إنطلقت قبل أيام تسجيلات برنامج (أغاني وأغاني ) باستديو قناة النيل الأزرق بأمدرمان وسط إهتمام فني وإعلامي كبير. ويحرص فريق البرنامج علي تقديم نسخة مختلفة ومتجددة من البرنامج عالي المشاهدة بمشاركة نخبة من الفنانين اللامعين ،بالاضافة الي تناول موضوعات جديدة في إطار التوثيق لمسيرة الفن السوداني العامرة بالعطاء .
أبرز نجوم البرنامج الموسم الحالي هم ،معتز صباحي ،هدي عربي ،عاطف السماني ،شكرالله عزالدين ،أحمد فتح الله البندول ،إنصاف فتحي ،معاذ بن البادية ،مامون سوار الدهب ،أحمد محمداحمد عوض،محمد دفع الله ،شذي عبدالله ،وليد جوبا ولينا قاسم ،كما ستكون هناك مشاركات خاصة لعدد من الفنانين علي رأسهم د. عبدالقادر سالم ومجذوب أونسة ،الي جانب بعض المطربين الشباب ،ويقدم البرنامج الأستاذ مصعب الصاوي الباحث في الغناء السوداني ،وأعدت إدارة البرنامج العديد من المفاجآت لعشاق البرنامج الأول بالسودان .
وكشفت مصادر عن كواليس تسجيل البرنامج حيث قامت إدارة قناة النيل الأزرق باستجلاب أجهزة حديثة لتسجيل البرنامج ،الي جانب تصميم الديكور الخاص بالبرنامج والذي سيكون ضمن مفاجآت أغاني وأغاني.
02-14-2023, 04:26 PM
مصطفى نور
مصطفى نور
تاريخ التسجيل: 05-13-2022
مجموع المشاركات: 4975
الاخ الغالى الدفعه زهير تحيه طيبه لايمكن لاى شخص ان يسد مكان المرحوم المبدع السر قدور مفروض الزول العايز يقدم اغانى وافغانى السنه دى يبعد عاطف السمانى - معتز صباحى - وولد بنت صلاح ابن الباديه وكمان هدى عربى التى بقت تبوظ الحلقات لانو الصوت بقى فارق كثيرا انا لو من الزول ده بجيب بدلهم امجد السراج احسن زول بقلد ودالباديه احسن من ودالباديه ويجيب الفنان.. هو الشاب الرائع . نصر الدين الشريف من القضارف.. و هو ..وهو أقرب صوت للعملاق عبد العزيز محمد داوؤاد. ويجيب اى وواحد من اولاد الخالدى الثلاثه يجيب عبدالمنعم دلوت احسن من قلد وردى غدا سوف انزل ليكم فيديوهات لكل القلت ليكم عنهم ان شاء الله تعالى والله انا اقدم البرنامج ده احسن من الزول ده
Hollow Talk Show - Room رجااء ود ناشد يا عاارف و أنت عارف و انا عارف إنو آآآآآه .. فعليك الله تتخارج من هنا و أرحكاكا على إبداع أكشانتك ؛ و بالموناصبة ، علمتا لسي شني في صورتي ما لبستني قميض تحرمني منك!!!
mohmmed said ahmed اخى الغالى تحيه طيبه تعرف انو الكثير من الناس الان ليعرفوا مقدرات الفنانين الصوتيه وانا قلت نفس كلامك ده فى البوست ان فى ناس خلاص اصواتهم بقت نشاذ وفارقه وانتهت الاصوات اكرر معتز صباحى - عاطف السمانى - وولد ناس ابن الباديه - وقلت يجيبوا بدلهم التاليه اسمهم ممكن تسمعوا الان وبخصوص انو ممكن اقدم البرنامج برضو ممكن الناس العايشه فى امريكا الناس الزمان عارفين انو انا كنت من اقدم كل الحفلات والفنانين فى المناسبات وفى الافراح وفى الاحتفالات ومن زمن الدوره المدرسيه وعشان كده قلت ممكن اقدم البرنامج احسن من الزول من قام بتقديم اغانى واغانى بعد وفاه المرحوم السر قدور الزول ده ماعندو كاريزما وللجهلاء من لايعرفون معنى الكلمه الاو هى الجاذبية المقنعة أو السحر الذي يُمكن أن يلهم القبوول للشخص في الآخرين. الكاريزما مصطلح يوناني أصلاً مشتق من كلمة نعمة، أي هبة إلهية تجعل المرء مُفضلاً والزول ده لاتنطيفق عليه الكلمه نرجع للاصوات الانا قلت هم ممكن يكونوا اضافه بدل معتز صباحى وبدل عاطف السمانى وبدل قريب ودالباديه وكمان بدل هدى عربى الصوت الاول الممكن يضاف من القضارف الفنان صاحب الصوت الجميل نصر الدين الشريف
الفنان الثانى امجد السراج
الفنان الثالث غير معروف ووهو اخ وصديق كتان يسكن معانا فى البيت الاخ عبدالمنعم دلوت احسن من ممكن يغنى اغانى المرحوم وردى
رايكم شنو فى الثلاث ديل
02-16-2023, 09:23 AM
دفع الله ود الأصيل
دفع الله ود الأصيل
تاريخ التسجيل: 08-15-2017
مجموع المشاركات: 13734
Quote: ود الحيشان التلاتة انزيك معقولة افوت جنس ده نبحت اليوم كله في اكشناية تجينا مدردقة نفوته هاك الحلقة الاولي 😂😂😂
نداء أخير لو ناشد ـ تنعل إبليسك (تنعلتو شقيانة تموت تخلي ) و تجي تأشكن لينا معنى مصطلح شنو يعني جاذبية باللا- طيني. دايرين شرح ضافي ويكو مقنع للعنقالة.
02-16-2023, 11:23 AM
Arif Nashed
Arif Nashed
تاريخ التسجيل: 05-12-2014
مجموع المشاركات: 12692
Quote: وبخصوص انو ممكن اقدم البرنامج برضو ممكن الناس العايشه فى امريكا الناس الزمان عارفين انو انا كنت من اقدم كل الحفلات والفنانين فى المناسبات وفى الافراح وفى الاحتفالات ومن زمن الدوره المدرسيه وعشان كده قلت ممكن اقدم البرنامج احسن من الزول من قام بتقديم اغانى واغانى
إزن طالما فتحتو باب التريشحات لمن حبَّ وطبَّ يعمل قيدومة يلا أنا برشح ليكم صاحبنا الخلمن/طيش/اوي الماتع الباتع ود الخالة طارق اللمين يعمل قيدمة و في نفس الوكت لو لم يغني لينا (قطر أويل المسافة طويل يللا يا دَقَدَقْ) لكفاه.. و (الزول السوى الحاجة دي ما ظريف / ثم تاني يعنِّ هو ظااتو سواها كيف؟). و يا (أبكرونا ) الخريم دقونا ومن البيت طردونا ثم كل زول بزوجة بتاو، إلا أنا، ليه بس كده بس، (أختي قال نعمل عيزومة/ أُمي قال مافيش عيزومة /أبا قال نعمل قيدومة/ أمو قال مافيش قيدومة / كل زول حشر قدوما / لما فلان ختف فتومة / ليه بس كدة ليه بس؟) و تِنقِش تِنقِشش شالو الشمار جابوه ليك و ظاهر عليك صدقتهم!! عبَّر طارق عن انتمائه لـ (بلداً هيلي نا وهيلنا كلنا ياعارف وهيلا هووووب)،
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة