اشتكى الفنان إسماعيل حسب الدائم؛ من تجاهل القنوات الفضائية لكبار الفنانين في شهر رمضان والبرنامج الغنائية التي تقدم عبر كل القنوات تستضيف مطربين بلا رصيد فني خاص
و قاف إسماعيل انه بعد ٣٥ عاما من احتراف الفن قرر الهجرة إلى أمريكا لأنه لم يجد التقدير في بلده
03-25-2023, 05:38 AM
Abureesh Abureesh
تاريخ التسجيل: 09-22-2003
مجموع المشاركات: 30182
شايف اليوتيوب مليان باغانيه.. برضو تلفزيون السودان وبرنامج اغانى واغانى... الخ ما شايف التجاهل الاتكلم عنه.. استمعت لاغنيتين وهو يحتاج يكيف اداءه فىحدود صوته.. الان ما قادر.. الفنان الحريف هو اللى يقدر يضبط صوته حسب مجال الصوت. الان صوته مثل صوت ميادة فى ايامها الاولى.. الان صوتها تحسن كثيرا..
03-26-2023, 08:20 AM
دفع الله ود الأصيل دفع الله ود الأصيل
تاريخ التسجيل: 08-15-2017
مجموع المشاركات: 13747
اي زول تحدثه نفسه يطفش، يلا قشة ما تعتر ليه و الباب يفوت جمل ، و زولكم دا زاتو لاهو معروف فنان و لا مادح ، بزماننا هذا وفي بلدنا ا لحبوب هذا، حيث المليون راحدح و رادحة، إلخ.
03-26-2023, 10:54 AM
Amira Hussien Amira Hussien
تاريخ التسجيل: 11-26-2016
مجموع المشاركات: 1722
أحسََتِ الأميرة ، ولا هاجر محجوب عبيد و لا البروف عابدين محمد علي صالح ، طبعن متوقع جدن يسألني سائلٌ و مين عابدين محمد علي صالح دا كمان؟! على غرار قولٍِ قائلٍ: " مين زكي جمعة". تصومونَ وتُفطِرونَ على خيرٍ
03-26-2023, 11:46 AM
Amira Hussien Amira Hussien
تاريخ التسجيل: 11-26-2016
مجموع المشاركات: 1722
هو بعينه ،بسم الله ما شاء الله و لا قوة إلا بالله. والمحيرني إنو و لا مرة ما سمعت جابوه في قنوات اللت والعجن والمديدة حرقتني في معمعة سد النهضة.. وهو من هو تعرفه المحافل الدولية في بلاد تحترم المعرفة. و لكن حسبك ، أنه لا يُكرَمُ نبيٌّ ف قومه. كان عميداً لدرح من الزمان لكلية الهندسة في الجميلة و مستحيلة. للمزيد يُرجى ا لتكرم بفتح الرابط المتواضع أدناه/: ∆ شهقة لون و تكية خط ∆∆ شهقة لون و تكية خط ∆
03-26-2023, 02:29 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
يمشي أمريكا يعمل شنو في دي السن. لا عمرو لاصحتو بتسمحلو على شغل الويرهاوسات وطلوع ونزول المترو. يازول شوف ليك عنقريب هباب تحت ليمونة واستمتع بمديحك قبلك. أمريكا صعبة يازول . سفريتها براها تورم ركبك. اسمع نصيحة ود الأصيل. وتاتي في فجتك.
عثمان موسى انت حاسد الزو ل مالك ياخي...انت ما دايرهو يشوف عاصمة العالم نيويورك ... ووين يلقى شجرة الليمونة الحيقعد تحتها بسلام وامان...اذا كان ناس ٩ طويلة بقوا يتهجموا عليك جوه بيتك !؟!!! وفنان ما لقى زول يعبرو جوه بلده فمن حقه يشوف حتة تانية ... وكفاية مغسة ...وقهر وظلم !!!
03-26-2023, 03:41 PM
دفع الله ود الأصيل دفع الله ود الأصيل
تاريخ التسجيل: 08-15-2017
مجموع المشاركات: 13747
∆نفطر وإياكم على شهد مصفى من لمى شفاه ملكات النحل و ر حيق الزهر. ∆ تعرف يا عصمان ود موسى، بلدنا دي فعلن عاجبانا و عاملة متل الكمونية بالعرنون , بس كان قدرت تسدد مناخيرك لامن تجازف الريحة بعداك تاني ما بتدي الجنبك. و لا عزاء لي أبريش ستمع قالو مشاكل صاحبي مهدينا. و السفينة لامن تتلاطمها الأمواج أول من يقفز منها الجرابيع و الفيران
03-26-2023, 03:32 PM
Amira Hussien Amira Hussien
تاريخ التسجيل: 11-26-2016
مجموع المشاركات: 1722
امتثال رمضان كريم يشوف ليها شنو بعد العمر ده امريكا دائرة قوة وفتوة الا كان يمشى ينقفل لى فى بيت لا زاير لا غاير يطل عليه لمن يجى اكتئاب ويلحق الرحلو ……
على الأقل يا اميرة بيلقى العلاج المجاني في امريكا هسه يكون حق العلاج ما عنده في السودان ...وهو عزيز قوم ذل في هذا العهد القمئ ... ورمضان كريم ..والله يديك الصحة والعافية
03-26-2023, 05:45 PM
صديق مهدى على صديق مهدى على
تاريخ التسجيل: 10-09-2009
مجموع المشاركات: 10258
معقول يا اصيل تنال من هذا الفنان الاصيل ود شيوخ جواهو شئ جميل حب للوطن الجميل لكن من جو ديل اهل بريمة واسماعيل عرف خلاص نهاية شجر النخيل والشمال شالو السيل لذا قرر الرحيل لامريكا قبلة كل عليل
03-26-2023, 06:29 PM
بكرى ابوبكر بكرى ابوبكر
تاريخ التسجيل: 02-04-2002
مجموع المشاركات: 18728
Quote: يا حكومة مادح شنو ده مصيبة فكاها فينا عبداللطيف ود خضر الحاوى (الله يغفر ليه كان بيطلع زكاته أغانى ملحنة ويقسمها الى أبناء السبيل) هذا البتاع كان غلام راكب حمار جرابه من شوال يتجول به بين حى البوستة والعباسية والعرضة وحى العرب ينادى (المعاه قزاز) يجمع زجاجات البيرة والشيرى يمشى يغسلها ويبيعها للمصنع مرة تانية، قام ابن حلتنا المسيقار ود الحاوى أنزله من حمارة وأداه أغنية ( أدينى رضاك قدامى سفر) ده كان عام 1974. شاهدت هذا البتاع بعدها بعام فى حفلة فى حى العمدة يغنى ويكشكش بمفتاح العربية ويبشر بيه فى الناس. فسبحان الذى قال (لن تنالوا البر حتى تنفقوا مما تحبون) فاستجاب لأمره ود الحاوى وأنفق ألحانه (على من يسوى ولا يسوى) فرفع هذا البتاع من الحمار الى الكرولا فجاء اليوم بعد 39 عام ليشتم الشعب السودانى.
لا...لا...اذا كده ..وهو يصف الثوار بانهم ما سودانيين ...خليهو قاعد هناك وما يستاهل يشوف عاصمة العالم ... وان شاء الله يا عثمان ما يلقى شجرة الليمونة عشان يقعد تحتها ...
03-26-2023, 07:10 PM
Amira Hussien Amira Hussien
تاريخ التسجيل: 11-26-2016
مجموع المشاركات: 1722
وعشان وصفو للثوار ده حقو يمشى امريكا ويتبهدل ويتمرمط ويستنى دورو فى العلاج لمن اسنانو كلها تقع و يكتشف انو قلع الضرس بى الف دولار و يقول اخير لى عيادات ام بدة بى عشرة الف اقلع أعتى سن واركب بدلا بسامة
03-26-2023, 08:22 PM
دفع الله ود الأصيل دفع الله ود الأصيل
تاريخ التسجيل: 08-15-2017
مجموع المشاركات: 13747
لاو قال قدمو سفر قال.. ياخي إن شاء الله سفر البُن دق وحرِق. هو بالله عليكم دا مش انحدار خطير في الذوق، كونو ود الحاوي نسأل الله اله العافية، إذ نامى إلى سمعي أنه يحل ضيفاً خفيف الظل علينا في دوحة الجميع، نقول : كونه بعد كنوز محبة و بالي مشغول و المصير و يا خيان و سال من شعرها لدهب من حنجرة ذهببية ينزل يلحن لبائع متجول بحمار شاحن جبَن ، عبداللطيف خضر الذي كان يلقب بـ (ود الحاوي) اكتسب هذا اللقب لأنه كان يخرج للناس ألحاناً (ساحرة) وكأنه يخرجها من (جرابه) وهو يخرجه امن آلة (الأكورديون) مثل (الحاوي) او الطلسان وان كان عبد اللطيف خضر يرد في هذا اللقب إلى والده خضر الحاوي. يا جماعة مسعولين من الخير وين أحمد ياسين؟! عليييييك الله أظهر وبان يابو حميد وعيلك اللمان.
03-26-2023, 10:14 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير ابو الزهراء
Abureesh
دفع الله ود الأصيل
Amira Hussien
Osman Musa
صديق مهدى على
بكرى ابوبكر
Ali Alkanzi
فيس بوك
تويتر
انستقرام
يوتيوب
بنتيريست