كويس إن "النهب السريع" (يعرفوا أيضا بالدعم السريع/الجنجويد) عملوا كدا عشان المنافقين الكذبة ما يطلعوا فى الفضائيات ويقولوا ملتزمين بالهدنة😀 #واضح انه جماعة النهب السريع خطة الحرب تبعهم الإتكلم عنها القاتل وكذلك عزت يوسف "الماهرى" هى الإنتشار بين وفى الأحياء السكنية (ذئاب متفرقة) حتى تكون الحرب داخل البيوت!
#ربنا يعدمهم نفاخ النار يا رب أينما كانوا
04-25-2023, 05:16 PM
محمود الدقم محمود الدقم
تاريخ التسجيل: 03-19-2004
مجموع المشاركات: 8973
طيب يا هدي وين الجيش السوداني؟ معقولة السقوط المهين دا للجيش؟ ثم من الموضوعية نقد الجيش الضرب سوق شمبات، وسوق الكلاكلة ودارفور وجبال النوبة؟ للان مافي اثبات ان الدعم نهب الخرطوم. وبرضو انا ضد المليشيات اينما كانو في السودان.
04-25-2023, 05:23 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 4475
النهب السريع (يعرف أيضا بالدعم السريع/الجنجويد) نهب الخرطوم والمنازل وكمان لبسوا الهدوم من سرقاتهم (تى شيرتات😀) ويصرخون "الله أكبر" #يعنى ما فى هدنة ولا كيف! #كدى انت ورينا الجيش وين، يكون سمع طلب الإمريكان - عمل بالمثل "أبيض منك أفهم منك" و التزم بالهدنة
04-25-2023, 05:34 PM
محمود الدقم محمود الدقم
تاريخ التسجيل: 03-19-2004
مجموع المشاركات: 8973
Quote: طيب يا هدي وين الجيش السوداني؟ معقولة السقوط المهين دا للجيش؟ ثم من الموضوعية نقد الجيش الضرب سوق شمبات، وسوق الكلاكلة ودارفور وجبال النوبة؟ للان مافي اثبات ان الدعم نهب الخرطوم. وبرضو انا ضد المليشيات اينما كانو في السودان
04-25-2023, 05:42 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 4475
يا محمد الدقم كدى شوف جماعات النهب المسلح (يعرفون أيضا بالدعم السريع/الجنجويد) *حليفهم جيش الكيزان وين؟ *والفكرة شنو من انه عايزهم يواصلوا فى الدمار؟ *وليه ترك النهب المسلح (يعرفون أيضا بالدعم السريع/الجنجويد) يجلبون كل قومهم وعتادهم (الخرطوم جوا) يعنى كان لحفلة ولا لفطور رمضان - ما ياها تجهيزات الحرب المسألة لا تخلو من أسرار، نحن الشعب المسكين لاندرى عنها شيئا #الجانبين يعلمون
04-25-2023, 05:54 PM
محمود الدقم محمود الدقم
تاريخ التسجيل: 03-19-2004
مجموع المشاركات: 8973
يا سيدتي الفاضلة، طيب الدعامة والجنجويد وكتاليين الكوتلة ديل ليه الجيش ما قادر يحسمهم؟ ليه الجنجويد ديل احتلو القيادة العامة، احتلوا البحرية، مطار الخرطوم، الكباري، مصفاة الجيلي، المستشفيات، الاذاعة والتلفزيون، التصنيع الحربي، برطعوا في ميناء مروي، احتلوا مكتب البرهان، مكتب كباشي...الخ. السؤال وين الجيش؟ وليه الجيش تاركهم وبقصف في المدنيين في الكلاكلة؟؟؟ وليه ما عايزة تعلقي لي عن انتهاكات الجيش في دارفور وجبال النوبة والانتنوف؟؟
04-25-2023, 06:25 PM
هدى ميرغنى هدى ميرغنى
تاريخ التسجيل: 10-27-2021
مجموع المشاركات: 4475
Quote: [/السؤال وين الجيش؟ وليه الجيش تاركهم وبقصف في المدنيين في الكلاكلة؟؟؟ وليه ما عايزة تعلقي لي عن انتهاكات الجيش في دارفور وجبال النوبة والانتنوف؟؟
عن الجيش أجاوب انا المسكينة دى وغيرى من الشعب السودانى الجيش وريتك من يعرفه وعمل معه بالسنين (عزت الماهرى قال حافظينهم!) ما قريت ما كتبته لك : -الجيش الكيزانى يعرفه حليفه النهب المسلح (الدعامة/الجنجويد) شغالين معاه من يومهم -من أيام يحرقوا وينهبوا واتمسكوا شديد جدا بوصية أحمد هارون لما كلمهم "أكلوا نيئ ، ما تجيبوا حى…) —أنا مبسوطة شديد من عزت الماهرى اخوان ومن يصفق لهم *ليتكلموا وليكتب أتباعهم حتى نراهم -أتبسطتُ أيضا من تأكيدك لما يقومون به والهدنة شغااالة😀 …كويس إنك شغال معاى فى الحوار دا عشان كل الحاجات تظهر !
04-25-2023, 06:44 PM
محمود الدقم محمود الدقم
تاريخ التسجيل: 03-19-2004
مجموع المشاركات: 8973
ما فهمت تلميحاتك لكن انا عندي مقالة كتبتها قبل ١١ سنة في موقع سعودي قلت فيها لا امانع من علاقات سودانية إسرائيلية، وازيدك من الشعر بيت، كنت مسافر تل ابيب عام ٢٠٢٢ من لندن لكن فيروس كرونا وكدا. بالنسبة لقناعاتي عن الدعم السريع كتبتها هنا في المنبر عام ٢٠١٩، انو لازم جيش واحد مكانوا الثكنات وكل المليشيات يا يتم تسريحها او تدمج، عزت الماهري عايش في الغرب اكتر من عيشتوا في السودان، لذلك رمي الكورة بردلللب في مرمي الغرب ومصالح الغرب في شرق ووسط افيريقة؟ بينما الكيزان والعنصريين تبع الكيزان في غيهم يعمهون. وين النكتة هنا؟؟ ثم انا ما خجلان من شيء ولا انتمي لحزب او مليشيا.واشجع اللعبة الحلوة اي كان مصدرها، شريطة ما يتأذى المواطن المسكين، مثل جاري الشهيد بشري بن عوف رحمة الله تغشاه.
04-25-2023, 07:10 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4155
Quote: طيب يا هدي وين الجيش السوداني؟ معقولة السقوط المهين دا للجيش؟ .
المهين هو موقفك هذا فقط جيشنا هو أشرف الناس مقاما في هذا الوقت وهم الذين يحافظون وحدهم الأن على كرامة الوطن وشعبه بأجسادهم ودمائهم ولأنهم هم أصلا كذلك ولكن النار هي من يكشف المعادن والخزي والعار لكل خائن و كوز و أي متحزب
04-25-2023, 07:35 PM
محمود الدقم محمود الدقم
تاريخ التسجيل: 03-19-2004
مجموع المشاركات: 8973
عبدالباسط اخوي قول بسم الله واجدع عواطفك بعيد وفكر معي وجاوبني، باي مصوغ جيشك منح حميتي واخوه رتبه فريق اول؟باي منطق جيشك أنفق ملايين الدولارات علي الدعامة؟ وفق اي تصور موضوعي في كوكبنا دا مرتب ملازم خلاء اضعاف مضاعفة عن مرتب ملازم في جيشكم دا علما ام ملازم الجيش خريج كلية حربية وضابط ١٠ سنوات؟ باي منطق عقيد استخبارات في بحري ينجلد قدام جنوده وينجدع في تاتشر وينسجن ٧ ايام ولا واحد ضابط حمش قال قف وكفي يا دعامة؟ انت بتغش في منو يا خوي؟
04-25-2023, 10:51 PM
منتصر عبد الباسط منتصر عبد الباسط
تاريخ التسجيل: 06-24-2011
مجموع المشاركات: 4155
الذي صنع الزعم الوضيع ومنحهم الرتب مدنيون كيزان أولائك الذين كان تحتهم السلطة بما فيها الضباط الفاسدون عبيد الأخونجية وخدمهم أمثال البشير وصحبه كلهم كان يسيرهم مدنيين وسخين كل مشاكل السودان صنعها مدنيون تحزبيون نحن لسنا مصر التي يحكمها عسكر نحن بلد يسطر على وعي شعبه أحزاب ايدلوجية أو طائفية أو اثنية فاسدة
Quote: عزت الماهري عايش في الغرب اكتر من عيشتوا في السودان، لذلك رمي الكورة بردلللب في مرمي الغرب ومصالح الغرب في شرق ووسط افيريقة؟
عزت الماهرى وقت هو عايش فى الغرب ما يخلى الشعب السودانى فى حاله ثم ما فرقت عايش وين - قبل خمسة سنة المخلوع القاتل عمر البشير جرى لروسيا وطلب الحماية يعنى "رمى الكورة بردلللب …" عزت الماهرى عمل نفس حركت المخلوع عمر البشير! *أظن و الله أعلم اسرائيل ما فى الغرب فى "الميدل إيست" يا أخ محمود (معليش كنت بكتب محمد ، آسفة للخطأ غير المقصود) -فى مسألة إنك عايش وين وكنت ماشى وين ومتين -…ما عندى تعليق ، انها حياتك
كل اليهمنى الجماعة الطالعين فى الفضائيات ومن يتبعهم من نهب مسلح (جنجويد/دعم سريع) لو كوز او عامل فيها تقدمى او عايش فى الغرب او الشرق او أى مكان او كل من يحتفى بهم - كلامى ما تلميحات كلام عديل لأى شخص فى المجموعة الفوق دى حيث أن عزت الماهرى قال بيحاربوا من أجل "الهوية" معناها أى شخص من الشعب السودانى لاينتمي للنهب المسلح حقه راح . مسكين الزول المدور "الحرابة" يا عارف أم غير عارف انه الجميع يتسلقه وهو فى خلال المراحل دى طبعا يكسب المال القذر ، مناجم الذهب والعظمة مدفوعة الثمن * هسه مش كان يخلوه نائب وسفريات وميكروفونات وشنو وشنو وأخوه بعد قيادة جريمة فض الإعتصام الدموى حايم عادى ومقابلات تلفزيونية -يأكل فى العسل (جد جد ، فى لقاء بصوره)😀
04-26-2023, 03:41 AM
دفع الله ود الأصيل دفع الله ود الأصيل
تاريخ التسجيل: 08-15-2017
مجموع المشاركات: 13734
∆ أها و ما وريتنا يا دقم وينا اللعبة الحلوة هنا الرايق ليك تشجعا؟! خايتو سخشين ماني خجلان أبدن أشجع ريال ما تريد مع إني ما بعرف منو غير زيدان و البرتغالي أب رقبة داك اللي جدع لمذيع بني صهيون مكرفونو في وشو و بكره ليك برشلونة عمى عشان الخنزير مسي الداعم الضريح لهذا الكيان السرطاني الغاصب.
04-26-2023, 02:23 PM
محمود الدقم محمود الدقم
تاريخ التسجيل: 03-19-2004
مجموع المشاركات: 8973
Quote: أولائك الذين كان تحتهم السلطة بما فيها الضباط الفاسدون عبيد الأخونجية وخدمهم أمثال البشير وصحبه كلهم كان يسيرهم مدنيين وسخين كل مشاكل السودان صنعها مدنيون تحزبيون نحن لسنا مصر التي يحكمها عسكر نحن بلد يسطر على وعي شعبه أحزاب ايدلوجية أو طائفية أو اثنية فاسدة (عد
خلاص طالما الأمر دي النتيجة المنطقية للجيش هزايم وبلاوي
04-26-2023, 03:11 PM
Asim Ali Asim Ali
تاريخ التسجيل: 01-25-2017
مجموع المشاركات: 13492
سلام عليكم الجيش السودانى موجود والان ٤ ونص عصر نحنا مانمنا من ٢ صباحا من بداية الاشتباكات الجيش بينفذ ضربات جويه بطائرات ومسرات تضرب بدقه بعد استدراجهم وتجمعهم المتمردين محتمين بالشعب دروع بشريه دى حقيقة
04-26-2023, 03:21 PM
محمود الدقم محمود الدقم
تاريخ التسجيل: 03-19-2004
مجموع المشاركات: 8973
Quote: سلام عليكم الجيش السودانى موجود والان ٤ ونص عصر نحنا مانمنا من ٢ صباحا من بداية الاشتباكات الجيش بينفذ ضربات جويه بطائرات ومسرات تضرب بدقه بعد استدراجهم وتجمعهم المتمردين محتمين بالشعب دروع بشريه دى حقيقة
وعليكم السلام ورحمة الله وبركاته نسأل الله لكم والوطن السلامة من حماقات الجيش والدعاية. بالنسبة للدعم السريع ما زال متمركز في مصفاة الجيلي وناشرين فيديوهات من داخل المصفاة. انظر الفيديو. https://fb.watch/k8XaAoIHmj/https://fb.watch/k8XaAoIHmj/
04-30-2023, 10:30 AM
محمود الدقم محمود الدقم
تاريخ التسجيل: 03-19-2004
مجموع المشاركات: 8973
Quote: لمهين هو موقفك هذا فقط جيشنا هو أشرف الناس مقاما في هذا الوقت وهم الذين يحافظون وحدهم الأن على كرامة الوطن وشعبه بأجسادهم ودمائهم ولأنهم هم أصلا كذلك ولكن النار هي من يكشف المعادن والخزي والعار لكل خائن و كوز و أي متحزب
كلام عواطف ورومانسيات ومشاعر مختلطة لا تغني ولا تسمن من جوع تفكيرك دا هو الذي جعل الطغيان يتحكر علي رؤوس البلاد والعباد
04-29-2023, 06:45 PM
Kabar Kabar
تاريخ التسجيل: 11-26-2002
مجموع المشاركات: 18537
Quote: (سؤال بسيط وغريب من ابن آدم بسيط، الجيش السوداني وين؟)
ول ابا محمود الدقم..حبابك يا صديقي
وهل في حاجة اسمها جيش سوداني؟ انا ..محمد النور كبر ، مواطن بسيط زيك ..عمري ما شفت جيش سوداني (حركة 19 يوليو 1971 ، حركة 5ديسمبر 1975 ، حركة 2 يوليو 1976 ، حركة 1983 بتاعة العميد سعد بحر ، حركة 16 مايو 1983 (الحركة الشعبية لتحرير السودان بقيادة دون قرنق) ، حركة العدل والمساواة (2003) ، حركة تحرير دارفور ، لاحقا صارت حركة تحرير السودان بقيادة عبد الواحد محمد نور ، ولاحقا مني اركو مناوي ، والهادي ادريس ، والطاهر حجر..ومنو كده ما عارف..! في العاشر من مايو 2008 ، نجحت حركة العدل والمساواة في غزو الخرطوم.. عاصمة السودان..!! تم اعتقال ابراهيم الماظ وعبد العزيز عشر ، وشفع لهما حسن الترابي ولم يتم تنفيذ حكم الإعدام فيهما..!!! بالنسبة لسؤالك يا محمود عن غياب وجود الجيش السوداني في قصة مصفاة الجيلي (كنقطة استراتيجية)..مافي جيش سوداني على الأرض يا محمود..والجيش الموجود يعتمد علي ضربات الطيران الخاطفة ، وهو جيش تقوده عنجيهة الكيزان..فاكرين تحريك الطيران الحربي من وسط السودان (الجزيرة ، بحر ابيض ، جنوب كردفان ، تحديدا جبل الفينقر الجنب قرية ناس عبد الله حمدوك ، الخ)..سيكون الحسم لهم..وهيهات.!! الجيش عندو متحرك قادم من كادقلي..مسافر تلاتة ايام..قبضوهم ناس الدعم السريع في المويلح..اسروهم..واعلاهم رتبة لواء.. عندهم متحرك من حامية الدلنج..تمت مواجهتو بين الحمادي والدبيبات..والضحايا اكتر من عشرين نفر من الجيش السوداني.. عندهم متحرك من الدمازين..اتعرض لكمين ناس الدعم السريع..والخسائر مافي زول ولا زولة قاعد يحسبها..! في الأرض ، من المشاهدات يا محمود..اقول ليك" الدعم السريع ليس مليشيا قبيلة كما يحاول أن يصورها البعض..ديل ناس مدربين ، والإشراف عليهم من ضباط الجيش الذين فصلتهم كتائب الكيزان وابت تسمع كلامهم حنيما تعلق الأمر بمصير السودان...! الجيش يا محمود غاب ، لأنو مافي عسكري سوداني عندو علم بالحاصل شنو..! متحرك كادقلي ،مسافر تلاتة ايام (فيهم نوبة وبقارة وبرقو وفلاتة..الخ) وكل دقيقة بيسالوا: وين الذخيرة..ماشين سمبلا من غير ذخيرة..وضابط الإستخبارات بيقول ليهم ..الذخيرة في اخر عربية..الذخيرة ورا..الى ان تم اسرهم بواسطة الدعم السريع..! نفس الأمر حدث للناس التي تحركت من الفشقة وحصل ليها كمين قريب من الحصاحيصا ، والناس الجاية من دارفور..حصل ليها نفس الأمر..! الفكرة يا صديقي ، القتال بين الدعم السريع ومليشيا حركة الأخوان المسلمين ناس المؤتمر الوطني التي تسعى للقضاء عن فكرة اسمها (قوة دفاع السودان ، قوات الشعب المسلحة ، قوات الشعب السوداني..الخ)..دي فكرة شغالة والشعب السوداني ما جايب ليها خبر..لم يحرج الدعم السريع قوات الشعب المسلحة ، وانما قوات الشعب المسلحة ، الجيش السوداني ، من احرج نفسه دون الحساب الدقيق..ّ! مصفاة الجيلي هينة يا محمود الدقم ، الأن طلع عندنا في السودان ، مصنع اسلحة بيولوجية عدييل ، ومافي زول عارف المسيطر عليهو منو؟؟ (بالمناسبة يا محمود الدقم انا حضرت ضربة مصنع الشفا رغم انف الكيزان في سنة 1998).. الخلاصة يا محمود..مافي حاجة اسمها جيش سوداني..!
تحياتي كبر
04-29-2023, 07:18 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
مافي جيش سوداني وما في سودان ذاتو مبسوط كدا يا كبر ومبسوط كدا يا الدقم يلا صفقوا وافرحوا والله ما ابتلي السودان بشر من ابنائه الذين اتخذوا من الغرب موطنا وصاروا يتبجحوا على الجيش والوطن
04-29-2023, 07:45 PM
Hasheem Karouri Hasheem Karouri
تاريخ التسجيل: 12-20-2015
مجموع المشاركات: 2799
فعلا بلد بدون جيش ، معناه لاتوجد بلد . في فترة من الفترات كنت " اتعاطف " مع حميدتي . لكن بعد رايت بام عيني ممارساتهم مع الناس غيرت رائي . قيادة الجيش مؤدلجة ، وهذا لايختلف عليه اثنان ، لكن الجيش كمؤسسة ، موجود وبه الكثير من الشرفاء ( نادرا ماتجد بيت سوداني لايوجد فيه اب او ابن جياشي ) . واكثر شئ جعلني افقد تعاطفي معهم هم الموجودين معنا في هذا المنبر لغتهم الفوقية والتعالي علي مكونات باقي المجتمع السوداني ( كانهم مخلوقين من نور ، والبقيه ناس كرور ساي ) وفي الحقيقة والواقع ، هم عكس ذلك تماما .
الان وحاليا تجرب عملية تمشيط لكامل العاصمة ، لتنظيفها من ال############ان الفارين ، الذين اتخذوا المدنين دروعا بشرية . وانا اكتب في هذه المداخلة وصوت الرصاص والقذائف الصاروخية ، لا يعلي عليه صوت .
شعاراتهم الجوفاء ( مطر بدون براق ، والتمطر حصو ) ، انقلبت عليهم ، واصبحوا يسعون للنجاة بحياتهم . غدا الاحد ٣٠ ابريل ، ستكون العاصمة الخرطوم خالية منهم . وبعد ذلك سيكون لكل حادث حديث .
04-29-2023, 08:33 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
اخ كاروري سلام عليك وعلى الوطن اقسم بالله اكتب هذه اللحظة والدمع يقطر من عيني فقد اصبحتُ شيخا رقيق الحال والقلب معا تخاصمنا وتناحرنا انا وانت في هذا المنبر ولكن الان يجمعنا حب الوطن والاحتماء به وحمايته ولو بصدق المشاعر وانت تقول:
Quote: شعاراتهم الجوفاء ( مطر بدون براق ، والتمطر حصو ) ، انقلبت عليهم ، واصبحوا يسعون للنجاة بحياتهم . غدا الاحد ٣٠ ابريل ، ستكون العاصمة الخرطوم خالية منهم . وبعد ذلك سيكون لكل حادث حديث .
بشرك الله بان يصر ف عنا السوء وانت تقول:
Quote: غدا الاحد ٣٠ ابريل ، ستكون العاصمة الخرطوم خالية منهم .
04-29-2023, 09:24 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
Quote: ولكن الان يجمعنا حب الوطن والاحتماء به وحمايته ولو بصدق المشاعر
ولايهمك شيخ الكنزي ، فاختلافاتنا لاترقي لدرجة العداوة ، وكما قلت الان الحصه وطن . فلينصرنا الله علي هؤلاء الغوغاء ، ومن ثم يتم محاسبة ، من وضعهم خنجرا في خاصرتنا . الان الان . يتم سحقهم ، ولا مجال للهروب بعد ان وضعوا في كماشة العاصمة . العاصمة التي يريدون طردنا منها ، ويسكنوا هم فيها او تسكنها الكدايس كما قالو . الخرطوم عصيه علي اي مرتزق ، ودائما تكون مقبرة للغزاة ويشهد التاريخ بذلك . الخرطوم العزه والاصالة والحضارة ، وهذا هو الذي يهرد فشفاهم ،ويحرق قلوبهم ويدميها . انظر للخراب ، والحقد الدفين الذي افرغوه بحرق المصانع والدور العامرة ، يريدون ارجاعنا للعصر الحجري ونرجع نحتكم في القرن ٢١ ، للادارات الاهليه، والعلاج بالمحايات والاحجبه . غدا سينتهي اكبر تمرد في القارة الافريقية ويصبحوا مضرب مثل في المستقبل .
هوووي . هوووي . الخرطوم ليست مجموعة من القطاطي حتي تحرقوها . غدا ستعمر ، وترجع افضل من الاول ، ويعيش اولادنا واحفادنا بعزة وكرامة .
انتهت اسطورة الجنجويد ، وعلي نفسها جنت براقش .
تحياتي ياكنزي ، ولا عزاء للحاقدين البائسين ، فقد اسقط في يدهم ،،،،
04-30-2023, 10:44 AM
محمود الدقم محمود الدقم
تاريخ التسجيل: 03-19-2004
مجموع المشاركات: 8973
Quote: تم اعتقال ابراهيم الماظ وعبد العزيز عشر ، وشفع لهما حسن الترابي ولم يتم تنفيذ حكم الإعدام فيهما..!!! بالنسبة لسؤالك يا محمود عن غياب وجود الجيش السوداني في قصة مصفاة الجيلي (كنقطة استراتيجية)..مافي جيش سوداني على الأرض يا محمود..والجيش الموجود يعتمد علي ضربات الطيران الخاطفة ، وهو جيش تقوده عنجيهة الكيزان..فاكرين تحريك الطيران الحربي من وسط السودان (الجزيرة ، بحر ابيض ، جنوب كردفان ، تحديدا جبل الفينقر الجنب قرية ناس عبد الله حمدوك ، الخ)..سيكون الحسم لهم..وهيهات.!! الجيش عندو متحرك قادم من كادقلي..مسافر تلاتة ايام..قبضوهم ناس الدعم السريع في المويلح..اسروهم..واعلاهم رتبة لواء.. عندهم متحرك من حامية الدلنج..تمت مواجهتو بين الحمادي والدبيبات..والضحايا اكتر من عشرين نفر من الجيش السوداني.. عندهم متحرك من الدمازين..اتعرض لكمين ناس الدعم السريع..والخسائر مافي زول ولا زولة قاعد يحسبها..! في الأرض ، من المشاهدات يا محمود..اقول ليك" الدعم السريع ليس مليشيا قبيلة كما يحاول أن يصورها البعض..ديل ناس مدربين ، والإشراف عليهم من ضباط الجيش الذين فصلتهم كتائب الكيزان وابت تسمع كلامهم حنيما تعلق الأمر بمصير السودان...! الجيش يا محمود غاب ، لأنو مافي عسكري سوداني عندو علم بالحاصل شنو..! متحرك كادقلي ،مسافر تلاتة ايام (فيهم نوبة وبقارة وبرقو وفلاتة..الخ) وكل دقيقة بيسالوا: وين الذخيرة..ماشين سمبلا من غير ذخيرة..وضابط الإستخبارات بيقول ليهم ..الذخيرة في اخر عربية..الذخيرة ورا..الى ان تم اسرهم بواسطة الدعم السريع..! نفس الأمر حدث للناس التي تحركت من الفشقة وحصل ليها كمين قريب من الحصاحيصا ، والناس الجاية من دارفور..حصل ليها نفس الأمر..! الفكرة يا صديقي ، القتال بين الدعم السريع ومليشيا حركة الأخوان المسلمين ناس المؤتمر الوطني التي تسعى للقضاء عن فكرة اسمها (قوة دفاع السودان ، قوات الشعب المسلحة ، قوات الشعب السوداني..الخ)..دي فكرة شغالة والشعب السوداني ما جايب ليها خبر..لم يحرج الدعم السريع قوات الشعب المسلحة ، وانما قوات الشعب المسلحة ، الجيش السوداني ، من احرج نفسه دون الحساب الدقيق..ّ! مصفاة الجيلي هينة يا محمود الدقم ، الأن طلع عندنا في السودان ، مصنع اسلحة بيولوجية عدييل ، ومافي زول عارف المسيطر عليهو منو؟؟ (بالمناسبة يا محمود الدقم انا حضرت ضربة مصنع الشفا رغم انف الكيزان في سنة 1998).. الخلاصة يا محمود..مافي حاجة اسمها جيش سوداني..!
تحياتي كبر
تحياتي كبر: في لبنان كان الفلسطينيين والسوريين واللبنانيين يقولون لنا ان الجيش السوداني الذي هبط في منطقة شارع المتحف وسط بيروت وهو الشارع الفاصل بين المسلمين والمسيحيين الجيش السوداني دا كان عمل شغل قوي جدا بقيادة عبدالماجد حامد خليل، كان يستبسل بشراسة في الدفاع عن المدنيين، وكان يسقي ويهتم بامن وامان اللبنانيين في المناطق الفاصلة، وكان يضرب بيد من حديد كل من الكتائب اللبنانية من جهة وكتائب الشيعية من جهة اخري وكانوا اشداء غلاظ اي الجيش السوداني حتي علي الجيش السوري. اما نفس الجيش فكان هو الذي يقصف النوبة في مغاور وكهوف الجبال وكلهم اطفال او نساء، وهو نفس الجيش السوداني الذي قصف الابرياء في دارفور والنيل الازرق، وهو نفس الجيش الذي انجلد عناصره بالسياط في في شلاتيين وابورماد وحلايب انجلدو بالسياط مطلع تسعينيات القرن الماضي مباشرة بعد المحاولة الفاشلة من قبل الارهابيين المتطرفيين الكيزان. وهو نفس الجيش الذي منح حميتي رتبة فريق اول وشقيقة ايضا والعشرات الاخرين بدون تدريب او تراتب عسكري، بعد ذلك يجيك واحد سجمان يقول ليك نقيف مع الجيش!! ما هذه الحمرنة؟؟ اسبوعين وعشرات القتلي في الشوارع ولم يطل البرهان السجمان علي الميديا السودانية ببيان، ولم يقوم بتنوير جنوده قبل واثناء وبعد اندلاع المعارك، وين الناعق الرسمي للجيش؟ هل يعقل الدعم السريع اكبر واحد فيهم عمره 45 سنة واقل واحد فيهم عمره 14 سنة يتقرفص علي ضهر دبابة ويتوعد البرهان الكضباشي وياسر العطا ان يرسلهم القبور؟؟ شيء ليس مؤسف فحسب، بل مقرف ومخجل واي غبي يدافع عن الجيش عليه ان ينطم.
04-30-2023, 10:55 AM
محمود الدقم محمود الدقم
تاريخ التسجيل: 03-19-2004
مجموع المشاركات: 8973
اقولي قولي هذا ليس دفاعا عن مليشيات او زعامات قبيلة كما يتوهم بعض السذج بل عن قناعات متجذرة مفادها لابد من جيش قومي حقيقي عليه ان لايسمح لاي منافس اخر او مليشيا اخري ان تفكر حتي مجرد تفكير ان تتاسس في السودان ناهيك عن مليشيات الدعم السريع التي كانت تبصق وتجلد عقيد مخابرات عسكرية في بحر وتسجنه مدة سبعة ايام دون ان يتحرك رمش البرهان او لجنته الكيزانية منتهي السخف والقرف والغباء.
04-30-2023, 10:56 AM
جمال المنصوري جمال المنصوري
تاريخ التسجيل: 04-02-2009
مجموع المشاركات: 1260
Quote: شيء ليس مؤسف فحسب، بل مقرف ومخجل واي غبي يدافع عن الجيش عليه ان ينطم.
الاستاذ/ محمود الدقم تحية طيبة هل تفتكر ان كل جرائم الجيش مبرر لمليشيا قبلية خارجة عن القانون وارتكبت في ظرف سنين قليلة ما لم يرتكبه الجيش طيلة عمره من جرائم كلامك ده غريب كان الاحسن منو لو انك قلت انك واقف مع الجنجويد مرة واحدة وانك واقف معاها على اساس قبلي المليشيا دي مش حتقيم دولة مؤسسات ولا ح تجيب الديمقراطية الجحيش مؤسسة ومن الممكن انها ح تصحح نفسها لأنو الجيش ليس كله من الكيزان والشعب ليس كله اخوان مسلمين، فالجيش الذي انجب حامد ومحمد صديق والطباط الذين استشهدوا لحمايةالمعتصمين امام القيادة في الايام الاولى للثورة قادر على انجاب الف حامد والاف محمد صديق اما المليشيا هذه ولاؤها لعائلة دقلوا وللقبيلة، نداءات القبائل العربية في الدغم السريع لأخوانهم في النيجر وافريقيا الوسطى وتشاد للأنضمام للقتال يوريك مستقبل السوداتن لو وصل حميدتي للسلطة.. تحيتي
04-30-2023, 11:33 AM
محمود الدقم محمود الدقم
تاريخ التسجيل: 03-19-2004
مجموع المشاركات: 8973
Quote: الاستاذ/ محمود الدقم تحية طيبة هل تفتكر ان كل جرائم الجيش مبرر لمليشيا قبلية خارجة عن القانون وارتكبت في ظرف سنين قليلة ما لم يرتكبه الجيش طيلة عمره من جرائم كلامك ده غريب كان الاحسن منو لو انك قلت انك واقف مع الجنجويد مرة واحدة وانك واقف معاها على اساس قبلي المليشيا دي مش حتقيم دولة مؤسسات ولا ح تجيب الديمقراطية الجحيش مؤسسة ومن الممكن انها ح تصحح نفسها لأنو الجيش ليس كله من الكيزان والشعب ليس كله اخوان مسلمين، فالجيش الذي انجب حامد ومحمد صديق والطباط الذين استشهدوا لحمايةالمعتصمين امام القيادة في الايام الاولى للثورة قادر على انجاب الف حامد والاف محمد صديق اما المليشيا هذه ولاؤها لعائلة دقلوا وللقبيلة، نداءات القبائل العربية في الدغم السريع لأخوانهم في النيجر وافريقيا الوسطى وتشاد للأنضمام للقتال يوريك مستقبل السوداتن لو وصل حميدتي للسلطة.. تحيتي
تسلم يالمنصوري اخوي، نناقش واحدة واحدة: اولا: جرائم الجيش دي لم يتم اثارتها من قبل اي جهة قانونية في الداخل، ولن يتم علي الاقل في الوقت القريب، وانا لا ولم ولن ابرر اي جريمة يتم ارتكابها غض النظر الجهة التي قامت بارتكابها جيش او مليشيا او افراد، الجريمة جريمة، ولك من يرتكبها ينبغي هرسه بالقانون. ثاينا: لم ادافع بالامس او اليوم او غدا عن مليشيا كانت دعم سريع او مليشيات علي كرتي والبرهان وليس الجيش، لكن البجلط كيف لجيش فرضا يسمح لميليشيات ان تحتل وتبرطع في مؤسساته العسكرية كلها ورئيسه هذا الجيش لا ندري في اي حفرة دخان لااابد؟؟؟ ثالثا: الجيش المؤسسة دا وين افراده الصادقيين ومتي يتحركون لانقاذه انقاذ هذه المؤسسة؟؟؟ رابعا: القول ان الجنجويد عبارة عن قبيلة هذا كلام غير صحيح، فالذين استلو علي مطار مروي قائدهم من ابن المنطقة، واكثر من عشرين الف من منسوبي جهاز الامن المحلول الذي فصلهم السجمان البرهان السواد الاعظم منهم انخرط مع الدعم السريع وهم من ابناء الوسط الشمال والشرق. بالتالي حدوته ان الدعامة هم غرابة فقط هذا طرح غير صحيح. اخيرا نعم والف نعم محمود الدقم احمد مع جيش سوداني واحد قوي لا يسمح لا مليشيا كانت ان تقف في وجهه، جيش واحد ذو عقيدة عسكرية وطنية لا يحارب من اجل اي كائن كان خارج حدوده، جيش محله الثكنات وليس الشركات المالية. تسلم
04-30-2023, 11:55 AM
Hasheem Karouri Hasheem Karouri
تاريخ التسجيل: 12-20-2015
مجموع المشاركات: 2799
في لبنان كان الفلسطينيين والسوريين واللبنانيين يقولون لنا ان الجيش السوداني الذي هبط في منطقة شارع المتحف وسط بيروت وهو الشارع الفاصل بين المسلمين والمسيحيين الجيش السوداني دا كان عمل شغل قوي ................................................................ محمود الدقم . سلام
بالله انت كنت في لبنان وقت الحرب الاهليه في الثمانيات ؟ نفس الشئ انا ، ذلك البلد الرائع ، اقمت فية مايقارب ال ٢٠ سنه ، وليتني بقيت فيه حتي الان . لكن الظاهر معلوماتك ضعيفه او قد تكون نسيت اسماء المناطق بطول المدة .خطوط التماس بين بيروت. الشرقية والغربية من جهة البربير ، مرورا بالشياح وعين الرمانة ، حتي عين المرايسة ، هذا هو خط التماس الطويل . وبمناسبة الجيش السوداني الذي حضر مع قوات الردع العربية ، كان مكلفا بالمطار ، القريب من الضاحية الجنوبية، معقل حزب الله. وليس في المتحف . والان الجنجويد ، هم حزب الله السوداني . نفس الفكرة ، ونفس الشعارات التي ينادي بها كل مرتزقة العالم في بداية مغامراتهم ( الديمقراطية والحكم للشعب ) . الكثيرين واظنك منهم ،يشككون في الجيش، وان قيادته كيزانية خالصة . وانا ايضا اعلم ذلك ، بل الجميع يعلم .( بنفس منطقهم لماذا مددتوا لهم ايديكم وتحالفتم معهم منذ سقوط البشير وحتي اللحظة ) ؟ ذاكرتهم السمكية ، لم تسعفهم بعد استقوي الجنجويد ، ونسوا اولادهم وبناتهم الذين نكل بهم ، ورموا جثثهم في النيل . حسن نصر الله السودان لن يكتب له النجاح ابدا ، والسودان عصي علي مثل هولاء الناس ، ولن يستطيعوا الي ذلك سبيلا . وبالطبع لاتوجد مليشيا تحكم بلد في العالم كله خصوصا اذا كانت مطعمة باجانب . الجيش مؤسسة وهو ليس ملك لزعيط او معيط ، سيذهب برهان وكباشي وووو وكل الفاسدين الي مزبلة التاريخ، لكن الجيش سيبقي فهو اامؤسسة الوطنية ، وستتجدد دماؤه علي الدوام ، فحواء السودانية لم تعقم بعد .
تحياتي،،،،
04-30-2023, 12:16 PM
محمود الدقم محمود الدقم
تاريخ التسجيل: 03-19-2004
مجموع المشاركات: 8973
ثمانينيات شنو يالكاروري اخوي طلعتني 🧓 عحوز، انا ذهبت بعد انتهاء الحرب بنحو ١٥ سنة، وكان عمري ٢٣ سنة فقط وكان الجيش السوري ما زال متواجد بلبنان. وبعض الصحفيين ذكروا لي ذلك والسودانيين العساكر الذين لم يرجعوا السودان بل تخلفوا وتزوجو من فلسطينيات اكدوا لي ذلك، وسكان شارع المتحف وانا كنت ساكن هناك ٥ سنوات جلست معهم ومع العشرات من الجنود السوريين واللبنانيين والفلسطينيين وكان جزء من شغل القوات السودانية الفصل بين المليشيات اللبنانية علي طول شارع المتحف وشارع الرمانة وانت طالع الحازمية. اضحكني حقا مقارنة حزب الله بحميتي، حسن نصر الله قاتل إسرائيل وحميتي عمل خوة مع إسرائيل، حسن نصر الله رفض الجلوس مع أي إسرائيلي والبرهان وحميتي وجيش البرهان تسابقا لارضاء تل ابيب، فاي مقارنة هذه يا هذا؟ الذين قتلوا ورموا في البحر اسالهم منهم جيشك !!!
04-30-2023, 01:17 PM
Hasheem Karouri Hasheem Karouri
تاريخ التسجيل: 12-20-2015
مجموع المشاركات: 2799
Quote: ثمانينيات شنو يالكاروري اخوي طلعتني 🧓 عحوز، انا ذهبت بعد انتهاء الحرب بنحو ١٥ سنة، وكان عمري ٢٣ سنة فقط وكان الجيش السوري ما زال متواجد بلبنان. وبعض الصحفيين ذكروا لي ذلك والسودانيين العساكر الذين لم يرجعوا السودان بل تخلفوا وتزوجو من فلسطينيات اكدوا لي ذلك، وسكان شارع المتحف وانا كنت ساكن هناك ٥ سنوات جلست معهم ومع العشرات من الجنود السوريين واللبنانيين والفلسطينيين وكان جزء من شغل القوات السودانية الفصل بين المليشيات اللبنانية علي طول شارع المتحف وشارع الرمانة وانت طالع الحازمية. اضحكني حقا مقارنة حزب الله بحميتي، حسن نصر الله قاتل إسرائيل وحميتي عمل خوة مع إسرائيل، حسن نصر الله رفض الجلوس مع أي إسرائيلي والبرهان وحميتي وجيش البرهان تسابقا لارضاء تل ابيب، فاي مقارنة هذه يا هذا؟ الذين قتلوا ورموا في البحر اسالهم منهم جيشك
شفت كيف يالحبيب ، دي برضو واحدة من مشكلاتنا المزمنة ( قالوا لي ، واكدوا لي ). المهم ماعلينا شائفك ضحكت زي ماقلت ، للمقارنة بين حسن نصر الله وحميرتي . فعلا شئ يضحك . علي الاقل السيد . حسن نصر الله ، اظنه لم يسمع باسم هذا الطامح ، الا هذه الايام فقط . اسال منها جيشي ؟ ده ماجيشي انا ، ده جيش السودان ياحبيبنا ، وبعد ماتنتهي هذه المهزلة سنعرف من الذي قتل الاولاد والبنات وربطهم بحجارة والقاهم في النيل .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمود الدقم
هدى ميرغنى
منتصر عبد الباسط
Hasheem Karouri
دفع الله ود الأصيل
Asim Ali
Kabar
Ali Alkanzi
جمال المنصوري
فيس بوك
تويتر
انستقرام
يوتيوب
بنتيريست