|
|
|
 Re: الوضع الراهن وفتنة الاخوان المسلمين لايف (Re: Yasir Elsharif)
|
الحبيب ياسر
سلام كتير ليك وتحية خاصة للأستاذ/ دالي
كلام الاستاذ/ عن الحرب والسلام هو الحكمة بعينها
وصف دالي للوضع الراهن وصف دقيق
طرفي الصراع اخدوا بنصيجة الاستاذ وسمعوا كلام دالي الكيزان والجنجويد كلام العقل وماشين يتفاوضوا عشان يصلوا لتفاهمات تحفظ مصالحهم ومصالح حلفائهم... كويس؟
دالي وصف الكيزان اوصاف تليق بيهم تماما بس لمن جا يتحدث ان الدعم السريع اكتفى بوصفه انو صنيعتهم ولمن نازعهم الملك قاتلوه، ده كلام صحيح ......ولكن (1000 خط تحت ولكن دي) ده مش مبرر لحميدتي عشان يكون هو الطرف الذي يستحق المساندة، وحنشوف ليه!!
شوف يا ياسر انا ح اتكلم معاك ومع كل قوى اليسار هنا وخصوم الكيزان اللي بيكتبوا يوميا دعما للجنجويد وذلك البعض الذي يدعمهم من منطلق عرقي بصراحة ما اظن تقدروا تتحملوها..
انا معاكم في كل شيء قلتوه عن الكيزان بل يكفي انهم يفوقون سوء الظن العريض.. كويس.
كلام الاستاذ وتحليل دالي وتحلايلاتكم كلها لم تتطرق لواقع بيحصل يوميا
الانتو ما تطرقتوا ليه هو موقف المواطن اللي كل يوم مليشيا الدعم السريع بتنط عليه في بيتو وبيقلعوا قروشوا وينتهكوا عرضه ده يعمل شنو؟
المواطن ده عمل بي نصيحة الرسول الكريم ولم يشارك في الفتنة ونطوا ليه في بيتوا جوه وارتضى يكون عبدالله المقتول ولم يرتضي ان يكون عبد الله القاتل عملا بحديث النبي الكريم.. بس الحديث ما قال ليهو لمن الزول البيجيك جوه دارك ده يدور يغتصب عرضك حضر الكريمات والشاش والقطن والادوية المساعدة واعمل حسابك على معالجة جروح ما بعد الاعتصاب،وبعد داك اعمل نايم ان الله مع النائمين. اذا في حديث بيقول كده ده أوبالصورة اللي وردت في رسالتي دي كلمونا عشان ننصح المواطن ده يعمل بسنة رسول الله، اما اذا كان العرض والمال مما يستوجب الدفاع عنه في الحالة دي نجي للخيارات المطروحة امامه:
• جنجويد رباطة بيجوه جوه البيت عاوزين ماله وشرف بالتي هي احسن وروحه معاهم بالتي هي أسوأ
• كيزان ملاعين لا لهم دين ولا ملة، بس عندهم نزاعمع الجنجويدي وهم الوحيدون القادرون على ايقاف هذا المغتصب عند حده
• يحمل السلاح ويدافع عن عرضه بصورة فردية او جماعية وعندها ح يختفي العقل نهائي لان الحرب في الحالة دي غير قابلة للتفاوض ولا سلام بعده
ورونا يا اصحاب العقول والعداوة التاريخية للكيزان والمدافعين عن الجنجويدي الذي ليس لديه قضية حقيقية او مطالب ثورية سواء احتكار الذهب واغتصاب النساء
المواطن ده يستعين بالكيزان في الحالة دي ولا ؟
يجهز حاله ويقول لأم العيال جهزي الدلكة واتكبرتي وشوفي ليكي داية تشوف شغلها بعد ما الجنجويدي يقضي حالته؟
• ولا يشيل السلاح وتبقى فوضى لا تذر، ورونا الدبارة كيف؟
على فكرة برغم ان الكيزان العن من ابليس بس ربنا لحدت دلوكت برغم الاعتصامات في المساجد وعند كل صلاة وفي دبرها واناء الليل والنهار يجأرون بالدعوات لحفظهم وعرضهم واموالهم وللمسلمين في مشارق الأرض ومغاربها ما نزلش ملائكة
يدافعون عن المستضفين في الأرض، بينما هناك ملايين الدعوات يحفل بها اليوتيوب من اقوام نيجيريا والنيجر ومالي وتشاد تدعوا لحميدتي بالنصر وامتلاك السودان، وحتى تاريخه دعواتهم مستجابة
تحياتي
| |
 
|
|
|
|
|
|
|
|
Re: الوضع الراهن وفتنة الاخوان المسلمين لايف (Re: امتثال عبدالله)
|
سلام والاحترام ، أخى دكتور ياسر والحضور~
أخى جمال المنصورى عندى ملاحظات بسيطة لو سمحت:
-لو تابعت بوستات دكتور ياسر تجدها محايدة تماما ينقل ما يراه مفيدا|
اذا انت بتأخذ عليه ما ينقله عن جماعة "النهب المسلح" ينادون نفسهم الدعم السريع
السبب لإنهم مالين الدنيا اخبار (الأمارات مركز) لدرجة انه تفتكر اول يوم فى هذه الحرب اللعينة سيقومون بتنصيب زعيمهم ملكا على البلاد، بعد كلامهم انهم مسكوا 90% من البلد!
-تكون تابعت بوستات دكتور ياسر وما يأتى به من حديث البعشوم وكيف عرفنا الكثير عن نهب ثروات السودان بالتوثيق.
-ياأخي جمال يا ريت ذاك الشخص الكوز " طارق" ما يتكلم باسم جيش السودان ،والله فى خطبة كدا وتقرأ نباح لما جاب سيرة نقابة الأطباء
قربت أبكى مضاعف على حالنا، معلومات مغلوطة وكمان تهديد
*الأطباء يعملوا فى ظرف ما حصل فى العالم ما بين نيران الحرب ، وتحطيم المستشفيات وإنعدام كل المقومات الانسانية وخطف جماعات النهب المسلح لهم لعلاج مصابيهم (جد جد وما مهم تخصص الطبيب شنو.!)
وكمان يأتى هذا الكوز ليعلن العداء عليهم! (تصفية حسابات فشله - طبيب كوز).
معليش للإطالة بس حاجة أخيرة لو سمحت :
Quote:
[/شوف يا ياسر انا ح اتكلم معاك ومع كل قوى اليسار هنا وخصوم الكيزان اللي بيكتبوا يوميا دعما للجنجويد وذلك البعض الذي يدعمهم من منطلق عرقي بصراحة ما اظن تقدروا تتحملوها..
انا معاكم في كل شيء قلتوه عن الكيزان بل يكفي انهم يفوقون سوء الظن العريض.. كويس.
كلام الاستاذ وتحليل دالي وتحلايلاتكم كلها لم تتطرق لواقع بيحصل يوميا |
*يا أخى جمال اليسار ياتو؟
دخلت الجماعة كلهم تحت عباية كبيرة ، ربنا يستر ما تكون قحت وناس خالد سلك تحتها!
كدى شوف كلام اليسار فى بوستاتهم، مثال:
https://sudaneseonline.com/board/510/msg/1682970382.html
#آخر الكلام- الشعب السودانى راجى المجموعتين يدخلوا نار عشان نزيدهم حطب
#فى رواية (ما عجبتنى) اسمها العطر ، حتكون نهايتهم الأثنين نهاية ذاك الشخص
| |
|
|
|
|
|
|
|
|
Re: الوضع الراهن وفتنة الاخوان المسلمين لايف (Re: جمال المنصوري)
|
سلامى واحترامى أخى جمال ~
لقد قرأت كلامك أخى المحترم وواضح جدا بالنسبة لى
وما عرفت للآن قاصد اى مجموعات بكلمة اليسار
لو لاحظت فى الفترة الاخيرة بعض متحدثو الفضائيات
شغالين اليسار وشنو وشنو وكمان أحيانا يقولوا الشيوعيون
سالت شخصا ضحك قال رغما عن كره خالد سلك للشيوعين مطلعين قحت وناس خالد سلك تبعهم!
حول رأيى الكامل ومتكامل عن النهب المسلح(جنجويد/دعم سريع)، واضح من يوم صناعتهم وإبادتهم للشعب السودانى فى دارفور (ما وقفوا طبعا)
يوم وصول زعيمهم الخرطوم وخطبته اللئيمة "لما ،الحيكومة، تعمل ليها جيش …"،ياما شفنا العجب والحقارات واللؤم منهم-
والكيزان طالقين ليهم يدهم ليمتلكوا ما يريدون بشرط يردعوا المقاومة السلمية "بحد السلاح" - يعنى مأجرنهم وفاكرين الوضع حيدوم
*انهم بدائيون وبهم لؤم وغدر - وحتى إن تعلموا - حيث لاينفع علم معهم.
*قالها مستشارهم السياسى "عزت الماهرى" (اظنه شغال وزير دفاع كمان)، قال الحقيقة بغفلة "انهم يحاربون من أجل هويتهم"
وايضا ثبتها عند حديثه مع القناة الاسرائلية "بانهم يتعرضون للإرهاب -كفعل حماس مع بنو إسرائيل
اسميهم " الحوار الغلب شيخه" - ولو شفت ما يملكون وما يفعلون فى السودان حتى قبل هذه الحرب ، لتلعن الكيزان ليلا ونهارا وتضيف عليهم حكومة حمدوك وقحت|
مهم: أتيت لك فى مداخلتى السابقة بخيط للاخ عبد الله حسين يمثل رأى تماما
#النهب المسلح شغالين بسياسة الاعلام المكثف والانتصارات المزيفة كما كذبهم فى مسالة الماء والكهرباء وهم أساس المشكلة فيها وطبعا لسه قاطعة!
#المهم يا أخ جمال انه نفضح اكاذيبهم وغدرهم - بدل نعادى بعضنا البعض
#الاثنين ينتهوا من حرب المصالح هذى وثورتنا ضد الاثنين فى محلها
*أعتذر بشدة أخى دكتور ياسر على حرف البوست
| |
|
|
|
|
|
|
|
|
|
Re: الوضع الراهن وفتنة الاخوان المسلمين لايف (Re: جمال المنصوري)
|
سلام واحترام اخى جمال~
(١)
الحل من وجهة نظرى الضعيف :
# تقف هذه الحرب اللعينة فى هذه الساعة ويخرج هؤلاء القتلة وآلات الموت من العاصمة
#يخرج هؤلاء الفقراء (الذئاب المتفرقة المحتمية بالمدنيين) ، إنهم محرقة الحروب لزعماء النهب المسلح - يخرجون من الأحياء والشوارع تماما
#الشعب السودانى قادر على ادارة البلد
#المجتمع الدولى دا لو عايز يساعد (بلا شغل تفاوض بلا مساومة بلا إطارى) عليه پإلزام الجيوش المتحاربة هذى بالخروج من المدن
#البوليس يقوم بحفظ الأمن
#…
#…
———————————————————
ولكن هذه الحرب اللعينة حرب شرسة تديرها محاور
من أجل ماء النيل، البحر الأحمر ،أراضى السودان الشاسعة وذهبه وغيره من الموارد
محاورا منها مثالا لا حصرا الامارات وفاغنر ( روسيا)
-ستوقف هذه الحرب دولة معلومة وأخرى عندما يريدان!
—————————-
-كان الدعم الحربى من الامارات لمجموعة النهب المسلح (الدعم السريع/الجنجويد) ليس خفيا ومتواصلا وصمتت اللجنة الامنية عليه لإنها ظنت فيه حمايتهم أيضا
-فاغنر تدرب فى النهب المسلح فى وضح النهار وقبل هذه الحرب بقليل
-جيشت مجموعة النهب المسلح (الجنجويد/الدعم السريع)، العاصمة وكثير من انحاء السودان كما مروى حيث ابتدرت الحرب هناك
-لا أدرى عن حفتر وغيرها …
-اعلام ودعاية النهب السريع (الجنجويد/الدعم السريع) فى المواقع والفضائيات أقوى بكثير من حقيقتها ويكثر فيها التزوير وشغالين بمفهوم "الحرب خدعة"
| |
|
|
|
|
|
|
|
|
|
Re: الوضع الراهن وفتنة الاخوان المسلمين لايف (Re: هدى ميرغنى)
|
(٢)
Quote:
اما بخصوص طلبك تعريفي لليسار فجوابي عليه، اقصد باليسار العريض الواسع (عكس اليمين) الذي يكتب افراده هنا (100 خط في هنا في المنبر )
تسلمين |
#فى هذا ال "عكس اليمين" دى عباية كبيرة شديد ، يخرج منها الحزب الشيوعى السودانى لأنه له رأيه الذى لم يخفيه وأصلهم "ثقيلين " ما بيدسوا
-عندهم 3 أو 4 بوستات متواصلة فى هذا الموقع توضح رأيهم من أول يوم فى هذه الحرب اللعينة
-كتابات الأستاذ تاج السر عثمان بابو وافية - يمكن شوية طويلة
- مكتوب الأخ عبد الله حسين فى هذا الموقع (اضفته لهذا الخيط) أراه واضحا
-كتبوا منذ السنة الفاتت ، بان الذى يحدث فى السودان سيقود الى حرب*
**
طالبوا
-بأسقاط الانقلاب
-وتسليم الحكومة (من غير مساومة او شراكة دم) للشعب ممثلا فى حكومة مدنية لفترة انتقالية ومجلس تشريعى كامل
-ويجب خروج الجيوش من المدن ومن الحكم طبعا
-مراجعة اتفاقية سلام جوبا
-وقف الحروب وعدم إشعال أى حرب وحماية الحدود وغيره
-البعد عن المحاور الدولية والاقليمية (الا بندية)
-عدم قبول برامج والعروض "المجحفة" من المؤسسات الاقتصادية كالبنك وصندوق البنك الدوليين
…القيام بكل الاصلاحات اللازمة خلال الفترة الانتقالية - إقتصاد، صحة تعليم وغيره
…التعداد السكاني
…التحضير لإنتخابات نزيهة بسجل إنتخابى متكامل
…
| |
|
|
|
|
|
|
|
|
|
Re: الوضع الراهن وفتنة الاخوان المسلمين لايف (Re: هدى ميرغنى)
|
مايجري اليوم بالخرطوم هو نفسو الكان جرى ومازال يجري بقرى ومدن دارفور، جنوب كردفان، النيل الأزرق وقبلها كان بالجنوب..
مناصرى مليشيات دويلة مابعد "الإستغلال" والله وبكل أسف ال الآن نسمع أصواتهم "الرحيمة"، البتنزع الجنسية السودانية من كل سودانى أصيل يقف بالمرصاد فى وجه مخططاتتهم بتاعت أحتكار السلطة والثروة ..اكرر بكل اسف، لم نسمع لها اى صوت لما كانت مليشياتهم تبيد في السودانين غربا وشرقا وجنوبا. !
سودانية الدعم السريع، سودانية حركات الكفاح المسلح، لاتحتاج لإي أعتراف من أحد ايا كان هذا الزول، بل هؤلاء الأشاوس كتنظمات مسلحة هم حيكونوا اللبنة الأساسية التى يقوم عليها بناء القوات المسلحة السودانية الجديدة...
الدعم السريع، حركات الكفاح المسلح وجنود وضباط صف القوات القديمة هم من يمثلون الأغلبية فى كل شي بهذه الدولة:
هم:
الأغلبية الميكانيكية
الأغلبية المتعلمة
الأغلبية الإقتصادية
الأغلبية الإجتماعية
الأغلبية السياسية والدبلوماسية
الأغلبية العسكرية
الخ.
وده بيعنى لو هنالك فى اي تحول ديمقراطي هم من يحكمون السودان، ولو كمان فى اي كانى مانى برضوا هم من يحكمون السودان،.
التحية للاخ دالى
| |
|
|
|
|
|
|
|
|
|
Re: الوضع الراهن وفتنة الاخوان المسلمين لايف (Re: Mohamed Adam)
|
| Quote: سودانية الدعم السريع، سودانية حركات الكفاح المسلح، لاتحتاج لإي أعتراف من أحد ايا كان هذا الزول، بل هؤلاء الأشاوس كتنظمات مسلحة هم حيكونوا اللبنة الأساسية التى يقوم عليها بناء القوات المسلحة السودانية الجديدة... |
اخونا محمد ادم
تحية طيبة
انا احب الوضوح يا صاحبي بدون تزويق وح اتكلم معاك برواقة ومن كتاباتك وادبيات الدعم السريع والحوار ده ممكن يكون مفيد لكل الاطراف ويكوي الجروح والدمامل المتراكمة في الجلد الاجتماعي السوداني عشان كده بسألك يا استاذ محمد ادم ماهي العقيدة القتالية بتاعت الدعم السريع ؟
ما فيش مليشيا ثورية او وطنية تصلح لأن تكون نواة لجيش وطنيوالتجارب حولينا شواهد (ارتيريا، اثيوبيا، زيمبابوي، افريقيا الوسطى، تشاد) بعدين يا ابو حميد مافيش مقارنة بين الدعم السريع وحركات الكفاح المسلح للاخيرة لديها عقائد قتالية مختلفة عن الدعم السريع. محاولة خلط الاوراق ليبدو ان الدعم السريع قوى ثورية لديها عقيدة قتالية مثله مثل الحركات المسلحة محاولة لذر الرماد في العيون اذا كان هو اصلا أنشأ للقتال ضد هذه الحركات
فأذا افترضنا جدلا ان له عقيدة قتالية ثورية طيب بيقاتل في اليمن وليبيا تحت اي راية، العقيدة القتالية للدعم السريع المعلنة هي القتال من اجل المال، اما المخفية فبدأت تطفوا الى السطح
Quote: الأغلبية الميكانيكية
الأغلبية المتعلمة
الأغلبية الإقتصادية
الأغلبية الإجتماعية
الأغلبية السياسية والدبلوماسية
الأغلبية العسكرية |
نجي للمقتبس الفوق ده ونشوف مين مسيطر على السلطة والثروة في السودان
يا ابو حميد لمن انتو عندكم الاغلبية في كل شيء يبقى ورينا وين التهميش الانت بتتكلم عنه؟
يعني يا ابو حميد كاتلين الجدادة وخامين البيض، وجاي تتحدث عن الاقلية الشمالية التي تتحكم في الثروة والسلطة، طيب ورينا بالظبط عبر احصائية موثقة نوع الثروة اللي كانت في السودان عموما من 1956 ولحدت 1988 اللي احتكرها الشمال؟
اذا بموجب امتلاككم للأغلبية في المجالات الحيوية دي يبقى اي واحد كان على رأس السلطة في فترات الديمقراطية بالانتخابات الحرة النزيهة مابين 1953 و 1958 والفترة من 1965 وحتى 1969 ومن الفترة 1986 وحتى 1989 انتو الجبتوه للسلطة بحكم الاغلبية الميكانيكية المتوفرة لديكم سواء كان جلابي او غيره وبالتالي تبقوا مسؤولين مسؤولية كاملة عن نتائج هذه الانتخابات السياسية والاقتصادية والعسكرية الصالح والطالح منها بما فيها اشعال حرب الجنوب..
عشان كده انا بسألك يا ابو حميد وين دولة الجلابة المزعومة هنا ووين احتكار الشمال للثروة والسلطة، يا راجل ده في مناطق في الشمال ما فيها كهربا وصحة وتعليم بسبب هذه المقولة
يا صاحبي لو في حد المفروض يشيل البندقية المفروض نشيلها نحن يا باشا
تحياتي
| |
|
|
|
|
|
|
| |
Yasir Elsharif
جمال المنصوري
هدى ميرغنى
Mohamed Adam
فيس بوك
تويتر
انستقرام
يوتيوب
بنتيريست