الغنية الكردفانية واغنيات غرب السودان لم تأخذ حظها كاملاً وهي ما زالت في مرحلة التنقيب والاستكشاف رغم الجهد الذي بذله رواد هذه الاغنية منهم موسى ابا عبدالرحمن عبدالله صديق عباس عبدالقادر سالم وعمر احساس فقد اصبحت سلما للنجومية لمن يتغنى بها
01-06-2023, 07:13 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
غايتو المخرج أحمد شمباتي أبدع في إخراج الفيديو كليب بتاع اغنية البلوم يا عمة ... انا غايتو فهمت كل كلمات الأغنية لأني بدوية ريفية ..لكن الله يكون في عون عمنا وأستاذنا على عبد الوهاب ....ضروري يكون عاوز مساعدة من ول ابا بريمة للترجمة ..هههههههههه.. ابداع ما بعده ابداع ...وشكرا للمخرج وشكرا للفنانة وشكرا لود حلتنا ود الكنزي ... والله يديكم الصحة والعافية
01-06-2023, 09:25 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10914
الاستاذة امتثال كنداكة السودان وبت حلتنا على قولك الف مرحب بيك وسعيد بحضورك وان شاء ننفصل ونبقى جيران لجنوب السودان وشمالة ونسمي دولتنا دولة وسط السودان ارجع لقولك وترحيبك بالاغنية الكردفانية بس فهمتيها دي مبالغة منك واظن حالك لا يختلف كثيرا عن الاخ العزيز علي عبدالوهاب و ح تقتنعي لمن انزل ترجمتها لك ودي
01-07-2023, 04:30 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27575
حبيبنا الكنزي ... تحياتي يا جميل (بوست رائع ) يا سلام ايام لها صدى .. رغم أننا في ضواحي الدنيا .. بالراديو فقط واذاعة امدرمان كانت صعبة ومتعثرة .. حقيقة مبادرة اهل كردفان في غزو السودان بالقفاز الناعم نجحت ..هجمة أكثر نعومة سلاحها الاصوات الجميلة والكلمات التي لها صدى وعمق غائر خاصة الفنان ابراهيم موسى أبا .. وعبدالرحمن عبدالله وعبدالقادر سالم وصديق عباس.. الخ فكنا في السبيعنيات نحي حفلاتنا وليالينا بتلك الالحان ونتغنى للحبيبة بمفردات كردفانية ( تأثير الفن والتراث اثره لا ينضب ولا ينفي ) ليت الناس وضعوا السلاح ولجأوا الى القفاز الناعم ... كردفان في القلب لأن ما أرساه هؤلاء في القلوب من الحب والجمال سرى على كل الغرب وليس على كردفان وحده .. ثم جاءت موجة كسلا مع مجموعة التاج مكي والحلنقي .. وقبلهم جميعاً اهلنا الشايقية ( جبارة وكرم الله وود اليمني ... ) حقيقة فن كردفان ترك اثر عميق جداً لدى جيل كامل ( بلد الحسن والجمال ) وأذكر رغم أنني كنت أعمل في سلك التعليم كانت هناك كلمات غريبة علينا : شقيش ( شقيش قول لي .... ) قدريشنا حلاته قدريشنا اشهر عبارتين بدت غريبة على الناس ضواحي الدنيا التحية للابنة امتثال .. اكيد صعبة جداً فهم الكثير من العبارات ولكن جمال اللحن يجعل الاغنية جاذبة تحياتي الحبيب الكنزي .. بوست جميل بقاء الحبيب بريمة مهم
01-08-2023, 11:07 AM
دفع الله ود الأصيل دفع الله ود الأصيل
تاريخ التسجيل: 08-15-2017
مجموع المشاركات: 13734
شوكرن جزيلن عمو يا جميل يا رايع علي لفتاتك بديعة كما هو دينك و عهدنا بك علاقتنا بإبداعات الفن الكرفاني بدأت منذ بعومة أظفارنا ، جاؤونا في قلب الجزيرة تقاسمنا النبقة و بقت بيناتنا عشرة عيش و ملح . شخصياً بعتبر على رأس رواد الاغنية الكردفانية الراحلين ، صديق عباس ، إبراهيم موسى أباَّ ، و عبد الله الكاظم الموسيبقار منصروي، دون أن نهضم حقاً لعبد القادر سالم و عبد الرحمن عبد الله و محمود تاور شكرن تاني و تاني لاستضافتك الكريمة
01-09-2023, 08:55 AM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
كما وعدتك استاذة امتثال بت بلدي النيل الابيض وكنداكة السودان بترجمة غنية يا عمة وحقيقة لم اكن اجرؤ لاعطاء وعد كهذا لو لا وصول رسالة عبر الواتس بهذا المعنى والى الترجمة
01-09-2023, 09:49 AM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
قال ليك: الاغنية مأخوذة من التراث السوداني الكردفاني فيها ايقاع الدرملي للبقارة وكلمات قبائل ابالة ( والابالة هم ملاك ورعاة الابل) القصة جميلة وعميقة جسدت ملامح سودانية كردفانية تعكس حنين وعشق البادية تعبير (العمة ) يمكن ان تكون الحبوبة او الام او الاخت الكبيرة العمة او الخالة والجارة او الصديقة المقربة للاسرة اخوها راجل كويس والبنات معجبات بيهو وبت اخوها فارقت اخوها الكان زوجها وضيعتو وبعدين الراجل سافر قامت العمة جات لامتها وبختها فقامت البنت التي فارقت زوجها بالرد عليها بهذه الاغنية اللوم اللوم يا عمة اللوم للبلوم يا عمة ( والبلوم هي البنت نفسها) وهي تقول: اللوم صري كوم سوم السموم يجي مني ضاني وبوم معنى الكلام يا عمتي امسكي اللوم عشان ما يمنعني النوم لانو البت ما كانت عارفة هل هي كانت بتريدو وضيعتو ولا فعلا قراراها كان صاح بس جواها كمية كبيرة من المتناقضات وفي نفس الوقت حست فعلا انها كانت بتريد الراجل وحست بالفرقة بالفرقة ومرارتها والقصة تدور حول لوم العمة وكما اشرنا قد تكون اي امراة تهتم بهذه البنية وتأتي تبريرات البت للعمة لانها ما دايرة تدور في حلقة اللوم وليتها تتوقف لانها تزيد عذاباتها وقلقها لسفر الحبيب والتفريط فيه من قبلها وهي تبرر ذلك للحسد الذي وقع عليها من البنات اللاتي كن متعلقات بهذا الشاب وهن بنات الابالة وحددت شخصيتين هما ام حسين والسارة فهن خاتات عينن على الراجل المحبوب الطفش منها ووصفت قوة العين بالحسد والنجيهة حسد ازت البهمية الدارة ودومست الجدي كان وصف وتوضيح لي حال الزول لما العين تصيبو يعني الزول السمح لو ضربتو عين تصيبو بتدومس اي حالو كدا ح يتبشتن حتى في شكلو ومظهرو الخارجي
تاني كانت بتشكي عن حدة وشدة الم فراق الحبيب وجود الراجل جمبهاكان ساند قفاها بمعني هنا من يحميها بالة قفايا وادو الحسكنيت كانت بتقصد انها انها فقدت سنده والكان باقي ليها ضل
وصفت الحمى العندها ب حر الدرد (وهو الصيف شديد الحرارة البتنجض الذرة ملاية )
ثم تصل لبت العبيد دي واحدة من الحاسدات والقصة طويلة ليت ود ابا بريمة يكملها
01-09-2023, 10:21 AM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
لماذا تجري الدموع كثيرا هذه الايام هل الخوف من الموت ووداع هذه الدنيا التي لم نجد فيها الا رحمة ربي وما اعظمها من رحمة من رب كتب على نفسها الرحمة وعليها نقدم دفاتر اعمالنا ام هي الغنية الكردفانية التي تعيدك لوطن مفقود
01-09-2023, 10:29 AM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
بالله كيف نعبث بوطن فيه كل هذا التنوع كيف نحرص عليك ونخلص لك ايها الوطن الذي يتسرب بين اكفنا كتسرب الماء عند الوضوء فذاك وضوء نستعد به للقاء رب كريم رحيم كتب على نفسه الرحمة وهذا وضوء نستعد به لفقد وطن عزيز علينا
01-09-2023, 11:27 AM
دفع الله ود الأصيل دفع الله ود الأصيل
تاريخ التسجيل: 08-15-2017
مجموع المشاركات: 13734
+ في مخاشنة لسانية على الطاير كدا من الدكتور/ عبد القادر سالم هبش بيها الفرعون / وردي :" إنت نسيت زمن جيت الخرطوم ، كنت بتغني " يا تير يا تاير" وردي ردَّ ليه :" أنا في الخرطوم قبال ما اللوري يحل بيك "
01-09-2023, 12:10 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27575
هلا باشمهندس بريمــة.. فيديو أم روابة أعلاه.. أولا شكرا عليه.. ثم ان استايل الرقص يعكس نفس الإتجاه.. أولا تقليد إرتريـا والبجــا عموما فى لبس الصديرى.. حتى بعض القياديين من اقصى غرب السودان رأيتهم فى صديرى البجا. والنساء بدأن بتقليد لبس ثوب الببجا وإرتريـا توب الربط من الوسط بلونه البرتقالى الحرير.. ثم فى السنين الأخيرة انتشرت ظاهرة تقليد الإثيوبيين فى الرقص بالكتف كما فى الفيديو الذى تكرمت به.. شخصيا كبجاوى فخور بإنتشار ثقافتى وتقليــد الآخرين لها.. وفخور ان البجا وأهل الشرق أصلاء فيها.. وأتمنى أهل الوسط والى جانب أخذهم ثقافات غيرهم، برضو لا يقتلون ثقافتهم. ممكن يطوروها لأنها حاليا عبارة عن العرضة والجلــد فقط..
01-11-2023, 06:59 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
قولك هذا اخ ابوالريش يؤكد ان الفن هو اداة لتلاحم الشعوب واندماجها وانا ذاتي مفكر البس سديري عله يوقف سرق هاتفي النقال بسبب الجلابية سرق مني ثلاث هواتف نقاله اخرهم قبل ثلاث اسابيع وكرهت امتلاك هاتف ولكن لو لبست السديري ساتراجع عن قراري لك ودي وانت تسلط الضوء على:
Quote: أولا تقليد إرتريـا والبجــا عموما فى لبس الصديرى.. حتى بعض القياديين من اقصى غرب السودان رأيتهم فى صديرى البجا. والنساء بدأن بتقليد لبس ثوب الببجا وإرتريـا توب الربط من الوسط بلونه البرتقالى الحرير.. ثم فى السنين الأخيرة انتشرت ظاهرة تقليد الإثيوبيين فى الرقص بالكتف كما فى الفيديو الذى تكرمت به.. شخصيا كبجاوى فخور بإنتشار ثقافتى وتقليــد الآخرين لها..
01-13-2023, 02:08 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27575
أغنية: اللخيضر التليع قاتلنا بالوجيع .. أنا خفت من الزمان دا .. كن قمنا للنجيع نخلي البيوت سريع أنا خفت من الزمان دا .. الوادي أب شبلا بسمع حنين أبله .. أنا خفت من الزمن دا نتوجه القبلة نموت بلا سبلة .. أنا خفت من الزمن دا
بريمة
01-13-2023, 02:34 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27575
يا سلام يا الكنزي يا سلام والمتداخلين الحضور الفني الانيق بريمة دا ساقنا وودانا الى رائد طبول وقرع افريقيا طيب الذكر علي فاركا تور ايقاع الفولاني ...وضرب طبول غرب السودان... قلنا السودان ما بيعرف يحتفي بى عباقرته في اي مجال واول العباقرة هو طيب الذكر ابراهيم موسى ابا...ومعاه عبدالقادر سالم.... ديل وظفوا السلم الكامل السباعي في اغاني كردفان ... بقى منسجم مع عموم السودان... ومع ايقاعات الحلق والهسيس والجراري والمردوم و الهداي . اكيد كل النماذج المرفقة في البوست هناك رابط بينها جميعا .. مشترك كلها فيها حرارة.... ودا الايقاع الافريقي
01-13-2023, 05:42 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 27575
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Ali Alkanzi
محمد عبد الله الحسين
Biraima M Adam
علي عبدالوهاب عثمان
دفع الله ود الأصيل
Abureesh
Ahmed Yassin
فيس بوك
تويتر
انستقرام
يوتيوب
بنتيريست