|
|
|
 Re: مستقبلنا ضاع أتمنى مشنقة لبرهان وحميدتي (Re: علي عبدالوهاب عثمان)
|
اكيد يا ابوعلوة ح نكون:
Quote: هل يمكن أن نكون مثل روندا بعد هذا القتال
لينهض السودان |
شنق شنو ؟
الشنق ما بريح سيدو؟
ديل كوبر بس ولبسهم الدمورية
وحبس انفرادي في الزنازين الشرقية
محل الاعدام
وحيث اشباح وخيالات من نفذ عليهم الاعدام
وينومو في البطانية الصوف
سرير مافي
مرتبة مافي
وياكلو القراية
(القراية هي قراصة الفترينة)
والتوقيت جردل تبقى رحيتو معاك ٢٤ ساعة
عشان يضوغو المر
| |
 
|
|
|
|
|
|
|
|
Re: مستقبلنا ضاع أتمنى مشنقة لبرهان وحميدتي (Re: Ali Alkanzi)
|
حبيبنا الكنزي تحياتي يا جميل
موجوداتنا في العاصمة كانت لما بعد التقاعد والذي أوشك حالياً
كنت مخطط بعد شهور فقط العودة وحسب قيمة الموجودات كانت مستوفية لكل الشروط
ولكن حالياً لا قيمة مادية لأي أرض أو مبنى في العاصمة
نحتاج لسنوات ضوئية لتعويض هذه الخسائر
تحياتي يا جميل ,,
| |
|
|
|
|
|
|
|
|
|
Re: مستقبلنا ضاع أتمنى مشنقة لبرهان وحميدتي (Re: علي عبدالوهاب عثمان)
|
استاذنا علي عبدالوهاب
سلامات
ياخي الحصل في الخرطوم ده كان متوقع من زمان عشان كده انا كنت بنصح افراد اسرتي بالابتعاد عن العامة ما امكن الغريب ولا واحد فيهم سمع كلامي، اليوم كلهم بيحاولوا يلقوا ليهم مخرج عشان يهربوا من العاصمة في البعض الاتمكن من الهرب بس بعد شنو.؟
تصدق يا علي انا اشتريت لي قطعة ارض في الخرطوم سنة 1993 ودفعت قروشها كاملة وبعد داك ولا سألت فيها يمين الله حتى ما عارفها شالوها ولا خلوها ولا الخصل عليها شنو؟
ورقها معاي خاتيه زينة بس ةلا شغال بيها
تحياتي
| |
|
|
|
|
|
|
|
|
|
Re: مستقبلنا ضاع أتمنى مشنقة لبرهان وحميدتي (Re: علي عبدالوهاب عثمان)
|
أخى المحترم أستاذ على عبد الوهاب~
*الجاتك فى مالك سامحتك (معليش على قصر حيلة الشعب السودانى فى اليومين دى)
البيوت دى بناها أهلنا من كل أنحاء السودان بعرق الجباه النزيهة وسنين العمر وأصبحوا "أهل الخرطوم" و يارب ما يذوقوا طعم الحنظل كما دعا عليهم ذاك الجنجويدى الحرباء.
لم ينهبوا موارد البلد ، توزعوا فى إنحاء العالم لكسب الرزق النظيف ، ليعودوا يوما الى الوطن ويسكنوا ديارهم آمنين
*الأثنين هجموا علينا ونحن نمارس حياتنا اليومية البسيطة، ما محتاجين كثير ذاك الصباح
ياهو يومها كان التجهيز لفطور رمضان وغالبية الناس ما بتجيب احتياجاتها الا اليوم باليوم
أيام الصيام ما راعوها ، كرروا نفس خستهم كما فعلوا أيام مجزرة اعتصام القيادة .
#فى ظروف هذه الحرب الشرسة، اللعينة ضرورى ضرورى ولازم إنه المواطنين يحافظوا على حياتهم
وبعدها الشعب السودانى شعب ما ساهل - حنبيه
#أما هؤلاء المجرمين يا يا أستاذ على البيطلع اخرها أو حتى لو الأثنين معا "مهزوم"
#كشفوا أنفسهم تماما (واصلا مكشوفين) وكل من يحالفهم ويقف معهم ، سيذهبوا جميعا الى مذبلة التاريخ
#يا على اخوى البيت بيرجع لو ما فى نواحى الخرطوم ، السودان بخيره
"وأى مكان فى السودان (الدنيا) مكانا…"
# ربنا يقويك يا أخى على ويقوى الشعب السودانى
| |
|
|
|
|
|
|
|
|
Re: مستقبلنا ضاع أتمنى مشنقة لبرهان وحميدتي (Re: هدى ميرغنى)
|
Quote: موجوداتنا في العاصمة أراضي وغيرها كانت بآلاف الدولارات اصبحت اليوم ((زيرو))
ربما لم نجد حتى شهادات البحث في السيستم أو يتم تسجيلها بأسماء آخرين |
يا مراحب على امبس سرناقمي
يا حبيب ما تشيل هم طالما معاك شهادة البحث وأوراق الحيازة .
المشكلة ح تكون لو ضيعت شهادة البحث و أوراق الحيازة .
| |
|
|
|
|
|
|
|
|
|
Re: مستقبلنا ضاع أتمنى مشنقة لبرهان وحميدتي (Re: علاء سيداحمد)
|
علاء أمبس مسكاقمي
صدقني ديل دمروا كل شيء
الحمدلله القمح كان إنتاج كويس ربنا عوض أهلنا
ما شاء الله هنا الكشوفات لدعم أهلنا في
كل الجمعيات مبالغ مقدرة خاصة دعم مستشفى
البرقيق ربنا يحفظ استاذ جمال
اخبار أولادنا في امريكا مهم جدا
تحياتي علا اننقا
| |
|
|
|
|
|
|
|
|
|
Re: مستقبلنا ضاع أتمنى مشنقة لبرهان وحميدتي (Re: هدى ميرغنى)
|
الاستاذة الأخت المحترمه هدى
ياسلام على هذا الكلام المؤثر
انت ملايكة المنبر.. انسانة راقية
نعم لدي أسر ممتده في العاصمة
ثلاث اخوات حتى الأحفاد الان في دنقلا برحلة شاقة ومكلفة
وهناك الملايين من يعانون من شرور الثنائي المجرم
لابد من نصب مشنق اولا لحميدتي وبرهان
تحياتي الاستاذة هدى
| |
|
|
|
|
|
|
| |
علي عبدالوهاب عثمان
Ali Alkanzi
جمال المنصوري
Arif Nashed
هدى ميرغنى
علاء سيداحمد
فيس بوك
تويتر
انستقرام
يوتيوب
بنتيريست