|
كتب الكاتب الفاتح جبرا المتوفرة بمعرض الدوحة
|
|
 Re: صور تُظهر حجم الدمار الذي طال مركز محمد عم (Re: حيدر حسن ميرغني)
|
كتب Abdelgadir Ismail Ahmed في حسابه في الفيس بوك :
احساسنا بالدمار والنهب الحصل للبلد دي غايتو ما اظن في كلمات بتوصفو....
وحجم القهر البتحس بيهو لمن يقولو ليك خشو بيتك وعبثو بي محتوياته وماتكون انتا عارف زاتو شالو شنو وخلو شنو وكسرو شنو دا حاجة كدا لا توصف...
أما الحصل لي مركز محمد عمر بشير للدراسات السودانية جامعة أم درمان الأهلية الشفتو في صور الليلة دا كمان كارثة واحساس بالخسارة صعب يتخيلا زول ما زار المركز دا وشاف الفيهو...
المركز دا انا بفتخر وبحمد الله طول عمري اني واحد من الاشتغلو فيهو ونعموا بالمتوفر فيهو من مراجع وكتب ووثائق وارشيف...
المركز دا فيهو أراشيف كتيرة ونادرة شديد.... فيهو ياخ محاضر مؤتمر الخريجين.
فيهو مكتبات ناس فاتو واوصو بي انو مكتباتم واراشيفم تجي المركز دا وتتاح من خلاله للباحثين.
المركز دا فيهو وثائق ذات قيمة كبيرة خلاص اتجمعت من خلال عمل بحثي ميداني ما بتتلقي تاني...
فيهو مخزن فيهو نسخ لي اصدارات من منشورات المركز دا نفدت ومافي تاني في الاسواق...
صعب صعب صعب قيمة ما بالمركز دا من كتب واراشيف ووثائق تقدر بثمن..
ياخي فيهو مكتبة بروف محمد عمر بشير الشخصية والله فيها مخطوطات بي خط يدو ووثائق نادرة اصلو ما ممكن تتلقى في حتة تانية....
لي حرقو انا ما عارف؟
لي بتحرق مكتبة؟
لي بتدمر ارشيف؟
لي بتبيد بي يدك ذاكرتك وذاكرة وطنك؟
غايتو بتحصل حاجات في الحرب دي انا غايتو ما قادر افسرا....
الخسارة الفردية بتاعت بيتك، عربيتك، دكانك، بضاعتك، مصنعك، على كبر حجمها وفداحتا والله بتضاءل قدام حاجة زي حريق ارشيف زي دا....
طيب دار الوثائق القومية، بي موقعها جم القيادة يا الله كيف حالا؟
مكتبة السودان، الفي نفس المنطقة المدورة فيها اعنف معارك الحرب دي من شهر؟ كيف؟
مكتبة معهد الدراسات الافريقية والآسيوية بجامعة الخرطوم كيف؟
اصابتنا الحرب في أعز ما نملك..
| |
  
|
|
|
|
|
|
|
|
Re: صور تُظهر حجم الدمار الذي طال مركز محمد عم (Re: حيدر حسن ميرغني)
|
كما كتب عمر الشامي الكناني :
جامعة أم درمان الأهلية
مركز محمد عمر بشير للدراسات السودانية .
المكتبة تعتبر ذاكرة وطنية مهمة ، حيث تضم مجموعات نادرة من كتب شخصيات مهمة مثل محمد عمر بشير والشيخ الدرديري وعزت فرحات وابراهيم يوسف سليمان وزينب البكري وحماد توفيق وذلك غير من التراث الذي تم جمعه من البحوث .
ثمة تراث علمي ضخم قد قُبِر هنا
" اللهم أجرنا في مصيبتنا و أخلف لنا خيراً منها " .
| |
|
|
|
|
|
|
|
|
|
Re: صور تُظهر حجم الدمار الذي طال مركز محمد عم (Re: حيدر حسن ميرغني)
|
من إصدارات مركز محمد عمر بشير للدراسات السودانية الذى تم حرقه و تدميره
1/ قضايا التعليم العالى و الجامعى _ بروفيسور محمد عمر بشير
2/ التعليم في السودان _ بروفيسور محمد عمر بشير
3/ جامعة امدرمان الأهلية _ بروفيسور محمد عمر بشير
4/ التعليم و الوحدة الوطنية _ بروفيسور محمد عمر بشير
5/ العرقية و الإقليمية _ بروفيسور محمد عمر بشير
6/ السودانوية(إشكالات الهوية و القومية السودانية) _ بروفيسور محمد عمر بشير
7/ مشروع الدولة السودانية الديموقراطية 3 _ بروفيسور محمد عمر بشير
8/ مدخل لدراسة الثقافة السودانية _ استاذة هدى مبارك ميرغني
9/ مشوار في دروب الخدمة المدنية _ استاذ عباس صالح موسى
10/ رؤية في نظام الحكم في السودان _ دكتور عبدالله على جاد الله
11/ أم درمان _ دكتور التجاني عامر
12/ الحركة النسائية _ استاذة حاجة كاشف
13/ الأزمة الاقتصادية محليا و عالميا _ دكتور محمد العوض
14/ الإدارة الأهلية _ دكتور عبدالله على جاد الله
15/ ممالك كوش _ إدريس البنا
16/ ذكريات أم درمانيّ في نصف قرن _ محمد صالح فرح
17/ السودان و البحث عن مسارب التنمية _ دكتور شريف الدسوقي
18/ دراسات في الأمثال و التعابير الشعبية السودانية _ دكتور عمر شاع الدين
19/ منظومة الإدارة العامة _ عباس صالح موسى
20/ محاضر مؤتمر الخريجين _ دكتور المعتصم أحمد الحاج
21/ التاريخ الاجتماعي لفترة الحكم التركي في السودان _ استاذ تاج السر عثمان الحاج
22/ سلطنة الفونج _ استاذ تاج السر عثمان الحاج
32/ مذكرات جوزيف لاقو _ دكتور جوزيف لاقو
24/ أضواء على مشكلة جنوب السودان _ استاذ محجوب محمد صالح
25/ ميثاق الشرف الطلابي _ دكتور المعتصم احمد الحاج
26/ معجم شخصيات مؤتمر الخريجين _ دكتور المعتصم احمد الحاج
27/ الخلاوى في السودان نظمها و رسومها _ دكتور المعتصم احمد الحاج
28/ معجم الأسماء الجغرافية السودانية _ باشمهندس عباس محمد خير
29/ الإدارة و الحياة الاجتماعية في السودان _ دكتور عباس صالح موسى
30/ المرأة السودانية _ دكتور مختار عجوبة
31/ الخدمة الاجتماعية في السودان _ دكتور عثمان محمد الحسن
32/ فترة انتشار الإسلام و السلطات _ دكتور قيصر موسى الزين
33/ قضايا الوعى البيئي و التنمية المستدامة _ دكتورة سامية بابكر محمد
34/ انجاز التنمية المستدامة _ دكتور محمد العوض جلال الدين
35/ ارتباط التعليم العالى بين عالم العمل و الإنتاج _ دكتور محمد العوض جلال الدين
36/ هجرة النوبيين _ دكتور حسن دفع الله
37/ دور الصوفية في ميدان التربية و التعليم _ دكتور حسن الفاتح قريب الله
38/ من مخطوطات التراث العربي و غيرها _ دكتور حسن الفاتح قريب الله
39/ سيرة ضابط شرطة _ عبدالوهاب ابراهيم
40/ السدرة في لهجة أهل السودان _ دكتور عمر شاع الدين
41/ أم درمان _ دكتور التجاني عامر
42/ الصراع القبلى في دارفور _ دكتور يوسف تكنه
43/ لمحات من تاريخ سلطنة الفونج _ تاج السر عثمان الحاج
44/ ملامح من الحركة النسائية في نصف قرن _ الأستاذة نفيسة أحمد الامين
45/ مذكرات نفيسة أحمد الامين _ الأستاذة نفيسة أحمد الامين
| |
|
|
|
|
|
|
|
|
|
Re: صور تُظهر حجم الدمار الذي طال مركز محمد عم (Re: حيدر حسن ميرغني)
|
فاجعة حقيقية
رحم الله الأستاد محمد عمر بشير
سنوات كثيرة ، هو وثلة عظيمة يكابدون لتشييد الجامعة الاهلية في أم درمان
وها هي تحترق في سويعات
البناء صعب
والخراب ساهل
لكننا سنمتشق كل الصعاب لوقف الحرب ونعيد بناء الوطن
من أول جديد
نبنيك سوا
نبنيك هوا
يا من رأيتم فواجع الحرب
هلموا لإيقافها
لا للحرب
نعم للسلام
| |
|
|
|
|
|
|
|
|
|
Re: صور تُظهر حجم الدمار الذي طال مركز محمد عم (Re: Nasr)
|
شئ مؤسف طبعا.. لكن المسؤولية تقع على عاتق ادارة المركز.
اولا لا يمكن حفظ وثائق اصلية فى مكان غير محمى وآمن بصورة مهنية
وكان يجب استعمال نسخ فقط. هل كان محميا من الرطوبة دع عنك الحريق؟
ثم انه كان بجب ترقيم digitizing للوثائق وتحفظ على موقع المركز
ان كان له موقع..
الحريق يبرهن ان الادارة كانت تتبع أساليب العفوية والسبهللية والجربندية.
خاتين الكتب والوثائق وكانها كتب الشياطين التلاتعشر فى مكتبة مدرسة ابتدائية.
| |
|
|
|
|
|
|
|
|
|
Re: صور تُظهر حجم الدمار الذي طال مركز محمد عم (Re: Abureesh)
|
يا حيدر
عشان كدا انحنا سجم وسنظل سجما
يا ريت الناس تعرف الجهد الذي قام به البروف محمد عمر بشير ورجال معه لانشاء الجامعة الاهلية امدرمان
في السودان هناك رجال تبني
وتحسن البناء
وهم اقليه
وفي السودان
هناك رجال تهدم
وتحسن الهدم
وهم اكثرية
ورجل ارمي بها الذكر والانثى
| |
|
|
|
|
|
|
|
|
|
Re: صور تُظهر حجم الدمار الذي طال مركز محمد عم (Re: Ali Alkanzi)
|
فعلا يا علي
البروف يرحمه الله عمل المستحيلات لإقامة هذا الصرح الأكاديمي والمكتبة
ذكر من نوعوه يوم وفاته أنه تلفح ببطانية وحضر إلى المطار لوداع احد الخيرين الذين قدموا دعم مادي وعيني لإنشاء الجامعة
كان مصاباً بالحمى ، وأعتقد الشخصية دي كانت الدكتورة الشاعرة سعاد الصباح .
| |
|
|
|
|
|
|
|
|
|
Re: صور تُظهر حجم الدمار الذي طال مركز محمد عم (Re: حيدر حسن ميرغني)
|
التقيت به شخصيا في جهوده هذه
وقد جاء الى جنيف لمقابلة الاخ الدكتور صلاح منديل
الذي كان يشغل بجانب وظيفته المتقدمة في WHO
;كان يشغل رئيس مجلس ادارة مركز الحاسوب للامم المتحدة
ICC
United Nations International Computing Centre
ويكفي انه اي صلاح منديل هو صاحب فكرة انشائه
وقد قام هو اي صلاح مع الاميرة سعاد الصباح من آل الصباح الكويت بانشاء مركز الحاسوب بالجامعة الاهلية
كما كنت على معرفة لصيغة بالاخ حسن كمبال رحمة الله عليم جميعا بما فيهم الاحياء (صلاح)
فهو من مجلس المؤسسين للجامعة الاهلية
وكما قلت اكرر قولي
ان هناك رجال تبني واخرى تدمر
| |
|
|
|
|
|
|
| |
حيدر حسن ميرغني
Nasr
Abureesh
Ali Alkanzi
فيس بوك
تويتر
انستقرام
يوتيوب
بنتيريست