إلى بشاشة: الكنداكات والحلب والرقيق المخصيين والغزاة و مروي والزعل الجعلي ...

Quote: ممكن تدينا نموذج لي سطر واحد احد، كتبتبو في المنبر ده، تعري فيهو اهلك، جهة شندي فوق، البمارسو استعباد "الغرابة" الي اليوم؟

Quote: على طبق طامع, في المكان الذي خانني, جاء ابناء عمي, وخالي , جيوش, شعوب, من المسلمين, وجاء غزاة كثيرون, من كل حدب وصوب, وكانوا زنوجا, وبيضا, وسمرا, و"خاطف لونين", فانشغلوا بالعبيد, وبالأرض, بالنسوة الصاخبات, وبالسلب, والقتل, والنهب, والسحل, والغش, كلهمو برروا قتلنا, سحلنا, غشنا, نهبنا, بالألوهة, لكن أرأفهم بالمكان المقدس, كان الغريب

Quote: بشاشا لايختلف عنك في شئ، بخلاف انو وعا، عكسك انتا اللسا والغ، حاتل، غرقان في الوعي الجلابي البتتنفسو كما الهواء، ولهذا ما بتحس بيهو اطلاقا، وهذا طبيعي، او ده هو منطلق عداءك بالوكالة لي ثورتنا او ثوارنا "الذنوج"، "الغرابة" في وعيك الجلابي الصاغو مستعمرينا لتدمير السودان ودك حصون شعارات ثورتنا، الهزت اوربا او رجت بريطانيا، رج!!

إنت طبعًا الواحد ما محتاج يكتب ليك ردود من جديد، لأنه أسطوانتك واحدة ونحن بس ننسخ ونلصق ليك، يا أبو غريزة.

Quote: يا بشاشا يا أبو شريحتين، والله المثالية أبدا ما خايلة فيك. يا أخي إنت زول مسيكين ساي ومتشوبر ليك في موضوع أكبر من مقدراتك العقلية المحدودة جدا. طبعًا حسب نظرتك اللي ما بتتعدّى تحت كرعيك إنت مفتكر أنه لما تهاجم "أهلك الجلابة" وتعترف عليهم الحاجة دي بتميّزك عن باقي أهلك. إنت بالضبط زي حكم معروف بهلاليته يقوم يظلم الهلالاب في المباراة وما يحسب ركلات جزاء واضحة بس عشان المريخاب والناس يقولوا يا سلام بالله شوفوا الحكم ده عادل كيف؟ بعدين يا أخوي أبوك وين أنا نبّزته؟ هو في النهاية لو ما طلع زي ما إنت بتقول، حا يكون عنصري زي أبوي أنا شخصيًا وأبو معظم الجلابة زي ما إنت شغال تردح عل مدى سنوات. يعني بلغة العساكر "متمنيم وسط أخوانه". إنت، يا أبو شريحتين، مش بعضمة لسانك قلت إنه أبوك "بالغريزة" ساي كده براهو دونًا عن أهله اختلف عن مجتمعه وعارض أفعالهم ضد أهلنا من الغرب؟ أها قمنا سألناك، وقت أبوك ده "بالغريزة" ربّاك على إنك تعارض مجتمعك كله وتحارب وباء اجتماعي مستشري لهذه الدرجة، مالو أبوك ده "بالغريزة" كده ما ربّاك على أبسط الحاجات وهي الأدب واحترام محاوريك؟ غايتو يا أبو شريحتين زول كبير في السن زيّك كده ما هذّبوا وشذّبوا العيش في العالم الأول "أمريكا" ردحًا من الزمن وما علّموا كيف يتخيّر ألفاظه، ما أظن كان عنده الاستعداد وهو طفل أنه يواجه مجتمع بحاله بهذه المثالية المدّعاة. مشكلة العنصرية، يا أبو شريحتين، في غيرك كتيرين من "أهلك الجلابة" بيرفضوها، لكن ما بطريقتك الساذجة والمتحاملة دي. هم ما زيّك بيدّعوا أنهم رضعوا محاربة العنصرية رضاعة من "معلميهم"، بل بيقولوا إنهم جاهدوا وتعبوا على أنفسهم عشان "يسلكوا طريق التخلّص" من هذا الوباء، وإنه في عوامل أخرى ساعدتهم على ذلك، منها الخروج من مجتمعاتهم الصغيرة والاختلاط بمجتمعات وثقافات أخرى داخل البلد وخارجها. يعني هم ما زيّك بيحاولوا يظهروا أنه ما فيهم ذرّة عنصرية، بل بيقولوا إنهم لسه شغّالين على أنفسهم وعلى إنهم يحصّنوا أولادهم ضد هذا الوباء. الخلاصة يا أبو شريحتين: العنصرية موجودة في كل أجناس البشر، مش عند الجلابة براهم، لكن إنت طبعًا محرّر سوقك بأهلك الجلابة بي إنك مركّب مكنة مصلح اجتماعي ما عنده أبسط مقومات النهوض بهذا الدور.

Quote: انشغلوا بالعبيد

Quote: لو عايز تنتمي لي ملك العالم، ترهاقا، طبقا للتوراة، فاقبل في الاول، انك "ذنجي" مش عربي، انك "زرقة" مش عباسي، انك كما غيرك كنتا مستعبد مش "عبد" بواسطة ال العباس، ابناء هاجر النوباوية، لاحظ!!

Quote: Quote: المجرم المرتد أبن ابي السرح، هو اللي جاب كرور العفن القبلي ده ديارنا، كمستعمر كمحتل كمستعبد لامثالنا، وأصلا ده، هو الجابو لينا، أو وداهو مكان مامشا! وبعد ده يقول ليك "ده ما وكتو"! هو الكيل بمكيالين ده كيفنّو يا أبو غريزة؟ شفتوا مصيبة السودان في ما يُفترض أنهم "طبقته المستنيرة"؟ المقتبس الأخير ده هو خلاصة تفكير أبو شريحتين العنصري ده الذي يكره "مستعربي" السودان ويشعر بدونية ما مفهوم سببها شنو تجاهم رغم إنه بيتكئ على حضارة عمرها آلاف السنين. هو ببساطة ما قادر يحصر مصطلح الجلابة في "مستعربي" السودان، لأنه يعلم علم اليقين أنه الكلام ده ما بيقسّم مع ناس الهامش الذين يرون كل الشماليين جلابة، بمن فيهم نوبة الشمال. عشان كده هو بيحاول بشتى السبل يراوغ عشان يقول إنه مجتمع السودان المتعدد قبل قدوم العرب كان مجتمع متداخل لا تشوبه شائبة، وأنه كل شين وقبيح جلبوهو مستعربي وسط السودان. وبعد ده العنصري ده يقول ليك "ما وكتوا"! زمان يا أبو شريحتين قريت ليك قصة مع حبوبتك في طفولتك لعلها كانت سبب كراهيتك الشديدة لمستعربي السودان. بالله أحكيها لينا عشان نكبشرها مع كبشرة السفينة التاريخية. ههههه والله يا أبو شريحتين، لا يختلف اثنان على إنك بتكره مستعربي السودان وتنكر عليهم استلابهم لأسيادهم الأعراب وإنت نفسك مستلب لمستعربي السودان. المفارقة أنه حتى في الاستلاب إنت مستلب "جريقيس" درجة تانية لأنك من تابعي التابعين، بمعنى إنك ما مستلب للأعراب الأقحاح، بل للأعراب التقليد من مستعربي السودان عبيد العربان. شفت كيف؟ لو سألناك يا أبو شريحتين إنت عملت شنو عشان تحافظ على حضارتك الكوشية في أمريكا بعيدًا عن مستعمري السودان ولغتهم العربية بالنسبة لبنيّاتك اللي معاك في صورة البروفايل بتاعتك دي - ربنا يحفظهم ويغطي عليهم- حا تتبلّم وما حا يكون عنده أي رد. بس فالح تتطربق وتتبجّح في المنابر عن مستعربي السودان. هل يا بشاشا بنيّاتك ديل بيرطنوا رطانة أجدادك، أم أن لغتهم الأساسية هي الإنجليزية؟ ولو ما استسلمت وبقيت تتكلم معاهم في البيت بالإنجليزية، هل بتتكلم معاهم برطانة أهلك؟ غايتو بعد طربقتك الكتيرة الفارغة دي إذا بتتكلم مع بناتك ديل بالعربية في البيت، حا تكون اتلوّمت لوم شديد وتنكرت لحضارتك. طبعًا إنت ما عندك مانع إنك تكون مستلب للأمريكان والثقافة الغربية، لكن عندك مشكلة كبيرة إنك تكون مستلب لمستعربي السودان. هناك في أمريكا ما في جلابة عبيد أعراب جابرنك إنت أو غيرك من أبناء حضارتك الكوشية على التخلي عن حضارتك ولغتك، لكن كما ذكرنا يبدو أنه الاستلاب لليانكي على قلبك زي العسل وأطعم من الاستلاب لمستعربي السودان. أنا جبت مثال البنيّات فقط لتوضيح اذدواجية معاييرك وإثبات إنك زول مثقل بالعُقد ومستعربي السودان ماكلين معاك جنبة. يا زول إنت خارج نطاق الشبكة ولو ما عارف أعرف أنه كتير من الناس في المنبر ده - إلا من يشاركوننك أوهامك وضلالك - بيتعاملوا معاك على إنك زول مرفوع عنه القلم وفاطّي سطر. المشكلة إنك لابس عباءة الباحث المقدّدها وإنت زول عنقالي ساي ما فاهم التكتح في أساليب البحث. زول طاقش ساي ومصدّق روحك إنك مصلح اجتماعي ومدافع عن حقوق المستضعفين في الأرض وإنت العنصرية تمشي على قدمين. والمشكلة التانية أنه في ناس في المنبر ده فاكرين القبة تحتها فكي. هههههه قلت لي بالغريزة يا بتاع السفينة؟ هههههههه

Quote: ماذا سأفعل بالله و الدين و اللغة العربية؟ ما قاله الفضل بن العبّاس بن أبي لهب* في التاسع من يوليو 2011 م شعر: أُسامة الخوَّاض خجلٌ باذخٌ، فارهٌ، وافرٌ، يانعٌ، ناضحٌ، يغمر الأرضَ، و النهْرَ، و البحْرَ، و السَّهْلَ، و الجبَلَ المستحمّ بأرجاسهِ العلويِّةِ، و الصحراءَ الكئيبةَ، دمعٌ يقشِّر أجفاننا، و الخطى تترنَّحُ من رهقٍ في الشوارعِ، مليون ميلٍ تعدّ الجنازةَ للغرباءِ، أقلِّب أمْري ، أسافرُ، أغرقُ في همهماتي المريبةِ، ماذا سأفعل باللهِ، " قد صار جلدا ، و رجما، وقطعا، وسلبا، و نهبا"؟ و ماذا أقول لأسلافي\ المتصوِّفةِ الرائعينَ؟ و ماذا سأفعل باللغة العربيةِ-مهرِ رحيل|انفصال\ذهاب الجنوبِ؟ و ماذا سأفعل بالدينِ، " قد صار أنتيكةً من غبار القرون القديمةِ، أصبح أضحوكةً خارج العصرِ، أمسى مقيلا لمن كنزوا المالَ، أضحى ملاذ طواغيتنا"؟ فرحٌ رصّع الأبنوسَ، و دوْزنهُ الأنناسُ، فأين أخبِّئ وجهي من العارِ، و الهُوْنِ ، و الذلِّ، و الانكسارِ؟ و ماذا سأصنع بالذكرياتِ ، و أخوات "كانَ"، و أخوات "إنّ"؟ و حفيداتِ "لوْ"؟ اختلفنا ، اختصمنا، اشتجرنا، اقتتلنا، على الغابة المطريّةِ ، و الصحراء اللئيمةِ، ثم كنزْنا حروبَ الهويَّةِ ، أسألُ نفسي: لماذا تنكَّرتِ للدم في سَمْتهِ الإفريقي؟ لماذا نسيتِ مناقبَ جدَّاتكِ المرويِّات و الحبشيِّات؟ خجلٌ شائنٌ في الشمالْ فرحٌ بائنٌ في الجنوبْ خجلٌ مورقٌ في مساجد شندي فرحٌ غَدِقٌ في كنائس جوبا هل سأحمل أكذوبةً من ضمير الجماعةِ، في ليلها الهالك المتعثِّرِ، أخرج مكتئبا، هاتفا في الشوارعِ، و الأنْفسِ الخائناتْ: "و أنا الأخضر من يعرفني؟ أخضر الجلدة في بيت العربْ"؟؟(1) هل سأهذي كما صاحبي الدارمي: "أنا مسكينٌ لمن يعرفني لوني|السْمرة ألوان العربْ"؟؟(2) (فرحٌ للهوى، فرحٌ للجنوبْ) (فرحٌ من دماء المساكين يُصْنعُ)، بالحربِ، و الدمِّ، و التضحيةْ (خجلٌ نادمٌ في ضمير الشمالِ، و مغفرةٌ في الجنوبْ) (خجلٌ كاللآلي، كالدمْعِ، كالصّحْوِ) كالانفجار المدويِّ، لماذا افترقنا، و (أحلامنا بعْدُ جذْلى، و موعودةٌ بالتوهُّجِ، و الانعتاقِ)؟ و ماذا أقول لتاج زماني المبجَّلِ: جون قرنقْ؟ و ماذا سيفعل في قبرهِ حين يفشو الخبرْ؟ هل سيضحكُ؟ يبكي؟ يقهقهُ من دَهَشٍ سامقٍ؟ يترنَّحُ من شكَّةٍ في الفؤادْ؟ كيف كنَّا نقولُ؟ و هل كان حقَّا بأنَّا (بنو وطنٍ واحدٍ، بَلْ و أبناء خالٍ)؟ و هل مرةً واحدةْ (وقع السيف ما بيننا، فغدونا عدوَّا بوجْهِ عدوٍ، فقدنا براءتنا، و استطاعتنا أنْ نفكِّر بالآخرين)؟؟ ألملمُ ما قد تبقَّى من الوطن المتشرْذم فينا، أصكُّ له لقبا، قد يليق بأولادنا القادمينَ، سنستفتي| الوردَ عن خَطْرفات الفصولِ، سنصنع أورادنا من حفيف النعاسِ، و من شجرٍ طاعنٍ في الموسيقى، و من غَمْغمات السكارى الحيارى، أثرْثرُ –في آخر النفق العربيِّ الإفريقي-: هل سنصنعُ وَحْيا يوافقُ أحلامنا بالحداثةِ و التّنميةْ؟ هل سننْحتُ ممَّا تبقَّى من الوطن المترنِّحِ أُعْجوبةً في أصيل الزمان المُعوْلَمِ؟ هلْ ............... ..................... مونتري-كاليفورنيا-يناير-السابع من يوليو 2011. *الهوامش *هو شاعر عربي،و يُقال بأنَّ جدَّته حبشية. 1-بيت شعر للفضل بن العبَّاس بن أبي لهب. 2-بيت شعر للدارمي،و هو شاعر عربي كانت تعيِّره العرب بسمرة لونه. 3-الأبيات بين قوسين من قصيدة محمد المكي ابراهيم (فرح في حديقة شوك قديم).

Quote: لماذا تنكَّرتِ للدم في سَمْتهِ الإفريقي؟ لماذا نسيتِ مناقبَ جدَّاتكِ المرويِّات و الحبشيِّات؟

Quote: قتا لي "في سمته" الافريقي؟ يعني دمك عربي، او في جانب منه افريقي، مش؟ طيب، ده، ماياهو كلامنا زاتو!!! نعم ال قريش هم "ابناء السوداء"، اي السودانية لاحظ، هاجر!! حتي هنا، فضحتا روحك!!!

Quote: و ماذا أقول لتاج زماني المبجَّلِ: جون قرنقْ؟