كنت في حالة تجلي منقطعة النظير الليلة بعد جرعات كتار ما عندهن حد من مريسه معتقه ليها أسبوع في الكنتوش , قلت يا ود كدي حلل نفسك أنت أساسا فاشل وسكران حيران لكين مرة مرة بتكون فيك حكمة ما عند الكبار أمثال ود الامير وود الاصيل وجماعة اميركا وكندا اللي هربوا من زمان وأوضاعهم بقت واضحة تعرفوا الحياة في الوطن وانت ضد النظام الحالي بتكون زي ناس حماس في إسرائيل لا قادر تعيش وانت متعايش مع الاخر المهم قمت شعرت بحالة جوع الدنيا ما باردة أكلت لي سندويش طعمية وكمان معهو شوية أقاشي بسيط بس سافوفه يعني فطعه واحدة بدون رغيف يا أخي والله غير طعم الشطه في خشمي ما في شيء ,قلت خيلني أواصل التفكير الايجابي في حياتي عشان أطلع بخلاصة مفيدة واحد جاني من هناك سالني يا عمك معك تمباك قلت ليهو والله بقيت أسف بالسفة من بتاع التمباك الحالة شلش وأنت عارف العاطل وكبار موظفي حكومة السودان حسي في سرج واحد من الناحية الاقتصادية رد علي بكل ثقة أنت القال ليك أبقي شيوعي ومشي بالله شوف الزول الوهمي دا أنا ما أي حاجه ولا عندي مذهب فكري بالجد #################### ساي أنت حسي الحايم تشحد من أي ملة انت قال هو كتلة ديمقراطية والله ضحكت لحدي ما وقعت في الارض بالله انت كتلة وما عرف المنقة وين يا أخي بديك عنوان اردول يمكن يرقعك وتعيش أيام جميلة ولو مشيت لمناوي كمان دا البهجة ذاتا أتحركت قلت ميدان الشهداء وزقاقات السوق دي كلها لبش أحسن أمشي البحر علي الاقل المساطيل هناك ما مزعجين والغنا شغال وكمان لحظة انفراد بالنفس كدا عجيبة بتكون مشيت لقيت الدنيا عامرة وهاك يا دخاخين ومجموعة من الشباب بغنوا حقيبة والعرقي حقهم من سوبا قلت ديل ناسي لكين كيف التعامل مع الموقف لمصلحة الاختراق والقعدة معهم سمعت انهم منتظرين ةاحد وما جاء وعرفت الاسم كان المدخل ليهم وسالت واحد منهم مرق لعربية في الشارع برا ورجع قلت ليهو دكتور معاذ معاكم قال والله ما جا لسه طوالي بسرعة قمت قلت ليهو ممكن أقعد معكم لحدي ما الدكتور أجي قال جدا بس أنا ما صدقت طوالي مشيت شبكت الجماعة سلام بحرارة وقعدت جنب الزول اللي بيكوب اول حاجة أبهجني بكاس طويل وسألني ألحقك واحد تاني قلت أنت زول كريم والله ما في عوجه تاني تالت الامور طيبه قعدت ساعة الجماعة قالوا ماشين العشا لازم تمشي معنا أعتذرت بحجة أني ماشي بعيد والدنيا ليل وتسعه طويلة والمشاكل الامنية ما أتحركت من محلي وبدايت رحلة الذكريات من الاولية الي الجامعة وكيف بقيت من أنسان جميل راقي مرهف المشاعر أتحولت لحيوان همجي و لتور كبير يا أخي دا مشوار ملل وثقيل في النهاية اكتشفت أنو جيل السودنه هو السبب في الحالة حقتي دي لما عملت الأستاذ مبارك زروق مثلي الاعلي وقدوتي لانو كل طموحي أكون وزير وابلس البدله ويكون عندي سواق خاص وبجي في الاخبار بتاعة الساعة عشرة في التلفزيون بالليل معليش بس انا راح لي الدرب بقيت زول بهجة واحتفالات وما انضميت لأي حزب وحالتي الانية هي عاطل وناشط ومثقف ثوري والشراب مريسه والاكل طعميه ومستغل من الرأسمالية البغيضة ولا أملك من الدنيا لا حتي عجلة لكين عايش بسافر والاخوان في المهاجر عند الوصول ويعملوا لي احتقال كبير لما أقرر العودة للوطن كمان قعدة كاربة والحياة ماشه لكين لوين حدها والله جنبي طشمان واقف شبط قال لي نخن كلنا ذلك الرجل أطن انا كنت بفكر صوت ولا عملت سرد لحياتي بالصوت الكين رجعت أخر أنبسط ومعاي النوامة لليلة أخري
01-17-2023, 02:25 PM
عبداللطيف حسن علي عبداللطيف حسن علي
تاريخ التسجيل: 04-21-2008
مجموع المشاركات: 5454
سلام زهير ياود باقير ما قولت خبير وين السلمة وين درب البير خليك زي بوتن ماسك الزر ما زي بايدن ضكر الفر كتابتك يا زهير تحير لا في العير ولا في النفير بس حكاية تحير الظاهر عليك زمهرت يازهير بقيت لا احساس لا ضمير تنقل وتشيل بدون تفكير ياخ الله يرضى عليك سيب حكاية اللف والدوير تعال عديل وقول انا كوز غير قابل للتزوير ولا شيوعي تعثر في المسير
01-17-2023, 07:06 PM
زهير ابو الزهراء زهير ابو الزهراء
تاريخ التسجيل: 08-23-2021
مجموع المشاركات: 8142
طيب يا ابوالزو انت لا كدي ولا كدي انت ديك عدة يا رجل اكتب وانقل كلام مفيد الناس خالص اتفقت خليك من الخربشة والا عليك الصمت ولا نحرش عليك السفير السعودي هههههه
01-19-2023, 06:11 AM
mohmmed said ahmed mohmmed said ahmed
تاريخ التسجيل: 10-25-2002
مجموع المشاركات: 8830
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير ابو الزهراء
عبداللطيف حسن علي
صديق مهدى على
mohmmed said ahmed
فيس بوك
تويتر
انستقرام
يوتيوب
بنتيريست