|
كتب الكاتب الفاتح جبرا المتوفرة بمعرض الدوحة
|
|
 Re: كذبة ابريل القلناها. اللى يبارى قحت توديه الكوشــة (Re: Hassan Farah)
|
Quote: الكوسة دى ما عرفناها قاعدة وين ههههه
لكن مساكين ناس قحت .... نعاين فى البرهان ونطعن فى القحاتة يكفيهم شرفا انهم عروا البرهان الطغيان امام الشعب السودانى وامام العال |
أهلا اخ حسن فرح
كويس انك عرفت قحت هى ظل البرهـان.. بعدين..
بعدين ياخ عروا شنو ولبسوا شنو.. البرهان والجيش قاعدين يلاعبون قحط كما تلاعب الأم جناها.. من أول يوم الأستاذ زهير جاب خبر
التوقيع سيكون يوم 1 إبريل انا كتبت انها كذبة إبريل.. وارجو ان يتحرى الاخ زهير عن من الذى اقترح هذا التأريخ المضحك..
قلت كذبة إبريل لأن أى زول مشغل مخه ولو بكقاءة 10% يعلم ان البرهان، وهو من سلالة البشير، الكذب يجرى فى عروقهم مجرى الدم.
وكلما وقعوا على اتفاق يخرجون ويهنئون بعضهم على نجاح الخدعة.. ويعطون بعضهم هاى فايف. والرجال البلهاء من قحط يخرجون علينا
بمؤتمر صحفى (شغلتهم الوحيدة) ويعلنون وهم منتشون نصرا جديدا وبشرى للشعب!! ثم ان قحط لم تعرى البرهان.. أهو دااااك لابس
فى امان الله وبكل النياشين .. والدبابيـر تتطاشق.. ومشغل مصنــع الكذب لأن الرجال البلهاء تشترى المنتجات المزجاة بأى ثمن.
قحط لم تعرى إلا نفسها كل مـرة.. من قام بتعرية البرهان وقبيله هو الشعب السودانى فى 2019، حين أقتلع النظام الذى صنع البرهان
ولكن سرعان ما قامت قحط برمى الملايات عليه لستره ثم إهدائه أجمل الملابس. والان بعد انقلاب أكتوبر قامت قحط بخلع ما تبقى لها
من ملابس وسترت بها البرهان الذى عرته الثورة يوم 30 يونيو. 2019..
دكاتورية البرهان يا اخ حسن تكلمنا عنها بما لا يدع مجالا لمزايد ليزيد عليها.. ولكن هذا لا يمنعنا من كشف المتآمرين على مستقبل
الشعب السودانى من قحت، الذين عطلوا مسيرة الثورة اربع سنين (حتى الان) لا لسبب سوى لتعطشهم للسلطة.. لأفرادهم ولأحزابهم.
ولكن بحمد الله فإن كل الدلائل تشير الى إنتهاء عصر أفندية الأحزاب الطائفية والعقائدية، وبزوغ شمس الحرية الحقيقية للشعب السودانى..
شباب وشابات المقاومة سيقودون هذا التغيير، ولإن خدعهم الطائفيون اليوم عن طريق عملائهم فى قحت، ولكنهم واعون بهذا وسوف
ينزلون قحت من على أكتافهم ويتولون بأنفسهم النقية والطاهرة والصادقة، قيادة الثورة من جديد ودفعها الى بر الأمان.
| |
 
|
|
|
|
|
|
|
|
Re: كذبة ابريل القلناها. اللى يبارى قحت توديه (Re: Hassan Farah)
|
| Quote: ابوالريش قحاتة يشوف.....ترك ما يشوف !!! |
حسن وما طالبنى حليفة.. أنا لى زمن محتاج لزول يبرمج لى وقتى ويسجل لى الأولويات.. يورينى اعمل شنو نمرة
واحد وأعمل شنو نمرة اتنين.
بالمناسبة رأيك مطلوب مثل اراء كل الناس فى كلامى عن قحت.. التذكير برأيى فى سياسة ترك وامريكا ومصر واسرائيل
هذه لا تغنى ولا تنفع.. أعتقد دا واجب منزلى يخص الزول بس. انا طرحت رأيى فى قحت ودا ما اول يوم اتحدث فيه عن
مخازى قحت.. ومخازى كتيرة عليها فهى ضحية اساسا وضعوها فى مكان هى اقصر منه وكانت التبعية المذلة للجيش
منذ أيام الإعتصام.. الثوار الحقيقيون كانوا مغيبون عما يحدث ويقال فى القصر الجمهورى.. نفس اسلوب الطائفية فى
حجب المعلومات عن الشعب وحقظه فى بوتقة الجهل. ولا غرو فإن الأحزاب الطائفية هى التى قدمتهم فهم مدينون لها
وليس للشعب السودانى. إضافة الى عمالتهم لدول أجنبيـة.. فى كلمة واحدة، قحت أقصر من قامة الشعب فكيف تقوده.
| |
|
|
|
|
|
|
| |
Abureesh
Hassan Farah
صديق مهدى على
فيس بوك
تويتر
انستقرام
يوتيوب
بنتيريست