πود اللمير وجهن لوجه مع ود اللصيل £

هگذا، التقينا و ذابت الأحضان في الأحضان

أكاد لا أصدق
ماش في دربي و كعادتي
السيئة بدون تركيز في ما حولي
فإذا بعملاق بادي الوسامة.. كأحدب
نوتر دام.. يناغمني باسمي و يأخذني
في أحضانه .. و أمام لفيف من صحبه
برابطة مريدي الغزال المقيم الراحل/
مصطفى سيد أحمد

تمد الليد و تنسالم
كأنك ما نسيتني زمان
و لا الزول القبيل خاصم
و كأن موسى قد أعيد لأمه
.. و قمييص يوسف
قد أتى يعقوبا!!

شكلنا يا ود اللمير يا دوب وقعنا في القدرك و لكم سدرك، سمنا القدر غدانا
أبو ريش، ماعندنا غير ملاح أم دقوقة ، نعيمية و ويكاب(Wake Up/
صحي النوم يابريش)، و الغريبة من شدت ماني مدمن للسلات و القُرار
من أيام شهر عسلنا في بشاير كسلا والسواقي الجنوبية بقالنا برنامج
شتوي سنويا لازم نحج نمشي لي توتيل نزورا والجبل نعاسن خدارو .
وحتى ا \لسواقي بكت معانا و شاركت في وداع قطـــــــــــــارو
لكن تاني ح نقلب موجة ، حنيممم وشوشنا شطر
عروس البحر يا بحورية
عروس البحر يا حوريه
يابورتسودان ياحنيه
من قلبي التايه في حبك
اهدي سلامي والف تحيه
يشوق الفرحه النشوانه
يأماسي الحب الشرقيه
لرقصه رشيقه بجاويه
لغنوة حزينه سواكنيه
لعيون احبابنا الحلوين
لليالي الفرح الورديه
لدروبك في الحب نديانه
تخضر لحظات رايعه هنية

أت يا مهدينا االمنتطر
دوماً المزن ينفع متى وحيثما انهمر
سخاء رخاء يغوت بني البشر.
أها لقيتني كيف بالله؟!!

شاهد الله يا عمو صاحي قشت عيني من صباح الرحمن بقول لروحي:
الرصة دي ناقصاها كم "لداية" كدا يعدلوها تمام ، شخصلكم الكريم + صديق مهدي
و شيخ الترالبلة/ ود سيد أحمد و أخونا أبو النور من سعاليق جُلَساءنا بالمسطبة بأرض
المحنة وفي قلب الجزيرة خالي الوفاض من فلسٍ؛فلا دينارَ و لا دِرهَمَ) ، مرة مصورني قال لي :
لامن نقرأ ليك بنتخيلك كدا ببنطلون مهيريت، تحتو سروال مقدود و فوقو تي شيرت مشرتم بشعار
(حافظو على نظافة مدينتكم)زي القاعد محجور في أوضة مضلِّمة ، و لابس ليك تي شيرت كلو
مقدَّد بطفوة سجارة،و بت أخوك شويفعة طالعة في كتفك تفللي في تفتك دي و زي عندها نزلة،
دايرة يمختوها.وأنت ما جايب ليها خبر ؛ تشاهد في فلم كابوي أبيض و أسود، زمن "ترنتي الجبَّار".
و"الفك المفترس"عامل ليك حوَصةمتل شاي الباجقلي: كان تابعت شريط الترجمةتفقد لذة حبكة
السيناريو الدرامي ، و كان تابعت تسلسل الأحداث تطش شبكةلامن تطلع ما فاهم و لا
الدقعة. فبالله دا موش مُخرٍج فلتة؟! فيا بو حميد ياخقرب تعال و ما تبعد بدور
أدمج جنون حبك بحُب عذرية المكان اللي ماعاد ينجب أطفالاً.
و النوارس لمَّا ترحل ما بتعلن يوم رحيلا !ودا

مهدينا يا فردة ، بتذكر بلاي شكلاتنا
ديك مرات وكت تهف لينا ندورا برا شغلة تقوم
من نص هامة راسك متل عصرات مارس شهر
الكوارث ، ياخ حليل ود السافل بابكر قدور
يا غايب عن عيني بس عايش في قلبي.

يا مهدينا قسمبلاي إنت الأصالة
تنضح من ثيابك ، و نحن مانا قدر دا، و الليلة
طريتني عمنا الراحل المقيم / حيدر عبد الحميد
شيخ المترجمين و من أرقي وجهاء العباسبة جوار
جامع مرفعين الفقرا، كتلة من الأدب الجم تسعى
على ساقين، كان يشكرنا بالفينا و الما فينا.!

سلام من الله عليك ول أبَّا ومن حولحك،
والله هي جلسات ما منظور مسيلاو جبت كدارين ناس
كوتارات كنا فاقدنهم و قد تفرعت بنا سبل الحيات.
و نجن منهم قاب قوسين أو أدنى ولا يدرون و لا ندري .
عمومن ،زي ما كنا بنحكي أمبارح , و ذكرنا سابقاً بأن هذا البورد
بجد مدرسةً و أستاذها " الحروف "، عاجبني فيهم : تجيك طايرة
طاولةٍ عرجاء فقدت إحدى سقانها إثرَ عراك عبثي في حانة
ليلية لتجمع الصيادين ، ثم ما تلبث أن تتمخض عن صحوبية
و أخذ بالاحضان و وقوف مع أخوك في الحارة.
سبق و حكينا عن شكلة ليها ضل دوَّرت بين اتنين أحبة من
نصفنا المبتور بجنوبنا الحبيب، واحد راكب بصات الصفيح
على خط الديوم الشرقية قام اختلف مع الكمساري في فكة تعريفة
أو ما شابه زمن الناس حونان ، و يلا قبقو ليك بعض ما فاضل علا
يفرزوهم علا باللباسات وحمض ا ل(DNA) ، فلامن الراكب انتبه
لمحطتو قربت قال للكمساري فكني ياخي كلاس مهةت بتائي جات
داك قالليه بلاي أنت نازل هنا في سوق الديم، نان و تيب سوق الديم
دا ما بتاؤو أنا ، توالي بجي لي ترسية افرنجين ديل ، و يلا جماعتك
نسو الشكلة و تقالدو على وعد بعدين يتشعو فتة سوا سوا!!