|
|
|
 Re: أطالب الأخ بكري بفتح طاقة وجه الكتاب، لو س (Re: MOHAMMED ELSHEIKH)
|
اوووو حببينا معاوية
كيفك ياخ
انا اطالب بعودة الزميلات و الزملاء
معاوية الزبير
هاشم الحسن
عزيز عيسى
دينا
ماما دوما
سلمى سلامة
و اخريات و اخرين
اطلب المعقول في الزمن الما معقول ده
وش الكتاب او كتاب الوش كالعنقاء و الخل الوفي
لكن ديل بيدعموك و بينزلوهو من خانة الاستحالة لى خانة الامكانية
| |
 
|
|
|
|
|
|
|
 Re: أطالب الأخ بكري بفتح طاقة وجه الكتاب، لو س (Re: جلالدونا)
|
Quote: مالك داير تبقى لينا زي اخونا محمد محمد خير
اسمه "كتاب الوجه"
وليس وجه الكتاب |
مشكر علي التصحيح يا مولاي .
محمد خير أب خشُم !، هو وين الزول دا ؟.
زمان حبوبتي بت ميدوب ما بتدُور ود بنتها عبيد بتريد عبد المنعم، أها
عبيد وكِت يدور يشحدا قروش بينادي عبد النعم ؤ يقولوا يا جنا أمش
أشحد حبوبتك دي أب خمسة يمكن ربنا يرمي فوقا صخرة تديك، دحين
إنت وكِت جيت كدي عافر معانا بكري دا أكان ربنا يرمي فوقو سخرة
يرجع كتاب الوشي زي عامنأوّل ...
| |
|
|
|
|
|
|
|
|
|
Re: أطالب الأخ بكري بفتح طاقة وجه الكتاب، لو س (Re: معاوية المدير)
|
نرفع لك البوست دا بحكاية المانجل الجاء من الحصاحصا وقعد في البلد وقام كمال يوسف شارك معاه بقرة وما دفع فيها شي
بقى عندو كمال يوسف دا نبي بس.
بيقعدوا قدام دكان ابضقلة والعربات بتجي تكشحم وهو شغال هرجة :
العوين ديل كرهونا الحياة الواحد .يجي طاير بالعربية لا يعرف ناس ولا يعرف بهايم الله يلعن ابو الدهب
الخلاكم تتصابقوا وسط الحلة.
يوم جاء بوكس طاير طيران اداهم ليك كتاحة مبالغة .
المانجل قال : دا منو الحيوان دا, وداير يبدأ الهرجة.
واحد قال ليه :دا كمال يوسف.
زولنا قال :
" آآآآآآه بكون مستعجل "
| |
|
|
|
|
|
|
|
 Re: أطالب الأخ بكري بفتح طاقة وجه الكتاب، لو س (Re: MOHAMMED ELSHEIKH)
|
Quote: اوووو حببينا معاوية
كيفك ياخ
انا اطالب بعودة الزميلات و الزملاء
معاوية الزبير
هاشم الحسن
عزيز عيسى
دينا
ماما دوما
سلمى سلامة
و اخريات و اخرين
اطلب المعقول في الزمن الما معقول ده
وش الكتاب او كتاب الوش كالعنقاء و الخل الوفي
لكن ديل بيدعموك و بينزلوهو من خانة الاستحالة لى خانة الامكانية |
يا سعادتك والله الشوق من هنا لآ عِندك .
يأخ شِدة ما فاقد الناس الزمان لآمِن مشتاق لملاسي زاتو !!!.
ليه الأشياء عندنا بتبدأ جميلة ؤ حلوة ثم تمسخ ؟...
| |
|
|
|
|
|
|
| |
معاوية المدير
ABUHUSSEIN
زهير ابو الزهراء
MOHAMMED ELSHEIKH
جلالدونا
فيس بوك
تويتر
انستقرام
يوتيوب
بنتيريست