الدكتورة مريم المنصورة المهدي @AlmansouraMedia نظرة للمستقبل صفحة جديدة مليئة بالأمل والتفاؤل صفحة عنوانها الأمل وعنوانها التفاؤل #السودان #مريم_المهدي أنا متفائلة جداً أنا بفتكر إنه الوعد الرباني قال: هَلْ جَزَاءُ الإحْسَانِ إِلا الإحْسَانُ (سورة الرحمن الآية رقم 60) وأنا متيقنة تماماً إنه أهل السودان، أهل إحسان، وأهل كرم، وأهل جمال، وأهل طيبة، وأهل إنفتاح حقيقي نحو الآخر بلا زيف بلا أى مقابل، إن كان بعض منا كصفوة، كقيادات، اياً كان بنعمل مستغرقين في الخلاف، أنا متأكدة هذا الشعب الجميل، ولا الله يحول انطارنا بصورة ممكنة لتصويب النظر للسودان دا وأهله ومعاناتهم والقدرة في إنهاء معاناتهم ومعاناة غيرهم ولا حيجوا ناس ثاني أفضل مننا يعملوا الحاجة دي. السودان مؤكد، مؤكد بإذن الله ماشي لخير كبير. والسودان العمل ثورة إلى الآن بتذهل العالم من سلميتها وفي إبداعاتها بشباب متثاب وشباب باذل بهذه الصورة بإذن الله سيجد مخرج. قريب جداً أنا ما عندي لبس مع كل الشايفاه من صغائر من بعضنا، من تآمرات من بعضنا، من كراهية وعدم احتمال لبعضنا البعض. أنا بفتكر دا كله البيخلينا نشوف بوضوح إنه ما عندنا غير بعض، وهذه المواطنة التي نتغى بيها ما بيحسمها إلا تنزيلها في أرض الواقع. أنا مواطنة يا أستاذ خالد وإنت مواطن، أنا ما افضل منك عشان احدد ليك من تكون إنت. لذلك فكرة إننا نشترك كلنا بالناس الشاركوا في الثورة عشان نعبر للفترة القادمة دا أساس مهم. من منا يقود الفترة القادمة بحقها من البذل ومن التضحية ومن الفدائية سنجده إن شاء الله وسنعبر عبر فترة انتقالية قصيرة لسنتين عشان نرجع الأمر للشعب البعد داك إن شاء الله يبدأ حلقة جميلة وجديدة من حلقات القدرة في إننا نستديم الحكم ونستديم التنمية ونستديم العدالة بيناتنا وتتحقق مواطنة لشعب جميل متنوع محب وكريم.
الدكتورة مريم المنصورة الصادق المهدي نائبة رئيس حزب الأمة القومي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير ابو الزهراء
فيس بوك
تويتر
انستقرام
يوتيوب
بنتيريست