حسب التقــاريــر فإن الجنيـه المصـرى فى حالـة Free fall وفى خلال يومين فقد أكثر من جنيهين أمام الدولار ليصل الدولار اليوم الى أكثر من 27 جنيه.. شاهـد الرسم البيانى أدناه.. أنصح السودانيين فى مصـر أن لا يحتفظوا بأموال نقديـة.. اشتروا أى حاجة عينية.. حتى لو ترابيز أو عناقريب.. أى حاجة عينية ولو تسالى.. بس لا تحتفظوا بالنقد إلا ما تحتاجون اليه للمصاريف اليوميــة. العنده قروش كتيرة يشترة عربات بيوت ولو قدر يحولها للدولار أو أى عملة أجنبية يكون افضل. سبب الإرتفاع المفاجئ كان بعد رفع الوزارة لفائدة الإستثمار الى 25% وهذا لم يكن قراراً صائباً حسب بعض الإقتصاديين.
01-08-2023, 10:02 AM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
الاخ ابوالريش تحيه طيبه رغم مايقال عن الحاصل والجنيه المصرى تظل مصر فى نظرى ونظر الكثيرين من الاخوه السودانبن والعرب وحتى الاجانب هى الارخص فى العالم من حيث الاكل والشرب والعلاج والدواء وانا دائما اتحدث بلغه الارقام ويوم الجمعه اى قبل يومين وفى السوق الذى اسمه سوق الجمعه كانت الاسعار كالتالى اتحدث ليك بمايعادل الدولار بسعر البنك وهو 27 جنيه كان يوم الجمعه طيب 9 كليو يوسفى عسل بدولار 4 كليو بطاطس تحير بدولار 27 ربطه جرجير بدولار 5 كليو بصل بدولار 8 كليو ليمون اصفر كبير بدولار 3 كليو خيار بدولار كليو نصف سكر بدولار كليو ونصف ارز بدولار كليو ونصف عدس بدولار كليو فراخ 2 دولار زيت زيت ليتر بدولار وربع الرغيق 27 رغيفه بلدى بدولار خلصنا من الاكل امس كنت مع شقيقتى فى زياره دكتور اخصائى قلب الكشف بى 9 دولار الدواء نوعين بى 5 دولار التاكسى من باب البيت وحتى باب البيت 2 دولار اشترينا عشاء فول وفلافل وعيش وبيض وسلطه اسود بى 2 دولار السكن المتوسط 100 دولالار فى الشهر شقه فاضيه السكن المفروش المتوسط النظيف 400 دولار المدراس السودانيه الخاصه منهح سودانى 150 دولار السنه انبوبه العاز 3 دولار الموصلات الهايس مشوار من الخرطوم حتى الكاملين ثلاث مرات بدولار اخى ابوالريش مهما قيل عن مصر تظل هي الارخص وتظل هى البلد الذى يفتح احضانه لكل انسان هارب من حجيم الحروب والمشاكل الاخوه من السودان واليمن والعراق وسوريا ولبييا وكل بلد ومصر هى البلد الوحيده التى ليست فيها معسكرات لجوء وكل انسان دخل مصر يعيش فى اى مكان عايز ومع الشعب المصرى والذى لايعرف التنمر ولا العنصريه والله خمسه سنوات ولم اشعر باننى غريب فى مصر اتعايش مع الشعب المصرى بكل احترام ومحبه وود ولو حكيت ليكم عن تعامل الشعب المصرى مع الاخوه السودانين لكانت الكتابه لاتكفى والشى الاجمل انو مصر هلى البلد الوحيده التى عشت فيها خمسه سنوات ولم افكر فى العوده الى امريكا ولاكندا ولا الصين ولا دبى ولا الكويت ولا جزر الكاريبى حيث كنت فى هذه البلدان مايقارب من ال 50 عام وانت عارف اخى ابوالريش والسبب انو مصر هي البلد الوحيده التى ممكن تكيف نفسك فيها وتعيش باى مستوى صرف انت عايزو مثال ممكن تفطر فى محل بفول ومعاه فلافل وسلطه اسود بى 50 جنيه وممكن تتفطر نفس الفطور فى محل تانى بى 5 جنيه والكل يعيش على مستوى الدخل بتاعه وفى الاخير فى مصر لاتشعر بضغوط الحياه يعنى امريكا او كندا او دبى او الكويت انا عشت فيهم لو تعطلت من العمل اسبوعين حسابتك كلها بتلخبط ولكن فى مصر ممكن الراتب او اى دخل او اى قروش تقدر تصرفها بالطرق التى ممكن ماتخليك راسك ضارب ومحتار مهما فيل عن الدولار والجنيه والحاصل تظل مصر هي البلد الذى ممكن تعيش فيه مستور الحال والله فى السنوات القادمه الثلاث سنوات مصر ستكون قبله العالم فى العلاج والسياحه والجمال فهناك مدن الان وطرق وشوراع ومدن والله العظيم اجمل ولا تقل فى الجمال عن دبى ولا عن قطر ولا عن الصين وجاى راجع ليكم مره اخرى ان شاء الله تعالى
حبيبنا مصطفى تحياتي يا جميل رجعتني لمثل زمان أهلنا كان يقولوا ( مصر وما تغنيك تستر حالك) أبن عمي قبل ثلاثة ايام وصل القاهرة ورم في الراس العملية في السودان مليارات في مصر ما يعادل 5 الف ريال سعودي جمعناه في يوم واحد حتى الوزراء والاثرياء والمسئولين الكبار علاجهم (القاهرة) يا مصطفى الحبيب أنا غايتو نصحوني اصدقائي واقربائي من هم في القاهرة ما عليك إلا تجي مصر لتوفر العلاج ونحن بقينا في عمر لا يمكن بدون علاج ============== أمس في قناة الحرة الامريكية خبر بعد رفع ارباح شهادات الادخار في البنك مصر والبنك الاهلى إلى 25% في السنة تدفق حوالي 80 مليار جنيه خلال 4 أيام حبيبنا ابريش انتو محظوظين وتعيشوا في بلاد متطورة ومتقدمة والانسان فيها مهم ونحن في العمر ده بغض النظر عن السياسة أو أي شيء نرغب أن نقضي باقي عمرنا بدون معاناة أهم شيء في التقاعد (الصحة ) دواء وعلاج يا ريت كنا هاجرنا الى اوربا أو أمريكا .. زمان كان متاح ... اليوم ما باقي لينا إلا مصر ممكن اسوان اهلنا النوبيين ... في واحد معانا في القروب النوبي .. عرض شقق وفلل في المتناول .. تبيع بيت في الدورشات أو الحاج يوسف ( ممكن شقتين في اسوان ) تحياتي الحبيب مصطفى .. الاسعار فوق مغرية جداً
علي عبدالوهاب عثمان اخى الغالى تحيه طيبه وكل عام وانت والاهل بخير رغم انو الاخ ابوالريش يعيش فى امريكا والكثير من الاخوه ولكن الحياه فى امريكا صعبه جدا والله انا كنت اعمل فى امريكا ساعات طويله جدا جدا ومرات 16 ساعه فى اليوم ومرات اى وقت فى نقص فى الموظفين ولا زول مريض انا بشتغل الساعات الطويله حتى اننى كتبت ووقعت بخط يدى انو لو حصل لى اى هارت اتاك من الشغل والساعات الطويله انو مافى زول من الابناء يشتكى الشركه والله وامريكا زى ماقلت انو اى ايام او اسابيع تكون من غير شغل توثر كثيرا فى حياتك وفى امورك لانو الحياه اغلبها مبنيه على حسابات دقيقه واكبر مشكله هى مشكله الاقساط البيت العربيه الجامعات الكارديت كارت اى شى محسوب بدقه واى خلل فى الشغل او التوقف من العمل تحت اى ظروف مشكله كبيره وقد تخسر البيت والسياره وكل شى ويكون عندك حلول لكن لاتكفى متتطلبات الحياه يعنى فى موضوع الاعانه من الحكومه ولا قروش مساعده لشراء الطعام ولا قروش لاتكفى فى حاله الاصابه فى العمل ولكن فى مصر والحمدلله الامور مستوره جدا ومافى ضغوط فى الحياه وزى ماقلت ليكم ممكن تكيف نفسك على حسب دخلك وفى خيارات كثيره ممكن تمشى دكتور فى مستوصف خيرى بى 20 جنيه وممكن تمشى دكتور خاص بى 1000 جنيه وممكن تشترى دواء بى 10 جنيه وممكن تشترى دواء بى 250 جنيه وممكن تاكل فراخ بروست الجردل فى كناتكى بى 500 جنيه وممن فى مطعم تانى برضو فراخ بروست ونفس العدد بى 120 جنيه والخيارات كثيره وحتى ومستوى دخلك الان اتصلت على معمل معروف من احسن المعامل فى مصرى معمل الفا سكان عشان يجوا البيت يسحبوا عينات لمريض انا معه الان سحب عينه غده درقيه وسحب عينات املاح وكشف عام للبول وكل التكلفه 20 دولار وده فى اى بلد ما ممكن تجد نفس الخدمه وبمبلغ معقول وانا شخصييا اقول الحمدلله على اننى سوف اعيش ان شاء الله باقى حياتى فى مصر مع اننى مازال بيتى والعيال الكبار ومعاشى فى امريكا ولكن الحمدلله راحه البال هى الاهم وربنا يبارك فيكم اخوانى الافاضل
01-08-2023, 11:45 AM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12483
الحبيب مصطفى نور ... تحياتي المهم استفدنا من وجودك في سودانيز أنك تعمل دراسة جدوى بدون أي عواطف أو تأثير عاطفي أو سياسي والجميل انك تقنع الواحد بالارقام شكرا كثير كثير دروس في كيفية مواجهة صعاب الحياة
تحياتي يا جميل
01-08-2023, 11:45 AM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12483
التحية لحبيبنا الجميل أبريش البوست مفيد جداً ما قصرت ابريش فتحت موضوع في دائرة اهتمامنا هذه الايام عشان كده الواحد يتابع بوستاتك
الحبيب مصطفى نور ... تحياتي المهم استفدنا من وجودك في سودانيز أنك تعمل دراسة جدوى بدون أي عواطف أو تأثير عاطفي أو سياسي والجميل انك تقنع الواحد بالارقام شكرا كثير كثير دروس في كيفية مواجهة صعاب الحياة تحياتي يا جميل
والتحية لصاحب البوست ابريش معليش احتلال للبوست من أجل المصلحة
علي عبدالوهاب عثمان تحيه طيبه يازول انت تشرف انت احتليت قلوبنا مش البوست وبس والله انك اخ وغالى جدا وربنا يمتعك بالعافيه والصحه يارب وانا اكتب لكم بكل اريحيه وشفافيه والله تحياتى لك اخى الغالى علي عبدالوهاب عثمان انت اخ وصديق صدق صادق الوعد منصفا
الأستاذ مصطفى نور اذا كان كلامك عن الاسعار في مصر فعلا حقيقة واقعة فمعنى هذا فعلا مصر ارخص دولة في العالم .... ولكن لي سؤال :الأسعار دي بالنسبة للناس المغتربين والمهاجرين ، وخاصة ناس أمريكا وكندا وأوروبا تعتبر هذه الاسعار فعلا رخيصة جدا جدا ... ولكن ماذا عن المواطن المصري في الداخل : هل تعتبر هذه الاسعار رخيصة بالنسبة له ونحن نقرأ في الصحف المصرية ان المواطنين يشتكون من غلاء الأسعار ...عاوزين تعرف كم متوسط مرتب الموظف المصري أو العامل المصري في الشهر عشان نقارن مرتبه مع اسعار السلع .. والله يديك الصحة والعافية
01-08-2023, 09:56 PM
Abureesh Abureesh
تاريخ التسجيل: 09-22-2003
مجموع المشاركات: 30182
الأخوة الكرام، ود رعية وعلى وامتثال.. مالكم قلبتم الموضوع سياســة.. الموضوع هو عن التضخم فقط ومافى زول نفى انه هناك احتمال تضخم كبير جدا نتيجة الزيادة فى سعر الفائدة.. بإختصار (والفيديو أدناه يشرح افضل) ان الأسعــار سوف تزيد بمعدل جنونى للأسباب التالية.. حين يعطيك البنك كمستثمر 25% ارباح.. كيف يعيد هذه ال 25%.. البنك يعيد امواله ويعمل ارباح لأنه يقرض التجار من أموال المستثمرين والمودعين. طيب لم البنك يدفع 25% للمستثمر، كم نسبة الفائدة التى يجنيها من التاجر المقترض؟ المفروض تكون أكتر من 25% موش كدا؟ قول 35%.. طيب التاجر لما يدفع 35% للقرض عشان يستورد بضاعة او يشترى مواد زراعية من المزارع فسوف يضع هذه ال 25% على السعر السابق.. موش كدا.. لازم يحملها للمستهلك.. وهذه اسمها كرة الثلج عند الإقتصاديين، فهى لا تتدحرج فحسب ولكنها تكبر بعد كل متر وهى نازلة. ومشكلة تانية.. التجار سوف يخدعون ويمشون فى الدرب الذى يعتقدون انه سهل.. ربح الـ 25% فيتوقفون عن التجارة والمصانع حين لا تجد طلبات تتوقف، مما يكبر كرة الثلج. وفى النهاية إن لم تتحرك الحكومة وتصلح النظام وتصصح الخطأ فإن الإقتصاد سينهار لا محالة. ويا اخ ود رعية بالله قول لينا كم كان سعر كيلو اللحمة قبل ال 25% وكم هو الان.. (أقل من عشرة ايام).. محمد ناصر، مع انه كوز معروف وضد الحكومة، إلا أنه فى الفيديو أدنا جاء بأكاديمى مصرى/امريكى بروفيسور فى الإقتصاد ويدرس فى الجامعات الأمريكية وهو ضد الأخوان.. شاهد الفيديــو:
01-09-2023, 07:05 AM
مصطفى نور مصطفى نور
تاريخ التسجيل: 05-13-2022
مجموع المشاركات: 4975
امتثال عبدالله اختاه تحيه طيبه انا زى ماقلت انو مصر هى البلد الوحيده الممكن تكيف نفسك على حسب الدخل بتاعك ثم انو الاخوه المصرين والشعب المصرى عندهم مواد غذائيه مدعومه وكثيره يعنى الاخوه المصرين بياخذوا فى اليوم الاسره 60 رغيفه بى جنيه يعنى 20 عيشه بجنيه وعندك مواد كثيره اخرى ومصر البلد التى ممكن تتعالج فيها بدون اى مقابل فى المستشفيات الحكوميه والرواتب والدخل مهما كان بتكيف نفسك على دخلك وفى الحقيقه اى زول قادر يعيش وقادر ياكل ويشرب لو بتشتتغل وزول منتج يعنى لو انت سواق رقشه وشغال فى اليوم وساعات معينه بتقدر تعيش كويس ومستور اقل راتب فى المصانع حوالى 3000 جنيه فى الشهر وهى كفايه للاخوه المصربين لانو حوالى 75 فى الميه عندهم سكن وامتلاك شقق وطبعا اى زول عندو اى دخل مهما كان دخل ثابت يعطى شقه تمليك بااقساط اكثر من مريحه ممكن تكون تدفع الاقساط على 25 سنه المدراس الحكوميه مجانى العلاج مجانى الى جانب الاف من الجمعيات الخيريه التى تساعد كل زول محتاج وهناك مشتشفيات خيريه حتى الان الكشف بجنيه ووفق بيانات رسمية لوزارة التضامن الاجتماعي، يتجاوز عدد الجمعيات الأهلية العاملة في مصر 52 ألف جمعية، خيريه
بتوجهات من السيسى تملك شقة ب300 جنيه شهرى كاملة ...https://www.light-dark.nethttps://www.light-dark.net › وحدات-سكنية-كاملة-التشطيب ٢٩/٠٥/٢٠٢٢ — بتوجهات من السيسى هتملك شقة ب300 جنيه شهرى كاملة التشطيب و الفرش. 5 شهر . .. من شقة الى اخرى ايجار جديد او اسره بسيطه تحلم باقتناء شقه تمليك.
01-09-2023, 08:21 AM
Abureesh Abureesh
تاريخ التسجيل: 09-22-2003
مجموع المشاركات: 30182
الاخ ابوالريش تحيه طيبه انا سالت سوال عن الجميه المصرى انا طبعا فهمت السوال وكل البوستات والرد تجرى فى مجرى انو مهما اللجنيه تدنى فى مصر برضةو مصر هى الارخص وهي البلد التى ممكن تعيش فيها باى مستوى دخل ومهما تدنى الجنيه تظل مصر هى الارخص والله فهمت سوالك خالص ولكن عايز ابرهن ليك انو الدنيا ماشه عكس كثير من الدول التى فيها التضخم وصل الى حد انو الناس بقت ماقادره تاكل ولاتشرب والله المستعان
01-09-2023, 09:48 AM
Abureesh Abureesh
تاريخ التسجيل: 09-22-2003
مجموع المشاركات: 30182
شكرا على التوضيح يا أخ ود رعية.. وزى ما لاحظت فإن البوست عن التضخم الذى ينتج عن رفع فائدة الإستثمار فى شهادات الإدخار الى 25%.. وأظنك ما شاهدت الفيديو حتى النهاية لأنه يرسم صورة قاتمة لنتاج رفع البنوك لفوائد الإستثمار.. ولكن كون الحكومة تجيب قروش الإعانات والدعم دى من وين لم يتم نقاشها ولم تكن هدف البوست.. ولا يهمنى إن كانت تأتى بها من قيمة الصادرات او من المعونة الأمريكية. لكن الدكتور فى الفيديو قال ان الحكومة ستلجأ الى الطباعة.. رب رب رب. وتعلم نتيجة ذلك فى زمبابواى. البوست لم يكن بأى حال ضد مصر ولكن لتقديم نصيحة إقتصادية معروفة فى زمن التضخم، ان السودانيين المقيمين فى مصر لا يحتفظوا بالكاش لأن قيمته تنزل يومياً ووريتكم الخط البيانى للدولار مقابل الجنيه المصرى وكيف قفز جنيهين فى نفس يوم رفع الفائدة.. والنصحية كانت اشتروا اى حاجة عينية المهم لا تحتفظوا بالكاش هذا كان هدف البوست.
01-09-2023, 10:47 PM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 5865
اخينا... بالفعل مصر اصبحت غالية جدا والتضخم فيها اصبح متسارع اما تضخم السودان النزل ده ل ٨٩% وثبات سعر الدولار شرحه ساهل وأكرر للمرة الالف اي زول اشترى شقة اتسمبك وسعر الفائدة في مصر لو عملوه 50% مافي زول بخاطر يودع لاسباب بديهية والمصريين قالوا الروب السودان ارخص دولة في العالم ما عدا العقارات القاعد سوقها ينهار السودان مؤشراته الطبية كلها بتقول لازم يدخلوه الانعاش هبوط عام سيؤدي إلى الموت لو تفهموا اقتصاد وما توجعوا راسنا وتضرسونا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abureesh
مصطفى نور
علي عبدالوهاب عثمان
توفيق عيسى مكي
فيس بوك
تويتر
انستقرام
يوتيوب
بنتيريست