبتمبر 2020 معلومات عجيبة من البعشوم عن الدعم السريع والإمارات!! معلومات عجيبة من البعشوم عن الدعم السريع والإمارات!!معلومات عجيبة من البعشوم عن الدعم السريع والإمارات!! ـــــــــــــ
يتواصل
مواصلة:
20. بتاريخ 7 أبريل 2019 لماذا دخلت قوات الدعم السريع الجنجويد أمس إلى القيادة العامة للقوات المسلحة!! لماذا دخلت قوات الدعم السريع الجنجويد أمس إلى القيادة العامة للقوات المسلحة!! لماذا دخلت قوات الدعم السريع الجنجويد أمس إلى القيادة العامة للقوات المسلحة!! ـــــــــــــــــــ 21. بتاريخ 2 ديسمبر 2021 النُخب تتندر و مملكة الجنجويد تتجذر.. بقلم سمية هندوسة النُخب تتندر و مملكة الجنجويد تتجذر.. بقلم سمية هندوسةالنُخب تتندر و مملكة الجنجويد تتجذر.. بقلم سمية هندوسة ــــــــــــــــــــــــــــ 22. بتاريخ 17 مايو 2022 الجنجويد الأخير في أربعين صورة، مع التعقيب من د. عشاري أحمد محمود الجنجويد الأخير في أربعين صورة، مع التعقيب من د. عشاري أحمد محمود الجنجويد الأخير في أربعين صورة، مع التعقيب من د. عشاري أحمد محمود ــــــــــــــــــــــــــ 23. بتاريخ 1 يناير 2021 الجنجويد في السودان الجنجويد في السودان الجنجويد في السودان ـــــــــــــــــــــــــــــــ 24. بتاريخ 1 أبريل 2023 هل حقا تراهن قوى الحرية والتغيير على الجنجويد؟ هل حقا تراهن قوى الحرية والتغيير على الجنجويد؟هل حقا تراهن قوى الحرية والتغيير على الجنجويد؟ ـــــــــــــــــــــــــ مواصلة: 25. بتاريخ 23 فبراير 2023 آل دقلو والجنجويد هم ثمرة من ثمار الكيزان المُرَّة آل دقلو والجنجويد هم ثمرة من ثمار الكيزان المُرَّةآل دقلو والجنجويد هم ثمرة من ثمار الكيزان المُرَّة ـــــــــــــــــ 26. بتاريخ 6 مارس 2020 كن مع الدكتورة أديبة ضد الجنجويد-تعالوا في المحكمة كن مع الدكتورة أديبة ضد الجنجويد-تعالوا في المحكمةكن مع الدكتورة أديبة ضد الجنجويد-تعالوا في المحكمة ــــــــــــــــــــــــ 27. بتاريخ 28 ديسمبر 2021 تناسل المليشيات!!! تناسل المليشيات!!!تناسل المليشيات!!! ــــــــــــــــــ 28. بتاريخ 26 أبريل 2022 كلمة جنجويد - أحرقت دارفور وسوف تحرق السودان اذا لم يتم تدارك الأمر..!! كلمة جنجويد - أحرقت دارفور وسوف تحرق السودان اذا لم يتم تدارك الأمر..!!كلمة جنجويد - أحرقت دارفور وسوف تحرق السودان اذا لم يتم تدارك الأمر..!! ـــــــــــــــــــــــ 29. بتاريخ 22 أغسطس 2021 سواء كان المشهد قديما أم جديدا ولكنه يذكِّر بذلك المشهد من الجنجويد بعد فض الاعتصام سواء كان المشهد قديما أم جديدا ولكنه يذكِّر بذلك المشهد من الجنجويد بعد فض الاعتصامسواء كان المشهد قديما أم جديدا ولكنه يذكِّر بذلك المشهد من الجنجويد بعد فض الاعتصام ــــــــــــــــــــــــــ 30. بتاريخ 12 يناير 2021 حتمية تفكيك دولة فيروس الجنجويد المُتحوِّر بقلم:فتحي الضَّو الشعب في الشارع هو الذي سوف يستعدل العوج والتشوه الذي ألمَّ بالثورة الشعب في الشارع هو الذي سوف يستعدل العوج والتشوه الذي ألمَّ بالثورةالشعب في الشارع هو الذي سوف يستعدل العوج والتشوه الذي ألمَّ بالثورة ـــــــــــــــــــــــــ 31. بتاريخ 24 أبريل 2023 فارس النور مستشار حميدتي في لقاء كاشف مع قناة الحدث فارس النور مستشار حميدتي في لقاء كاشف مع قناة الحدثفارس النور مستشار حميدتي في لقاء كاشف مع قناة الحدث ـــــــــــــــــــ 32. بتاريخ 26 أبريل 2022 حول جريمة دارفور الجديدة في كرينك قرب الجنينة.. رصد ومتابعة حول جريمة دارفور الجديدة في كرينك قرب الجنينة.. رصد ومتابعةحول جريمة دارفور الجديدة في كرينك قرب الجنينة.. رصد ومتابعة ــــــــــــــ يتواصل بحول الله
05-21-2023, 02:44 AM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 48851
بخصوص الرجل الذي وصفته بالخواجة، قد يكون أبيض أو ملون أو حتى أسود. ولا أستبعد أن يكون جاسوسا أو عميلا أو تابعا لفاغنر الروسية. لا أستبعد علاقة له بالإمارات أو السعودية أو مصر أو ليبيا. الجيفة بتلم الصقور.
شوف هنا:
05-21-2023, 02:48 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1272
ياسر كيف حالك؟ مواقفك المبدئية انا عارفها تماما ودي ما بيختلف عليها اتنين انا ما بتكلم عن مواقفك انا مستغرب لحيادك غي المعركة دي بين الجيش عنوان الدولة ومليشيا تحاول تبنلع دولة نتيجة اطماع شخص دموي بطبيعته كل العاوز اقولوا ليك حاول تبص للصورة في فيديوهاتهم حتلقى كتير الكتير البفضحهم مودتي
05-21-2023, 11:20 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1272
الأخوين جمال المنصوري وياسر الشريف لكما التحية والإحترام. فقط للعلم، بكل أسف، عندي مداخلة واحدة في اليوم.. أخونا بكري حظرني من قبل سنة لما قلتا في ما معناهو.. الدعم السريع صنعتو النخبة النيلية المسيطرة علي مقاليد الدولة السودانية وعليهم تحمل ماصنعتهو أياديهم.. والجاب ليهو دبيب يتوكل ويلفو علي رقبتو.. أخونا بكري حقو يعلم جيدا، السودان ده لايمكن يستمر كدولة محترمة بعقلية القرن العشرين.. يعني إذا الناس قاعدة بتكمم في أفواه الناس وما عايزة تسمع إلا للشيء اليروقها، والغريب في الأمر، منارة وعي زي منبر سودانيزأونلاين مامفروض يكمم الأفواه، كان حري به أن يكون محايد، كما عهدناهو، ويظل شعاع ساطع ينير ظلام دويلة مابعد "الإستغلال".. كما قال فيهو حضرة المستشار يوسف إبراهيم عزت الماهري: سودانيزأونلاين هو وطن من لاوطن له!!
ندخل في الموضوع: يا أخي جمال المنصوري، بالمناسبة ده فهمك إنت لموقفي من الدعم السريع ولك مطلق الحرية في أن تفهمني وتفسرني زي ما إنتا عايزلكن أنا سأفسر موقفك من القوات "المصلحة" السودانية بأنك رفيق راحت منو الحقيقة وعايز يتحسس طريقها بوين..
قلتا لي فيما معناهو: مامفروض نحمل الجيش وحده وزر محارق دارفور!! هل تعلم ياجمال الجيش الحالي لايتحمل وزر محارق دارفور فحسب بل يتحمل وزر و وزر كل مخالفة قانونية أو مخالفة دستورية يرتكبها الدعم السريع!! لماذا؟ من أشعل المحارق بجبال النوبة، بالنيل الأزرق، بجنوب السودان من الخمسينيات ثم ما أدراك ماهية محارق الجنوبين!!فقط الجيش ولاسواهو يتحمل كل هذه الإنتهاكات من 1955 وحتي تأريخ يومنا هذا.. بعدين الجيش ده هو الصنع الدعم السريع واليوم إتغلبت مصالح الصقور وطفقوا يتعتون شركائهم ناس الدعم السريع بالجهلة.. مش قلالوا عنهم برابرة، جهلة، وهمج، ومتخلفين وماعندهم تخطيط!! طيب لماذا القوات المسلحة السودانية المنظمة والغير همجية، والواعية والقياداتها خريجة كليات "القادة والأركان" بتستخدم مثل هؤلاء الجهلة خريجي كليات الخلا والكراكير، لضرب الثوار لا بدارفور بل بالأطراف غاطبة!! المثل بقول:الجاهل في ذمة المتعلم، والهمجي في ذمة المنظم أو علي وزن: السكران في ذمة الواعي وأيضا قلت الدعم السريع قام بالإبادة ودي كلمة حق أريد بها باطل! لماذا؟ أكرر مين صنع الدعم السريع؟ مين الفكر في محاربة الهامش بإستخدام مليشيات الجنجويد، المراحيل، كتائب الظل، جهاز أمن القبائل، درع السودان،الدفاع الشعبي، كمال لوما، رياك مشار، واليوم يستخدم ترك بشرق السودان؟ من أين للدعم السريع هذه الأسلحة، وهذه المعدات الجربية من أين تأتيهو الخطط الحربية والمعلومات الدقيقة التي تعينهم علي دحر ثورات الأطراف !! من أين يجد الجنجويد غطاء الطائرات البتحميهم حتي يقوموا بعملياتهم العسكرية "الناجحة"؟ قلتا لي يا أخ جمال، الدعم السريع هو من أخمد ثورات دارفور!! هل تعلم لو كان في جيش قومي،وطني، لما كان يقود حروبه من خلف حجاب المليشيات والقبائل وذلك علي طول وعرض الوطن! فقط للتذكير، هل الدعم السريع هو من أخمد ثورات الغلابة عام 1924، أنانا ون وأنانا تو، إتحاد جبال النوبة في الخمسينيات، نهضة دارفور، جبهة سوني، مؤتمر البجا، ثورة يحيي بولاد، مطالب الغلابة في السبعينات زمن مايو المشئوم؟؟ هل تفتكر أخمدها الدعم السريع أم أن قيادات دويلة ما بعد "الإستغلال" والجيش في المقدمة، هم من أخمدوا هذه الثورات؟ هل تعلم يا أخ جمال تعلمنا من التأريخ (البائس) بتاع الدويلة المعطوبة الحالية، بأنو عندها المقدرة الفائقة في تفريخ مليون دعم سريع وبألوان وأشكال مختلفة.. فقط عشان يستمروا في الكنكشة علي كراسي الحكم وعلي مص دماء الشعب السوداني .. زيهم وزي القراد والقيم والهيم والباعوض.. ماعندهم وطنية ولا عندهم أخلاق ولادين.. همهم الأول والأخيرسياسة فرق تسد. شايفك قلتا روح الفكرة الجمهورية هي البحث عن قلب الحدث وليس الحدث نفسه!! يازول بتعاين لعدم وطنية الجيش وهو قلب الحدث وبتطعن في الدعم السريع وهو الحدث!! ماهذا التناقض يا جمال!! أما بخصوص شريط الفيديو المرفقو هنا: فيهو قلتا الدعم السريع قوة عميلة بتنفذ في أجندات لا علاقة لها بمصلحة الوطن!! أكرر كل مايقوم بيهو الدعم السريع، شين أو سمح هو معلق في رقبة قيادة القوات المسلحة السودانية وعصابة الأكواز بهذه الدويلة الفاشلة(عساكر ومدنين) بعدين ما تلوم ولد الفار لأنو بأصلو حفار.. وارث العمالة من جينات أسلافو!! أزيدك من الشعر بيت: برهان مشي يطبع مع الإسرائيلين وقابل نتينياهو بكمبالا.. عبود اعطي حلفا بكل تأريخها لجمال عبدالناصر وكان يتجسس علي الأفارقة لصالح أمريكا، الجيش بقيادة البشير باع جنوب السودان، لليوم العميل قوش قاعد عميل بمصر،نميري رحل اليهود الفلاشة.. القوات المسلحة السودانية عميلة بإمتياز وعليه كل مليشياتها الطالعه من رحمها عميلة!! ختاما اليوم حضرة المستشار المخضرم، يوسف إبراهيم عزت في جولة مكوكية حول دول الجوار لتنوريهم بمايدور بالمطبخ السوداني وإن شاء الله قريبا سيتفق الدعم السريع والمنظومة الدولية والإقليمية ويتم تجفيف منابع الإرهاب داخل وكر عصابة القوات المصلحة السودانية وذلك بإعادة بناء قوات مسلحة سودانية وطنية ولتذهب القوات المصلحة السودانية وغير مأسوفا عليها في ستين داهية : وعليه عشان الناس تقعد بقلب رجل واحد وتبني دولة المواطنة يكون فرض عين عليهم، ضرب رأس الحية وليس الضرب علي ذيلها! الضرب الصاح يبدأ من رأس القوات النظامية ويجي نازل تحت لباقي مؤسسات الدويلة الهزيلة المضطربة، بمعني إخر، لابد من إعادة بناء القوات المسلحة السودانية ب أسس جديدة عشان تكون قوات قومية تحمي الوطن والمواطن وهذا ما هو حاصل بالرياض وبعواصم أقليمية ودولية... الثقل بتاع آفروكووم ح يكون بالخرطوم.
الإطالة علي مسئولية بكري أبوصلعة.
شالوم كما قال أميرنا المفدي بشاشا ود الإله آمون رع.
05-21-2023, 12:43 PM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1272
Quote: من أشعل المحارق بجبال النوبة، بالنيل الأزرق، بجنوب السودان من الخمسينيات ثم ما أدراك ماهية محارق الجنوبين!!فقط الجيش ولاسواهو يتحمل كل هذه الإنتهاكات من 1955 وحتي تأريخ يومنا هذ
ابو حميد كيف حالك؟ ح اخد الجزئية دي وارد عليها وبعدين ان شاء الله ارد على بقية النقاط: يا ابو حميد صراع 1955 واعلان التمرد كان بسبب السياسيين في الاقليم الشمالي (السودان الحالي) تراجعوا عن مقترح الحكومة الاتحادية، الكان مفترض تكون صيغة الحكم في السودان حال الاستقلال هذا التراجع الغير مسئول والمدمر انجب ما عرف لاحقا بتمرد أنانيا في عام 1955 الذي استمر إلى عام 1972 الجيش لم يكن له يد في اشعال الحرب النخبة السياسية والكوادر الادارية وقتها هي التي تسببت في هذه الكارثة ولا يمكن لومه فالجيش تم توريطه من قبل السياسيين في هذه الحرب وورثها بعد ذلك. نفس الجيش هو الذي قام بمحاولة ناجحة لأيقافها من 1972 وحتى 1983 واشتعال الحرب مرة اخرى كان بدافع من فشل السياسيين الذين دفعوا برأس الدولة لأعلان القوانيين الاسلامية ، حتى صراع دارفور اشعله الساسة وليس العسكر وتم توريط الجيش فيه بجيك لى باقي النقاط عشان ارتب ليك المستندات التي تدعم حججي تسلم
05-22-2023, 06:00 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1272
Quote: أزيدك من الشعر بيت: برهان مشي يطبع مع الإسرائيلين وقابل نتينياهو بكمبالا.. عبود اعطي حلفا بكل تأريخها لجمال عبدالناصر وكان يتجسس علي الأفارقة لصالح أمريكا، الجيش بقيادة البشير باع جنوب السودان، لليوم العميل قوش قاعد عميل بمصر،نميري رحل اليهود الفلاشة.. القوات المسلحة السودانية عميلة بإمتياز وعليه كل مليشياتها الطالعه من رحمها عميلة!!
نجيك للنقطة دي، والظاعر من مداخلتك المقصود هو دفع العمالة عن الدعم السريع. الفرق شاسع يا سيدي البرهان لمن مشى قابل نتاياهو مشى بصفته الرسمية في الدولة حتى وان كانت الزيارة سرية ممكن تورينا الصفة الرسمية في الدولة لعزت ابراهيم؟ النقطة الثانية: تبقى واهم لو اعتقدت ان المجتمع الدولي والمجتمع الافريقي ح يقيف مع الدعم السريع ليه؟ عشان دي حتبقى سابقة في القانون الدولى، وما شاء الله كل الدول اللي بيزورها عزت دلوقت عندها مليشيات تسعى للسلطة في تلك الدول يبقى كده عندها الحق تستعين باي قوى اقليمية وعينك ما تشوف الا التور.....كدي عاين كويس حوليك من ارتريا وبي شارع كسلا لحدت شارع الانقاذ الدولي وقول لينا بتشوف شنو؟ وحاتك يا ابوحميد لو ما الحاكية كدي، كان ارتريا، واثيوبيا، وجنوب السودان، وافريقيا الوسطي، وتشاد، وحفتر، كان دخلوا السودان عنوة واقتدار.. انا مع حقك المشروع في الحلم كمان من حقي انورك انو خلي الحلم معقول.. ديموقراطية شنو البيجيبها حميدتي للسودان !!!!! عجبي واحد بيهدد سكان العاصمة بانو لو قام ح يخلي العمارات دي تسكنها الكدايس تحياتي
05-22-2023, 07:10 PM
Mohamed Adam Mohamed Adam
تاريخ التسجيل: 01-21-2004
مجموع المشاركات: 5198
سلام يا أخ جمال قلت لي فشل إعلان 1955 كان سببو السياسين والجيش ليس له يد فيهو!! ثم واصلت وقلتا الجيش وجد نفسو مضطرلخوض تلك الحرب !! بالله!! بالجد أقنعتنا!! ياجمال ده تبرير للجيش أقبح من الذنب. طيب لو أصلو الجيش السوداني جيش وطني كان ببساطة رفض يخوض حرب، سببوها السياسين، ضد مواطنيه العزل بالجنوب!! دونك الجيش المصري عندما إنهار نظام حسني مبارك، رفض ينصاع للسياسين من الطرفين، جماعة حسن البنا وجماعة الناصرين وإختار أن ينحاز للشعب. ودونك الجيش التنونسي رفض ينصاع للسياسين بنظام الحبيب بورقيبة بقيادة زين العابدين بن علي وبرضو إنحاز لشعبه والشواهد علي قفا من يشيل!! أكرر إنت حر في تصنيفك لي وده شيئ بيخصك لايخصني في شيئ.. أنا ما واقف مع الجيش ولا واقف مع الدعم السريع بالنسبة لديا الإثنين شيئ واحد هو والدعم السريع مش قريييب ده كانا اللجنة الأمنية لنظام الكيزان !! الجيش السوداني خاتفاه قبائل وفي مناطق بعينها(2500 ضابط تقريبا) من رتبة عقيد وما فوق ده كلهم من مدينة واحدة بالشمال الجغرافي وبعد ده كوولو تقول لي دة جيش وطني!! أوعك تقول لي جيب لي مصدرإحصائيتك!!
سألتني عن ماهية الصفة الرسمية لسيادة المستشار يوسف عزت!! وأنا أسألك ماهية الصفة الرسمية لنظام لإنقاذ، لنظام مايو، ولنظام عبود ؟ ماهية الصفة لنظام الفلول بالديش البيتفاوضوا مع الدعم السريع بالسعودية! مش كلها نظم عسكرية خانت عهد العسكرية وفرضت نفسها علي الشعب السوداني بقوة السلاح!! وقاعدين يتجولوا في دول العالم يسوقوا لأنظمتهم كما يفعل اليوم المستشار يوسف عزت!! الآن منظومة الدعم السريع كقوة عسكرية وقفت بالمرصاد لنطام المؤتمر الوطني ومنعتو من أن يرجع للسلطة وبرضو بقوة السلاح!!
أي عاقل لو خيروه بين شرين ح يختار أخف واحد بيناتم! الدعم السريع أم نظام الإنقاذ!! الأول مقدور عليه لأنو غير مؤدلج أما الثاني فهو نظام أخطبوطي.. الأول علي حسب زعمكم من قبيلة واحدة عايزة تحكم السودان(ولأول مره في تأريخ هذة الدويلة) والثاني مكون من 3 قبائل ومن جغرافيا واحدة وعنده فرية ولاء آيدلوجي لجماعة الهوس الديني(وقاعد يحكم في هذة الدويلة لأكثر من 60 سنة)!! الأول طموحه محدودة والثاني طموحه بلاسقف، وكمان بيحلم بأسلمة أفريقيا والعالم غاطبة!! ويجعل دويلة السودان مفتوحة للأجانب الإرهابين!
الجيش السوداني بما فيه الدعم السريع(وفقا للوثيقة الدستورية) هما شريكين في حكم المرحلة الإنتقالية!! الإن حصل بينهما خلاف في كيفية إدارة تلك المرحلة.. الجيش عايز يخون الدعم السريع ويخون الشارع السوداني.. ويرجع نظام الفلول ل\فة الحكم. الدعم السريع بيري لابد من المضي قدما في تنفيذ الإتفاق الإطاري وفي الكفة الأخري، بيري صنو الجيش أحسن يقوموا بإنقلاب!! الدعم السريع رفض لأنه قطع عهد علي نفسو أن يستمرقدما في تنفيذ بنود الإتفاق الإطاري(طبعا من لسان قياداته). الآن الدعم السريع قاعد يقاوم بالسلاح في دحرصقور الجيش من فلول النظام السابق وماشايعهم حتي لا يعودوا للسلطة مرة أخري وبيصر، عليهم بتسليم السلطة للشعب وفقا لما نص عليه الإتفاق الإطاري. الإثنين كضابين لكن في كضاب بس وفي كضاب أوي أوي..
نحن نشجع الكضاب علي الكضاب أوي أوي(نظرية الواقعية).. الدعم السريع علي مستوي قيادته قال انهم شاركو في إنقلاب 25 القام بيهو برهان وإعترف بخطئه أما نظام الفلول للآن لم يعترف بخطئه!! الحرب الدائرة من يوم 15 بالخرطوم قام بإشعالها، نظام الفلول والجيش رفض يعترف بتلك الحقيقة وقاعد يكابر ويغطي علي تورط الفلول بكل السبل.. زي ما الجيش صنع الدعم السريع وجعله شريكا له في الوثيقة الإطارية.. من باب إختيار الأسوأ نحن ح نشجع الدعم السريع ضد نظام علي كرتي وأنس عمر..الخ. ح نصفق للمنتصر وبرضو ح نصفق للمهزوم لأن المهزوم هُزم من عملية: دقنو وأفتلو!! أنا ياجمال موقفي من الفريقين أضمنه في مقولة: إذا إختلف اللصان بان المسروق.. مافيش جيش وطني بدويلة هؤلاء الصعايدة والخونة فلول النظام البائد!!
تريقة: ماتكونو حاقدين خلوا الهامش الممثل في المستشار يوسف عزت يتقدل بين الدول كما تقدلت عصابة الشمال النيلي 70 سنة في دول العالم تسوق لنفسها وتقنن ليها عشان تحكم قبضتها علي قيادة السودان!!
خايلة القدلة فيك يا حضرة المستشار يوسف عزت.
(عدل بواسطة Mohamed Adam on 05-22-2023, 07:29 PM) (عدل بواسطة Mohamed Adam on 05-22-2023, 07:54 PM) (عدل بواسطة Mohamed Adam on 05-22-2023, 08:23 PM)
05-23-2023, 12:34 PM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 48851
Quote: مواقفك المبدئية انا عارفها تماما ودي ما بيختلف عليها اتنين انا ما بتكلم عن مواقفك انا مستغرب لحيادك غي المعركة دي بين الجيش عنوان الدولة ومليشيا تحاول تبنلع دولة نتيجة اطماع شخص دموي بطبيعته
أنا لست محايدا بين الدعم السريع وانقلابيي الجيش من الإسلاميين، بل أنا ضدهما معا، ولا أحتاج أن أكون منحازا لأحدهما، ولكن هجومي الأكثر هو على انقلابيي الجيش. إنت قادر تتصور جيش يُتهم كبار جنرالاته بإدخال حاويات بأكملها من المخدرات إلى بلدهم نفسه؟؟ شوف هنا بالله: ضبط 12 طنا من المخدرات بلبنان مموهة في صناديق متوجهة الى السودانضبط 12 طنا من المخدرات بلبنان مموهة في صناديق متوجهة الى السودان أما الدعم السريع فهو صناعة الإسلاميين، وقالوها عدييل: "نحنا حميدتي بنتم بيهو شغل". ولذلك كان الدعم السريع هو الظاهر في الواجهة بدمويته وبأفعاله المنكرة، ولكن إذا دققت النظر فستعرف أن المسئول قبلهم هو نظام البشير وحركته الإسلامية المزعومة. حتى محاولة حميدتي وآل دقلو والدعم السريع ابتلاع دولة السودان فله فائدة، وفائدته قد ظهرت بهذه الحرب التي ألقت قفاز التحدي أمام السودانيين، مما يجعلهم يكملون ثورتهم السلمية العظيمة بدون الخضوع لشروط حميدتي أو البرهان. في يوم 20 فبراير الماضي نشر الكاتب الضابط السابق خليل محمد سليمان مقالا في باب المقالات وضعته في سودانيز بتاريخ 23 فبراير في بوست عنوانه: آل دقلو والجنجويد هم ثمرة من ثمار الكيزان المُرَّةآل دقلو والجنجويد هم ثمرة من ثمار الكيزان المُرَّة سأضع المقال أسفل مداخلتي لك لتقرأه. تقول:
Quote: كل العاوز اقولوا ليك حاول تبص للصورة في فيديوهاتهم حتلقى كتير الكتير البفضحهم
صدقني يا منصوري أنني ربما أكون من أكثر الأعضاء في هذا المنبر اطلاعا على فيديوهات الجنجويد ــ الدعم السريع ــ ويشهد بذلك ما أرفقته لك في مداخلتي السابقة، وبالأخص علاقتهم بالإمارات والسعودية وأدوار أناس مثل الجاسوس متعدد الولاءات طه عثمان الحسين.
وكما سترى في مقال خليل بأسفله أن الإسلاميين ما كانوا يتوقعون أن يكون الدعم السريع بهذا القدر من التخطيط لابتلاع السلطة والثروة في السودان. ـــــــــــــــــــــــــــــــ
Quote: تحليل قصير، و نشيط، و الرهيفة التنقد.. كتبه خليل محمد سليمان
12:30 PM February, 20 2023
سودانيز اون لاين خليل محمد سليمان-مصر مكتبتى رابط مختصر
بالواضح الما فاضح الآن المعركة بين حمدتي، و الكيزان بدت واضحة المعالم، كالشمس في رابعة النهار..
ح اقفز علي كل الماضي، و إنشاء الدعم السريع، و المواقف في المراحل المختلفة، و الجرائم، من دارفور مروراً بفض الإعتصام، و صولاً لكل الشهداء بعد الإنقلاب الذي إعتذر حميدتي عنه، و ابدى ندمه في المشاركة، تظل الحقيقة لدى الكيزان ان الدعم السريع هو سبب سقوط دولتهم، و زوال مجدهم..
شاء من شاء، و ابى من ابى يظل الجيش حتي الآن هو القلعة الحصينة للكيزان، بلا منازع..
لديهم مقولة “ حميدتي دا بنتم بيهو شغل”
غباءهم اعماهم عن التحالفات الدولية، و طموح الرجل، و تجارته، و نفوذه الذي فاق تصورهم المحدود، و إمكانياتهم المتواضعة، بالتأكيد لا يقبل العودة الي الوراء، فقد تذوق طعم القصر، و عاش في ظل فخامته.
إستشعروا ان حميدتي هو العقبة الكؤود في طريقهم، و وجوده يمثل تحدي بالنسبة لهم.
كنا ندعو بالإسراع في إصلاح المؤسسة العسكرية بكل جدية، لأننا نُدرك خطورة الامر في فقدان الثقة في المؤسسة العسكرية..
حالم من يرى ان يتم الدمج في ظل سيطرة الكيزان علي الجيش، او علي هوى البرهان، و كباشي..
تمترس فكي جبرين عراب سلام جوبا في معسكر البرهان، دليل دامغ علي ان المعركة هي معركة الحركة المسيلمية بإمتياز.
لا نريد الخوض في تحليل موقف حميدتي، فننتظر ما تحمله الايام القلائل القادمات حتي تتضح الرؤيا بشكل كامل حيث نهاية الإطاري، كما ذكر بأنه يجب عدم الإنتظار، فرغماً عنا سننتظر لطالما يقف في المعسكر الآخر الكيزان، و الفلول.
هذا لا يعني ان قوات الدعم السريع خالية من الكيزان، بل لا يزالون كما تركهم المخلوع، و نعرفهم بالاسماء، و المواقع، و نرصد حركتهم.
كسرة..
عندما تحدثنا في وقت مبكر عن كل هذا المشهد العبثي ذهبوا بنا الي المحاكم، و المعتقلات، و هاهم يرددون بلا حياء ما كنا نقوله بكل شفافية، و وضوح، فقط لأنهم احسوا بالخطر.
كسرة، و نص..
لا تقول لي جيش، و لا مؤسسة عمرها مائة عام، في ثلاثة عقود اصبح قلعة كيزانية حصرية علي التنظيم المسيلمي.
كسرة، و تلاتة ارباع..
اعتقد لم يعد في الوقت متسع للإصلاح، فالمواجهة حتمية..
نقولها بمعنى آخر..
الجيش تحت قيادة البرهان، و لجنة المخلوع الامنية هو مليشيا كيزانية، لا يتميّز علي ايّ مليشيا في ايّ شيئ، سوى الاعراس الجماعية، و مناسبات الطهور، و لا احد يحق له الحديث عن الدمج، و التسريح قبل إصلاحه، و طرد الكيزان، و إعادته الي مهنيته، و وطنيته، بخطة، و برنامج معلوم لكل الشعب السوداني، و بمنهج..
علي فكرة لو إنبشقت، و الإنبشاق اصبح قاب قوسين او ادنى، فليعلم الجميع ان الشعب السوداني ليس لديه ما يبكي عليه، فخيار البند السابع هو الخيار الامثل، و الاجدى له”
“ سنستقبله بطلع البدر علينا”
عليكم الله جيش رئيس اركانه محمد عثمان الحسين، كيف يمكن ان يُعتبر مؤسسة عسكرية محترمة؟
اخيراً..
دعمك لترس الشمال هو فرض عين، لأنه يحافظ علي مالك، و قوت عيالك، و اهلك، لطالما تعاني البطالة، و الفقر، و المرض.
“الزاد لو ما كفى اهل البيت يحرم على الجيران”
05-23-2023, 02:42 PM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1272
Quote: طيب لو أصلو الجيش السوداني جيش وطني كان ببساطة رفض يخوض حرب، سببوها السياسين، ضد مواطنيه العزل بالجنوب!! دونك الجيش المصري عندما إنهار نظام حسني مبارك، رفض ينصاع للسياسين من الطرفين،
ابو حميد كيفك يا ملك؟ منو القال ليك اصلا ان الجيش ده انشأ على اسس وطنية، ده كلام ما واقعي الجيش السوداني حتى عام تاريخ 1/1/1956 اسس على تبعيته للحاكم العام البريطاني، ولم تكن عقيدته القتالية مبنية على قتال الانجليز واخراجهم من السودانـ اول جماعة سياسية حاولت ادخال السياسة في الجيش هي جمعية اللواء الابيض، والجناح العسكري بقيادة عبدالفضيل الماظ، صنف من قبل هذا الجيش على اساس انه متمرد، اما نحن نسميهم ثوار ده موضوع تاني لا علاقة له بواقع الجيش.. اجيك للوضع في عام 1955، انت فهمت قصدي غلط، الاتفاعل مع القرارات السياسية هي قوات تابعة للجيش مواقعها في جنوب السودان، الجيش السوداني الذي كان وقتها لايزال تحت امرة الحاكم العام تعامل مع هذا الوضع بصفة عسكرية بحته، وصنفها بقوات المتمردين، وليس مليشيا متمرة، طيلة قتاله معها كانت الصفة الملازمة لتحولات تلك القوة بانهم متمردين، الحاكم العام البريطاني وقتها لم يصنفهم من منطلق سياسي، والجيش في هذه الحالة وبموجب القوانين العسكرية عليه اخضاع هذه القوات للأحكام العسكرية.- ده الانا قصدته ده مفس التصوصيف البيطلقه الجيش على قوات الدعم السريع، نححن نسميهم جنجويد، ومرتزقة، ولكن الجيش لا يزال حتى الان يصفهم بالمتمردين.. ليه؟ لأن الدعم السريع قوات نظامية انشأت بقانون، وبهذا التوصيف رفض الجيش تسليح المواطنين عشان ما يخرج الوضع من التصحيح العسكري الداخلي الى مفهوم الحرب الاهلية، والعالم كله بينظر الى المسألة من هذه الزاوية، اما زاويتنها للحدث لا تقدم ولا تأخر، مجرد سنيدين للبطل والخائن برغم تساوي حظوظ رؤى الجانبين.. شالوم
05-23-2023, 05:15 PM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1272
Quote: أي عاقل لو خيروه بين شرين ح يختار أخف واحد بيناتم! الدعم السريع أم نظام الإنقاذ!!
ابو حميد دي بيقولوا عليها مغالطة منطقية، التوصيف الصحيح هو الخيار بين جيش ليس كله كيزان، وقوات رئيسها صناعة كيزانية بامتياز، الاختيار هنا بيكون بين عقيدتين قتاليتين مختلفتين عقدية الجيش اللي هي الحفاظ على كيان الدولة السودانية وعيدة الدعم السريع التي اساسا هي اخماد الثورة في دارفور دي هي المعادلة البي موجبها يكون الاختيار.. ازيدك من الشعر بيت واحد.. حتى لو افترضنا ان الدعم السريع فصيل ثوري .. ده كمان اسوأ اختيار... ليه؟ اولا: اثبتت التجارب بما لا يدع للشك ان اي حركة ثورية ذات اهداف سامية بتتحول لديكتاتورية شنيعة تقوم بافعال اسوأ من الافعال التي قامت ضدها، وناخد هنا بعض الامثلة: الثورة الفرنسية صاحبة المقولة التاريخية (الثورة تأكل ابنائها) تم اغتيال الثوار جميعهم بالقوانين الثورية التي نشأت عليها. - الثورة البلشفية: تحولت الى ديكتاتورية فظيعة. * حركة الضباط الاحرار في مصر: انتهت باختلاف الرفاق وانفراد جمال عبدالناصر. بالحكم * الثورة الصينية: قامت بتصفية معظم رموزها في ما يسمى الثورة الثقافية، واخيرا تحولت الى رأسمالية الدولة. * حركة موغابي- جوشوا انكوموا: تم التخلص من رفاق السلاح وانفرد موغابي بالحكم كأسوأ نظام ديكتاتوري في افريقيا. * حركة التحرير الارترية اهو زي ما انت شايف افورقي حالف ما ينزل من الكرسي * عندك لحمنا ودمنا الحركة الشعبية لتحرير السودان، اسأل اين رفاق سلفا وما ادراك ما سلفا من يوم مسك لحدي هسع انتخابات مافي. * واخيرا وليس اخرا الحركة الاسلامية الصودانية، دكتاتورية زايد تصفيات الرفاق + الانشطار الاميبي
ثانيا: الحداية ما برميش كتاكيت. نتابع باذن الله
05-24-2023, 03:26 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1272
Quote: سألتني عن ماهية الصفة الرسمية لسيادة المستشار يوسف عزت!! وأنا أسألك ماهية الصفة الرسمية لنظام لإنقاذ، لنظام مايو، ولنظام عبود ؟ ماهية الصفة لنظام الفلول بالديش البيتفاوضوا مع الدعم السريع بالسعودية! مش كلها نظم عسكرية خانت عهد العسكرية وفرضت نفسها علي الشعب السوداني بقوة السلاح!! وقاعدين يتجولوا في دول العالم يسوقوا لأنظمتهم كما يفعل اليوم المستشار يوسف عزت!! الآن منظومة الدعم السريع كقوة عسكرية وقفت بالمرصاد لنطام المؤتمر الوطني ومنعتو من أن يرجع للسلطة وبرضو بقوة السلاح!!
تعرف يا أبو حميد في مثل بيقول ليك (حمدو في بطنو) علاقة المثل ده بالاقتباس الفوق ده علاقة قوية شديد، انت في كلامك ده جاوبت على نفسك بنفسك، على سؤالك (ماهية الصفة الرسمية لنظام لإنقاذ، لنظام مايو، ولنظام عبود ؟) ردا على سؤالي: سألتني عن ماهية الصفة الرسمية لسيادة المستشار يوسف عزت!!
الجواب ببساطة يا أبو حميد انو ديلاك أنظمة تم الاعتراف بها دوليا، اما المستشار عزت لا يمثل نظاما معترفا به ..بس بكل بساطة
Quote: الآن منظومة الدعم السريع كقوة عسكرية وقفت بالمرصاد لنطام المؤتمر الوطني ومنعتو من أن يرجع للسلطة وبرضو بقوة السلاح!!
في دي ضحكتني بالجد، لأنو هذه المنظومة تقاتل نظام الكيزان عشان هي حلت محلهم والدفاع عن مصلحتها مش عشان مصلحة السودان، مهرب دهب بيستغل ثروة الشعب السوداني لمصلحته الشخصية، وبيعيش في رفاهية غير محدودة عاوز يجيب الديمقراطية والعدالة الاجتماعية للشعب ؟ !!!! والله ما بتدخل الدماغ الا على حكمة عبدالفتاح القصري (عجبت لك يا زمن) مودتي
05-24-2023, 05:09 PM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1272
تخيل الزول ده متروس حجبات وبيقول الله اكبر وبيحلف انو مع الشعب السوداني ياخي ضحكتني كدي اقيف مع نفسك وسيبك من دجل الحجبات ودجل انكم عاوزين تجيبوا الديمقراطية ياخي انت دجال في عضمك ده
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
جمال المنصوري
Mohamed Adam
Yasir Elsharif
فيس بوك
تويتر
انستقرام
يوتيوب
بنتيريست